Kwituluka mu Mashiko 30
30
Kwiluka kuli Shukulu Kalunga na vivezikiso
1“Co yange njinamyana kulyangwila akati ka vivezikiso na visingo. Omo vyuma vyoshe vije vanalingi kuli yeni, co yeni mulinakukala akati ka miyati muje mwanamishandwela Shukulu Kalunga Njambi yeni, co mukanuka majwi ange oshe. 2Nga yeni na vatekulwila veni mukeluka kuli Shukulu Kalunga Njambi yeni na vimbunge vyeni vyoshe nakwononoka mashiko endi aje njilinakumyana ku litangwa lya lelo, 3asinoni Shukulu Kalunga Njambi yeni akamizivilako mema ku mbunge. Co akamitundisa ku miyati ije wamishandwelele, co akamivezikisa lalo. 4Nameme nga yeni mwashandokelele ku mafuti a kulyala, Shukulu Kalunga Njambi yeni akamikungulwila amolika nakumiilwisa lalo, 5ngecivene, mukatambule lifuti lije muvakele vakukulwila veni laja. Co akamivezikisa, mukafuka, co mukapwe muvavangi kutuvakana vakukulwila veni. 6Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye. 7Co Shukulu Kalunga Njambi yeni akatengulwila visingo vyoshe evi kuli vitozi veni, vaje vamizindile nakumiyandesa. 8Co yeni mukononoka Shukulu Kalunga nakunyunga mashiko endi oshe awa njilinakumyana ku litangwa lya lelo. 9Co Shukulu Kalunga akavezikisa vipangi vyoshe vimukalinga, mukakala na vana vavangi, na vimuna vavangi, na vimbuto vyavingi, omwo Shukulu Kalunga akavwaelela nakumivezikisa ngwe mwavezikisile vakukulwila veni. 10Oloni mukamwononoke nakunyunga mashiko endi na vizilika vyendi vyasonekele mu livulu eli lya mashiko. Munapande kutengulukila kuli Shukulu Kalunga Njambi yeni na vimbunge vyeni vyoshe.
11“Lishiko eli njilinakumyanalyo ku litangwa lya lelo kulyapwile lyalikalu manene nambe kutuvakana nzili yeni embwe. 12Kulyesi mwilu, ngeci mwihule ngweni, ‘Iyajo akatulondela kwilu nakutushukwilalyo, ngeci tulizive nakulyononoka?’ 13Kulyesi musambwa ya mema a kalunga, ngeci mwihule ngweni, ‘Iyajo akatujavukila musambwa ya mema a kalunga, ngeci atunenelelyo tulizivisise ngeci tulyononoke?’ 14#Lom 10:6-8 Oloni lishiko lili muyehi neni. Lili akati keni na mu vimbunge vyeni, ngeci mwase kulyononoka.
15“Kengeni, litangwa lya lelo njilinakumyana kulyangwila akati ka vuvwa na vuvi, na akati ka mwonyo na kutsa. 16Nga yeni mwononoka mashiko a Shukulu Kalunga Njambi yeni, awa njilinakumyana ku litangwa lya lelo, akuzema Shukulu Kalunga Njambi yeni, nakwenda mu vingila vyendi, nakunyunga mashiko endi, na vizilika vyendi, na vilongesa vyendi, asinoni mukayoya, co mukapwa muvavangi. Co Shukulu Kalunga Njambi yeni akamivezikisa mu lifuti lije limukakovela nakulishwana. 17Oloni nga vimbunge vyeni kuvyononoka nakumutolilila, co mukongumukila kweka nakulemesa vinjambi veka, 18njimileka ku litangwa lya lelo ngwange mukanyonga. Co kumukakala simbu yakama mu lifuti lije lili musambwa ya Ndonga ya Yondau, lije mulinakukovela nakulishwana. 19Njilinakumyana kulyangwila akati ka mwonyo na kutsa, akati ka vivezikiso vya Njambi na visingo, omwo lilu na asi vinapu vukaleo ku litangwa lya lelo. Ngecivene, anguleni mwonyo ngeci mukayoye, yeni na vatekulwila veni, 20#Kus 12:7; 26:3; 28:13 nakuzema Shukulu Kalunga Njambi yeni nakwononoka lijwi lyendi nakukakateya kuli ikeye. Asinoni yeni na vatekulwila veni mukakala myaka yaingi mu lifuti lije lyakulaesele Shukulu Kalunga kulyana kuli vakukulwila veni, Avilahama, na Isake, na Yakomba.”
