Vilinga vya Miluwa 16
16
Timateo aya amo na Paulu na Silasi
1Co Paulu wetele lalo ku Ndembe na ku Lisitala, kuje kwakele Muka-Yesu umo lizina lyendi Timateo. Vaina vapwile lalo Muka-Yesu vapwile kaYunda, oloni ishe wapwile kaNgiliki. 2Vaka-kukulaela voshe va mu Lisitala na mu Ikoniyame vashangazalele manene Timateo. 3Paulu washakele kuya na Timateo, co wamutuwile. Walingile eci omwo vaYunda voshe vaje vakele mu mitambela ije vazivukile ngeci ishe ya Timateo wapwile kaNgiliki. 4Omo vakele nakwita mu vinganda, co vaanene vaka-kukulaela mashiko aje avayongwele miluwa na vakulunu mu Yelusalema, co vavalekele ngeci vononoke aje mashiko. 5Ngecivene, vikungulukilo vyakele na nzili mukukulaela nakuliwezelela a litangwa na litangwa.
Mu Tolowase, cimona ca Paulu
6Co vendele mu mutambela wa Filingiya na mu Ngalatiya omwo Munzinzime Wakujela wavavindikile kwambulula lijwi mu lifuti lya Asiya. 7Co omo vetele ku nginga ya Misiya vesekele kuya mu lifuti lya Mbitaniya, oloni Munzinzime wa Yesu kavatavesele. 8Ngecivene, vetile mukati ka Misiya nakuya ku Tolowase. 9Co ku vutsiki vuje vene Paulu wamwene cimona muje wamwene munalume umo wa ku Masendoniya nemana nakumulomba ngwendi, “Ija kuno ku Masendoniya wakutukwase!” 10Co omo Paulu wamwene eci cimona, aje vene twakatukile nakuya ku Masendoniya, omwo twayongwele ngeci Njambi natusana mukwambulula Vin̄anda Vyavivwa kuli vanu kuje.
Mu Filipu, kutenguluka kwa Lindiya
11Twatundile ku Tolowase twajavukile mu vwato vwakama, musambwa, co ku Samotalase, co alikaki twaile ku Neyapolise. 12Co kutunda kuje twaile ku Filipu, nganda yamutambela wakulivanga mu lifuti lya Masendoniya, ikeyo lalo yapwile nganda ya vaLoma. Co twakele muje mu nganda matangwa amo. 13Co a Litangwa Lyakuhwima twatuukile mu nganda twaile ku kenge ya ndonga kuje twayongwele ngwetu kuli mutambela wakungulukila mukulombela. Co twatumbamene nakusimutwiya na vanakazi vaje vakungulukile kuje. 14Umo wavo watuzivile wapwile Lindiya watundile ku Tiyatila, wapwile muka-kulandesa vinanga vyavivwa vyakuvenguluka. Wapwile munakazi muka-kulemesa Njambi, co Mwene washokolwele mbunge yendi kutolilila ku vije vyakele nakwendeka Paulu. 15Co omo vamumbwitikile ikeye na vanu va mu njuvo yendi, co watulanyele ngwendi, “Ijeni mukakale mu njuvo yange nga mwayongola ngweni njinapu njimuka-kukulaela kuli Mwene.” Co watusindiiye ngeci tuye.
Mu kamenga ku Filipu
16Omo twakele nakuya ku mutambela wakulombelela, twaliwanene na mumbanda wa ndungo uje wakele na munzinzime wakujwala wakuumikiya vyuma vya kulutwe. Co wavafukisile manene vakuku yendi vaje vamufukile mukuumikiya kwendi. 17Wakavele Paulu amo netu watambekele ngwendi, “Ava vanalume vanapu vangamba va Njambi wa Akamwa ya Vyoshe! Valinakwambulula kuli yeni ngila ya kwovoka!” 18Co walingile eci matangwa amangi, oloni Paulu waviililile, co watengulukile wendekele kuli uje munzinzime ngwendi, “Mu lizina lya Yesu Kilistu njikushika ngwange tunda muli ikeye!” Co uje munzinzime watundile muli ikeye a simbu ije vene. 19Omo vaje vakuku yendi vamwene ngeci ngila yavo mwakutambwila vimbongo inahu, vakwatele Paulu na Silasi nakuvakokangeya nakuvatwala ku mbanja kuli vaka-kushwana. 20Co omo vavatwalele ku mesho a vamyata va vaLoma vendekele ngwavo, “Ava vanalume vanapu vaYunda, co valinakunena vukalu mu nganda yetu. 21Valinakulongesa futisi ije ilwisa lishiko lyetu, yetu tu vaLoma, co kutwasa kutava futisi yavo nambe kuyikava!” 22Co mbunga yoshe valizivasanene kulwisa Paulu na Silasi.
