Éxodo 25
25
Ofrenda Chi Akꞌle Bꞌey Scalubꞌal Jehová
(Éxodo 35:4-9)
1Jix yalon pax Jehová tet Moisés jaxca tiꞌ:
2Al jun tiꞌ tet ebꞌ ja wet Israelal, tol chi yakꞌ junoj yofrenda ebꞌ ey jin. Jaꞌ jun ofrenda tuꞌ, yakꞌ ojabꞌ ebꞌ yetoj masanil scꞌul, catuꞌ cꞌam cha wakꞌ sowalil yakꞌon ebꞌ. 3Jaꞌ tzetyetal chi yakꞌ ebꞌ, jaꞌton wan tiꞌ: Chꞌen oro, chꞌen plata, chꞌen bronce, 4an kꞌap tol kꞌejweinaj yili, an cajin, an púrpura, yetoj an lino yel xacꞌal watxꞌ, yetoj xil noꞌ chiw tol txꞌumbꞌil oc yip, 5yetoj stzꞌuumal noꞌ icham meꞌ tol bꞌonbꞌil yetoj cajin, yetoj noꞌ tzꞌuum caw chi labꞌabꞌi, yetoj pax teꞌ acacia, yetoj yaceiteal teꞌ olivo, 6jaꞌton aceite chi kꞌanbꞌalnele yet chi oc skꞌakꞌal junoj tzejtebꞌal, cꞌal tzet chi kꞌanbꞌalnele yet chi oc can junoj tol wet chi yun can ocoj, incienso tol caw sukꞌukꞌi sabꞌ, 7yetoj pax chꞌen cornalina, yetoj wanxa chꞌen chꞌen caw watxꞌ yili, jaꞌton chꞌen chi oc yelawiloj camiẍe chi yij efod jaxca chaleco, yetoj an smajil xaamscꞌul ebꞌ naj eyoc yakꞌomal xaambꞌal ebꞌ ánima ey jin. 8Catuꞌ che waꞌnen pax junoj snail jin calubꞌal, yet watxꞌ chin caey ecꞌ je xol. 9Caw sowalil oj je waꞌne bꞌey oj jin eecꞌ tuꞌ, yetoj masanil tzetyetal oj kꞌanbꞌalnele yul, jaxca wal yili yechel oj jin txꞌox ey jaach.
Teꞌ Scaẍail Yet Swa kꞌane Dios
(Éxodo 37:1-9)
10Jix yalon Jehová jaxca tiꞌ: Waꞌne junoj teꞌ caẍa, jaꞌ teꞌ acacia chi waoc yin, jun metro yetoj 10 centímetro oj yun skꞌatil, jaxa sat 65 centímetro chi yunne, catuꞌ 65 centímetro chi yun steel. 11Cha aoc chꞌen oro yinlaj cꞌal yul, chi oc cꞌal pax oro yin stiꞌlaj cꞌal bꞌey xiquinlaj. 12Cha waꞌne pax canebꞌoj chꞌen slocxomal tol oro cꞌal eloj, chi oc bꞌey scanebꞌal yajan, caabꞌ yin junjun pacꞌ. 13Cha waꞌne pax bꞌey chi atoj bꞌatxanoj, jaꞌ teꞌ acacia chi oc yin, chi oc pax oro yinlaj, 14chi lawi tuꞌ, cha waon ecꞌtoj yul wan chꞌen slocxomal eyoc yin spacꞌul teꞌ caẍa tuꞌ, jaꞌton yetoj wan teꞌ teꞌ tuꞌ, chi skeꞌ sbꞌatxle ecꞌ teꞌ caẍa tuꞌ. 15Cꞌam ojabꞌxa chi iꞌle el chꞌen slocxomal yin teꞌ caẍa tuꞌ; chi can xacꞌal chꞌen eyoc yin yajan teꞌ caẍa tuꞌ. 16Chi lawi tuꞌ, cha waon eytoj chꞌen chꞌen bꞌey tzꞌibꞌebꞌilcan oc jin chejbꞌanil yul teꞌ caẍa tuꞌ, jaꞌton chꞌen chꞌen oj wakꞌ ey jaach tiꞌ.
