Números 3
3
Jaꞌ Tzet Sowalil Chi Yun Ebꞌ Levita
1Jaꞌton ebꞌ yicꞌaal naj Aarón, yetoj ebꞌ yicꞌaal naj Moisés tiꞌ, yet jix kꞌanabꞌ Jehová tet naj Moisés bꞌey sjolom wonan Sinaí. 2Jaꞌ ebꞌ scꞌaal naj Aarón: Nadab sbꞌi naj bꞌabꞌel winaj, Abihú, Eleazar cꞌal naj Itamar. 3Jaꞌ ebꞌ canwan tuꞌ jix sicꞌle eloj, jix oc can yopiso ebꞌ yin yakꞌomaloj xaambꞌal tet Jehová. 4Jaꞌ naj Nadab yetoj naj Abihú tuꞌ, jix cam ebꞌ naj sattaj Jehová bꞌey txꞌotxꞌ cusiltaj txꞌotxꞌ chi yij Sinaí, yutol comon cꞌal jix yaoc jun kꞌakꞌ ebꞌ yul yet sattaj Jehová; cꞌam tocꞌal yuninal ebꞌ yet tuꞌ. Yuxan asanxane naj Eleazar yetoj naj Itamar jix oc can yin yakꞌomaloj xaambꞌal sattaj Dios, cꞌal yalan ẍejbꞌanil smam ebꞌ, jaꞌton Aarón.
5Jix yalon pax Jehová tet naj Moisés, jaxca tiꞌ:
6Awte oc masanil ebꞌ naj yicꞌaal Leví, yet chi colwa ebꞌ yetoj Aarón naj yakꞌomal xaambꞌal, jaꞌ tzet oj yal naj tet ebꞌ, jaꞌ oj sjije ebꞌ. 7Jaꞌ ebꞌ tuꞌ oj chejle yu naj Aarón, yet chi akꞌle servil ebꞌ conobꞌ, bꞌey jun Kꞌap Na bꞌey chin chaꞌle jin bꞌa je yetoj. Queytuꞌ oj yun yakꞌon servil masanil ebꞌ je yet conobꞌ Israel bꞌey snail jin calubꞌal tuꞌ. 8Catuꞌ chi steynen cꞌal pax masanil mitxꞌkꞌabꞌe ebꞌ bꞌey jun Kꞌap Na, queytuꞌ oj yun yakꞌle servil masanil ebꞌ conobꞌ Israel yu ebꞌ, cꞌal yin masanil mulnail bꞌey snail jin calubꞌal. 9Chi poꞌole el masanil ebꞌ Levita xol ebꞌ je yet conobꞌ tuꞌ, yet watxꞌ chi kꞌanbꞌalne ebꞌ yu Aarón, cꞌal yetoj masanil yicꞌaal ebꞌ. 10Asanne naj Aarón yetoj ebꞌ yicꞌaal, asanne ebꞌ chi oc yopiso yin yakꞌomaloj xaambꞌal ey jin an. Ta ey junoj mactxequel man eyoj oc jun opiso tuꞌ yibꞌan, catuꞌ chi yunen jaxca ebꞌ ey yopiso, tol tucꞌal chi cami, ẍi Dios.
Jaꞌ Ebꞌ Levita Yet Jehová Yeoc Ebꞌ
11Jix yalon Jehová tet naj Moisés jaxca tiꞌ:
12Jaꞌ tinaniꞌ xin, sicꞌ can el ebꞌ Levita sqꞌuexeloj junjun ebꞌ bꞌabꞌel winaj unin xol ebꞌ ja wet Israelal tiꞌ, yutol wet yeoc ebꞌ Levita tuꞌ. 13Jaꞌ yet jix wakꞌon cam masanil ebꞌ bꞌabꞌel winaj unin bꞌey Egipto, jix jin colcan el ebꞌ sbꞌabꞌel winaj unin ebꞌ je yet Israelal yet chi oc can ebꞌ wetoj. Quey pax tuꞌ jix yun masanil noꞌ bꞌabꞌel yuneꞌ sjobꞌbꞌeal noꞌ ebꞌ; yuxan wet yeoc noꞌ. Jain Jehová jin chi walaꞌ, ẍi Dios tet naj Moisés.
