Juan 13
13
Skꞌaneal Yet Jix Txꞌale El Yajan Ebꞌ Scuywom Yu Jesús
1Yecaloj xacꞌal kꞌin Pascua, yotaj xa Jesús, tol jix jul stiempoal sbꞌejoncan jun yul yibꞌankꞌinal tiꞌ, catuꞌ chi paxa bꞌey cu Mam Dios. Caw ey scamcꞌulal Naj yin ebꞌ scuywom, ebꞌ eyto ecꞌ yul yibꞌankꞌinal tiꞌ. Jaꞌ tinaniꞌ jix xꞌox jantaj scamcꞌulal yin ebꞌ. 2-4Tuxa jix oc naj diablo yin spixan naj Judas, scꞌaal Simón Iscariote, tzet utbꞌil tol jaꞌ naj oj aon oc Jesús yul skꞌabꞌ camich. Jaꞌ Jesús yotaj, tol jaꞌ bꞌey Dios titnaj, catuꞌ jacꞌalaꞌ tituꞌ oj pax aoj. Yotaj, tol jaꞌ cu Mam Dios jix akꞌon masanil yipal yul skꞌabꞌ. Jaꞌ yet lalan slow yetoj ebꞌ scuywom tuꞌ, jix a waanoj, jix yiꞌon el an spichil. Catuꞌ jix spixon oc jun an toalla kꞌap yin snan.#13:2-4 Jaꞌ jun yakꞌomal servil caw cꞌam niꞌoj yeloc apnoj, jaꞌton jun tuꞌ ey yopiso xꞌaon el ajane. 5Catuꞌ jix yaon ey jaꞌ yul jun palangana. Jix xꞌaon el yajan ebꞌ scuywom tuꞌ, jix sjoꞌontaj yetoj an toalla kꞌap jix spixoc yin snan tuꞌ. 6Jaꞌ yet ian tuxa oj txꞌale el yajan naj Simón Pedro jix yalon naj Pedro tuꞌ tet Naj jaxca tiꞌ:
—Jaach Cuywam, ¿tumi ian cha txꞌael wajan tiꞌ an ja waloni? ẍi naj tet.
7—Jaꞌ tinaniꞌ, cꞌam chi naꞌcha eloj tzetyetal chi wun tiꞌ. Cꞌuancꞌulal cꞌal oj naꞌcha eloj, ẍi Jesús tuꞌ tet naj.
8—Cꞌam bꞌakꞌin tol jaach, oj ja txꞌael wajan tiꞌ an, ẍi naj Pedro tuꞌ tet Jesús.
—Ta cꞌam cha wakꞌ jin txꞌael xin, cꞌam ja walon ja wet wetoj an, ẍi Jesús tet naj.
9—Ta queytuꞌ xin, Mamin, man ojabꞌ asanne oj wajan tiꞌ cha txꞌaeloj, txꞌa pax jin kꞌabꞌ tiꞌ, cꞌal jin jolom, ẍi naj Pedro tuꞌ. 10Catuꞌ jix yalon Jesús jaxca tiꞌ:
—Kꞌinaloj ey junoj mac tol to jix aẍni, manxa sowalil oj chi txꞌale smimanil masanil. Asanxane yajan chi txꞌalei, yutol jaꞌ smimanil, sajxa yei. Jaex tiꞌ jaxca junoj jix aẍni tuꞌ, queytuꞌ je yei, yutol tuxa jix waꞌxi je naꞌbꞌal. Caxcꞌal man je masaniloj jix waꞌxi oc je naꞌbꞌal, ẍi Jesús tuꞌ. 11Yotaj xa Naj mactxequel oj aon oc yul skꞌabꞌ camich. Yu jun tuꞌ, yuxan jix yal jaxca tiꞌ; “Man je masaniloj jix waꞌxi oc je naꞌbꞌal,” ẍi. 12Jaꞌ yet jix lawi xꞌale yajan ebꞌ tuꞌ, catuꞌ jix yaon pax oc an spichil tuꞌ junelxa, catuꞌ jix ey chotan yetoj ebꞌ, jix yalon tet ebꞌ jaxca tiꞌ:
