Éxodo 22
22
Ley Yibꞌan Ebꞌ Chi Oc Spenail Yin Junoj Tzetyetal
1Ta ey junoj mactxequel chi elkꞌanetoj junoj noꞌ wacax, ma junoj meꞌ, catuꞌ chi smakꞌon camoj, ma chi xoneloj, ta chi michꞌcha naj yin elkꞌan tuꞌ, jocꞌonxa chi yute yakꞌon sqꞌuexel noꞌ wacax naj tuꞌ, catuꞌ cancꞌonxa chi yute yakꞌon sqꞌuexel noꞌ meꞌ chi yelkꞌanetoj junoj mactxequel tuꞌ.
2Ta ey junoj lalan yoc elkꞌan yul junoj na, jaxa chi yunne chi michꞌcha ey naj; kꞌinaloj ta chi lawi eloj, ma tol chi cam yu yelkꞌan tuꞌ, ta tol akꞌbꞌalil, cꞌam mac chi skeꞌ yakꞌon sowalil. 3Ta cꞌualil chi michꞌcha xin, catuꞌ chi makꞌle camoj, ta jaxca tuꞌ, ey sowalil scam jun elkꞌom tuꞌ. Jaꞌ jun elkꞌom chi michꞌcha tuꞌ, sowalil chi stoolane yelkꞌan tuꞌ, ta tol cꞌam stumin, chi skeꞌ xonle eloj, yet chi skeꞌ stoolane yelkꞌan tuꞌ. 4Kꞌinaloj ey junoj elkꞌom chi michꞌcha yetoj junoj jobꞌbꞌeal noꞌ, ta tol iquisto noꞌ, caabꞌ tujan chi yun stoolaneni, caxcꞌal wacax, ma bꞌuru, ma junoj meꞌ.
5Ta ey junoj mactxequel chi low sjobꞌbꞌeal noꞌ sat xꞌotxꞌ junojxa mactxequel, ma tol chi octoj noꞌ low xol awo tuꞌ, sowalil chi yakꞌ sqꞌuexel awo jun mac ey yet noꞌ tuꞌ, jaꞌ sat yawo tuꞌ caw watxꞌ chi yakꞌ sqꞌuexeloj.
6Ta ey mac comon cꞌal chi yaey kꞌakꞌ sat xꞌotxꞌ junoj mactxequel, ma tol chi el bꞌolobꞌ yu, catuꞌ chi too kꞌakꞌ xol stiriw junojxa mactxequel. Jaꞌ jun mactxequel jix aon ey kꞌakꞌ tuꞌ, jaꞌ chi toolane masanil tzetyetal chi tzꞌaꞌtoj tuꞌ.
7Ta ey junoj mac chi yakꞌ stumin scꞌubꞌa a junojxa mactxequel, ma junojxa tzetyetal ey stool, catuꞌ chi elkꞌanele ecꞌ tet, ta chi michꞌcha jun elkꞌom tuꞌ, caabꞌxa tujan chi yun yakꞌon sqꞌuexel naj. 8Ta cꞌam chi michꞌcha naj elkꞌom tuꞌ xin, chi iꞌletoj naj yaaw na tuꞌ sattaj juez, catuꞌ chi il-lei ta manaj jun yaaw na tuꞌ jix mitxꞌon chꞌen tumin tuꞌ, ma jun tzetyetal jix akꞌle scꞌubꞌa a tuꞌ.
9Ta ey junoj ánima chi yaloc junoj tzetyetal yetoj, junoj noꞌ wacax, ma junoj noꞌ meꞌ, ma junoj bꞌuru, ma junoj pichile, ma junojxa tzetyetal tucꞌal chi qꞌueyaoj, catuꞌ chi yalon junojxa tol yet yaloni, jaꞌ chi yunne tol chi iꞌletoj ebꞌ cawan tuꞌ sattaj ebꞌ juez. Jaꞌ mac lekꞌtiꞌal chi yalaꞌ, jaꞌjun tuꞌ caabꞌ tujan chi yun yakꞌon sqꞌuexel tet mac ey yet tuꞌ.