Jix Iꞌle A Sbꞌisil Ebꞌ Levita
14Jix kꞌanabꞌ Jehová tet naj Moisés bꞌey txꞌotxꞌ cusiltaj txꞌotxꞌ bꞌey Sinaí, jix yalon jaxca tiꞌ: 15Iꞌa sbꞌisil ebꞌ Levita, jatacꞌalaꞌ jantaj yeoc ebꞌ yin junjun bꞌulan xol yicꞌaal; masanil ebꞌ winaj xol ebꞌ Levita, cha wiꞌa sbꞌisil ebꞌ; cha chaꞌel yich yin ebꞌ jun xꞌaaw skꞌinal, chi bꞌey cꞌaltoj, ẍi Dios. 16Catuꞌ jix yiꞌon a sbꞌisil naj Moisés ebꞌ jaxca jix yun yalon Jehová.
17Jaꞌ ebꞌ scꞌaal Leví, jaꞌton: Guersón, Quehat cꞌal Merarí.
18Jal ebꞌ scꞌaal Guersón, jaꞌton: Libní cꞌal Simí, jatacꞌalaꞌ jantaj sbꞌisil junjun tujan icꞌaaleal.
19Jaꞌ ebꞌ scꞌaal Quehat; jaꞌton Amram, Ishar, Hebrón cꞌal Uziel; jaꞌton ebꞌ tiꞌ chi bꞌina cꞌal sbꞌi yicꞌaal.
20Jaꞌ ebꞌ scꞌaal Merarí: Jaꞌton Mahli cꞌal Musí, jaꞌton ebꞌ tiꞌ chi bꞌina sbꞌi yicꞌaal. Jaꞌ ebꞌ tiꞌ, yaaw yeoc ebꞌ yin junjun tujan xol ebꞌ yicꞌaal naj Leví.
21Jaꞌ ebꞌ yicꞌaal Guersón, caabꞌ tujan yeoc ebꞌ, jaꞌton ebꞌ yicꞌaal Libní cꞌal ebꞌ yicꞌaal Simí. 22Jaꞌ sbꞌisil ebꞌ winaj yin masanil, chi el yich yin ebꞌ jun xꞌaaw skꞌinal, catuꞌ chi bꞌey cꞌaltoj; yin masanil ey 7,500 sbꞌisil ebꞌ. 23Jaꞌ masanil ebꞌ tiꞌ, jatuꞌ bꞌulan ecꞌ ebꞌ yetcꞌulal bꞌey chi too cꞌu, bꞌey yintaj ecꞌtoj snail scalubꞌal Jehová. 24Jaꞌ mactxequel yaaw yeoc xol ebꞌ yicꞌaal Guersón tuꞌ, jaꞌton Eliasaf naj scꞌaal Lael. 25Jaꞌton ebꞌ tiꞌ chi ilon wan smajil yibꞌan jun Kꞌap Na, yetoj an cortina eyoc smajiloj stiꞌ bꞌey chi cu octoj, 26yetoj cꞌal scortinail eyoc bꞌey sattaj eltoj stiꞌ na tuꞌ, yetoj cꞌal an kꞌap eyoc smajiloj bꞌey chi octoj bꞌey sattaj eltoj stiꞌ na tuꞌ, joyan oc an yin scalubꞌal Jehová, cꞌal yin jun yet xaambꞌal yetoj cꞌal xꞌanil eyoc yet chi pixle ocoj.