17Cha waꞌne cꞌal pax smajil stiꞌ, tol oro cꞌal eloj, jun metro yetoj 10 centímetro skꞌatil, jaxa sat 65 centímetro chi yunne. 18Cha waꞌne cꞌal pax caabꞌoj yechel querubín tol oro cꞌal eloj, chacꞌbꞌil yetoj martillo, yet chi oc yibꞌan xiquinlaj smajil teꞌ caẍa tuꞌ. 19Jaꞌ smajil teꞌ tuꞌ yetoj yechel cawan querubín tuꞌ, junne cꞌal chi yunne. 20Jaccombꞌa chi yun sat ebꞌ querubín tuꞌ, chi yiltoj ebꞌ yibꞌan smajil teꞌ caẍa tuꞌ, jaxa xicꞌ ebꞌ chi toocan jenan yibꞌan, yet watxꞌ chi maji ey teꞌ. 21Yet cꞌamto cha waoc chꞌen smajil teꞌ caẍa tuꞌ, cha waon can eytoj chꞌen chꞌen bꞌey tzꞌibꞌebꞌil oc wan laonebꞌ chejbꞌanile oj wakꞌ ey jaach. 22Jaꞌ snan xol cawan querubín eyoc yibꞌan smajil teꞌ caẍa tuꞌ, jaꞌ tituꞌ oj jin txꞌox jin bꞌa ey jaach, jaꞌ tituꞌ oj wal ey jaach tzet smooal oj je yun jaex Israel jex tiꞌ, cꞌal tzet man oj je yunne, ẍi Dios.
Teꞌ Smeẍail Ixim Pan Sattaj Jehová
(Éxodo 37:10-16)
23Jix yalon Jehová jaxca tiꞌ: Waꞌne junoj meẍa; jaꞌ teꞌ acacia chi oc yin, 90 centímetro chi yun skꞌatil, 45 chi yun sat, 65 chi yun steel. 24Cha waon oc oro yelawiloj, catuꞌ cha waon cꞌal oc yin stiꞌlaj. 25Cha waꞌne oc oro yin, chi oc joyan yin stiꞌlaj bꞌey yibꞌan, jujebꞌ centímetro chi yun steel. 26Cha waꞌne pax canebꞌoj chꞌen slocxomal tol oro cꞌal eloj, chi lawi tuꞌ, chi ale oc yin scanebꞌal bꞌey yetcꞌulal yajan teꞌ. 27Bꞌey junjun yajan chi ale oc chꞌen slocxomal tol oro cꞌal eloj, yet watxꞌ chi ale ecꞌtoj steꞌal yul, yet chi skeꞌ sbꞌatxletoj teꞌ meẍa tuꞌ. 28Jaꞌ teꞌ acacia chi oc yin sbꞌatxlubꞌal yet chi iꞌletoj teꞌ meẍa tuꞌ, chi oc pax oro yinlaj. 29Cha waꞌne pax chꞌen chꞌen secꞌ, cꞌal sletxbꞌanil, cꞌal ẍalu, yetoj svasoal ofrenda tol jaꞌ chi yun yakꞌlei, oro cꞌal chi yun masanil. 30Chi waꞌxi ey jun meẍa tuꞌ jin sattaj, catuꞌ chi ale ey ixim pan yibꞌan, yutol wet chi yun yakꞌlei.