Asinoni vaje vamyata vatavwile vikoveyo vya Paulu na Silasi nakushika ngeci vavapupe. 23Omo vavapupile manene, co vavaakele mu kamenga, co vashikile muka-kunyunga kamenga ngeci apate manene ku vikolo. 24Omo uje muka-kunyunga kamenga watambwile lishiko eli, co wavaakele mukati-kati ka mulili wa kamenga nakwaka mendi avo mu tukunju.
25Oloni mukati ka vutsiki Paulu na Silasi vakele nakulombela nakwimba myaso kuli Njambi, co vaje vinzinda vakele mu kamenga vavatolililile. 26Aje vene kwakele mandunduma akama ngecivene, luvula lwa kamenga lwajajele. Co aje vene vikolo vyoshe vyashokolokele, co malyenge atundile kuli vinzinda voshe. 27Omwo uje muka-kunyunga kamenga wendukile, co omo wamwene vikolo vya kamenga vinashokoloka, wayongwele ngwendi vinzinda voshe vanatewa, ngecivene, washomwene mukwale wendi ngeci alitsiye. 28Oloni Paulu watambekele na lijwi lyakama ngwendi, “Kesi ulivulumune! Omwo tuvavoshe mutuli muno!”
29Co uje muka-kunyunga kamenga wasanene ngeci vamunenele ndeya, co washatukililemo, co watsikamene ku myanja ya Paulu na Silasi oku alinakujaja. 30Asinoni wavatuwile anja wavehwile ngwendi, “Mwane, vikajo njinapande kulinga ngeci njovoke?”
31Co vamukumbulwile ngwavo, “Kulaela kuli Mwene Yesu, co ukovoka, yove na naanga yove yoshe.”
32Asinoni vambulwile lijwi lya Mwene kuli ikeye na kuli voshe vaje vakele mu njuvo yendi. 33Co a simbu ije vene ya vutsiki uje muka-kunyunga kamenga waile navo, co wakushile a vimbandu vyavo, co aje vene ikeye na naanga yendi voshe vavambwitikile. 34Asinoni watwalele Paulu na Silasi ku njuvo yendi, co wakavaanene vyakulya. Co ikeye na naanga yendi vavwaelele manene, omwo ololo vanapu vaka-kukulaela kuli Njambi.
35Oloni Alikaki mutondo vamyata va vaLoma vatumine vantwama va mashwalale ngwavo, “Eceleni ovo vanalume vaye.”
36Ngecivene, uje muka-kunyunga kamenga walekele Paulu ngwendi, “Vamyata vanatumu lijwi kuli yove na kuli Silasi ngwavo tumyecele. Mwasa kuya, co yeni mu kwoloka.”
37Oloni Paulu wendekele kuli vaje vantwama va mashwalale ngwendi, “Kuvatuwanene na mulonga naumo wai, oloni vanatupupile ku mesho a vanu, co yetu tu vandambo va lifuti lya Loma! Co vanatwakele mu kamenga. Co ololo vashaka kutwecelela mu vushweke ndi? Embwe kucitava! Vamyata va vaLoma vanapande kwija kuno vakutwecele vakevo vavenya ngeci tuye.”
38Vantwama va mashwalale vambulwile majwi awa kuli vamyata va vaLoma, co omo vazivile ngeci Paulu na Silasi vapwile vandambo va lifuti lya Loma, vazivile lyova. 39Ngecivene, vaileko nakulitavela kuli vakevo, asinoni vavatuwisile mu kamenga, co vavalekele ngeci vatunde mu nganda. 40Ngecivene, Paulu na Silasi vatundile mu kamenga vaile ku njuvo ya Lindiya. Kuje vakaliwanene na vaka-kukulaela, co vendekele kuli vakevo majwi kuvatakamesa, co vaile.