27Jaꞌ xol ebꞌ yicꞌaal Quehat, ey canebꞌ tujan yeoc ebꞌ; jaꞌton ebꞌ yicꞌaal Amram, ebꞌ yicꞌaal Ishar, ebꞌ yicꞌaal Hebrón, cꞌal ebꞌ yicꞌaal Uziel. 28Jaꞌ sbꞌisil ebꞌ winaj yin masanil chi ẍaꞌel yich yin jun xꞌaaw skꞌinal, catuꞌ chi bꞌey cꞌaltoj, ey 8,600 ebꞌ, jaꞌton ebꞌ chi ilontoj snail scalubꞌal Jehová. 29Jaꞌ tituꞌ bꞌulan ecꞌ ebꞌ yicꞌaal Quehat bꞌey spacꞌulal ecꞌtoj snail scalubꞌal Jehová, bꞌey yetcꞌulaltoj sur. 30Jaꞌ mactxequel yaaw yeoc xol ebꞌ, jaꞌton Elisafán, scꞌaal Uziel. 31Jaꞌton ebꞌ tiꞌ chi teynen teꞌ Scaẍail Swa Kꞌane Dios, cꞌal teꞌ meẍa, yetoj cꞌal jun sbꞌatxlubꞌal tzejtebꞌal, yetoj caabꞌ yet xaambꞌal, cꞌal yetoj jantaj mitxꞌkꞌabꞌe chi kꞌanbꞌalnele yul snail scalubꞌal Jehová, yetoj cꞌal pax an cortina eyoc yul.
32Jaꞌ jun sat yaaw yeoc xol ebꞌ Levita tuꞌ, jaꞌton Eleazar, scꞌaal Aarón, naj yakꞌomal xaambꞌal, jaꞌ chi ilon masanil ebꞌ chi mulna bꞌey scalubꞌal Jehová.
33Ebꞌ yicꞌaal Merarí, caabꞌ tujan yeoc ebꞌ, jaꞌton ebꞌ yicꞌaal Mahli, yetoj ebꞌ yicꞌaal Musí. 34Jaꞌ sbꞌisil masanil ebꞌ winaj, chi el yich yin jun xꞌaaw skꞌinal, catuꞌ chi bꞌey cꞌaltoj, ey 6,200 ebꞌ. 35Jaꞌ mactxequel yaaw yeoc xol ebꞌ, jaꞌton Suriel, scꞌaal Abihail. Jatuꞌ bꞌulan ecꞌ ebꞌ bꞌey spacꞌul ecꞌtoj snail scalubꞌal Jehová, bꞌey yetcꞌulal norte. 36Jaꞌton ebꞌ tiꞌ chi ilon teꞌ chemteꞌ bꞌey scalubꞌal Jehová, cꞌal teꞌ sreglail, yoyal, sbꞌatxlubꞌal, yetoj cꞌal masanil wanxa mitxꞌkꞌabꞌe, 37yetoj cꞌal teꞌ yoyal joyan oc yinlaj sattaj eltoj stiꞌ na tuꞌ, yetoj cꞌal sbꞌatxlubꞌal yalan, yestacail, cꞌal masanil xꞌanil.
38Jaxa yetcꞌulal bꞌey chi aol cꞌu bꞌey sattaj eltoj snail scalubꞌal Jehová, jaꞌ tituꞌ waꞌnebꞌil pax a skꞌap na naj Moisés yetoj naj Aarón, yetoj cꞌal ebꞌ scꞌaal naj Aarón, jaꞌton ebꞌ chi mulna yin yakꞌon servil bꞌey yul scalubꞌal Jehová, yu swatxꞌiloj ebꞌ conobꞌ Israel. Ta ey junoj mactxequel comon cꞌal chi oc yin yopiso tol man cꞌaltaꞌ yopiso oj yeocoj, tol chi cꞌal cami.
39Jaꞌ yet jix iꞌle a sbꞌisil ebꞌ Levita yin xolilal yu naj Moisés cꞌal naj Aarón, jaxca jix yun yalon Jehová, jix eloc sbꞌisil ebꞌ winaj yin 22,000 yin masanil, chi el yich yin ebꞌ jun xꞌaaw skꞌinal, catuꞌ chi bꞌey cꞌaltoj.
