1a Corintios 3
3
Ket Mulnawomal Cu Bꞌa Yin Kakꞌon Servil Dios
1Jex wuẍtaj, jex wanabꞌ, jaꞌ yet jix jin ecꞌ je nan je xol tituꞌ, ma skeꞌ jin kꞌanabꞌ je yetoj jaxca chi yun jin kꞌanabꞌ yetoj ebꞌ jijem tet Naj Yespíritu Dios. Yutol, jaꞌ je naꞌbꞌal chex ijbꞌani, jaxca tol yet ebꞌ a yul yibꞌankꞌinal tiꞌ, ma jaxca tol, tol to chex oc yintaj Cristo. 2Jaxca junoj yaliẍ unin cꞌamto chi skeꞌ sloꞌon tzetyetal caw, quey jex tuꞌ. Yuxan jaxca chi yun yakꞌle txutxwoj junoj yaliẍ unin tuꞌ queytuꞌ jix wute walon wan cuybꞌanile ey jex. Jaꞌ cuybꞌanile man yaꞌtaj oj snaꞌcha eloj walnaj ey jex, yutol jaꞌ cuybꞌanile yaꞌtaj snaꞌcha eloj, toj chi xa naꞌcha el je yu, caw jacꞌalaꞌ jexto cꞌal tinaniꞌ. 3Yutol jato cꞌal je naꞌbꞌal chex ijbꞌani. Ilaꞌ, ey chichoncꞌulal je xol. Jacꞌalaꞌ cꞌal che yoche chex poꞌochai. Chi yal yeloc apnoj tol jacꞌalaꞌ tocꞌal je naꞌbꞌal chex ijbꞌani. Laan che yute je bꞌa jaxca ebꞌ comon ánima. 4Yutol ey jex che yal jaxca tiꞌ: “Jain tiꞌ, yet jin naj Pablo,” je chi. Ey jex xin: “Jain tiꞌ, yet jin naj Apolo,” je chi. Jaꞌ yet che yalon jaxca tuꞌ, caw laan tocꞌal je naꞌbꞌal jaxca snaꞌbꞌal ebꞌ comon ánima man to yotaj oj Dios. 5¿Tzet weloc apnoj jain Pablo jin tiꞌ? ¿Tzet yeloc apnoj Apolo tuꞌ? Jaon tiꞌ, tucꞌal chꞌan yakꞌomal servil Dios cꞌal kei. Jaon jix cu yakꞌbꞌalne ey jex, catuꞌ jix je yaon oc je cꞌul yin Naj Kaawil. Junjun jon cꞌal chi kil kopiso jatacꞌalaꞌ tzet jix akꞌle kun yu. 6Jaꞌ yet jix jin ecꞌ je xol jain tiꞌ, jaxca tol ecꞌ wawnaj can ey jinat. Jal naj Apolo, jaxca tol ecꞌnaj naj yaoc yal tzet ecꞌ awbꞌil wu tuꞌ an. Tol jaꞌ Dios jix jex akꞌon chꞌibꞌoj. 7Yuxan, jaꞌ junoj awalwom, cꞌal naj chi awi oc yal awo tuꞌ, cꞌam niꞌoj yeloc apnoj ebꞌ. Asan Dios ey yeloc apnoj, yutol jaꞌ chi akꞌon chꞌibꞌoj. 8Jaꞌ ebꞌ awalwom, cꞌal ebꞌ chi awi oc yal awo tuꞌ, laan cꞌal yeloc apnoj smulnail ebꞌ tuꞌ. Oj ẍaꞌ spaj masanil ebꞌ tuꞌ tet Dios, jatacꞌalaꞌ jantaj smulnail junjun. 9Yuxan jaon tiꞌ, ket mulnawomal cu bꞌa yin kakꞌon servil Dios. Jal pax jex, jaex tiꞌ xin, jaxca tol yawo Dios je yei. Jacꞌalaꞌ jaxca junoj na lalan swaꞌnen Dios, queytuꞌ je yei. 10Jal jin xin, laan jin jaxca junoj mac jelan yin waꞌnen na, quey jin tuꞌ yu swatxꞌcꞌulal Dios. Jaꞌ yet jix jin ecꞌ je xol tuꞌ, jaxca tol ecꞌ wanaj ey yich junoj na. Catuꞌ txꞌojxa mac chi mulna je xol tinaniꞌ. Jaꞌ mac chi mulna tituꞌ tinaniꞌ, jaxca tol lalan slatzꞌon oc xaan yibꞌan yich ecꞌ wanaj can ey tuꞌ. Jaꞌ junjun mactxequel lalan smulna oc yin tuꞌ, sowalil chi cam yiloni tzet utbꞌil chi yute smulnail tuꞌ. 11Cꞌam junojxa mactxequel chi skeꞌ yaon ey junojxa yich, yutol jaꞌ jun yich eyxa eyoj, jaꞌcaw Jesucristo. 