Currently Selected:
Vilinga vya Miluwa 16: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Vilinga vya Miluwa 16
16
Timateo aya amo na Paulu na Silasi
1Co Paulu wetele lalo ku Ndembe na ku Lisitala, kuje kwakele Muka-Yesu umo lizina lyendi Timateo. Vaina vapwile lalo Muka-Yesu vapwile kaYunda, oloni ishe wapwile kaNgiliki. 2Vaka-kukulaela voshe va mu Lisitala na mu Ikoniyame vashangazalele manene Timateo. 3Paulu washakele kuya na Timateo, co wamutuwile. Walingile eci omwo vaYunda voshe vaje vakele mu mitambela ije vazivukile ngeci ishe ya Timateo wapwile kaNgiliki. 4Omo vakele nakwita mu vinganda, co vaanene vaka-kukulaela mashiko aje avayongwele miluwa na vakulunu mu Yelusalema, co vavalekele ngeci vononoke aje mashiko. 5Ngecivene, vikungulukilo vyakele na nzili mukukulaela nakuliwezelela a litangwa na litangwa.
Mu Tolowase, cimona ca Paulu
6Co vendele mu mutambela wa Filingiya na mu Ngalatiya omwo Munzinzime Wakujela wavavindikile kwambulula lijwi mu lifuti lya Asiya. 7Co omo vetele ku nginga ya Misiya vesekele kuya mu lifuti lya Mbitaniya, oloni Munzinzime wa Yesu kavatavesele. 8Ngecivene, vetile mukati ka Misiya nakuya ku Tolowase. 9Co ku vutsiki vuje vene Paulu wamwene cimona muje wamwene munalume umo wa ku Masendoniya nemana nakumulomba ngwendi, “Ija kuno ku Masendoniya wakutukwase!” 10Co omo Paulu wamwene eci cimona, aje vene twakatukile nakuya ku Masendoniya, omwo twayongwele ngeci Njambi natusana mukwambulula Vin̄anda Vyavivwa kuli vanu kuje.
Mu Filipu, kutenguluka kwa Lindiya
11Twatundile ku Tolowase twajavukile mu vwato vwakama, musambwa, co ku Samotalase, co alikaki twaile ku Neyapolise. 12Co kutunda kuje twaile ku Filipu, nganda yamutambela wakulivanga mu lifuti lya Masendoniya, ikeyo lalo yapwile nganda ya vaLoma. Co twakele muje mu nganda matangwa amo. 13Co a Litangwa Lyakuhwima twatuukile mu nganda twaile ku kenge ya ndonga kuje twayongwele ngwetu kuli mutambela wakungulukila mukulombela. Co twatumbamene nakusimutwiya na vanakazi vaje vakungulukile kuje. 14Umo wavo watuzivile wapwile Lindiya watundile ku Tiyatila, wapwile muka-kulandesa vinanga vyavivwa vyakuvenguluka. Wapwile munakazi muka-kulemesa Njambi, co Mwene washokolwele mbunge yendi kutolilila ku vije vyakele nakwendeka Paulu. 15Co omo vamumbwitikile ikeye na vanu va mu njuvo yendi, co watulanyele ngwendi, “Ijeni mukakale mu njuvo yange nga mwayongola ngweni njinapu njimuka-kukulaela kuli Mwene.” Co watusindiiye ngeci tuye.
Mu kamenga ku Filipu
16Omo twakele nakuya ku mutambela wakulombelela, twaliwanene na mumbanda wa ndungo uje wakele na munzinzime wakujwala wakuumikiya vyuma vya kulutwe. Co wavafukisile manene vakuku yendi vaje vamufukile mukuumikiya kwendi. 17Wakavele Paulu amo netu watambekele ngwendi, “Ava vanalume vanapu vangamba va Njambi wa Akamwa ya Vyoshe! Valinakwambulula kuli yeni ngila ya kwovoka!” 18Co walingile eci matangwa amangi, oloni Paulu waviililile, co watengulukile wendekele kuli uje munzinzime ngwendi, “Mu lizina lya Yesu Kilistu njikushika ngwange tunda muli ikeye!” Co uje munzinzime watundile muli ikeye a simbu ije vene. 19Omo vaje vakuku yendi vamwene ngeci ngila yavo mwakutambwila vimbongo inahu, vakwatele Paulu na Silasi nakuvakokangeya nakuvatwala ku mbanja kuli vaka-kushwana. 20Co omo vavatwalele ku mesho a vamyata va vaLoma vendekele ngwavo, “Ava vanalume vanapu vaYunda, co valinakunena vukalu mu nganda yetu. 21Valinakulongesa futisi ije ilwisa lishiko lyetu, yetu tu vaLoma, co kutwasa kutava futisi yavo nambe kuyikava!” 22Co mbunga yoshe valizivasanene kulwisa Paulu na Silasi.