Sqꞌuexel Ebꞌ Bꞌabꞌel Unin
40Jix yalon Jehová tet naj Moisés jaxca tiꞌ:
Iꞌa sbꞌisil cꞌal sbꞌi ebꞌ bꞌabꞌel winaj unin xol conobꞌ Israel tiꞌ, chi el yich yin ebꞌ jun xꞌaaw skꞌinal, catuꞌ chi bꞌey cꞌaltoj. 41Jaꞌ ebꞌ Levita, wet chi yun can oc ebꞌ sqꞌuexeloj ebꞌ sbꞌabꞌel unin ebꞌ Israel tuꞌ. Quey pax tuꞌ chi yun noꞌ bꞌabꞌel yuneꞌ sjobꞌbꞌeal noꞌ ebꞌ Levita, wet chi yun can oc masanil noꞌ sjobꞌbꞌeal noꞌ ebꞌ, yet chi oc can noꞌ sqꞌuexeloj noꞌ je yet jaex Israel jex tiꞌ. Jain Jehová jin chi walaꞌ, ẍi tet naj Moisés.
42Yu jun tuꞌ xin, jix iꞌle a sbꞌisil masanil ebꞌ bꞌabꞌel unin xol ebꞌ conobꞌ Israel, yu naj Moisés, jaxca jix yun yalon Dios. 43Masanil ebꞌ winaj unin ey jun xꞌaaw skꞌinal, ey 22,273 ebꞌ yin masanil.
44Jix yalon Jehová tet naj Moisés jaxca tiꞌ:
45Aoc ebꞌ Levita tiꞌ sqꞌuexeloj ebꞌ bꞌabꞌel unin xol ebꞌ conobꞌ Israel; jacꞌalaꞌ pax noꞌ sjobꞌbꞌeal noꞌ ebꞌ, jaꞌ noꞌ chi oc can sqꞌuexeloj noꞌ sjobꞌbꞌeal noꞌ ebꞌ Israel, yutol wet cꞌaltaꞌ yeoc ebꞌ Levita tiꞌ. Jain Jehová jin chi walaꞌ. 46Asan xin, yel xacꞌal miman sbꞌisil ebꞌ bꞌabꞌel unin xol ebꞌ conobꞌ Israel yintaj pax ebꞌ Levita; jaꞌ tzet oj ja wun xin, jaꞌ yin junjun 273 ebꞌ bꞌabꞌel unin chi yakꞌ sobra tuꞌ. 47Jaꞌ yin ebꞌ chi yakꞌ sobra tuꞌ, cha kꞌan joebꞌoj siclo chꞌen tumin plata yin junjun ebꞌ, jatacꞌalaꞌ jantaj yalil chꞌen chi kꞌanbꞌalnele bꞌey snail jin calubꞌal, tol ey once gramo yalil chꞌen. 48Chi lawi tuꞌ, cha waontoj chꞌen tumin tuꞌ tet naj Aarón, cꞌal tet ebꞌ scꞌaal, jaꞌton chꞌen chi oc sqꞌuexeloj ebꞌ bꞌabꞌel unin chi yakꞌ sobra tuꞌ, ẍi Jehová.
49Queytuꞌ jix yun syambꞌan a chꞌen tumin naj Moisés jix oc sqꞌuexeloj ebꞌ bꞌabꞌel unin xol ebꞌ conobꞌ Israel tuꞌ. 50Jaꞌ sbꞌisil chꞌen tumin jix yamcha a yu naj Moisés tuꞌ, ey 1,365 siclo chꞌen tumin plata, jatacꞌalaꞌ jantaj yalil chꞌen chi kꞌanbꞌalnele bꞌey scalubꞌal Jehová. 51Jix lawi tuꞌ xin, jix yaontoj chꞌen tumin naj Moisés tet naj Aarón, cꞌal tet ebꞌ scꞌaal, jaxca jix yun yalon Jehová.
