Levítico 1
1
Jaꞌ Wan Xaambꞌal Chi Tzꞌaꞌi
1Jix awtele Moisés yu Dios bꞌey yul snail scalubꞌal Jehová, bꞌey chi ẍaꞌle sbꞌa yetoj ebꞌ ánima. Jix yalon Dios tet naj jaxca tiꞌ:
2Al tet ebꞌ ja wet Israelal, tol jain chi wal wan chejbꞌanile tiꞌ: Ta ey junoj mactxequel chi yakꞌ tzꞌaꞌ sjobꞌbꞌeal noꞌ yin saꞌbꞌeal ey jin, sowalil tol jaꞌ jobꞌnen jun noꞌ tuꞌ.
3Ta wacax noꞌ chi yakꞌ yin xaambꞌal tuꞌ,#1:3 Jaꞌ wan xaambꞌal chi tzꞌaꞌi, jaꞌ jun tuꞌ tol chi akꞌle tzꞌaꞌ noꞌ tuꞌ masanil. jaꞌ junoj noꞌ achꞌe wacax caw watxꞌ chi yiꞌtej. Yet watxꞌ chi chaꞌle tet bꞌey sattaj snail bꞌey chi cu chaꞌle cu bꞌa je yetoj. 4Sowalil chi yaoc skꞌabꞌ yibꞌan sjolom noꞌ noꞌ tuꞌ, jaxca tuꞌ chi yun yakꞌle tan spenail ebꞌ yibꞌan. 5Jaꞌ jun ey yet noꞌ noꞌ tuꞌ jaꞌ chi makꞌon cam noꞌ jin sattaj; jaxa ebꞌ scꞌaal Aarón, ebꞌ yakꞌomal xaambꞌal yeocoj, jaꞌ ebꞌ chi iꞌontej ẍiqꞌuil noꞌ; chi lawi tuꞌ chi xion oc ebꞌ yin scanpaqꞌuil jun yet xaambꞌal eyecꞌ bꞌey sattaj snail jin calubꞌal, ẍi Dios. 6Chi lawi tuꞌ chi yiꞌon el stzꞌuumal noꞌ, catuꞌ chi skocꞌ stzokꞌnentoj noꞌ chiꞌbꞌe tuꞌ. 7Jaxa ebꞌ yakꞌomal xaambꞌal tuꞌ, chi aon oc teꞌ siꞌ yibꞌan jun yet xaambꞌal tuꞌ, catuꞌ chi yaon oc skꞌakꞌal ebꞌ. 8Chi ale atoj noꞌ chiꞌbꞌe kocꞌ tzokꞌ ye tuꞌ yibꞌan teꞌ siꞌ yetoj sjolom noꞌ, cꞌal noꞌ ẍepuꞌ chi iꞌle el yin noꞌ. 9Jaꞌ mactxequel chi akꞌon noꞌ yin xaambꞌal tuꞌ, sowalil chi txꞌale el noꞌ yul scꞌul cꞌal yajan noꞌ yetoj jaꞌ, jaxa naj yakꞌomal xaambꞌal tuꞌ chi akꞌon tzꞌaꞌ noꞌ masanil yibꞌan yet xaambꞌal tuꞌ, caw watxꞌ yoc sabꞌ chi wabꞌe, ẍi Dios.
10Ta tol meꞌ ma chiw noꞌ chi akꞌle yin xaambꞌal tuꞌ, sowalil tol icham noꞌ, tol watxꞌ ojabꞌ cꞌal el masanil. 11Jaꞌ bꞌey yetcꞌulal norte, jatuꞌ chi makꞌle cam noꞌ noꞌ tuꞌ, jaxa ebꞌ scꞌaal naj Aarón chi stiẍon oc ẍiqꞌuil noꞌ noꞌ tuꞌ yin scanpaqꞌuil jun yet xaambꞌal tuꞌ. 12Chi lawi tuꞌ, chi kocꞌ pol-le a noꞌ chiꞌbꞌe tuꞌ, jaxa ebꞌ yakꞌomal xaambꞌal chi akꞌon tzꞌaꞌ noꞌ yibꞌan kꞌakꞌ bꞌey jun yet xaambꞌal tuꞌ, yetoj sjolom noꞌ, yetoj cꞌal ẍepuꞌal noꞌ chi el yin tuꞌ. 13Jaxa jun mac chi akꞌon noꞌ xaambꞌal tuꞌ, sowalil chi txꞌale el noꞌ yul scꞌul cꞌal yajan noꞌ yetoj jaꞌ, catuꞌ chi nusle tzꞌaꞌ masanil noꞌ yibꞌan jun yet xaambꞌal yu ebꞌ yakꞌomal xaambꞌal, caw watxꞌ yoc sabꞌ chi wabꞌe, ẍi Dios.
14Ta tzꞌiquin junoj chi akꞌle yin xaambꞌal jin sattaj, sowalil jaꞌ junoj noꞌ jobꞌbꞌeal paramuch. 15Jaꞌ naj yakꞌomal xaambꞌal chi iꞌontej noꞌ xaambꞌal tuꞌ bꞌey jun yet xaambꞌal, chi txꞌumle el snukꞌ noꞌ catuꞌ chi el xacꞌal can sjolom, catuꞌ chi akꞌle tzꞌaꞌoj. Sowalil chi tiẍle oc ẍiqꞌuil noꞌ yin jun pacꞌ jun yet xaambꞌal tuꞌ. 16Chi iꞌle eltej sneetal sloꞌbꞌe noꞌ, catuꞌ chi kꞌojle cantoj bꞌey yetcꞌulal yet xaambꞌal bꞌey chi aol cꞌu, chi yal yeloc apnoj, jaꞌton bꞌey chi yambꞌale chꞌen stikꞌakꞌil taan. 17Chi lawi tuꞌ xin, chi mitxꞌle a xicꞌ noꞌ, catuꞌ chi jechle ey snan noꞌ, asan xin, cꞌam chi ey xacꞌal snan noꞌ yin junelne, chi lawi tuꞌ chi yakꞌon tzꞌaꞌ naj yakꞌomal xaambꞌal tuꞌ yibꞌan teꞌ siꞌ eyatoj yibꞌan jun yet xaambꞌal tuꞌ. Caw watxꞌ yoc sabꞌ chi wabꞌe, ẍi Dios.
Currently Selected:
Levítico 1: knj
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