10Ta ey junoj mactxequel tucꞌal chi el yin scꞌul chi ẍaꞌon junoj noꞌ bꞌuru, ma junoj noꞌ wacax, ma junoj noꞌ meꞌ, ma yal cꞌal tzet jobꞌbꞌeal noꞌ chi akꞌle steyneni, jaxa chi yunne, chi yaꞌbꞌi ey noꞌ ma chi cameloj, ma ey junoj mac chi elkꞌanetoj noꞌ, 11jaxa jun mactxequel tuꞌ chi yakꞌ stiꞌ sattaj Dios, cꞌal sattaj naj ey yet noꞌ noꞌ tuꞌ, tol manaj naj jix mitxꞌon noꞌ. Jaꞌ naj ey yet noꞌ tuꞌ chi ẍaꞌ naj yabꞌ tzet chi yal naj tuꞌ, catuꞌ cꞌam chi stoolane naj. 12Ta tol tꞌanan oc naj yet jix elkꞌaneletoj noꞌ noꞌ tuꞌ, sowalil chi stoolane naj tet naj ey yet noꞌ tuꞌ. 13Kꞌinaloj ta jaꞌ junoj noꞌ xol-laj teꞌal noꞌ chi chiꞌon eytoj noꞌ, ma yu junoj bꞌalam, sowalil chi yiꞌtoj naj niꞌojxa ẍiꞌbꞌeal noꞌ chi cancan tuꞌ, yet watxꞌ chi yil naj ey yet noꞌ tuꞌ, cꞌamxa chi stoolane naj.
14Ta ey mac chi maanen junoj noꞌ mulnawom noꞌ, che, ma junoj wacax, ta cꞌuxan chi cam noꞌ, ma chi yasitoj noꞌ, tol ma yil naj yaaw noꞌ tuꞌ, sowalil chi stoolane mac jix maanen noꞌ tuꞌ. 15Ta tol chi yil naj ey yet noꞌ chi cam tuꞌ, cꞌam chi stoolane naj yutol queytuꞌ yeoc yalon ebꞌ, asan stool smaanbꞌanil scꞌu noꞌ chi yakꞌ naj.
Wanxa Ley
16Ta ey junoj winaj tucꞌal chi oc mitxꞌan yin junoj ix kꞌopo, tol cꞌamto chi yakꞌ stiꞌ ix tet junoj winaj, catuꞌ chi etnele xacꞌal ix yu naj, sowalil chi nupi naj yetoj ix, catuꞌ chi yakꞌon chꞌen tumin naj stool snupil tet smam xutx ix ix tuꞌ, jaxca sbꞌeybꞌal ebꞌ. 17Ta cꞌam chi ẍaꞌ scꞌul smam ix chi nupi ix yetoj naj, sowalil chi stoolane chꞌen tumin naj tet smam ix tuꞌ, jaxca cꞌaltaꞌ sbꞌeybꞌal ebꞌ ánima yet chi nupi ebꞌ ix kꞌopo.
18Masanil ebꞌ ix ix tol txumlom, sowalil chi cam ebꞌ ix.
19Ta ey mac chi mulwi yetoj noꞌ noꞌ, sowalil chi cami.
20Ta ey mac chi yakꞌ xaambꞌal bꞌey wan chi al-le oc diosal, sowalil chi cami, yutol wet yeoc wan xaambꞌal tuꞌ, jain Jehová jin tiꞌ. 21Manche je yetne ebꞌ ánima tucꞌal eyecꞌ je xol tol man je yet conobꞌoj, naꞌwejtej, yutol jix jex ecꞌ pax yin txꞌoj conobꞌal bꞌey Egipto.
22Manche je yetne ebꞌ ix ix camnajxa yichamil, ma ebꞌ unin tol camnajxa smam, cꞌal xutx, 23yutol ta che yetne ebꞌ, jaꞌ ey jin oj yal sbꞌa ebꞌ, yin eymanil oj jin colel ebꞌ. 24Caw oj tit jin jowal je yin, jaxa jex jin makꞌon cam yetoj chꞌen espada. Jaxa ebꞌ ix je yistil oj cancan ebꞌ yin cꞌamxa yichamil, catuꞌ oj can pax ebꞌ je yuninal yin cꞌamxa smam.