Currently Selected:
Números 3: knj
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Números 3
3
Jaꞌ Tzet Sowalil Chi Yun Ebꞌ Levita
1Jaꞌton ebꞌ yicꞌaal naj Aarón, yetoj ebꞌ yicꞌaal naj Moisés tiꞌ, yet jix kꞌanabꞌ Jehová tet naj Moisés bꞌey sjolom wonan Sinaí. 2Jaꞌ ebꞌ scꞌaal naj Aarón: Nadab sbꞌi naj bꞌabꞌel winaj, Abihú, Eleazar cꞌal naj Itamar. 3Jaꞌ ebꞌ canwan tuꞌ jix sicꞌle eloj, jix oc can yopiso ebꞌ yin yakꞌomaloj xaambꞌal tet Jehová. 4Jaꞌ naj Nadab yetoj naj Abihú tuꞌ, jix cam ebꞌ naj sattaj Jehová bꞌey txꞌotxꞌ cusiltaj txꞌotxꞌ chi yij Sinaí, yutol comon cꞌal jix yaoc jun kꞌakꞌ ebꞌ yul yet sattaj Jehová; cꞌam tocꞌal yuninal ebꞌ yet tuꞌ. Yuxan asanxane naj Eleazar yetoj naj Itamar jix oc can yin yakꞌomaloj xaambꞌal sattaj Dios, cꞌal yalan ẍejbꞌanil smam ebꞌ, jaꞌton Aarón.
5Jix yalon pax Jehová tet naj Moisés, jaxca tiꞌ:
6Awte oc masanil ebꞌ naj yicꞌaal Leví, yet chi colwa ebꞌ yetoj Aarón naj yakꞌomal xaambꞌal, jaꞌ tzet oj yal naj tet ebꞌ, jaꞌ oj sjije ebꞌ. 7Jaꞌ ebꞌ tuꞌ oj chejle yu naj Aarón, yet chi akꞌle servil ebꞌ conobꞌ, bꞌey jun Kꞌap Na bꞌey chin chaꞌle jin bꞌa je yetoj. Queytuꞌ oj yun yakꞌon servil masanil ebꞌ je yet conobꞌ Israel bꞌey snail jin calubꞌal tuꞌ. 8Catuꞌ chi steynen cꞌal pax masanil mitxꞌkꞌabꞌe ebꞌ bꞌey jun Kꞌap Na, queytuꞌ oj yun yakꞌle servil masanil ebꞌ conobꞌ Israel yu ebꞌ, cꞌal yin masanil mulnail bꞌey snail jin calubꞌal. 9Chi poꞌole el masanil ebꞌ Levita xol ebꞌ je yet conobꞌ tuꞌ, yet watxꞌ chi kꞌanbꞌalne ebꞌ yu Aarón, cꞌal yetoj masanil yicꞌaal ebꞌ. 10Asanne naj Aarón yetoj ebꞌ yicꞌaal, asanne ebꞌ chi oc yopiso yin yakꞌomaloj xaambꞌal ey jin an. Ta ey junoj mactxequel man eyoj oc jun opiso tuꞌ yibꞌan, catuꞌ chi yunen jaxca ebꞌ ey yopiso, tol tucꞌal chi cami, ẍi Dios.
Jaꞌ Ebꞌ Levita Yet Jehová Yeoc Ebꞌ
11Jix yalon Jehová tet naj Moisés jaxca tiꞌ:
12Jaꞌ tinaniꞌ xin, sicꞌ can el ebꞌ Levita sqꞌuexeloj junjun ebꞌ bꞌabꞌel winaj unin xol ebꞌ ja wet Israelal tiꞌ, yutol wet yeoc ebꞌ Levita tuꞌ. 13Jaꞌ yet jix wakꞌon cam masanil ebꞌ bꞌabꞌel winaj unin bꞌey Egipto, jix jin colcan el ebꞌ sbꞌabꞌel winaj unin ebꞌ je yet Israelal yet chi oc can ebꞌ wetoj. Quey pax tuꞌ jix yun masanil noꞌ bꞌabꞌel yuneꞌ sjobꞌbꞌeal noꞌ ebꞌ; yuxan wet yeoc noꞌ. Jain Jehová jin chi walaꞌ, ẍi Dios tet naj Moisés.
