Efesios 6
6
1Jex uninale, jijem che yute je bꞌa tet je mam cꞌal je txutx, yutol creyente jex. Caw watxꞌ ta jijem jex. 2Ey jun ẍejbꞌanil Dios caw miman yeloc apnoj. Jix yakꞌ can stiꞌ Dios yu tzet chi yakꞌ ey jon, ta jijem jon, chi yal jaxca tiꞌ: “Ey ojabꞌ yeloc apnoj je mam cꞌal je txutx yul je sat. 3Ta che jije jaxca tuꞌ, tzalacꞌulal je yet, catuꞌ oj naatbꞌoj je kꞌinal bꞌey yul yibꞌankꞌinal tiꞌ,” ẍi jun chejbꞌanil tuꞌ.#Deuteronomio 5:16. 4Jaꞌ jaex tiꞌ, jex mame cꞌal jex txutxe, man comonoj che txꞌem cajtzatej sjowal je yuninal. Jaꞌ tiꞌ je yet, ilwej chꞌibꞌ ebꞌ, akꞌwej cuenta ebꞌ. Che cuy ebꞌ, yet watxꞌ chi yaoc scꞌul ebꞌ yin Naj Kaawil. 5Jaꞌ jex yakꞌomal servil je yei, jijewej tzet chi yal je patrón bꞌey yul yibꞌankꞌinal tiꞌ. Ey ojabꞌ yeloc apnoj ebꞌ yul je sat. Xiwanwej tet ebꞌ. Yelcꞌulal chex mulna yin smulnail ebꞌ, jaxca ojabꞌ tol smulnail Cristo che yilaꞌ. 6Man ojabꞌ asanne oj yet chex yilon ebꞌ, chex mulnai, yet watxꞌ chi tzala oc ebꞌ je yin, je naꞌoni, mulnaanwej yin masanil je cꞌul, jaxca chi yoche Dios, yutol jaꞌ Cristo lalan je yakꞌon servil. 7Mulnaanwej yin tzalacꞌulal, yutol jaxca tol jaꞌ tet Naj Kaawil chex mulnai, catuꞌ manaj tet junoj ánima. 8Kotajxa, caxcꞌal yakꞌomal servil jon, ma caxcꞌal ket cu bꞌa, oj cu chaꞌ spajtzebꞌal junjun jon tet Naj Kaawil, jatacꞌalaꞌ tzet watxꞌ jix el kunen junjun jon. 9Jaꞌ jaex patrón jex tiꞌ, jaxca ojabꞌ tuꞌ che yute pax je bꞌa tet ebꞌ je yakꞌomal servil. Man ojabꞌ jow oj che yute je bꞌa tet ebꞌ. Naꞌwejtej tol ey jun a satcan chex akꞌon mandar yetoj ebꞌ, jaꞌton Naj Kaawil. Jaꞌ yul sat Naj, laan je yeloc apnoj yetoj ebꞌ je yakꞌomal servil tuꞌ.
Jaꞌ Tzet Chi Yakꞌ Dios Ey Jon Laan Jaxca Smitxꞌkꞌabꞌ Ebꞌ Soldado
10Jaꞌ tinaniꞌ, jex wuẍtaj, jex wanabꞌ, caw tecꞌan ojabꞌ chi kute cu bꞌa yul skꞌabꞌ Naj Kaawil. Kiꞌ ojabꞌ cu tecꞌanil yu yipal Naj. 11Cu chaꞌwej tzet chi yakꞌ Dios ey jon. Jaxca smitxꞌkꞌabꞌ ebꞌ soldado, jaxca tuꞌ yopiso wan tzet chi yakꞌ ey jon tiꞌ, yet watxꞌ chi skeꞌ cu tecꞌbꞌan cu bꞌa tet naj diablo, yet chi yakꞌlen cu yijbꞌan yin spenail yetoj sjelanil. 12Manaj yetoj junoj comon ánima lalan kakꞌlen jowal. Tol jaꞌ yetoj wan espíritu ey yipal yunen tzet man watxꞌoj xol kaꞌeꞌ, jaꞌ yetoj ebꞌ lalan kakꞌlen jowal. Wan ebꞌ ey yopiso yakꞌwi mandar, catuꞌ eyoc ebꞌ yaawil tzet man watxꞌoj bꞌey yul yibꞌankꞌinal tiꞌ. 13Yu jun tuꞌ, yuxan jaxca junoj soldado chi skꞌanbꞌalne smitxꞌkꞌabꞌil jowal, jaxca ojabꞌ tuꞌ che yute je mitxꞌkꞌabꞌnen wan tzet chi yakꞌ Dios ey jon, yet watxꞌ tecꞌan che yute je bꞌa, yet chi