Jun Bꞌey Chi Atoj Bꞌatxan Tzejtebꞌal
(Éxodo 37:17-24)
31Jix yalon Jehová jaxca tiꞌ: Cha waꞌne junoj sneetal tzejtebꞌal tol oro cꞌal eloj, tol chacꞌbꞌil yetoj martillo. Jaꞌ bꞌey yich cꞌal bꞌey steel yetoj skꞌabꞌ cꞌal svasoal jaxca yili xumac teꞌ chi yun swaꞌxi oc yin, junne cꞌal tujan chi yunne. 32Jaxa yinlaj spacꞌul, chi ale oc wajebꞌoj skꞌabꞌ, chi ale oc oxebꞌoj skꞌabꞌ bꞌey junjun spacꞌul. 33Jaꞌ wajebꞌ skꞌabꞌ bꞌey eeltej yin steꞌal tuꞌ, sowalil chi ale oc oxebꞌoj chꞌen vaso yin, jaxca ojabꞌ yili xumac teꞌ almendro. 34Jacꞌalaꞌ yin jun steꞌal tuꞌ, sowalil chi ale pax oc canebꞌoj svasoal laan yili jaxca xumac teꞌ almendro. 35Jaꞌ yalan bꞌey eeltej oxebꞌ moan skꞌabꞌ tuꞌ, jaꞌ tituꞌ chi ale oc junjun jaxca yili xumac teꞌ. 36Jaꞌ wan xumac teꞌ tuꞌ cꞌal yinlaj skꞌabꞌ, junne cꞌal yeoc ebꞌ yetoj sbꞌatxlubꞌal, jaꞌ wan tuꞌ oro cꞌal eloj tol chacꞌbꞌil yetoj chꞌen martillo. 37Cha waꞌne pax jujebꞌoj tzejtebꞌal, cha waon oc skꞌakꞌal yet watxꞌ chi stzejtane sattaj. 38Jaꞌ smitxꞌbꞌanil yetoj iꞌbꞌal el staanil, oro ojabꞌ cꞌal eloj. 39Cha waon oc junoj 72 libra chꞌen oro yin sbꞌonle jun yet tzejtebꞌal tuꞌ yetoj cꞌal yin smitxꞌkꞌabꞌil. 40Chi cam ja wiloni tzet chi yun swaꞌxi, jaxca jix yun jin txꞌoxon yechel ey jaach bꞌey sjolom wonan tiꞌ, jaxca tuꞌ cha wute, ẍi Dios tet Moisés.
Currently Selected:
Éxodo 25: knj
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Éxodo 25
25
Ofrenda Chi Akꞌle Bꞌey Scalubꞌal Jehová
(Éxodo 35:4-9)
1Jix yalon pax Jehová tet Moisés jaxca tiꞌ:
2Al jun tiꞌ tet ebꞌ ja wet Israelal, tol chi yakꞌ junoj yofrenda ebꞌ ey jin. Jaꞌ jun ofrenda tuꞌ, yakꞌ ojabꞌ ebꞌ yetoj masanil scꞌul, catuꞌ cꞌam cha wakꞌ sowalil yakꞌon ebꞌ. 3Jaꞌ tzetyetal chi yakꞌ ebꞌ, jaꞌton wan tiꞌ: Chꞌen oro, chꞌen plata, chꞌen bronce, 4an kꞌap tol kꞌejweinaj yili, an cajin, an púrpura, yetoj an lino yel xacꞌal watxꞌ, yetoj xil noꞌ chiw tol txꞌumbꞌil oc yip, 5yetoj stzꞌuumal noꞌ icham meꞌ tol bꞌonbꞌil yetoj cajin, yetoj noꞌ tzꞌuum caw chi labꞌabꞌi, yetoj pax teꞌ acacia, yetoj yaceiteal teꞌ olivo, 6jaꞌton aceite chi kꞌanbꞌalnele yet chi oc skꞌakꞌal junoj tzejtebꞌal, cꞌal tzet chi kꞌanbꞌalnele yet chi oc can junoj tol wet chi yun can ocoj, incienso tol caw sukꞌukꞌi sabꞌ, 7yetoj pax chꞌen cornalina, yetoj wanxa chꞌen chꞌen caw watxꞌ yili, jaꞌton chꞌen chi oc yelawiloj camiẍe chi yij efod jaxca chaleco, yetoj an smajil xaamscꞌul ebꞌ naj eyoc yakꞌomal xaambꞌal ebꞌ ánima ey jin. 8Catuꞌ che waꞌnen pax junoj snail jin calubꞌal, yet watxꞌ chin caey ecꞌ je xol. 9Caw sowalil oj je waꞌne bꞌey oj jin eecꞌ tuꞌ, yetoj masanil tzetyetal oj kꞌanbꞌalnele yul, jaxca wal yili yechel oj jin txꞌox ey jaach.
