1a Corintios Introducción
Introducción
Jaꞌ jun libro tiꞌ jix tzꞌibꞌelecan yet abꞌil 55 d.C. Jaꞌ naj Pablo jix tzꞌibꞌencan yet eyecꞌ naj bꞌey conobꞌ Éfeso.
Jix stzꞌibꞌetoj naj Pablo jun carta tiꞌ tet ebꞌ a Corinto, yet chi tenle oc tucan ebꞌ yin spenail chi el yuneni, yetoj yin wan cuybꞌanile tol man watxꞌoj. Jaꞌ yet jun tiempoal tuꞌ, jaꞌ Corinto, sat conobꞌ yeoc yul yet Acaya. Jaꞌ yul jun conobꞌ tuꞌ, caw miman ebꞌ txonwom ey tituꞌ. Yu jun tuꞌ, caw ecꞌal cuyuꞌ yetoj wan cuybꞌanile ey tituꞌ, catuꞌ caw ey pax spenail chi yun ebꞌ ánima bꞌey jun conobꞌ tuꞌ.
Caw miman tzet jix snaꞌ naj Pablo, yutol ey ebꞌ creyente chi spoꞌoel sbꞌa xol ebꞌ yet creyenteal. Ey pax ebꞌ chi too yin amulal, ey ebꞌ chi bꞌet swaꞌne yeoc junoj jowal sattaj ebꞌ yaaw man creyenteoj. Chi ẍiꞌon chiꞌbꞌe ebꞌ chi akꞌle yin xaambꞌal tet wan chi al-le oc diosal.
Chi yalon pax Pablo yu wan opiso chi akꞌle tet ebꞌ creyente yu Yespíritu Dios. Chi yalon pax tzet chi yun yoc culto yin xolilal. Chi yalon pax yu wan cuybꞌanile txꞌoj chi yun yal-le yin, yu ebꞌ creyente chi cami, yuxan jaꞌ naj Pablo chi yakꞌ kotajne eloj tol jaꞌ cuybꞌanile chi yakꞌ Cristo jaꞌ chi aloni tol yel oj pitzcꞌu a ebꞌ creyente camnajxa.
Jaꞌ capítulo 13, jaꞌ chi alontej yu camcꞌulal, yu jun tuꞌ, chi txeclo eloj tol eyecꞌ Dios xol ebꞌ sconobꞌ.
Currently Selected:
1a Corintios Introducción: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.