jul tzet man watxꞌoj. Ta che tecꞌbꞌa je bꞌa, jaꞌ yet oj lawoj je yunen masanil tzet chi yoche Dios, jacꞌalaꞌ tecꞌan jex cꞌal. 14Yuxan, tecꞌan cꞌal che yute je bꞌa. Caw che yaoc je naꞌbꞌal yin jun kꞌane caw yel, jaxca ebꞌ soldado chi yaoc scꞌalil snan yet chi too yin jowal. Caw tool che yute je bꞌeybꞌal. Yet watxꞌ jaxca tuꞌ, laan jex jaxca ebꞌ soldado chi scol sbꞌa yetoj jun chꞌen pichile chi sjenbꞌa oc xaamscꞌul ebꞌ. 15Jaxca ebꞌ soldado chi yakꞌ lista sbꞌa, chi yaoc xanabꞌ ebꞌ, jaxca ojabꞌ tuꞌ jex pax oj. Che yakꞌ lista je bꞌa yetoj je naꞌbꞌal, yet chex eltoj alo el skꞌaneal tol chi skeꞌ koc can yin watxꞌcꞌulal yetoj Dios. 16Junxa yel sowalil tol chex a can je yaon oc Dios yin je cꞌul, yet watxꞌ cꞌam chex michꞌcha yu naj diablo, yet chi yakꞌlen jowal je yetoj. Jaxca tol chi julwa yetoj wan sjulbꞌal eyoc skꞌakꞌal kin. Ta chex a cꞌal pax can je yaon oc Dios yin je cꞌul, laan jex jaxca ebꞌ soldado eyoc chꞌen chꞌen jenan oc xaamscꞌul bꞌey chi scol sbꞌa ebꞌ, yet watxꞌ cꞌam chi michꞌcha ebꞌ sjul-lei. 17Caw che yaoc yipoj je cꞌul tol colchanaj jex xa. Ta che yaoc yipoj je cꞌul, laan jex jaxca ebꞌ soldado chi yaoc chꞌen kꞌoxkꞌome. Catuꞌ jaꞌ skꞌane Dios akꞌbꞌil ey jon yu Naj Espíritu che kꞌanbꞌalne, jaxca chi yute skꞌanbꞌalnen yespada ebꞌ soldado. 18Yetoj pax oj, txalanwej tobꞌalkꞌinal tet Dios yetoj yipal Naj Santo Espíritu, che kꞌan tzettaj yetal tet. Caw che yaoc je naꞌbꞌal je txali. Manche je naꞌ tol man oj spajtze Dios tuꞌ. Txalanwej yu masanil ebꞌ yet xa Dios ketoj. 19Txalanwej pax wu, yet watxꞌ chi yakꞌ naꞌcha el wu yu Dios tzet oj wal an, cꞌal yet watxꞌ jacꞌalaꞌ tecꞌan ojabꞌ cꞌal walon el skꞌaneal yet colbꞌanile, jun txꞌoxbꞌil yu Dios ey jon. 20Jaꞌ Dios jix akꞌon wopiso walon el jun kꞌane tiꞌ. Preso we tinaniꞌ yu cꞌal tol chi waleloj. Yuxan, txalanwej wu, yet watxꞌ tecꞌan ojabꞌ jin cꞌal walon el jaxca chi yoche Dios.
Chi Aletoj Scawil Scꞌul Ebꞌ A Éfeso
21Jaꞌ kuẍtaj Tíquico tiꞌ, kuẍtaj tol camcꞌulnebꞌil ku. Caw chi yakꞌ yip smulna yin yet Naj Kaawil. Jaꞌ oj toj alon je yabꞌe, tzet weoc titiꞌ, cꞌal tzet lalan wunen an. 22Yuxan, tol chin chejtoj ey jex tuꞌ. Catuꞌ oj yalon ey jex, tzet keoc jon, yet watxꞌ oj tzala a je cꞌul ku. 23Jex wuẍtaj, jex wanabꞌ, chi woche chi yakꞌ scamcꞌulal cu Mam Dios cꞌal Naj Kaawil Jesucristo ey jex. Catuꞌ chi yakꞌ cꞌal pax oj, tol ey watxꞌcꞌulal snan je xol tituꞌ. Chi woche pax chex a can je yaon oc je cꞌul yin. 24Masanil cꞌal mac chi camcꞌulnen Naj Kaawil Jesucristo yin tobꞌalkꞌinal ey ojabꞌ swatxꞌcꞌulal Dios tet ebꞌ.