Jix Iꞌle A Sbꞌisil Ebꞌ Levita
14Jix kꞌanabꞌ Jehová tet naj Moisés bꞌey txꞌotxꞌ cusiltaj txꞌotxꞌ bꞌey Sinaí, jix yalon jaxca tiꞌ: 15Iꞌa sbꞌisil ebꞌ Levita, jatacꞌalaꞌ jantaj yeoc ebꞌ yin junjun bꞌulan xol yicꞌaal; masanil ebꞌ winaj xol ebꞌ Levita, cha wiꞌa sbꞌisil ebꞌ; cha chaꞌel yich yin ebꞌ jun xꞌaaw skꞌinal, chi bꞌey cꞌaltoj, ẍi Dios. 16Catuꞌ jix yiꞌon a sbꞌisil naj Moisés ebꞌ jaxca jix yun yalon Jehová.
17Jaꞌ ebꞌ scꞌaal Leví, jaꞌton: Guersón, Quehat cꞌal Merarí.
18Jal ebꞌ scꞌaal Guersón, jaꞌton: Libní cꞌal Simí, jatacꞌalaꞌ jantaj sbꞌisil junjun tujan icꞌaaleal.
19Jaꞌ ebꞌ scꞌaal Quehat; jaꞌton Amram, Ishar, Hebrón cꞌal Uziel; jaꞌton ebꞌ tiꞌ chi bꞌina cꞌal sbꞌi yicꞌaal.
20Jaꞌ ebꞌ scꞌaal Merarí: Jaꞌton Mahli cꞌal Musí, jaꞌton ebꞌ tiꞌ chi bꞌina sbꞌi yicꞌaal. Jaꞌ ebꞌ tiꞌ, yaaw yeoc ebꞌ yin junjun tujan xol ebꞌ yicꞌaal naj Leví.
21Jaꞌ ebꞌ yicꞌaal Guersón, caabꞌ tujan yeoc ebꞌ, jaꞌton ebꞌ yicꞌaal Libní cꞌal ebꞌ yicꞌaal Simí. 22Jaꞌ sbꞌisil ebꞌ winaj yin masanil, chi el yich yin ebꞌ jun xꞌaaw skꞌinal, catuꞌ chi bꞌey cꞌaltoj; yin masanil ey 7,500 sbꞌisil ebꞌ. 23Jaꞌ masanil ebꞌ tiꞌ, jatuꞌ bꞌulan ecꞌ ebꞌ yetcꞌulal bꞌey chi too cꞌu, bꞌey yintaj ecꞌtoj snail scalubꞌal Jehová. 24Jaꞌ mactxequel yaaw yeoc xol ebꞌ yicꞌaal Guersón tuꞌ, jaꞌton Eliasaf naj scꞌaal Lael. 25Jaꞌton ebꞌ tiꞌ chi ilon wan smajil yibꞌan jun Kꞌap Na, yetoj an cortina eyoc smajiloj stiꞌ bꞌey chi cu octoj, 26yetoj cꞌal scortinail eyoc bꞌey sattaj eltoj stiꞌ na tuꞌ, yetoj cꞌal an kꞌap eyoc smajiloj bꞌey chi octoj bꞌey sattaj eltoj stiꞌ na tuꞌ, joyan oc an yin scalubꞌal Jehová, cꞌal yin jun yet xaambꞌal yetoj cꞌal xꞌanil eyoc yet chi pixle ocoj.