Currently Selected:
Kwituluka mu Mashiko 30: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kwituluka mu Mashiko 30
30
Kwiluka kuli Shukulu Kalunga na vivezikiso
1“Co yange njinamyana kulyangwila akati ka vivezikiso na visingo. Omo vyuma vyoshe vije vanalingi kuli yeni, co yeni mulinakukala akati ka miyati muje mwanamishandwela Shukulu Kalunga Njambi yeni, co mukanuka majwi ange oshe. 2Nga yeni na vatekulwila veni mukeluka kuli Shukulu Kalunga Njambi yeni na vimbunge vyeni vyoshe nakwononoka mashiko endi aje njilinakumyana ku litangwa lya lelo, 3asinoni Shukulu Kalunga Njambi yeni akamizivilako mema ku mbunge. Co akamitundisa ku miyati ije wamishandwelele, co akamivezikisa lalo. 4Nameme nga yeni mwashandokelele ku mafuti a kulyala, Shukulu Kalunga Njambi yeni akamikungulwila amolika nakumiilwisa lalo, 5ngecivene, mukatambule lifuti lije muvakele vakukulwila veni laja. Co akamivezikisa, mukafuka, co mukapwe muvavangi kutuvakana vakukulwila veni. 6Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye. 7Co Shukulu Kalunga Njambi yeni akatengulwila visingo vyoshe evi kuli vitozi veni, vaje vamizindile nakumiyandesa. 8Co yeni mukononoka Shukulu Kalunga nakunyunga mashiko endi oshe awa njilinakumyana ku litangwa lya lelo. 9Co Shukulu Kalunga akavezikisa vipangi vyoshe vimukalinga, mukakala na vana vavangi, na vimuna vavangi, na vimbuto vyavingi, omwo Shukulu Kalunga akavwaelela nakumivezikisa ngwe mwavezikisile vakukulwila veni. 10Oloni mukamwononoke nakunyunga mashiko endi na vizilika vyendi vyasonekele mu livulu eli lya mashiko. Munapande kutengulukila kuli Shukulu Kalunga Njambi yeni na vimbunge vyeni vyoshe.
11“Lishiko eli njilinakumyanalyo ku litangwa lya lelo kulyapwile lyalikalu manene nambe kutuvakana nzili yeni embwe. 12Kulyesi mwilu, ngeci mwihule ngweni, ‘Iyajo akatulondela kwilu nakutushukwilalyo, ngeci tulizive nakulyononoka?’ 13Kulyesi musambwa ya mema a kalunga, ngeci mwihule ngweni, ‘Iyajo akatujavukila musambwa ya mema a kalunga, ngeci atunenelelyo tulizivisise ngeci tulyononoke?’ 14#Lom 10:6-8 Oloni lishiko lili muyehi neni. Lili akati keni na mu vimbunge vyeni, ngeci mwase kulyononoka.
15“Kengeni, litangwa lya lelo njilinakumyana kulyangwila akati ka vuvwa na vuvi, na akati ka mwonyo na kutsa. 16Nga yeni mwononoka mashiko a Shukulu Kalunga Njambi yeni, awa njilinakumyana ku litangwa lya lelo, akuzema Shukulu Kalunga Njambi yeni, nakwenda mu vingila vyendi, nakunyunga mashiko endi, na vizilika vyendi, na vilongesa vyendi, asinoni mukayoya, co mukapwa muvavangi. Co Shukulu Kalunga Njambi yeni akamivezikisa mu lifuti lije limukakovela nakulishwana. 17Oloni nga vimbunge vyeni kuvyononoka nakumutolilila, co mukongumukila kweka nakulemesa vinjambi veka, 18njimileka ku litangwa lya lelo ngwange mukanyonga. Co kumukakala simbu yakama mu lifuti lije lili musambwa ya Ndonga ya Yondau, lije mulinakukovela nakulishwana. 19Njilinakumyana kulyangwila akati ka mwonyo na kutsa, akati ka vivezikiso vya Njambi na visingo, omwo lilu na asi vinapu vukaleo ku litangwa lya lelo. Ngecivene, anguleni mwonyo ngeci mukayoye, yeni na vatekulwila veni, 20#Kus 12:7; 26:3; 28:13 nakuzema Shukulu Kalunga Njambi yeni nakwononoka lijwi lyendi nakukakateya kuli ikeye. Asinoni yeni na vatekulwila veni mukakala myaka yaingi mu lifuti lije lyakulaesele Shukulu Kalunga kulyana kuli vakukulwila veni, Avilahama, na Isake, na Yakomba.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006