12Jaꞌ mac chi mulna oc yin jun mulnail tuꞌ, ey mac caw watxꞌ smulnail. Jaxca tol jaꞌ chꞌen oro, chꞌen plata, cꞌal wanojxa chꞌen caw ey stool, jaxca tol, jaꞌ ebꞌ chi latzꞌle a yibꞌan jun yich eyxa ey tuꞌ, yutol caw watxꞌ smulnail ebꞌ. Ey pax ebꞌ man watxꞌoj smulnail. Jaxca tol teꞌ chi skꞌanbꞌalne ebꞌ, ma xin, jaxca chꞌim, cꞌal yajan tiriw, jaxca tuꞌ tzet chi yatoj ebꞌ. 13Jal pax cu mulnail junjun jon, oj txeclo el yet oj jul jun scꞌual yet chi naꞌle oc yin ánima. Catuꞌ oj akꞌle porobꞌal yetoj kꞌakꞌ kꞌakꞌ cu mulnail junjun jon yet tuꞌ, ta watxꞌ, ma pena. 14Jaꞌ mac watxꞌ smulnail, jaxca junoj na cꞌam chi tzꞌaꞌ yu kꞌakꞌ, queytuꞌ smulnail ebꞌ tuꞌ. Jaꞌ ebꞌ tuꞌ oj ẍaꞌ spaj smulnail ebꞌ tuꞌ. 15Ey pax ebꞌ pena smulnail xin, jaxca junoj na tol cꞌuun stzꞌaꞌtoj. Jaxca tuꞌ oj yun smulnail ebꞌ yet jun cꞌual chi naꞌle oc yin ánima yutol pena smulnail ebꞌ. Cꞌam niꞌoj spaj oj ẍaꞌ ebꞌ. Oj colcha el ebꞌ, tol jaxca cꞌal chi yun scolcha junoj mactxequel xol kꞌakꞌ, queytuꞌ oj yun scolcha ebꞌ. 16¿Tumi man je yotaj oj tol stemplo Dios jex tituꞌ, catuꞌ eyecꞌ Naj Santo Espíritu je yin? 17Ta ey mac chi akꞌon tan el jun stemplo Dios tuꞌ, jaꞌ Dios oj akꞌon pax tan el jun ánima tuꞌ. Yutol jaꞌ jun stemplo Dios tuꞌ, asan Dios ey yet. Jaꞌ jun templo chi wal tuꞌ, jaex toni. 18Cꞌam ojabꞌ che yetne je bꞌa yul je yet. Ta ey jex che naꞌ, tol jelan jex yin yet yul yibꞌankꞌinal tiꞌ, sowalil che yiꞌey je bꞌa, catuꞌ che yute je bꞌa jaxca tol cꞌam tzet je yotaj, yet watxꞌ oj yakꞌ Dios je jelanil. 19Yutol jaꞌ sjelanil yul yibꞌankꞌinal tiꞌ, cꞌam niꞌoj yeloc apnoj yul sat Dios. Yutol queytuꞌ tzꞌibꞌebꞌilcan yul An Juun bꞌey chi yal jaxca tiꞌ: “Jaꞌ ebꞌ jelan chi yute sbꞌa, jaꞌ Dios oj txꞌoxon eloj, tol cꞌam yopiso sjelanil ebꞌ tuꞌ, catuꞌ oj qꞌueyel ebꞌ yu sjelanil ebꞌ,” ẍi yul An Juun tuꞌ.#Job 5:13. 20Chi yalon pax jaxca tiꞌ: “Yotaj Naj Kaawil, tol jaꞌ tzet chi snaꞌ ebꞌ jelan, tutun cꞌam niꞌoj yeloc apnoj,” ẍi yul An Juun tuꞌ.#Salmos 94:11. 21Yuxan, ma skeꞌ je yaon oc je naꞌbꞌal yin junoj ánima yu tzet chi yakꞌ ey jex, catuꞌ che yiꞌon a can je bꞌa yu. Yutol, jaꞌ Dios chi yakꞌ masanil tzetyetal ey jex. 22Yuxan, je yakꞌomaloj servil wei, jain Pablo jin tiꞌ, yetoj Apolo, cꞌal Pedro, yuxan, jaxca tol je yet jon. Ilaꞌ pax yul yibꞌankꞌinal tiꞌ, cꞌal cu kꞌinal, cꞌal camich, cꞌal tzettaj yetal ey tinaniꞌ, cꞌal tzettaj yetal tol to oj juloj, jix yakꞌ Dios masanil ey jex. 23Jal jex jaex tiꞌ, yet jex xa Cristo ketoj, jaꞌ Naj Cristo, yet Dios.