Teꞌ Scaẍail Yet Swa kꞌane Dios
(Éxodo 37:1-9)
10Jix yalon Jehová jaxca tiꞌ: Waꞌne junoj teꞌ caẍa, jaꞌ teꞌ acacia chi waoc yin, jun metro yetoj 10 centímetro oj yun skꞌatil, jaxa sat 65 centímetro chi yunne, catuꞌ 65 centímetro chi yun steel. 11Cha aoc chꞌen oro yinlaj cꞌal yul, chi oc cꞌal pax oro yin stiꞌlaj cꞌal bꞌey xiquinlaj. 12Cha waꞌne pax canebꞌoj chꞌen slocxomal tol oro cꞌal eloj, chi oc bꞌey scanebꞌal yajan, caabꞌ yin junjun pacꞌ. 13Cha waꞌne pax bꞌey chi atoj bꞌatxanoj, jaꞌ teꞌ acacia chi oc yin, chi oc pax oro yinlaj, 14chi lawi tuꞌ, cha waon ecꞌtoj yul wan chꞌen slocxomal eyoc yin spacꞌul teꞌ caẍa tuꞌ, jaꞌton yetoj wan teꞌ teꞌ tuꞌ, chi skeꞌ sbꞌatxle ecꞌ teꞌ caẍa tuꞌ. 15Cꞌam ojabꞌxa chi iꞌle el chꞌen slocxomal yin teꞌ caẍa tuꞌ; chi can xacꞌal chꞌen eyoc yin yajan teꞌ caẍa tuꞌ. 16Chi lawi tuꞌ, cha waon eytoj chꞌen chꞌen bꞌey tzꞌibꞌebꞌilcan oc jin chejbꞌanil yul teꞌ caẍa tuꞌ, jaꞌton chꞌen chꞌen oj wakꞌ ey jaach tiꞌ.
17Cha waꞌne cꞌal pax smajil stiꞌ, tol oro cꞌal eloj, jun metro yetoj 10 centímetro skꞌatil, jaxa sat 65 centímetro chi yunne. 18Cha waꞌne cꞌal pax caabꞌoj yechel querubín tol oro cꞌal eloj, chacꞌbꞌil yetoj martillo, yet chi oc yibꞌan xiquinlaj smajil teꞌ caẍa tuꞌ. 19Jaꞌ smajil teꞌ tuꞌ yetoj yechel cawan querubín tuꞌ, junne cꞌal chi yunne. 20Jaccombꞌa chi yun sat ebꞌ querubín tuꞌ, chi yiltoj ebꞌ yibꞌan smajil teꞌ caẍa tuꞌ, jaxa xicꞌ ebꞌ chi toocan jenan yibꞌan, yet watxꞌ chi maji ey teꞌ. 21Yet cꞌamto cha waoc chꞌen smajil teꞌ caẍa tuꞌ, cha waon can eytoj chꞌen chꞌen bꞌey tzꞌibꞌebꞌil oc wan laonebꞌ chejbꞌanile oj wakꞌ ey jaach. 22Jaꞌ snan xol cawan querubín eyoc yibꞌan smajil teꞌ caẍa tuꞌ, jaꞌ tituꞌ oj jin txꞌox jin bꞌa ey jaach, jaꞌ tituꞌ oj wal ey jaach tzet smooal oj je yun jaex Israel jex tiꞌ, cꞌal tzet man oj je yunne, ẍi Dios.
