Mateo 28
28
Spitzcꞌubꞌail Jesús
(Marcos 16:1-8; Lucas 24:1-12; Juan 20:1-10)
1Jix ecꞌ cꞌu yet scꞌual xewilal, catuꞌ jix sajbꞌi a yet Domingo, yet bꞌabꞌel scꞌual yul semana. Catuꞌ jix too ix María Magdalena yetoj junxa María bꞌey jix bꞌet can smimanil Jesús. 2Jaꞌ yet lalan stoo ebꞌ tuꞌ, jix ecꞌ jun quixcabꞌ caw jow, catuꞌ jix eyol jun yángel Naj Yaaw bꞌey satcan catuꞌ jix apni bꞌey mujan Jesús tuꞌ. Jix yiꞌon el chꞌen smajil tuꞌ catuꞌ jix ey chotan yibꞌan chꞌen. 3Caw chi tzejeji yili jaxca sletzꞌlom yichcan. Caw saj spichil jaxca sajbꞌacom. 4Jaꞌ yet jix yilon ebꞌ soldado eyecꞌ steynen chꞌen chꞌen tuꞌ, jix lujlon a ebꞌ yu xiwcꞌulal. Jix telcꞌotoj ebꞌ, jaxca tol jix camel ebꞌ. 5Catuꞌ jix yalon jun ángel tuꞌ tet ebꞌ ix jaxca tiꞌ:
—Manche jex xiwi. Wotaj tol jaꞌ Jesús, Naj jix culusnelei, jaꞌ Naj che seyecꞌoj. 6Cꞌamxa Naj eyecꞌ titiꞌ. Jix pitzcꞌunele a jaxca jix yute yalon ey jex. Titanwej ton abꞌi, catuꞌ che yilon bꞌey jix can Naj. 7Catuꞌ asiꞌwej eyman, chi too je yal tet ebꞌ jix ecꞌ cuywoj yintaj Naj, tol jix pitzcꞌunele a xol ebꞌ camnaj. Oj bꞌabꞌoj apnoj je sattaj bꞌey Galilea. Oj je yil yin Naj tituꞌ. Jaꞌ wan tiꞌ chi jul wal ey jex an, ẍi jun ángel tuꞌ tet ebꞌ ix. 8Catuꞌ jix sbꞌejoncan chꞌen chꞌen ebꞌ ix bꞌey jix mujle Naj tuꞌ yin eymanil. Jix xiwa ebꞌ, caw jix tzala pax a ebꞌ. Yuxan jix too ebꞌ yin ani. Jix too yalon ebꞌ tet ebꞌ scuywom Jesús tuꞌ. 9Lalanto stoo ebꞌ tuꞌ, jix xꞌoxon a sbꞌa Jesús tet ebꞌ. Jix skꞌanleni ta watxꞌ scꞌul ebꞌ. Catuꞌ jix sjitzon xacꞌaltej sbꞌa ebꞌ scꞌatan. Jix yiꞌon ey sbꞌa ebꞌ tet Jesús, jix oc lakꞌan ebꞌ yin yajan. 10Jix yalon Jesús tet ebꞌ:
—Manche jex xiwi. Asiꞌ alwej tet ebꞌ wuẍtaj cꞌal tet ebꞌ wanabꞌ, tol chi too ebꞌ bꞌey Galilea. Jaꞌ tituꞌ oj yil ebꞌ win an, ẍi Jesús tet ebꞌ.
Jix Yal Ebꞌ Soldado Tzet Jix Yun Yelocoj
11Lalanto stoo ebꞌ ix ix tuꞌ, catuꞌ jix too jun cawan ebꞌ soldado chi teynen chꞌen chꞌen tuꞌ yul conobꞌ. Jix apni ebꞌ scꞌatan ebꞌ yaawil yakꞌomal xaambꞌal ebꞌ Israel tet Dios. Jix bꞌet yal ebꞌ masanil tzet jix yun yeloc tituꞌ. 12Jix lawi yabꞌen ebꞌ masanil tzet jix yun tuꞌ, catuꞌ jix too ebꞌ slatiꞌne sbꞌa yetoj ebꞌ ichamtaj winaj ey yopiso, tol oj yaoc mimanoj tumin ebꞌ tet ebꞌ soldado tuꞌ. 13Catuꞌ jix yalon tet ebꞌ jaxca tiꞌ:
—Jaxca tiꞌ oj je yute je yalon jaxca tiꞌ: “Lalan cu wey yet akꞌbꞌalil, catuꞌ jix jul ebꞌ scuywom yiꞌontoj smimanil tuꞌ,” je chi, ẍi ebꞌ tet ebꞌ soldado tuꞌ. 14Ta chi yabꞌ naj yaaw jun tiꞌ, cꞌam tzet che naꞌ, oj cu monte naj jaon tiꞌ, yet watxꞌ cꞌam tzet chi elol je yibꞌan, ẍi ebꞌ tet ebꞌ soldado tuꞌ. 15Catuꞌ jix ẍaꞌon chꞌen tumin tuꞌ ebꞌ soldado tuꞌ. Jix ecꞌ yalon el ebꞌ jaxca jix yun yal-le tet ebꞌ tuꞌ. Yuxan jaꞌ jun lekꞌtiꞌal kꞌane tiꞌ, chi tocꞌal yal ebꞌ Israel tinaniꞌ.
