Hechos Introducción
Introducción
Hechos sbꞌi jun libro tiꞌ. Jix tzꞌibꞌelecan yet abꞌil 60-62 d.C. Ey jun naj Griego chi yij Lucas, jaꞌton naj anwam jix tzꞌibꞌencan yet eyecꞌ naj bꞌey Jerusalén cꞌal bꞌey Roma.
Jaꞌ jun libro tiꞌ chi yaltej yu wan kꞌane jix stzꞌibꞌe can naj Lucas, tol chi yalaꞌ tzet jix yun yijbꞌale ebꞌ ẍejabꞌ Jesús yu Yespíritu Dios, yet jix yalon skꞌaneal Jesús ebꞌ bꞌey Jerusalén, bꞌey Judea, bꞌey Samaria, yetoj bꞌey chi lawi apnoj yul yibꞌankꞌinal tiꞌ. Chi yalontej tol jaꞌ jun cuybꞌanile tiꞌ, jatuꞌ elnaj yich xol ebꞌ Israel, catuꞌ jix bꞌey cꞌal stoo xol masanil ánima.
Jaꞌ jun cuybꞌanile tiꞌ caw chi yoche naj Lucas chi yalel tet masanil ánima cꞌal tet ebꞌ yaaw yeoc bꞌey conobꞌ Roma. Jaꞌton yet tuꞌ jix eloc tzet echbꞌanebꞌil yu ebꞌ conobꞌ Israel.
Ey oxebꞌ tujan yeoc jun libro tiꞌ. Yet sbꞌabꞌel tujan, chi ẍaꞌel yich bꞌey capítulo 1 chi apni bꞌey capítulo 7, jatuꞌ chi yalaꞌ tzet jix yun ẍꞌibꞌ sbꞌisil ebꞌ creyente bꞌey Jerusalén. Yet scaabꞌ tujan, jaꞌ bꞌey capítulo 8 chi apni bꞌey capítulo 12, jatuꞌ chi yalaꞌ tzet jix yun yapni oc jun cuybꞌanile tiꞌ bꞌey wanxa conobꞌ yul yet Palestina. Yet yox tujan, bꞌey capítulo 13 masantaꞌ bꞌey chi lawi jun libro tiꞌ, jatuꞌ chi yalaꞌ tzet jix yun yapni oc Evangelio xol ebꞌ man Israeloj, masantaꞌ jix apni oc bꞌey conobꞌ Roma.
Yel xacꞌal miman chi bꞌina tzet jix yun Yespíritu Dios, jix eyol yibꞌan ebꞌ bꞌabꞌel creyente yet scꞌual kꞌin Pentecostés. Yakꞌnaj yipalil tet ebꞌ creyente, jix ijbꞌale cꞌal pax ebꞌ yu.
Jaꞌ jun cuybꞌanile tiꞌ, jix txeclo el yin ebꞌ bꞌabꞌel creyente tol miman yeoc yipalil jun Evangelio tiꞌ.
Currently Selected:
Hechos Introducción: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.