—¿Chim naꞌcha el je yu, tzet yuxan queytuꞌ chex wute an? 13Jain tiꞌ, chin je yaloc je Cuywam oj, catuꞌ chin je yalon oc je Yaawiloj. Yel ton che yalaꞌ. 14Je Cuywam jin toni. Je Yaawil jin toni. Ilaꞌ tol jix jin txꞌael je yajan tiꞌ. Yu jun tuꞌ, smoo queytuꞌ che yute je bꞌa pax oj. 15Jix jin txꞌox jun tiꞌ ey jex, yet watxꞌ jaxca chex wute wakꞌon servil tiꞌ an, queytuꞌ che yute je yakꞌwi servil pax oj. 16Caw yel chi wal ey jex an, cꞌam junoj mooso ecꞌbꞌan yintaj spatrón. Quey pax tuꞌ ebꞌ ẍejabꞌ, cꞌam junoj mac ecꞌbꞌan yintaj mac chi chejon ebꞌ tuꞌ. 17Ta chi naꞌcha el wan tiꞌ je yu, catuꞌ che jijeni, caw watxꞌ je yet. 18Man je yu oj je masanil, yuxan chi wal jaxca tiꞌ, yutol wotaj an, mac jex sicꞌbꞌil jex xa el wu. Yuxan sowalil oj yun cꞌaltaꞌ tzet tzꞌibꞌebꞌilcan yul An Juun Tzꞌibꞌebꞌilcanoj bꞌey chi yal jaxca tiꞌ: “Jaꞌ jun chi low wetoj, jaꞌ oj meltzo oc win an,” ẍi An Juun tuꞌ.#Salmos 41:9. 19Yin eyojto chi walon can wan tiꞌ ey jex, yet watxꞌ, jaꞌ yet oj jul wibꞌan, catuꞌ caw oj je yaoc je cꞌul win, tol jain ton Cristo jin an. 20Caw yel chi wal ey jex an, jaꞌ mac chi chaꞌon ebꞌ jin chejabꞌ, jain ton chin ẍaꞌ ebꞌ an. Jaꞌ ebꞌ chin chaꞌon tuꞌ, chi ẍaꞌ pax ebꞌ mac jun jix jin chejontej, ẍi Jesús.
Jix Yalon Jesús Yin Eyojto Mac Oj Aon Oc Yul Skꞌabꞌ Camich
(Mateo 26:20-25; Marcos 14:17-21; Lucas 22:21-23)
21Jaꞌ yet jix lawi yalon wan tiꞌ Jesús, jix oc pitzꞌan cuscꞌulal yin spixan, yuxan jix yal jaxca tiꞌ:
—Caw yel chi wal ey jex, jaꞌ je xol, ey jun oj jin aon oc yul skꞌabꞌ camich, ẍi Jesús tet ebꞌ. 22Catuꞌ jix cꞌoli yil-len oc sbꞌa ebꞌ scuywom tuꞌ, yutol man yotaj oj ebꞌ, mac jun chi yal tuꞌ. 23Ey jun camcꞌulnebꞌil yu sicꞌlebꞌil, chotan ey scꞌatan naj yet lalan slow ebꞌ tuꞌ. 24Jix yakꞌon yechel Simón Pedro tet naj, yet watxꞌ chi skꞌanle tet Jesús tuꞌ, mactxequel jun chi yal tuꞌ. 25Yu jun tuꞌ xin, yuxan jix sjitz xacꞌal oc sbꞌa scꞌatan naj. Jix skꞌanlen tet:
—Jaach Cuywam, ¿mactxequel jun cha wal tuꞌ? ẍi naj tet Jesús. 26Catuꞌ jix yalon Jesús tuꞌ tet naj jaxca tiꞌ:
—Oj wakꞌ chꞌacbꞌoj niꞌan pan tiꞌ, catuꞌ oj wakꞌon tet, jaꞌton jun tuꞌ, ẍi Jesús.#13:26 Jaꞌ yet chi oc jun kꞌin, chi akꞌle niꞌan pan tet jun mactxequel camcꞌulnebꞌil yu naj a kꞌin tuꞌ.
