Lucas Introducción
Introducción
Lucas sbꞌi jun libro tiꞌ, jix tzꞌibꞌelecan yet abꞌil 60-62 d.C.
Jaꞌ naj anwam chi yij Lucas jix tzꞌibꞌencan yet eyecꞌ naj bꞌey conobꞌ Roma.
Jaꞌ jun libro tiꞌ chi yaltej tol jaꞌ Jesús sColomal ebꞌ conobꞌ Israel yei, sColomal pax masanil ánima. Chi yalon pax canoj tol jaꞌ Jesús chejbꞌiltej yu yalon watxꞌ kꞌane tet ebꞌ mebꞌa. Chi yalon pax yu jantaj tzet jix el yunen naj Juan Bautista. Chi yalon pax yu yalubꞌal Jesús yetoj cꞌal pax yet jix yochen naj Satanás tol chi eyqꞌuey Jesús yin spenail, yet jix el yich smulnail bꞌey Galilea, cꞌal yet jix apni oc yul conobꞌ Jerusalén, yet jix ale oc yul skꞌabꞌ syaꞌilal, yet jix cami cꞌal yet jix pitzcꞌu pax aoj, yetoj cꞌal yet jix paxa bꞌey satcan. Jaꞌ wan kꞌane tiꞌ chi yal pax tej bꞌey San Mateo yetoj bꞌey San Marcos.
Jaꞌ Lucas tiꞌ caw ey tzetyetal chi yalaꞌ, tol cꞌam chi bꞌina yul libro Mateo, cꞌal Marcos, jal Lucas tiꞌ xin chi yaltej skꞌaneal yet jix bꞌitni ebꞌ ángel, skꞌaneal ebꞌ ilom meꞌ jix bꞌet ilon ecꞌ Jesús, yet jix octoj Jesús yul snail skꞌane Dios, skꞌaneal naj a Samaria, skꞌaneal naj cꞌaale jix yiꞌel sbꞌa junoj tiempoal yintaj smam. Chi yalon yu txa, yu Yespíritu Dios, cꞌal skꞌaneal ebꞌ ix ix jix oc tzajan yintaj Jesús. Chi yalon an libro tiꞌ tol ey yipal Jesús yakꞌon lawoj spenail ebꞌ ánima.
Currently Selected:
Lucas Introducción: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.