Amose 9
9
Kusompa kwa Shukulu Kalunga
1Njamwene Shukulu Kalunga nemana kumukulo wa mutula. Co washikile lishiko ngwendi, “Pupeni manene mitwe ya vimanda vya Njuvo yange ngeci vipamba vijaje. Vipokozoleni ngeci viwile a mitwe ya vanu. Co njikatsiila mu nzita vanu vaje vakasalao. Naumo wai akasalao, naumo wai akaputumuka. 2Nameme nga vakainda vingila vyavo kwisi ya livu mu vukalo vwa vatsi, anga njikavawana. Nameme nga vakalonda mwilu, anga njikavashulwisamo nakuvanena ano asi. 3Nga vakavanda akamwa ya Munkinda wa Kalemele, njikavashakezeka nakuvatundisao. Nambe nga vanjivandela kwisi ya mema a kalunga, co njikashika cikashama wa mu mema a kalunga#9:3 CIKASHAMA WA MU MEMA A KALUNGA: Vakulaelele ngeci mu mema a kalunga mwakala cikashama wakama, cikashama ou, ngeci mwa vikashama voshe, vamuyongwele ngeci wakele mwisi ya nzili ya Njambi. ngeci avashume. 4Nambe nga vitozi vavo vakavatwala ku vunzinda, co njikavashika ngeci vakavatsiye. Njinayongola kuvanyongesa, kesi kuvakwasa embwe.”
5Shukulu Kalunga wa Akamwa ya Vyoshe
ikeye akwata asi oshe, co asi ajaja,
co voshe valiho valinyenga na vusiwa.
Kaye koshe kakajalela nakunyekumuka
ngwe Ndonga ya Nailo.
6Shukulu Kalunga natungu
limbo lyendi mwilu ya melu,
co najala luvula lwendi ano asi.
Ikeye akasana mema a kalunga
nakuwetila ano asi.
Lizina lyendi ikeye Shukulu Kalunga!
7Shukulu Kalunga alinakwendeka ngwendi, “Yeni vanu va mu Isalele, njikamisinganyeka ngeci munjikasinganyeka vanu va ku Sundane. Njatundisile vaFilisitiya ku Kelete, na vaSilya njavatundisile ku Kile, ngwe munjamitundisile ku Ingito. 8Yange Kalunga wa Akamwa ya Vyoshe, njilinakukenga a vumwene vwa Isalele ovu vwavuvi, co njikavunyongesa kuvutundisa ano asi. Oloni kunjikanyongesa vatekulwila voshe va Yakomba.
9“Njikashika lishiko, co vanu va mu Isalele vakavasala ngwe munu asala vimbuto mu musalo. Njikavasala akati ka miyati nakutundisa vaje voshe vangoco. 10Vaka-vuvi vaje vali akati ka vanu vange vakavatsiila mu nzita, voshe vaje vendeka ngwavo, ‘Njambi kakatava vuvi ngeci vwete kuli yetu.’ ”
Kwiluka kwa Isalele kwa kulutwe
11 #
Vil 15:16-18
Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja. 12Co vanu va mu Isalele vakafungulula vije vyasalele mu lifuti lya Endome na miyati yoshe vaje vapwile vange laja.” Mukemwo mwalinakwendeka Shukulu Kalunga, uje akatava evi ngeci vilingiwe.
13Shukulu Kalunga alinakwendeka ngwendi,
“Matangwa akaija,
omo vimbuto vikamena vwasi-vwasi
ngeci simbu yakuviteja ikapwa yaindondo,
na mikolovozi ya vushuka vwa vinyu,
ikasalao kutunda ku mwaka umo nakweta ku mwaka ukwavo.
Mikolovozi ya vushuka vwa vinyu ikafwika a minkinda,
na a malundu akakala lalo
mikolovozi ya vushuka vwa vinyu.
14Njikelwisa vanu vange ku lifuti lyavo.
Vakatungulula vinganda vyavo vije
vyasiwukile, co vakakalamo,
vakakuna vitungu
vya mikolovozi ya vushuka vwa vinyu,
nakunwa vinyu,
vakalima vitungu nakulya vije vanalimimo.
15Njikaka vanu vange mu lifuti
lije linjavanene,
co naumo wai akavatundisamo lalo.”
Shukulu Kalunga Njambi yeni ikeye nendekamo.