Jix lawi yalon Jesús jaxca tuꞌ xin, catuꞌ jix yakꞌon chꞌacbꞌoj niꞌan pan tuꞌ, catuꞌ jix yakꞌon tet naj Judas, naj scꞌaal Simón Iscariote. 27Jix lawi cꞌal ẍaꞌon niꞌan pan tuꞌ naj Judas tuꞌ, catuꞌ jix oc Satanás yin naj, catuꞌ jix yalon Jesús tuꞌ tet naj jaxca tiꞌ:
—Jaꞌ tzet jix ja naꞌbꞌalne el ja wuneni, cha wun yin eymanil, ẍi Jesús tet naj. 28Jaꞌ ebꞌ chi low yin meẍa tuꞌ yetoj, cꞌam junoj ebꞌ jix naꞌcha el yu, tzet yuxan queytuꞌ jix yal tet naj. 29Jaꞌ naj Judas tuꞌ, cꞌubꞌam tumin yeoc xol ebꞌ. Yu jun tuꞌ, yuxan ey ebꞌ jix naꞌoni, tol chi chejletoj mano junoj tzetyetal bꞌey kꞌin tuꞌ, ma xin jaꞌ niꞌoj tumin tuꞌ chi chejle to yakꞌ tet ebꞌ mebꞌa, snaꞌon ebꞌ. 30Jaꞌ naj Judas tuꞌ xin, jix lawi cꞌal sloꞌon niꞌan pan tuꞌ, jix el xol ebꞌ, yet skꞌejbꞌintajil xa.
Jix Yaltej Jun Acꞌ Chejbꞌanil Jesús
31Jaꞌ yet jix eltoj Judas tuꞌ, jix yalon Jesús jaxca tiꞌ:
—Jaꞌ tinaniꞌ, oj xꞌox eloj, tol caw miman weloc apnoj, jain Akꞌbꞌil Wopiso xol ebꞌ ket animail yu Dios, catuꞌ oj jin txꞌoxon pax eloj, tol miman yeloc apnoj Dios. 32Ta chin txꞌoxeloj, tol miman yeloc apnoj Dios, oj xꞌoxon pax eloj tol miman pax weloc apnoj. 33Jex jin camcꞌulnebꞌil, txenxane tiempoal ey jin ecꞌ je yetoj. Oj jin je seyecꞌoj, ma pax skeꞌ je yapni bꞌey oj jin apnoj tuꞌ, jaxca tuꞌ jix yun walon tet ebꞌ yaawil yeoc bꞌey Judea. 34Ey junxa acꞌ chejbꞌanil oj wal can ey jex tinaniꞌ, tol che camcꞌulne je bꞌa junjun jex. Jaxca chex wute jin camcꞌulneni, quey ojabꞌ tuꞌ che yute je camcꞌulnen pax je bꞌa. 35Ta che camcꞌulne je bꞌa junjun jex, oj yotajne el masanil ebꞌ ánima, tol yel toni jin cuywom jex, ẍi Jesús tet ebꞌ.
Yin Eyojto Jix Yaltej Jesús Tol Oj Yiꞌel Naj Pedro Yin
(Mateo 26:31-35; Marcos 14:27-31; Lucas 22:31-34)
36Jix skꞌanlen Simón Pedro tuꞌ tet Naj jaxca tiꞌ:
—Jaach Cuywam, ¿bꞌeytuꞌ oj jaach toj xin? ẍi naj tet Jesús.
—Jaꞌ bꞌey oj jin apnoj ma to skeꞌ je too wetoj tinaniꞌ an. Jato yet oj jul scꞌual, oj skeꞌ je to wetoj tituꞌ an, ẍi Jesús tet naj.
37—Jaach Cuywam, ¿tzet yuxan cꞌam chi skeꞌ jin too ja wetoj yin eymanil tinaniꞌ? Caw bꞌejan jin cꞌul wakꞌle camoj, ẍi naj Pedro tuꞌ tet Naj.
38—¿Yel mi bꞌejan ja cꞌul ja wakꞌle cam wu an? Caw yel chi wal ey jaach, oxel xax jin ja wiꞌon el ja win, catuꞌ oj okꞌa noꞌ caẍlan yet jun akꞌbꞌal tiꞌ, oj ja waloni, tol ma jin ja wotaj oj, ẍi Jesús tet naj.