27Jaꞌ xol ebꞌ yicꞌaal Quehat, ey canebꞌ tujan yeoc ebꞌ; jaꞌton ebꞌ yicꞌaal Amram, ebꞌ yicꞌaal Ishar, ebꞌ yicꞌaal Hebrón, cꞌal ebꞌ yicꞌaal Uziel. 28Jaꞌ sbꞌisil ebꞌ winaj yin masanil chi ẍaꞌel yich yin jun xꞌaaw skꞌinal, catuꞌ chi bꞌey cꞌaltoj, ey 8,600 ebꞌ, jaꞌton ebꞌ chi ilontoj snail scalubꞌal Jehová. 29Jaꞌ tituꞌ bꞌulan ecꞌ ebꞌ yicꞌaal Quehat bꞌey spacꞌulal ecꞌtoj snail scalubꞌal Jehová, bꞌey yetcꞌulaltoj sur. 30Jaꞌ mactxequel yaaw yeoc xol ebꞌ, jaꞌton Elisafán, scꞌaal Uziel. 31Jaꞌton ebꞌ tiꞌ chi teynen teꞌ Scaẍail Swa Kꞌane Dios, cꞌal teꞌ meẍa, yetoj cꞌal jun sbꞌatxlubꞌal tzejtebꞌal, yetoj caabꞌ yet xaambꞌal, cꞌal yetoj jantaj mitxꞌkꞌabꞌe chi kꞌanbꞌalnele yul snail scalubꞌal Jehová, yetoj cꞌal pax an cortina eyoc yul.
32Jaꞌ jun sat yaaw yeoc xol ebꞌ Levita tuꞌ, jaꞌton Eleazar, scꞌaal Aarón, naj yakꞌomal xaambꞌal, jaꞌ chi ilon masanil ebꞌ chi mulna bꞌey scalubꞌal Jehová.
33Ebꞌ yicꞌaal Merarí, caabꞌ tujan yeoc ebꞌ, jaꞌton ebꞌ yicꞌaal Mahli, yetoj ebꞌ yicꞌaal Musí. 34Jaꞌ sbꞌisil masanil ebꞌ winaj, chi el yich yin jun xꞌaaw skꞌinal, catuꞌ chi bꞌey cꞌaltoj, ey 6,200 ebꞌ. 35Jaꞌ mactxequel yaaw yeoc xol ebꞌ, jaꞌton Suriel, scꞌaal Abihail. Jatuꞌ bꞌulan ecꞌ ebꞌ bꞌey spacꞌul ecꞌtoj snail scalubꞌal Jehová, bꞌey yetcꞌulal norte. 36Jaꞌton ebꞌ tiꞌ chi ilon teꞌ chemteꞌ bꞌey scalubꞌal Jehová, cꞌal teꞌ sreglail, yoyal, sbꞌatxlubꞌal, yetoj cꞌal masanil wanxa mitxꞌkꞌabꞌe, 37yetoj cꞌal teꞌ yoyal joyan oc yinlaj sattaj eltoj stiꞌ na tuꞌ, yetoj cꞌal sbꞌatxlubꞌal yalan, yestacail, cꞌal masanil xꞌanil.
38Jaxa yetcꞌulal bꞌey chi aol cꞌu bꞌey sattaj eltoj snail scalubꞌal Jehová, jaꞌ tituꞌ waꞌnebꞌil pax a skꞌap na naj Moisés yetoj naj Aarón, yetoj cꞌal ebꞌ scꞌaal naj Aarón, jaꞌton ebꞌ chi mulna yin yakꞌon servil bꞌey yul scalubꞌal Jehová, yu swatxꞌiloj ebꞌ conobꞌ Israel. Ta ey junoj mactxequel comon cꞌal chi oc yin yopiso tol man cꞌaltaꞌ yopiso oj yeocoj, tol chi cꞌal cami.
39Jaꞌ yet jix iꞌle a sbꞌisil ebꞌ Levita yin xolilal yu naj Moisés cꞌal naj Aarón, jaxca jix yun yalon Jehová, jix eloc sbꞌisil ebꞌ winaj yin 22,000 yin masanil, chi el yich yin ebꞌ jun xꞌaaw skꞌinal, catuꞌ chi bꞌey cꞌaltoj.