Asinoni vaje vamyata vatavwile vikoveyo vya Paulu na Silasi nakushika ngeci vavapupe. 23Omo vavapupile manene, co vavaakele mu kamenga, co vashikile muka-kunyunga kamenga ngeci apate manene ku vikolo. 24Omo uje muka-kunyunga kamenga watambwile lishiko eli, co wavaakele mukati-kati ka mulili wa kamenga nakwaka mendi avo mu tukunju.
25Oloni mukati ka vutsiki Paulu na Silasi vakele nakulombela nakwimba myaso kuli Njambi, co vaje vinzinda vakele mu kamenga vavatolililile. 26Aje vene kwakele mandunduma akama ngecivene, luvula lwa kamenga lwajajele. Co aje vene vikolo vyoshe vyashokolokele, co malyenge atundile kuli vinzinda voshe. 27Omwo uje muka-kunyunga kamenga wendukile, co omo wamwene vikolo vya kamenga vinashokoloka, wayongwele ngwendi vinzinda voshe vanatewa, ngecivene, washomwene mukwale wendi ngeci alitsiye. 28Oloni Paulu watambekele na lijwi lyakama ngwendi, “Kesi ulivulumune! Omwo tuvavoshe mutuli muno!”
29Co uje muka-kunyunga kamenga wasanene ngeci vamunenele ndeya, co washatukililemo, co watsikamene ku myanja ya Paulu na Silasi oku alinakujaja. 30Asinoni wavatuwile anja wavehwile ngwendi, “Mwane, vikajo njinapande kulinga ngeci njovoke?”
31Co vamukumbulwile ngwavo, “Kulaela kuli Mwene Yesu, co ukovoka, yove na naanga yove yoshe.”
32Asinoni vambulwile lijwi lya Mwene kuli ikeye na kuli voshe vaje vakele mu njuvo yendi. 33Co a simbu ije vene ya vutsiki uje muka-kunyunga kamenga waile navo, co wakushile a vimbandu vyavo, co aje vene ikeye na naanga yendi voshe vavambwitikile. 34Asinoni watwalele Paulu na Silasi ku njuvo yendi, co wakavaanene vyakulya. Co ikeye na naanga yendi vavwaelele manene, omwo ololo vanapu vaka-kukulaela kuli Njambi.
35Oloni Alikaki mutondo vamyata va vaLoma vatumine vantwama va mashwalale ngwavo, “Eceleni ovo vanalume vaye.”
36Ngecivene, uje muka-kunyunga kamenga walekele Paulu ngwendi, “Vamyata vanatumu lijwi kuli yove na kuli Silasi ngwavo tumyecele. Mwasa kuya, co yeni mu kwoloka.”
37Oloni Paulu wendekele kuli vaje vantwama va mashwalale ngwendi, “Kuvatuwanene na mulonga naumo wai, oloni vanatupupile ku mesho a vanu, co yetu tu vandambo va lifuti lya Loma! Co vanatwakele mu kamenga. Co ololo vashaka kutwecelela mu vushweke ndi? Embwe kucitava! Vamyata va vaLoma vanapande kwija kuno vakutwecele vakevo vavenya ngeci tuye.”
38Vantwama va mashwalale vambulwile majwi awa kuli vamyata va vaLoma, co omo vazivile ngeci Paulu na Silasi vapwile vandambo va lifuti lya Loma, vazivile lyova. 39Ngecivene, vaileko nakulitavela kuli vakevo, asinoni vavatuwisile mu kamenga, co vavalekele ngeci vatunde mu nganda. 40Ngecivene, Paulu na Silasi vatundile mu kamenga vaile ku njuvo ya Lindiya. Kuje vakaliwanene na vaka-kukulaela, co vendekele kuli vakevo majwi kuvatakamesa, co vaile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006