Currently Selected:
1a Corintios 3: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
1a Corintios 3
3
Ket Mulnawomal Cu Bꞌa Yin Kakꞌon Servil Dios
1Jex wuẍtaj, jex wanabꞌ, jaꞌ yet jix jin ecꞌ je nan je xol tituꞌ, ma skeꞌ jin kꞌanabꞌ je yetoj jaxca chi yun jin kꞌanabꞌ yetoj ebꞌ jijem tet Naj Yespíritu Dios. Yutol, jaꞌ je naꞌbꞌal chex ijbꞌani, jaxca tol yet ebꞌ a yul yibꞌankꞌinal tiꞌ, ma jaxca tol, tol to chex oc yintaj Cristo. 2Jaxca junoj yaliẍ unin cꞌamto chi skeꞌ sloꞌon tzetyetal caw, quey jex tuꞌ. Yuxan jaxca chi yun yakꞌle txutxwoj junoj yaliẍ unin tuꞌ queytuꞌ jix wute walon wan cuybꞌanile ey jex. Jaꞌ cuybꞌanile man yaꞌtaj oj snaꞌcha eloj walnaj ey jex, yutol jaꞌ cuybꞌanile yaꞌtaj snaꞌcha eloj, toj chi xa naꞌcha el je yu, caw jacꞌalaꞌ jexto cꞌal tinaniꞌ. 3Yutol jato cꞌal je naꞌbꞌal chex ijbꞌani. Ilaꞌ, ey chichoncꞌulal je xol. Jacꞌalaꞌ cꞌal che yoche chex poꞌochai. Chi yal yeloc apnoj tol jacꞌalaꞌ tocꞌal je naꞌbꞌal chex ijbꞌani. Laan che yute je bꞌa jaxca ebꞌ comon ánima. 4Yutol ey jex che yal jaxca tiꞌ: “Jain tiꞌ, yet jin naj Pablo,” je chi. Ey jex xin: “Jain tiꞌ, yet jin naj Apolo,” je chi. Jaꞌ yet che yalon jaxca tuꞌ, caw laan tocꞌal je naꞌbꞌal jaxca snaꞌbꞌal ebꞌ comon ánima man to yotaj oj Dios. 5¿Tzet weloc apnoj jain Pablo jin tiꞌ? ¿Tzet yeloc apnoj Apolo tuꞌ? Jaon tiꞌ, tucꞌal chꞌan yakꞌomal servil Dios cꞌal kei. Jaon jix cu yakꞌbꞌalne ey jex, catuꞌ jix je yaon oc je cꞌul yin Naj Kaawil. Junjun jon cꞌal chi kil kopiso jatacꞌalaꞌ tzet jix akꞌle kun yu. 6Jaꞌ yet jix jin ecꞌ je xol jain tiꞌ, jaxca tol ecꞌ wawnaj can ey jinat. Jal naj Apolo, jaxca tol ecꞌnaj naj yaoc yal tzet ecꞌ awbꞌil wu tuꞌ an. Tol jaꞌ Dios jix jex akꞌon chꞌibꞌoj. 7Yuxan, jaꞌ junoj awalwom, cꞌal naj chi awi oc yal awo tuꞌ, cꞌam niꞌoj yeloc apnoj ebꞌ. Asan Dios ey yeloc apnoj, yutol jaꞌ chi akꞌon chꞌibꞌoj. 8Jaꞌ ebꞌ awalwom, cꞌal ebꞌ chi awi oc yal awo tuꞌ, laan cꞌal yeloc apnoj smulnail ebꞌ tuꞌ. Oj ẍaꞌ spaj masanil ebꞌ tuꞌ tet Dios, jatacꞌalaꞌ jantaj smulnail junjun. 