Currently Selected:
Juan 13: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Juan 13
13
Skꞌaneal Yet Jix Txꞌale El Yajan Ebꞌ Scuywom Yu Jesús
1Yecaloj xacꞌal kꞌin Pascua, yotaj xa Jesús, tol jix jul stiempoal sbꞌejoncan jun yul yibꞌankꞌinal tiꞌ, catuꞌ chi paxa bꞌey cu Mam Dios. Caw ey scamcꞌulal Naj yin ebꞌ scuywom, ebꞌ eyto ecꞌ yul yibꞌankꞌinal tiꞌ. Jaꞌ tinaniꞌ jix xꞌox jantaj scamcꞌulal yin ebꞌ. 2-4Tuxa jix oc naj diablo yin spixan naj Judas, scꞌaal Simón Iscariote, tzet utbꞌil tol jaꞌ naj oj aon oc Jesús yul skꞌabꞌ camich. Jaꞌ Jesús yotaj, tol jaꞌ bꞌey Dios titnaj, catuꞌ jacꞌalaꞌ tituꞌ oj pax aoj. Yotaj, tol jaꞌ cu Mam Dios jix akꞌon masanil yipal yul skꞌabꞌ. Jaꞌ yet lalan slow yetoj ebꞌ scuywom tuꞌ, jix a waanoj, jix yiꞌon el an spichil. Catuꞌ jix spixon oc jun an toalla kꞌap yin snan.#13:2-4 Jaꞌ jun yakꞌomal servil caw cꞌam niꞌoj yeloc apnoj, jaꞌton jun tuꞌ ey yopiso xꞌaon el ajane. 5Catuꞌ jix yaon ey jaꞌ yul jun palangana. Jix xꞌaon el yajan ebꞌ scuywom tuꞌ, jix sjoꞌontaj yetoj an toalla kꞌap jix spixoc yin snan tuꞌ. 6Jaꞌ yet ian tuxa oj txꞌale el yajan naj Simón Pedro jix yalon naj Pedro tuꞌ tet Naj jaxca tiꞌ:
—Jaach Cuywam, ¿tumi ian cha txꞌael wajan tiꞌ an ja waloni? ẍi naj tet.
7—Jaꞌ tinaniꞌ, cꞌam chi naꞌcha eloj tzetyetal chi wun tiꞌ. Cꞌuancꞌulal cꞌal oj naꞌcha eloj, ẍi Jesús tuꞌ tet naj.
8—Cꞌam bꞌakꞌin tol jaach, oj ja txꞌael wajan tiꞌ an, ẍi naj Pedro tuꞌ tet Jesús.
—Ta cꞌam cha wakꞌ jin txꞌael xin, cꞌam ja walon ja wet wetoj an, ẍi Jesús tet naj.
9—Ta queytuꞌ xin, Mamin, man ojabꞌ asanne oj wajan tiꞌ cha txꞌaeloj, txꞌa pax jin kꞌabꞌ tiꞌ, cꞌal jin jolom, ẍi naj Pedro tuꞌ. 10Catuꞌ jix yalon Jesús jaxca tiꞌ:
—Kꞌinaloj ey junoj mac tol to jix aẍni, manxa sowalil oj chi txꞌale smimanil masanil. Asanxane yajan chi txꞌalei, yutol jaꞌ smimanil, sajxa yei. Jaex tiꞌ jaxca junoj jix aẍni tuꞌ, queytuꞌ je yei, yutol tuxa jix waꞌxi je naꞌbꞌal. Caxcꞌal man je masaniloj jix waꞌxi oc je naꞌbꞌal, ẍi Jesús tuꞌ. 11Yotaj xa Naj mactxequel oj aon oc yul skꞌabꞌ camich. Yu jun tuꞌ, yuxan jix yal jaxca tiꞌ; “Man je masaniloj jix waꞌxi oc je naꞌbꞌal,” ẍi. 12Jaꞌ yet jix lawi xꞌale yajan ebꞌ tuꞌ, catuꞌ jix yaon pax oc an spichil tuꞌ junelxa, catuꞌ jix ey chotan yetoj ebꞌ, jix yalon tet ebꞌ jaxca tiꞌ:
—¿Chim naꞌcha el je yu, tzet yuxan queytuꞌ chex wute an? 13Jain tiꞌ, chin je yaloc je Cuywam oj, catuꞌ chin je yalon oc je Yaawiloj. Yel ton che yalaꞌ. 14Je Cuywam jin toni. Je Yaawil jin toni. Ilaꞌ tol jix jin txꞌael je yajan tiꞌ. Yu jun tuꞌ, smoo queytuꞌ che yute je bꞌa pax oj. 15Jix jin txꞌox jun tiꞌ ey jex, yet watxꞌ jaxca chex wute wakꞌon servil tiꞌ an, queytuꞌ che yute je yakꞌwi servil pax oj. 16Caw yel chi wal ey jex an, cꞌam junoj mooso ecꞌbꞌan yintaj spatrón. Quey pax tuꞌ ebꞌ ẍejabꞌ, cꞌam junoj mac ecꞌbꞌan yintaj mac chi chejon ebꞌ tuꞌ. 17Ta chi naꞌcha el wan tiꞌ je yu, catuꞌ che jijeni, caw watxꞌ je yet. 18Man je yu oj je masanil, yuxan chi wal jaxca tiꞌ, yutol wotaj an, mac jex sicꞌbꞌil jex xa el wu. Yuxan sowalil oj yun cꞌaltaꞌ tzet tzꞌibꞌebꞌilcan yul An Juun Tzꞌibꞌebꞌilcanoj bꞌey chi yal jaxca tiꞌ: “Jaꞌ jun chi low wetoj, jaꞌ oj meltzo oc win an,” ẍi An Juun tuꞌ.#Salmos 41:9. 19Yin eyojto chi walon can wan tiꞌ ey jex, yet watxꞌ, jaꞌ yet oj jul wibꞌan, catuꞌ caw oj je yaoc je cꞌul win, tol jain ton Cristo jin an. 20Caw yel chi wal ey jex an, jaꞌ mac chi chaꞌon ebꞌ jin chejabꞌ, jain ton chin ẍaꞌ ebꞌ an. Jaꞌ ebꞌ chin chaꞌon tuꞌ, chi ẍaꞌ pax ebꞌ mac jun jix jin chejontej, ẍi Jesús.
Jix Yalon Jesús Yin Eyojto Mac Oj Aon Oc Yul Skꞌabꞌ Camich
(Mateo 26:20-25; Marcos 14:17-21; Lucas 22:21-23)
21Jaꞌ yet jix lawi yalon wan tiꞌ Jesús, jix oc pitzꞌan cuscꞌulal yin spixan, yuxan jix yal jaxca tiꞌ:
—Caw yel chi wal ey jex, jaꞌ je xol, ey jun oj jin aon oc yul skꞌabꞌ camich, ẍi Jesús tet ebꞌ. 22Catuꞌ jix cꞌoli yil-len oc sbꞌa ebꞌ scuywom tuꞌ, yutol man yotaj oj ebꞌ, mac jun chi yal tuꞌ. 23Ey jun camcꞌulnebꞌil yu sicꞌlebꞌil, chotan ey scꞌatan naj yet lalan slow ebꞌ tuꞌ. 24Jix yakꞌon yechel Simón Pedro tet naj, yet watxꞌ chi skꞌanle tet Jesús tuꞌ, mactxequel jun chi yal tuꞌ. 25Yu jun tuꞌ xin, yuxan jix sjitz xacꞌal oc sbꞌa scꞌatan naj. Jix skꞌanlen tet:
—Jaach Cuywam, ¿mactxequel jun cha wal tuꞌ? ẍi naj tet Jesús. 26Catuꞌ jix yalon Jesús tuꞌ tet naj jaxca tiꞌ:
—Oj wakꞌ chꞌacbꞌoj niꞌan pan tiꞌ, catuꞌ oj wakꞌon tet, jaꞌton jun tuꞌ, ẍi Jesús.#13:26 Jaꞌ yet chi oc jun kꞌin, chi akꞌle niꞌan pan tet jun mactxequel camcꞌulnebꞌil yu naj a kꞌin tuꞌ.
