2a Pedro Introducción
Introducción
Jaꞌ jun libro tiꞌ jix tzꞌibꞌelecan yet abꞌil 67-68 d.C. Jaꞌ naj Pedro jix tzꞌibꞌencan yet eyecꞌ naj bꞌey Roma.
Scaabꞌ Pedro sbꞌi jun carta tiꞌ, jaꞌton jun scaabꞌ carta naj apóstol Pedro jix stzꞌibꞌetoj tet ebꞌ creyente sajleminaj ye cantoj bꞌey junjun lugar. Jix yabꞌoc naj Pedro tol ey wanxa ebꞌ cuywam chi apni oc xol ebꞌ creyente bꞌey junjun iglesia, yu jun tuꞌ ey ebꞌ creyente chi somchatoj snaꞌbꞌal yu wan txꞌoj cuybꞌanile tuꞌ. Jaꞌ chi yute yalon ebꞌ tuꞌ tol manxa oj jul Cristo, yutol lalan cꞌal yecꞌ tiempo chi yil ebꞌ.
Jaꞌ wan tiꞌ chi yal naj Pedro tet ebꞌ creyente tuꞌ, yu jun tuꞌ sowalil chi stecꞌbꞌa sbꞌa ebꞌ yin screyenteal, yet man comonoj chi somcha snaꞌbꞌal ebꞌ yu tzet chi yal wanxa ebꞌ tuꞌ. Jaꞌ Dios yotaj tzet yu, yuxan chi ecꞌ niꞌojxa tiempo sjul Cristo yet scaelal, yutol eyto ebꞌ ánima man to colchanaj oj.
Currently Selected:
2a Pedro Introducción: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.