25Ta tol che yakꞌ je tumin maanil tet junoj mebꞌa ánima, ta jaꞌ ebꞌ jin conobꞌ eyecꞌ je yetoj, cꞌam che kꞌan yuneꞌ chꞌen tet ebꞌ. 26Ta tol jaꞌ jun ánima tuꞌ, chi yakꞌ can junoj spichil ey jex yu smaanbꞌanil chꞌen tumin tuꞌ, che yakꞌ meltzo tet yet chi ey can cꞌu, 27tala cꞌuxan asan chꞌan jun spichil tuꞌ chi yaoc yet ey siic, ta asanne chi yaoc yet akꞌbꞌalil. Yu tuꞌ xin, ta chi skꞌan jin colwal, yin eymanil chin colwa tet, yutol jain tiꞌ yin jun txolan chi cusoc jin cꞌul yin ebꞌ ánima.
28Cꞌam che yal pena kꞌane yin ebꞌ juez, tam wal yin ebꞌ eyoc yin yaawil yul cu conobꞌ.
29Cꞌam ojabꞌ che yiꞌecꞌ tiempo je yiꞌontej je saꞌbꞌeal ey jin, yin je bꞌabꞌel sat awo.
Jaꞌ ebꞌ je bꞌabꞌel winaj unin che yakꞌ ey jin. 30Quey pax tuꞌ chi yun je yiꞌontej je bꞌabꞌel yuneꞌ wacax cꞌal je meꞌ; chi cancan noꞌ jujebꞌoj cꞌual yetoj xutx, jaxa yet swaxajebꞌ cꞌual yali noꞌ, catuꞌ che yakꞌon noꞌ ey jin.
31Jaex tiꞌ wet je yeocoj.
Yuxan cꞌam che chiꞌ ẍiꞌbꞌeal noꞌ noꞌ tol makꞌbꞌil cam yu noꞌ xol-laj teꞌal noꞌ; jaꞌ tet noꞌ txꞌiꞌ che yakꞌa.
Currently Selected:
Éxodo 22: knj
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Éxodo 22
22
Ley Yibꞌan Ebꞌ Chi Oc Spenail Yin Junoj Tzetyetal
1Ta ey junoj mactxequel chi elkꞌanetoj junoj noꞌ wacax, ma junoj meꞌ, catuꞌ chi smakꞌon camoj, ma chi xoneloj, ta chi michꞌcha naj yin elkꞌan tuꞌ, jocꞌonxa chi yute yakꞌon sqꞌuexel noꞌ wacax naj tuꞌ, catuꞌ cancꞌonxa chi yute yakꞌon sqꞌuexel noꞌ meꞌ chi yelkꞌanetoj junoj mactxequel tuꞌ.
2Ta ey junoj lalan yoc elkꞌan yul junoj na, jaxa chi yunne chi michꞌcha ey naj; kꞌinaloj ta chi lawi eloj, ma tol chi cam yu yelkꞌan tuꞌ, ta tol akꞌbꞌalil, cꞌam mac chi skeꞌ yakꞌon sowalil. 3Ta cꞌualil chi michꞌcha xin, catuꞌ chi makꞌle camoj, ta jaxca tuꞌ, ey sowalil scam jun elkꞌom tuꞌ. Jaꞌ jun elkꞌom chi michꞌcha tuꞌ, sowalil chi stoolane yelkꞌan tuꞌ, ta tol cꞌam stumin, chi skeꞌ xonle eloj, yet chi skeꞌ stoolane yelkꞌan tuꞌ. 4Kꞌinaloj ey junoj elkꞌom chi michꞌcha yetoj junoj jobꞌbꞌeal noꞌ, ta tol iquisto noꞌ, caabꞌ tujan chi yun stoolaneni, caxcꞌal wacax, ma bꞌuru, ma junoj meꞌ.
5Ta ey junoj mactxequel chi low sjobꞌbꞌeal noꞌ sat xꞌotxꞌ junojxa mactxequel, ma tol chi octoj noꞌ low xol awo tuꞌ, sowalil chi yakꞌ sqꞌuexel awo jun mac ey yet noꞌ tuꞌ, jaꞌ sat yawo tuꞌ caw watxꞌ chi yakꞌ sqꞌuexeloj.