Currently Selected:
Amose 9: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Amose 9
9
Kusompa kwa Shukulu Kalunga
1Njamwene Shukulu Kalunga nemana kumukulo wa mutula. Co washikile lishiko ngwendi, “Pupeni manene mitwe ya vimanda vya Njuvo yange ngeci vipamba vijaje. Vipokozoleni ngeci viwile a mitwe ya vanu. Co njikatsiila mu nzita vanu vaje vakasalao. Naumo wai akasalao, naumo wai akaputumuka. 2Nameme nga vakainda vingila vyavo kwisi ya livu mu vukalo vwa vatsi, anga njikavawana. Nameme nga vakalonda mwilu, anga njikavashulwisamo nakuvanena ano asi. 3Nga vakavanda akamwa ya Munkinda wa Kalemele, njikavashakezeka nakuvatundisao. Nambe nga vanjivandela kwisi ya mema a kalunga, co njikashika cikashama wa mu mema a kalunga#9:3 CIKASHAMA WA MU MEMA A KALUNGA: Vakulaelele ngeci mu mema a kalunga mwakala cikashama wakama, cikashama ou, ngeci mwa vikashama voshe, vamuyongwele ngeci wakele mwisi ya nzili ya Njambi. ngeci avashume. 4Nambe nga vitozi vavo vakavatwala ku vunzinda, co njikavashika ngeci vakavatsiye. Njinayongola kuvanyongesa, kesi kuvakwasa embwe.”
5Shukulu Kalunga wa Akamwa ya Vyoshe
ikeye akwata asi oshe, co asi ajaja,
co voshe valiho valinyenga na vusiwa.
Kaye koshe kakajalela nakunyekumuka
ngwe Ndonga ya Nailo.
6Shukulu Kalunga natungu
limbo lyendi mwilu ya melu,
co najala luvula lwendi ano asi.
Ikeye akasana mema a kalunga
nakuwetila ano asi.
Lizina lyendi ikeye Shukulu Kalunga!
7Shukulu Kalunga alinakwendeka ngwendi, “Yeni vanu va mu Isalele, njikamisinganyeka ngeci munjikasinganyeka vanu va ku Sundane. Njatundisile vaFilisitiya ku Kelete, na vaSilya njavatundisile ku Kile, ngwe munjamitundisile ku Ingito. 8Yange Kalunga wa Akamwa ya Vyoshe, njilinakukenga a vumwene vwa Isalele ovu vwavuvi, co njikavunyongesa kuvutundisa ano asi. Oloni kunjikanyongesa vatekulwila voshe va Yakomba.
9“Njikashika lishiko, co vanu va mu Isalele vakavasala ngwe munu asala vimbuto mu musalo. Njikavasala akati ka miyati nakutundisa vaje voshe vangoco. 10Vaka-vuvi vaje vali akati ka vanu vange vakavatsiila mu nzita, voshe vaje vendeka ngwavo, ‘Njambi kakatava vuvi ngeci vwete kuli yetu.’ ”
Kwiluka kwa Isalele kwa kulutwe
11 #
Vil 15:16-18
Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja. 12Co vanu va mu Isalele vakafungulula vije vyasalele mu lifuti lya Endome na miyati yoshe vaje vapwile vange laja.” Mukemwo mwalinakwendeka Shukulu Kalunga, uje akatava evi ngeci vilingiwe.
13Shukulu Kalunga alinakwendeka ngwendi,
“Matangwa akaija,
omo vimbuto vikamena vwasi-vwasi
ngeci simbu yakuviteja ikapwa yaindondo,
na mikolovozi ya vushuka vwa vinyu,
ikasalao kutunda ku mwaka umo nakweta ku mwaka ukwavo.
Mikolovozi ya vushuka vwa vinyu ikafwika a minkinda,
na a malundu akakala lalo
mikolovozi ya vushuka vwa vinyu.
14Njikelwisa vanu vange ku lifuti lyavo.
Vakatungulula vinganda vyavo vije
vyasiwukile, co vakakalamo,
vakakuna vitungu
vya mikolovozi ya vushuka vwa vinyu,
nakunwa vinyu,
vakalima vitungu nakulya vije vanalimimo.
15Njikaka vanu vange mu lifuti
lije linjavanene,
co naumo wai akavatundisamo lalo.”
Shukulu Kalunga Njambi yeni ikeye nendekamo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006