Jix Ẍejtoj Ebꞌ Scuywom Jesús
(Marcos 16:14-18; Lucas 24:36-49; Juan 20:19-23; Hechos 1:6-8)
16Jix too ebꞌ juslucꞌwan scuywom Jesús bꞌey Galilea tuꞌ. Jaꞌ bꞌey jun wonan, jun jix yal can Jesús tet ebꞌ, jaꞌ tituꞌ jix apni ebꞌ. 17Jaꞌ tituꞌ, jix yil ebꞌ yin Jesús. Jix yiꞌon ey sbꞌa ebꞌ tet Naj. Ey pax jun cawan ebꞌ ma yaoc yin scꞌul. 18Jix sjitztej sbꞌa Jesús scꞌatan ebꞌ sjuslucꞌwanil, jix yalon tet ebꞌ jaxca tiꞌ:
—Jix jin ale oc Yaawilal yibꞌan masanil tzet ey bꞌey satcan, cꞌal yibꞌan masanil tzet ey bꞌey yul yibꞌankꞌinal tiꞌ. 19Yuxan, asiꞌwej cuywa xol-laj ánima bꞌey junjun conobꞌ, yet watxꞌ oj oc ebꞌ jin cuywom oj. Che yakꞌ can bautizar ebꞌ yin sbꞌi cu Mam Dios, cꞌal yin jin bꞌi, jain Scꞌaal Dios jin tiꞌ an, cꞌal yin sbꞌi Naj Santo Espíritu. 20Che cuy can ebꞌ, yet watxꞌ masanil tzet jix wal can ey jex, oj sjije ebꞌ. Otajnewej el sicꞌlebꞌil, tol jain, chin ecꞌ je yetoj tobꞌalkꞌinal, masantaꞌcꞌal oj lawoj yul yibꞌankꞌinal tiꞌ, ẍi Jesús tet ebꞌ scuywom tuꞌ.
Currently Selected:
Mateo 28: knj
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Mateo 28
28
Spitzcꞌubꞌail Jesús
(Marcos 16:1-8; Lucas 24:1-12; Juan 20:1-10)
1Jix ecꞌ cꞌu yet scꞌual xewilal, catuꞌ jix sajbꞌi a yet Domingo, yet bꞌabꞌel scꞌual yul semana. Catuꞌ jix too ix María Magdalena yetoj junxa María bꞌey jix bꞌet can smimanil Jesús. 2Jaꞌ yet lalan stoo ebꞌ tuꞌ, jix ecꞌ jun quixcabꞌ caw jow, catuꞌ jix eyol jun yángel Naj Yaaw bꞌey satcan catuꞌ jix apni bꞌey mujan Jesús tuꞌ. Jix yiꞌon el chꞌen smajil tuꞌ catuꞌ jix ey chotan yibꞌan chꞌen. 3Caw chi tzejeji yili jaxca sletzꞌlom yichcan. Caw saj spichil jaxca sajbꞌacom. 4Jaꞌ yet jix yilon ebꞌ soldado eyecꞌ steynen chꞌen chꞌen tuꞌ, jix lujlon a ebꞌ yu xiwcꞌulal. Jix telcꞌotoj ebꞌ, jaxca tol jix camel ebꞌ. 5Catuꞌ jix yalon jun ángel tuꞌ tet ebꞌ ix jaxca tiꞌ:
—Manche jex xiwi. Wotaj tol jaꞌ Jesús, Naj jix culusnelei, jaꞌ Naj che seyecꞌoj. 6Cꞌamxa Naj eyecꞌ titiꞌ. Jix pitzcꞌunele a jaxca jix yute yalon ey jex. Titanwej ton abꞌi, catuꞌ che yilon bꞌey jix can Naj. 7Catuꞌ asiꞌwej eyman, chi too je yal tet ebꞌ jix ecꞌ cuywoj yintaj Naj, tol jix pitzcꞌunele a xol ebꞌ camnaj. Oj bꞌabꞌoj apnoj je sattaj bꞌey Galilea. Oj je yil yin Naj tituꞌ. Jaꞌ wan tiꞌ chi jul wal ey jex an, ẍi jun ángel tuꞌ tet ebꞌ ix. 8Catuꞌ jix sbꞌejoncan chꞌen chꞌen ebꞌ ix bꞌey jix mujle Naj tuꞌ yin eymanil. Jix xiwa ebꞌ, caw jix tzala pax a ebꞌ. Yuxan jix too ebꞌ yin ani. Jix too yalon ebꞌ tet ebꞌ scuywom Jesús tuꞌ. 9Lalanto stoo ebꞌ tuꞌ, jix xꞌoxon a sbꞌa Jesús tet ebꞌ. Jix skꞌanleni ta watxꞌ scꞌul ebꞌ. Catuꞌ jix sjitzon xacꞌaltej sbꞌa ebꞌ scꞌatan. Jix yiꞌon ey sbꞌa ebꞌ tet Jesús, jix oc lakꞌan ebꞌ yin yajan. 10Jix yalon Jesús tet ebꞌ:
—Manche jex xiwi. Asiꞌ alwej tet ebꞌ wuẍtaj cꞌal tet ebꞌ wanabꞌ, tol chi too ebꞌ bꞌey Galilea. Jaꞌ tituꞌ oj yil ebꞌ win an, ẍi Jesús tet ebꞌ.