6Ta ey mac comon cꞌal chi yaey kꞌakꞌ sat xꞌotxꞌ junoj mactxequel, ma tol chi el bꞌolobꞌ yu, catuꞌ chi too kꞌakꞌ xol stiriw junojxa mactxequel. Jaꞌ jun mactxequel jix aon ey kꞌakꞌ tuꞌ, jaꞌ chi toolane masanil tzetyetal chi tzꞌaꞌtoj tuꞌ.
7Ta ey junoj mac chi yakꞌ stumin scꞌubꞌa a junojxa mactxequel, ma junojxa tzetyetal ey stool, catuꞌ chi elkꞌanele ecꞌ tet, ta chi michꞌcha jun elkꞌom tuꞌ, caabꞌxa tujan chi yun yakꞌon sqꞌuexel naj. 8Ta cꞌam chi michꞌcha naj elkꞌom tuꞌ xin, chi iꞌletoj naj yaaw na tuꞌ sattaj juez, catuꞌ chi il-lei ta manaj jun yaaw na tuꞌ jix mitxꞌon chꞌen tumin tuꞌ, ma jun tzetyetal jix akꞌle scꞌubꞌa a tuꞌ.
9Ta ey junoj ánima chi yaloc junoj tzetyetal yetoj, junoj noꞌ wacax, ma junoj noꞌ meꞌ, ma junoj bꞌuru, ma junoj pichile, ma junojxa tzetyetal tucꞌal chi qꞌueyaoj, catuꞌ chi yalon junojxa tol yet yaloni, jaꞌ chi yunne tol chi iꞌletoj ebꞌ cawan tuꞌ sattaj ebꞌ juez. Jaꞌ mac lekꞌtiꞌal chi yalaꞌ, jaꞌjun tuꞌ caabꞌ tujan chi yun yakꞌon sqꞌuexel tet mac ey yet tuꞌ.
10Ta ey junoj mactxequel tucꞌal chi el yin scꞌul chi ẍaꞌon junoj noꞌ bꞌuru, ma junoj noꞌ wacax, ma junoj noꞌ meꞌ, ma yal cꞌal tzet jobꞌbꞌeal noꞌ chi akꞌle steyneni, jaxa chi yunne, chi yaꞌbꞌi ey noꞌ ma chi cameloj, ma ey junoj mac chi elkꞌanetoj noꞌ, 11jaxa jun mactxequel tuꞌ chi yakꞌ stiꞌ sattaj Dios, cꞌal sattaj naj ey yet noꞌ noꞌ tuꞌ, tol manaj naj jix mitxꞌon noꞌ. Jaꞌ naj ey yet noꞌ tuꞌ chi ẍaꞌ naj yabꞌ tzet chi yal naj tuꞌ, catuꞌ cꞌam chi stoolane naj. 12Ta tol tꞌanan oc naj yet jix elkꞌaneletoj noꞌ noꞌ tuꞌ, sowalil chi stoolane naj tet naj ey yet noꞌ tuꞌ. 13Kꞌinaloj ta jaꞌ junoj noꞌ xol-laj teꞌal noꞌ chi chiꞌon eytoj noꞌ, ma yu junoj bꞌalam, sowalil chi yiꞌtoj naj niꞌojxa ẍiꞌbꞌeal noꞌ chi cancan tuꞌ, yet watxꞌ chi yil naj ey yet noꞌ tuꞌ, cꞌamxa chi stoolane naj.
14Ta ey mac chi maanen junoj noꞌ mulnawom noꞌ, che, ma junoj wacax, ta cꞌuxan chi cam noꞌ, ma chi yasitoj noꞌ, tol ma yil naj yaaw noꞌ tuꞌ, sowalil chi stoolane mac jix maanen noꞌ tuꞌ. 15Ta tol chi yil naj ey yet noꞌ chi cam tuꞌ, cꞌam chi stoolane naj yutol queytuꞌ yeoc yalon ebꞌ, asan stool smaanbꞌanil scꞌu noꞌ chi yakꞌ naj.