Teꞌ Smeẍail Ixim Pan Sattaj Jehová
(Éxodo 37:10-16)
23Jix yalon Jehová jaxca tiꞌ: Waꞌne junoj meẍa; jaꞌ teꞌ acacia chi oc yin, 90 centímetro chi yun skꞌatil, 45 chi yun sat, 65 chi yun steel. 24Cha waon oc oro yelawiloj, catuꞌ cha waon cꞌal oc yin stiꞌlaj. 25Cha waꞌne oc oro yin, chi oc joyan yin stiꞌlaj bꞌey yibꞌan, jujebꞌ centímetro chi yun steel. 26Cha waꞌne pax canebꞌoj chꞌen slocxomal tol oro cꞌal eloj, chi lawi tuꞌ, chi ale oc yin scanebꞌal bꞌey yetcꞌulal yajan teꞌ. 27Bꞌey junjun yajan chi ale oc chꞌen slocxomal tol oro cꞌal eloj, yet watxꞌ chi ale ecꞌtoj steꞌal yul, yet chi skeꞌ sbꞌatxletoj teꞌ meẍa tuꞌ. 28Jaꞌ teꞌ acacia chi oc yin sbꞌatxlubꞌal yet chi iꞌletoj teꞌ meẍa tuꞌ, chi oc pax oro yinlaj. 29Cha waꞌne pax chꞌen chꞌen secꞌ, cꞌal sletxbꞌanil, cꞌal ẍalu, yetoj svasoal ofrenda tol jaꞌ chi yun yakꞌlei, oro cꞌal chi yun masanil. 30Chi waꞌxi ey jun meẍa tuꞌ jin sattaj, catuꞌ chi ale ey ixim pan yibꞌan, yutol wet chi yun yakꞌlei.
Jun Bꞌey Chi Atoj Bꞌatxan Tzejtebꞌal
(Éxodo 37:17-24)
31Jix yalon Jehová jaxca tiꞌ: Cha waꞌne junoj sneetal tzejtebꞌal tol oro cꞌal eloj, tol chacꞌbꞌil yetoj martillo. Jaꞌ bꞌey yich cꞌal bꞌey steel yetoj skꞌabꞌ cꞌal svasoal jaxca yili xumac teꞌ chi yun swaꞌxi oc yin, junne cꞌal tujan chi yunne. 32Jaxa yinlaj spacꞌul, chi ale oc wajebꞌoj skꞌabꞌ, chi ale oc oxebꞌoj skꞌabꞌ bꞌey junjun spacꞌul. 33Jaꞌ wajebꞌ skꞌabꞌ bꞌey eeltej yin steꞌal tuꞌ, sowalil chi ale oc oxebꞌoj chꞌen vaso yin, jaxca ojabꞌ yili xumac teꞌ almendro. 34Jacꞌalaꞌ yin jun steꞌal tuꞌ, sowalil chi ale pax oc canebꞌoj svasoal laan yili jaxca xumac teꞌ almendro. 35Jaꞌ yalan bꞌey eeltej oxebꞌ moan skꞌabꞌ tuꞌ, jaꞌ tituꞌ chi ale oc junjun jaxca yili xumac teꞌ. 36Jaꞌ wan xumac teꞌ tuꞌ cꞌal yinlaj skꞌabꞌ, junne cꞌal yeoc ebꞌ yetoj sbꞌatxlubꞌal, jaꞌ wan tuꞌ oro cꞌal eloj tol chacꞌbꞌil yetoj chꞌen martillo. 37Cha waꞌne pax jujebꞌoj tzejtebꞌal, cha waon oc skꞌakꞌal yet watxꞌ chi stzejtane sattaj. 38Jaꞌ smitxꞌbꞌanil yetoj iꞌbꞌal el staanil, oro ojabꞌ cꞌal eloj. 39Cha waon oc junoj 72 libra chꞌen oro yin sbꞌonle jun yet tzejtebꞌal tuꞌ yetoj cꞌal yin smitxꞌkꞌabꞌil. 40Chi cam ja wiloni tzet chi yun swaꞌxi, jaxca jix yun jin txꞌoxon yechel ey jaach bꞌey sjolom wonan tiꞌ, jaxca tuꞌ cha wute, ẍi Dios tet Moisés.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.