Currently Selected:
Efesios 6: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Efesios 6
6
1Jex uninale, jijem che yute je bꞌa tet je mam cꞌal je txutx, yutol creyente jex. Caw watxꞌ ta jijem jex. 2Ey jun ẍejbꞌanil Dios caw miman yeloc apnoj. Jix yakꞌ can stiꞌ Dios yu tzet chi yakꞌ ey jon, ta jijem jon, chi yal jaxca tiꞌ: “Ey ojabꞌ yeloc apnoj je mam cꞌal je txutx yul je sat. 3Ta che jije jaxca tuꞌ, tzalacꞌulal je yet, catuꞌ oj naatbꞌoj je kꞌinal bꞌey yul yibꞌankꞌinal tiꞌ,” ẍi jun chejbꞌanil tuꞌ.#Deuteronomio 5:16. 4Jaꞌ jaex tiꞌ, jex mame cꞌal jex txutxe, man comonoj che txꞌem cajtzatej sjowal je yuninal. Jaꞌ tiꞌ je yet, ilwej chꞌibꞌ ebꞌ, akꞌwej cuenta ebꞌ. Che cuy ebꞌ, yet watxꞌ chi yaoc scꞌul ebꞌ yin Naj Kaawil. 5Jaꞌ jex yakꞌomal servil je yei, jijewej tzet chi yal je patrón bꞌey yul yibꞌankꞌinal tiꞌ. Ey ojabꞌ yeloc apnoj ebꞌ yul je sat. Xiwanwej tet ebꞌ. Yelcꞌulal chex mulna yin smulnail ebꞌ, jaxca ojabꞌ tol smulnail Cristo che yilaꞌ. 6Man ojabꞌ asanne oj yet chex yilon ebꞌ, chex mulnai, yet watxꞌ chi tzala oc ebꞌ je yin, je naꞌoni, mulnaanwej yin masanil je cꞌul, jaxca chi yoche Dios, yutol jaꞌ Cristo lalan je yakꞌon servil. 7Mulnaanwej yin tzalacꞌulal, yutol jaxca tol jaꞌ tet Naj Kaawil chex mulnai, catuꞌ manaj tet junoj ánima. 8Kotajxa, caxcꞌal yakꞌomal servil jon, ma caxcꞌal ket cu bꞌa, oj cu chaꞌ spajtzebꞌal junjun jon tet Naj Kaawil, jatacꞌalaꞌ tzet watxꞌ jix el kunen junjun jon. 9Jaꞌ jaex patrón jex tiꞌ, jaxca ojabꞌ tuꞌ che yute pax je bꞌa tet ebꞌ je yakꞌomal servil. Man ojabꞌ jow oj che yute je bꞌa tet ebꞌ. Naꞌwejtej tol ey jun a satcan chex akꞌon mandar yetoj ebꞌ, jaꞌton Naj Kaawil. Jaꞌ yul sat Naj, laan je yeloc apnoj yetoj ebꞌ je yakꞌomal servil tuꞌ.
Jaꞌ Tzet Chi Yakꞌ Dios Ey Jon Laan Jaxca Smitxꞌkꞌabꞌ Ebꞌ Soldado
10Jaꞌ tinaniꞌ, jex wuẍtaj, jex wanabꞌ, caw tecꞌan ojabꞌ chi kute cu bꞌa yul skꞌabꞌ Naj Kaawil. Kiꞌ ojabꞌ cu tecꞌanil yu yipal Naj. 11Cu chaꞌwej tzet chi yakꞌ Dios ey jon. Jaxca smitxꞌkꞌabꞌ ebꞌ soldado, jaxca tuꞌ yopiso wan tzet chi yakꞌ ey jon tiꞌ, yet watxꞌ chi skeꞌ cu tecꞌbꞌan cu bꞌa tet naj diablo, yet chi yakꞌlen cu yijbꞌan yin spenail yetoj sjelanil. 12Manaj yetoj junoj comon ánima lalan kakꞌlen jowal. Tol jaꞌ yetoj wan espíritu ey yipal yunen tzet man watxꞌoj xol kaꞌeꞌ, jaꞌ yetoj ebꞌ lalan kakꞌlen jowal. Wan ebꞌ ey yopiso yakꞌwi mandar, catuꞌ eyoc ebꞌ yaawil tzet man watxꞌoj bꞌey yul yibꞌankꞌinal tiꞌ. 13Yu jun tuꞌ, yuxan jaxca junoj soldado chi skꞌanbꞌalne smitxꞌkꞌabꞌil jowal, jaxca ojabꞌ tuꞌ che yute je mitxꞌkꞌabꞌnen wan tzet chi yakꞌ Dios ey jon, yet watxꞌ tecꞌan che yute