Jix Yal Ebꞌ Soldado Tzet Jix Yun Yelocoj
11Lalanto stoo ebꞌ ix ix tuꞌ, catuꞌ jix too jun cawan ebꞌ soldado chi teynen chꞌen chꞌen tuꞌ yul conobꞌ. Jix apni ebꞌ scꞌatan ebꞌ yaawil yakꞌomal xaambꞌal ebꞌ Israel tet Dios. Jix bꞌet yal ebꞌ masanil tzet jix yun yeloc tituꞌ. 12Jix lawi yabꞌen ebꞌ masanil tzet jix yun tuꞌ, catuꞌ jix too ebꞌ slatiꞌne sbꞌa yetoj ebꞌ ichamtaj winaj ey yopiso, tol oj yaoc mimanoj tumin ebꞌ tet ebꞌ soldado tuꞌ. 13Catuꞌ jix yalon tet ebꞌ jaxca tiꞌ:
—Jaxca tiꞌ oj je yute je yalon jaxca tiꞌ: “Lalan cu wey yet akꞌbꞌalil, catuꞌ jix jul ebꞌ scuywom yiꞌontoj smimanil tuꞌ,” je chi, ẍi ebꞌ tet ebꞌ soldado tuꞌ. 14Ta chi yabꞌ naj yaaw jun tiꞌ, cꞌam tzet che naꞌ, oj cu monte naj jaon tiꞌ, yet watxꞌ cꞌam tzet chi elol je yibꞌan, ẍi ebꞌ tet ebꞌ soldado tuꞌ. 15Catuꞌ jix ẍaꞌon chꞌen tumin tuꞌ ebꞌ soldado tuꞌ. Jix ecꞌ yalon el ebꞌ jaxca jix yun yal-le tet ebꞌ tuꞌ. Yuxan jaꞌ jun lekꞌtiꞌal kꞌane tiꞌ, chi tocꞌal yal ebꞌ Israel tinaniꞌ.
Jix Ẍejtoj Ebꞌ Scuywom Jesús
(Marcos 16:14-18; Lucas 24:36-49; Juan 20:19-23; Hechos 1:6-8)
16Jix too ebꞌ juslucꞌwan scuywom Jesús bꞌey Galilea tuꞌ. Jaꞌ bꞌey jun wonan, jun jix yal can Jesús tet ebꞌ, jaꞌ tituꞌ jix apni ebꞌ. 17Jaꞌ tituꞌ, jix yil ebꞌ yin Jesús. Jix yiꞌon ey sbꞌa ebꞌ tet Naj. Ey pax jun cawan ebꞌ ma yaoc yin scꞌul. 18Jix sjitztej sbꞌa Jesús scꞌatan ebꞌ sjuslucꞌwanil, jix yalon tet ebꞌ jaxca tiꞌ:
—Jix jin ale oc Yaawilal yibꞌan masanil tzet ey bꞌey satcan, cꞌal yibꞌan masanil tzet ey bꞌey yul yibꞌankꞌinal tiꞌ. 19Yuxan, asiꞌwej cuywa xol-laj ánima bꞌey junjun conobꞌ, yet watxꞌ oj oc ebꞌ jin cuywom oj. Che yakꞌ can bautizar ebꞌ yin sbꞌi cu Mam Dios, cꞌal yin jin bꞌi, jain Scꞌaal Dios jin tiꞌ an, cꞌal yin sbꞌi Naj Santo Espíritu. 20Che cuy can ebꞌ, yet watxꞌ masanil tzet jix wal can ey jex, oj sjije ebꞌ. Otajnewej el sicꞌlebꞌil, tol jain, chin ecꞌ je yetoj tobꞌalkꞌinal, masantaꞌcꞌal oj lawoj yul yibꞌankꞌinal tiꞌ, ẍi Jesús tet ebꞌ scuywom tuꞌ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.