Sqꞌuexel Ebꞌ Bꞌabꞌel Unin
40Jix yalon Jehová tet naj Moisés jaxca tiꞌ:
Iꞌa sbꞌisil cꞌal sbꞌi ebꞌ bꞌabꞌel winaj unin xol conobꞌ Israel tiꞌ, chi el yich yin ebꞌ jun xꞌaaw skꞌinal, catuꞌ chi bꞌey cꞌaltoj. 41Jaꞌ ebꞌ Levita, wet chi yun can oc ebꞌ sqꞌuexeloj ebꞌ sbꞌabꞌel unin ebꞌ Israel tuꞌ. Quey pax tuꞌ chi yun noꞌ bꞌabꞌel yuneꞌ sjobꞌbꞌeal noꞌ ebꞌ Levita, wet chi yun can oc masanil noꞌ sjobꞌbꞌeal noꞌ ebꞌ, yet chi oc can noꞌ sqꞌuexeloj noꞌ je yet jaex Israel jex tiꞌ. Jain Jehová jin chi walaꞌ, ẍi tet naj Moisés.
42Yu jun tuꞌ xin, jix iꞌle a sbꞌisil masanil ebꞌ bꞌabꞌel unin xol ebꞌ conobꞌ Israel, yu naj Moisés, jaxca jix yun yalon Dios. 43Masanil ebꞌ winaj unin ey jun xꞌaaw skꞌinal, ey 22,273 ebꞌ yin masanil.
44Jix yalon Jehová tet naj Moisés jaxca tiꞌ:
45Aoc ebꞌ Levita tiꞌ sqꞌuexeloj ebꞌ bꞌabꞌel unin xol ebꞌ conobꞌ Israel; jacꞌalaꞌ pax noꞌ sjobꞌbꞌeal noꞌ ebꞌ, jaꞌ noꞌ chi oc can sqꞌuexeloj noꞌ sjobꞌbꞌeal noꞌ ebꞌ Israel, yutol wet cꞌaltaꞌ yeoc ebꞌ Levita tiꞌ. Jain Jehová jin chi walaꞌ. 46Asan xin, yel xacꞌal miman sbꞌisil ebꞌ bꞌabꞌel unin xol ebꞌ conobꞌ Israel yintaj pax ebꞌ Levita; jaꞌ tzet oj ja wun xin, jaꞌ yin junjun 273 ebꞌ bꞌabꞌel unin chi yakꞌ sobra tuꞌ. 47Jaꞌ yin ebꞌ chi yakꞌ sobra tuꞌ, cha kꞌan joebꞌoj siclo chꞌen tumin plata yin junjun ebꞌ, jatacꞌalaꞌ jantaj yalil chꞌen chi kꞌanbꞌalnele bꞌey snail jin calubꞌal, tol ey once gramo yalil chꞌen. 48Chi lawi tuꞌ, cha waontoj chꞌen tumin tuꞌ tet naj Aarón, cꞌal tet ebꞌ scꞌaal, jaꞌton chꞌen chi oc sqꞌuexeloj ebꞌ bꞌabꞌel unin chi yakꞌ sobra tuꞌ, ẍi Jehová.
49Queytuꞌ jix yun syambꞌan a chꞌen tumin naj Moisés jix oc sqꞌuexeloj ebꞌ bꞌabꞌel unin xol ebꞌ conobꞌ Israel tuꞌ. 50Jaꞌ sbꞌisil chꞌen tumin jix yamcha a yu naj Moisés tuꞌ, ey 1,365 siclo chꞌen tumin plata, jatacꞌalaꞌ jantaj yalil chꞌen chi kꞌanbꞌalnele bꞌey scalubꞌal Jehová. 51Jix lawi tuꞌ xin, jix yaontoj chꞌen tumin naj Moisés tet naj Aarón, cꞌal tet ebꞌ scꞌaal, jaxca jix yun yalon Jehová.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.