je bꞌa, yet chi jul tzet man watxꞌoj. Ta che tecꞌbꞌa je bꞌa, jaꞌ yet oj lawoj je yunen masanil tzet chi yoche Dios, jacꞌalaꞌ tecꞌan jex cꞌal. 14Yuxan, tecꞌan cꞌal che yute je bꞌa. Caw che yaoc je naꞌbꞌal yin jun kꞌane caw yel, jaxca ebꞌ soldado chi yaoc scꞌalil snan yet chi too yin jowal. Caw tool che yute je bꞌeybꞌal. Yet watxꞌ jaxca tuꞌ, laan jex jaxca ebꞌ soldado chi scol sbꞌa yetoj jun chꞌen pichile chi sjenbꞌa oc xaamscꞌul ebꞌ. 15Jaxca ebꞌ soldado chi yakꞌ lista sbꞌa, chi yaoc xanabꞌ ebꞌ, jaxca ojabꞌ tuꞌ jex pax oj. Che yakꞌ lista je bꞌa yetoj je naꞌbꞌal, yet chex eltoj alo el skꞌaneal tol chi skeꞌ koc can yin watxꞌcꞌulal yetoj Dios. 16Junxa yel sowalil tol chex a can je yaon oc Dios yin je cꞌul, yet watxꞌ cꞌam chex michꞌcha yu naj diablo, yet chi yakꞌlen jowal je yetoj. Jaxca tol chi julwa yetoj wan sjulbꞌal eyoc skꞌakꞌal kin. Ta chex a cꞌal pax can je yaon oc Dios yin je cꞌul, laan jex jaxca ebꞌ soldado eyoc chꞌen chꞌen jenan oc xaamscꞌul bꞌey chi scol sbꞌa ebꞌ, yet watxꞌ cꞌam chi michꞌcha ebꞌ sjul-lei. 17Caw che yaoc yipoj je cꞌul tol colchanaj jex xa. Ta che yaoc yipoj je cꞌul, laan jex jaxca ebꞌ soldado chi yaoc chꞌen kꞌoxkꞌome. Catuꞌ jaꞌ skꞌane Dios akꞌbꞌil ey jon yu Naj Espíritu che kꞌanbꞌalne, jaxca chi yute skꞌanbꞌalnen yespada ebꞌ soldado. 18Yetoj pax oj, txalanwej tobꞌalkꞌinal tet Dios yetoj yipal Naj Santo Espíritu, che kꞌan tzettaj yetal tet. Caw che yaoc je naꞌbꞌal je txali. Manche je naꞌ tol man oj spajtze Dios tuꞌ. Txalanwej yu masanil ebꞌ yet xa Dios ketoj. 19Txalanwej pax wu, yet watxꞌ chi yakꞌ naꞌcha el wu yu Dios tzet oj wal an, cꞌal yet watxꞌ jacꞌalaꞌ tecꞌan ojabꞌ cꞌal walon el skꞌaneal yet colbꞌanile, jun txꞌoxbꞌil yu Dios ey jon. 20Jaꞌ Dios jix akꞌon wopiso walon el jun kꞌane tiꞌ. Preso we tinaniꞌ yu cꞌal tol chi waleloj. Yuxan, txalanwej wu, yet watxꞌ tecꞌan ojabꞌ jin cꞌal walon el jaxca chi yoche Dios.
Chi Aletoj Scawil Scꞌul Ebꞌ A Éfeso
21Jaꞌ kuẍtaj Tíquico tiꞌ, kuẍtaj tol camcꞌulnebꞌil ku. Caw chi yakꞌ yip smulna yin yet Naj Kaawil. Jaꞌ oj toj alon je yabꞌe, tzet weoc titiꞌ, cꞌal tzet lalan wunen an. 22Yuxan, tol chin chejtoj ey jex tuꞌ. Catuꞌ oj yalon ey jex, tzet keoc jon, yet watxꞌ oj tzala a je cꞌul ku. 23Jex wuẍtaj, jex wanabꞌ, chi woche chi yakꞌ scamcꞌulal cu Mam Dios cꞌal Naj Kaawil Jesucristo ey jex. Catuꞌ chi yakꞌ cꞌal pax oj, tol ey watxꞌcꞌulal snan je xol tituꞌ. Chi woche pax chex a can je yaon oc je cꞌul yin. 24Masanil cꞌal mac chi camcꞌulnen Naj Kaawil Jesucristo yin tobꞌalkꞌinal ey ojabꞌ swatxꞌcꞌulal Dios tet ebꞌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.