Jix lawi yalon Jesús jaxca tuꞌ xin, catuꞌ jix yakꞌon chꞌacbꞌoj niꞌan pan tuꞌ, catuꞌ jix yakꞌon tet naj Judas, naj scꞌaal Simón Iscariote. 27Jix lawi cꞌal ẍaꞌon niꞌan pan tuꞌ naj Judas tuꞌ, catuꞌ jix oc Satanás yin naj, catuꞌ jix yalon Jesús tuꞌ tet naj jaxca tiꞌ:
—Jaꞌ tzet jix ja naꞌbꞌalne el ja wuneni, cha wun yin eymanil, ẍi Jesús tet naj. 28Jaꞌ ebꞌ chi low yin meẍa tuꞌ yetoj, cꞌam junoj ebꞌ jix naꞌcha el yu, tzet yuxan queytuꞌ jix yal tet naj. 29Jaꞌ naj Judas tuꞌ, cꞌubꞌam tumin yeoc xol ebꞌ. Yu jun tuꞌ, yuxan ey ebꞌ jix naꞌoni, tol chi chejletoj mano junoj tzetyetal bꞌey kꞌin tuꞌ, ma xin jaꞌ niꞌoj tumin tuꞌ chi chejle to yakꞌ tet ebꞌ mebꞌa, snaꞌon ebꞌ. 30Jaꞌ naj Judas tuꞌ xin, jix lawi cꞌal sloꞌon niꞌan pan tuꞌ, jix el xol ebꞌ, yet skꞌejbꞌintajil xa.
Jix Yaltej Jun Acꞌ Chejbꞌanil Jesús
31Jaꞌ yet jix eltoj Judas tuꞌ, jix yalon Jesús jaxca tiꞌ:
—Jaꞌ tinaniꞌ, oj xꞌox eloj, tol caw miman weloc apnoj, jain Akꞌbꞌil Wopiso xol ebꞌ ket animail yu Dios, catuꞌ oj jin txꞌoxon pax eloj, tol miman yeloc apnoj Dios. 32Ta chin txꞌoxeloj, tol miman yeloc apnoj Dios, oj xꞌoxon pax eloj tol miman pax weloc apnoj. 33Jex jin camcꞌulnebꞌil, txenxane tiempoal ey jin ecꞌ je yetoj. Oj jin je seyecꞌoj, ma pax skeꞌ je yapni bꞌey oj jin apnoj tuꞌ, jaxca tuꞌ jix yun walon tet ebꞌ yaawil yeoc bꞌey Judea. 34Ey junxa acꞌ chejbꞌanil oj wal can ey jex tinaniꞌ, tol che camcꞌulne je bꞌa junjun jex. Jaxca chex wute jin camcꞌulneni, quey ojabꞌ tuꞌ che yute je camcꞌulnen pax je bꞌa. 35Ta che camcꞌulne je bꞌa junjun jex, oj yotajne el masanil ebꞌ ánima, tol yel toni jin cuywom jex, ẍi Jesús tet ebꞌ.
Yin Eyojto Jix Yaltej Jesús Tol Oj Yiꞌel Naj Pedro Yin
(Mateo 26:31-35; Marcos 14:27-31; Lucas 22:31-34)
36Jix skꞌanlen Simón Pedro tuꞌ tet Naj jaxca tiꞌ:
—Jaach Cuywam, ¿bꞌeytuꞌ oj jaach toj xin? ẍi naj tet Jesús.
—Jaꞌ bꞌey oj jin apnoj ma to skeꞌ je too wetoj tinaniꞌ an. Jato yet oj jul scꞌual, oj skeꞌ je to wetoj tituꞌ an, ẍi Jesús tet naj.
37—Jaach Cuywam, ¿tzet yuxan cꞌam chi skeꞌ jin too ja wetoj yin eymanil tinaniꞌ? Caw bꞌejan jin cꞌul wakꞌle camoj, ẍi naj Pedro tuꞌ tet Naj.
38—¿Yel mi bꞌejan ja cꞌul ja wakꞌle cam wu an? Caw yel chi wal ey jaach, oxel xax jin ja wiꞌon el ja win, catuꞌ oj okꞌa noꞌ caẍlan yet jun akꞌbꞌal tiꞌ, oj ja waloni, tol ma jin ja wotaj oj, ẍi Jesús tet naj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.