Números 17
17
Jix Woli Teꞌ Skꞌojoch Naj Aarón
1Jix lawi tuꞌ xin, jix yalon Jehová tet naj Moisés jaxca tiꞌ:
2Al tet ebꞌ yaaw yeoc xol junjun icꞌaaleal xol ebꞌ conobꞌ Israel, tol chi yiꞌtej junjunoj skꞌojoch ebꞌ, chi yal yeloc apnoj tol lacawebꞌ kꞌojoche yin masanil, catuꞌ cha tzꞌibꞌen oc sbꞌi ebꞌ yin skꞌojoch tuꞌ. 3Jaꞌ teꞌ skꞌojoch ebꞌ yicꞌaal Leví, cha tzꞌibꞌe oc sbꞌi naj Aarón yin teꞌ, yutol oj tit junjun skꞌojoch ebꞌ syaawil junjun icꞌaale. 4Chi lawi tuꞌ, cha waon octoj teꞌ bꞌey yul jun Kꞌap Na bꞌey chi cu chaꞌle cu bꞌa je yetoj, bꞌey sattaj teꞌ scaẍail yet jin chejbꞌanil, bꞌey chin txꞌox jin bꞌa ey jex. 5Jaꞌ tituꞌ oj wakꞌ woloj teꞌ skꞌojoch jun mactxequel tol sicꞌbꞌil el wu, yet watxꞌ oj oc tucan ebꞌ ánima tiꞌ yalon je kꞌumal, ẍi Dios.
6Jix lawi tuꞌ, jix yalon naj Moisés tet ebꞌ syaawil conobꞌ yeoc yin junjun icꞌaaleal: Junjun cꞌal ebꞌ jix yakꞌ skꞌojoch. Ey lacawebꞌ teꞌ yin masanil; eyoc teꞌ yet naj Aarón xol. 7Jix yaon octoj teꞌ kꞌojoche naj Moisés tuꞌ sattaj Jehová, bꞌey yul jun Kꞌap Na cꞌal teꞌ Scaẍail Swa Kꞌane Dios. 8Jaxa yet junxa cꞌu, jix too naj Moisés bꞌey yul jun Kꞌap Na tuꞌ, jix yiloni tol jaꞌ teꞌ skꞌojoch naj Aarón, teꞌ yet ebꞌ yicꞌaal Leví, jix elol swol teꞌ, eyxa oc xumac cꞌal sat, jaꞌton teꞌ almendro tol kꞌanxa. 9Jix lawi tuꞌ xin, jix yiꞌon eltej masanil teꞌ kꞌojoche naj Moisés eyoctoj sattaj Jehová, catuꞌ jix xꞌoxon naj tet ebꞌ yet Israelal. Jaꞌ yet jix lawi yilon ebꞌ, catuꞌ jix yiꞌon a skꞌojoch junjun ebꞌ.
10Jix lawi tuꞌ xin, jix yalon Jehová tet naj Moisés jaxca tiꞌ: A can octoj teꞌ skꞌojoch naj Aarón bꞌey sattaj scaẍail yet jin chejbꞌanil, cꞌubꞌa cantoj teꞌ tituꞌ yet chi snaꞌontej wan ánima pena chi yute snaꞌbꞌal tiꞌ, yet watxꞌ chi oc tucan ebꞌ yalon pena kꞌane win, yet man oj cam ebꞌ, ẍi Dios.
11Jix sjije naj Moisés yunen masanil tzet jix yal Jehová.
12Jaxa yalon ebꞌ conobꞌ Israel tet naj Moisés jaxca tiꞌ: Ta jaxca tuꞌ xin, oj jul camich kibꞌan cu masanil. 13Masanil mactxequel chi apni oc bꞌey snail scalubꞌal Jehová, oj mi cu cam cu masanil chi yal tuꞌ, ẍi ebꞌ.
Currently Selected:
Números 17: knj
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Números 17
17
Jix Woli Teꞌ Skꞌojoch Naj Aarón
1Jix lawi tuꞌ xin, jix yalon Jehová tet naj Moisés jaxca tiꞌ:
2Al tet ebꞌ yaaw yeoc xol junjun icꞌaaleal xol ebꞌ conobꞌ Israel, tol chi yiꞌtej junjunoj skꞌojoch ebꞌ, chi yal yeloc apnoj tol lacawebꞌ kꞌojoche yin masanil, catuꞌ cha tzꞌibꞌen oc sbꞌi ebꞌ yin skꞌojoch tuꞌ. 3Jaꞌ teꞌ skꞌojoch ebꞌ yicꞌaal Leví, cha tzꞌibꞌe oc sbꞌi naj Aarón yin teꞌ, yutol oj tit junjun skꞌojoch ebꞌ syaawil junjun icꞌaale. 4Chi lawi tuꞌ, cha waon octoj teꞌ bꞌey yul jun Kꞌap Na bꞌey chi cu chaꞌle cu bꞌa je yetoj, bꞌey sattaj teꞌ scaẍail yet jin chejbꞌanil, bꞌey chin txꞌox jin bꞌa ey jex. 5Jaꞌ tituꞌ oj wakꞌ woloj teꞌ skꞌojoch jun mactxequel tol sicꞌbꞌil el wu, yet watxꞌ oj oc tucan ebꞌ ánima tiꞌ yalon je kꞌumal, ẍi Dios.
6Jix lawi tuꞌ, jix yalon naj Moisés tet ebꞌ syaawil conobꞌ yeoc yin junjun icꞌaaleal: Junjun cꞌal ebꞌ jix yakꞌ skꞌojoch. Ey lacawebꞌ teꞌ yin masanil; eyoc teꞌ yet naj Aarón xol. 7Jix yaon octoj teꞌ kꞌojoche naj Moisés tuꞌ sattaj Jehová, bꞌey yul jun Kꞌap Na cꞌal teꞌ Scaẍail Swa Kꞌane Dios. 8Jaxa yet junxa cꞌu, jix too naj Moisés bꞌey yul jun Kꞌap Na tuꞌ, jix yiloni tol jaꞌ teꞌ skꞌojoch naj Aarón, teꞌ yet ebꞌ yicꞌaal Leví, jix elol swol teꞌ, eyxa oc xumac cꞌal sat, jaꞌton teꞌ almendro tol kꞌanxa. 9Jix lawi tuꞌ xin, jix yiꞌon eltej masanil teꞌ kꞌojoche naj Moisés eyoctoj sattaj Jehová, catuꞌ jix xꞌoxon naj tet ebꞌ yet Israelal. Jaꞌ yet jix lawi yilon ebꞌ, catuꞌ jix yiꞌon a skꞌojoch junjun ebꞌ.
10Jix lawi tuꞌ xin, jix yalon Jehová tet naj Moisés jaxca tiꞌ: A can octoj teꞌ skꞌojoch naj Aarón bꞌey sattaj scaẍail yet jin chejbꞌanil, cꞌubꞌa cantoj teꞌ tituꞌ yet chi snaꞌontej wan ánima pena chi yute snaꞌbꞌal tiꞌ, yet watxꞌ chi oc tucan ebꞌ yalon pena kꞌane win, yet man oj cam ebꞌ, ẍi Dios.
11Jix sjije naj Moisés yunen masanil tzet jix yal Jehová.
12Jaxa yalon ebꞌ conobꞌ Israel tet naj Moisés jaxca tiꞌ: Ta jaxca tuꞌ xin, oj jul camich kibꞌan cu masanil. 13Masanil mactxequel chi apni oc bꞌey snail scalubꞌal Jehová, oj mi cu cam cu masanil chi yal tuꞌ, ẍi ebꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.