Wanxa Ley
16Ta ey junoj winaj tucꞌal chi oc mitxꞌan yin junoj ix kꞌopo, tol cꞌamto chi yakꞌ stiꞌ ix tet junoj winaj, catuꞌ chi etnele xacꞌal ix yu naj, sowalil chi nupi naj yetoj ix, catuꞌ chi yakꞌon chꞌen tumin naj stool snupil tet smam xutx ix ix tuꞌ, jaxca sbꞌeybꞌal ebꞌ. 17Ta cꞌam chi ẍaꞌ scꞌul smam ix chi nupi ix yetoj naj, sowalil chi stoolane chꞌen tumin naj tet smam ix tuꞌ, jaxca cꞌaltaꞌ sbꞌeybꞌal ebꞌ ánima yet chi nupi ebꞌ ix kꞌopo.
18Masanil ebꞌ ix ix tol txumlom, sowalil chi cam ebꞌ ix.
19Ta ey mac chi mulwi yetoj noꞌ noꞌ, sowalil chi cami.
20Ta ey mac chi yakꞌ xaambꞌal bꞌey wan chi al-le oc diosal, sowalil chi cami, yutol wet yeoc wan xaambꞌal tuꞌ, jain Jehová jin tiꞌ. 21Manche je yetne ebꞌ ánima tucꞌal eyecꞌ je xol tol man je yet conobꞌoj, naꞌwejtej, yutol jix jex ecꞌ pax yin txꞌoj conobꞌal bꞌey Egipto.
22Manche je yetne ebꞌ ix ix camnajxa yichamil, ma ebꞌ unin tol camnajxa smam, cꞌal xutx, 23yutol ta che yetne ebꞌ, jaꞌ ey jin oj yal sbꞌa ebꞌ, yin eymanil oj jin colel ebꞌ. 24Caw oj tit jin jowal je yin, jaxa jex jin makꞌon cam yetoj chꞌen espada. Jaxa ebꞌ ix je yistil oj cancan ebꞌ yin cꞌamxa yichamil, catuꞌ oj can pax ebꞌ je yuninal yin cꞌamxa smam.
25Ta tol che yakꞌ je tumin maanil tet junoj mebꞌa ánima, ta jaꞌ ebꞌ jin conobꞌ eyecꞌ je yetoj, cꞌam che kꞌan yuneꞌ chꞌen tet ebꞌ. 26Ta tol jaꞌ jun ánima tuꞌ, chi yakꞌ can junoj spichil ey jex yu smaanbꞌanil chꞌen tumin tuꞌ, che yakꞌ meltzo tet yet chi ey can cꞌu, 27tala cꞌuxan asan chꞌan jun spichil tuꞌ chi yaoc yet ey siic, ta asanne chi yaoc yet akꞌbꞌalil. Yu tuꞌ xin, ta chi skꞌan jin colwal, yin eymanil chin colwa tet, yutol jain tiꞌ yin jun txolan chi cusoc jin cꞌul yin ebꞌ ánima.
28Cꞌam che yal pena kꞌane yin ebꞌ juez, tam wal yin ebꞌ eyoc yin yaawil yul cu conobꞌ.
29Cꞌam ojabꞌ che yiꞌecꞌ tiempo je yiꞌontej je saꞌbꞌeal ey jin, yin je bꞌabꞌel sat awo.
Jaꞌ ebꞌ je bꞌabꞌel winaj unin che yakꞌ ey jin. 30Quey pax tuꞌ chi yun je yiꞌontej je bꞌabꞌel yuneꞌ wacax cꞌal je meꞌ; chi cancan noꞌ jujebꞌoj cꞌual yetoj xutx, jaxa yet swaxajebꞌ cꞌual yali noꞌ, catuꞌ che yakꞌon noꞌ ey jin.
31Jaex tiꞌ wet je yeocoj.
Yuxan cꞌam che chiꞌ ẍiꞌbꞌeal noꞌ noꞌ tol makꞌbꞌil cam yu noꞌ xol-laj teꞌal noꞌ; jaꞌ tet noꞌ txꞌiꞌ che yakꞌa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.