9Yuxan jaon tiꞌ, ket mulnawomal cu bꞌa yin kakꞌon servil Dios. Jal pax jex, jaex tiꞌ xin, jaxca tol yawo Dios je yei. Jacꞌalaꞌ jaxca junoj na lalan swaꞌnen Dios, queytuꞌ je yei. 10Jal jin xin, laan jin jaxca junoj mac jelan yin waꞌnen na, quey jin tuꞌ yu swatxꞌcꞌulal Dios. Jaꞌ yet jix jin ecꞌ je xol tuꞌ, jaxca tol ecꞌ wanaj ey yich junoj na. Catuꞌ txꞌojxa mac chi mulna je xol tinaniꞌ. Jaꞌ mac chi mulna tituꞌ tinaniꞌ, jaxca tol lalan slatzꞌon oc xaan yibꞌan yich ecꞌ wanaj can ey tuꞌ. Jaꞌ junjun mactxequel lalan smulna oc yin tuꞌ, sowalil chi cam yiloni tzet utbꞌil chi yute smulnail tuꞌ. 11Cꞌam junojxa mactxequel chi skeꞌ yaon ey junojxa yich, yutol jaꞌ jun yich eyxa eyoj, jaꞌcaw Jesucristo. 12Jaꞌ mac chi mulna oc yin jun mulnail tuꞌ, ey mac caw watxꞌ smulnail. Jaxca tol jaꞌ chꞌen oro, chꞌen plata, cꞌal wanojxa chꞌen caw ey stool, jaxca tol, jaꞌ ebꞌ chi latzꞌle a yibꞌan jun yich eyxa ey tuꞌ, yutol caw watxꞌ smulnail ebꞌ. Ey pax ebꞌ man watxꞌoj smulnail. Jaxca tol teꞌ chi skꞌanbꞌalne ebꞌ, ma xin, jaxca chꞌim, cꞌal yajan tiriw, jaxca tuꞌ tzet chi yatoj ebꞌ. 13Jal pax cu mulnail junjun jon, oj txeclo el yet oj jul jun scꞌual yet chi naꞌle oc yin ánima. Catuꞌ oj akꞌle porobꞌal yetoj kꞌakꞌ kꞌakꞌ cu mulnail junjun jon yet tuꞌ, ta watxꞌ, ma pena. 14Jaꞌ mac watxꞌ smulnail, jaxca junoj na cꞌam chi tzꞌaꞌ yu kꞌakꞌ, queytuꞌ smulnail ebꞌ tuꞌ. Jaꞌ ebꞌ tuꞌ oj ẍaꞌ spaj smulnail ebꞌ tuꞌ. 15Ey pax ebꞌ pena smulnail xin, jaxca junoj na tol cꞌuun stzꞌaꞌtoj. Jaxca tuꞌ oj yun smulnail ebꞌ yet jun cꞌual chi naꞌle oc yin ánima yutol pena smulnail ebꞌ. Cꞌam niꞌoj spaj oj ẍaꞌ ebꞌ. Oj colcha el ebꞌ, tol jaxca cꞌal chi yun scolcha junoj mactxequel xol kꞌakꞌ, queytuꞌ oj yun scolcha ebꞌ. 16¿Tumi man je yotaj oj tol stemplo Dios jex tituꞌ, catuꞌ eyecꞌ Naj Santo Espíritu je yin? 17Ta ey mac chi akꞌon tan el jun stemplo Dios tuꞌ, jaꞌ Dios oj akꞌon pax tan el jun ánima tuꞌ. Yutol jaꞌ jun stemplo Dios tuꞌ, asan Dios ey yet. Jaꞌ jun templo chi wal tuꞌ, jaex toni. 18Cꞌam ojabꞌ che yetne je bꞌa yul je yet. Ta ey jex che naꞌ, tol jelan jex yin yet yul yibꞌankꞌinal tiꞌ, sowalil che yiꞌey je bꞌa, catuꞌ che yute je bꞌa jaxca tol cꞌam tzet je yotaj, yet watxꞌ oj yakꞌ Dios je jelanil. 19Yutol jaꞌ sjelanil yul yibꞌankꞌinal tiꞌ, cꞌam niꞌoj yeloc apnoj yul sat Dios. Yutol queytuꞌ tzꞌibꞌebꞌilcan yul An Juun bꞌey chi yal jaxca tiꞌ: “Jaꞌ ebꞌ jelan chi yute sbꞌa, jaꞌ Dios oj txꞌoxon eloj, tol cꞌam yopiso sjelanil ebꞌ tuꞌ, catuꞌ oj qꞌueyel ebꞌ yu sjelanil ebꞌ,” ẍi yul An Juun tuꞌ.#Job 5:13. 20Chi yalon pax jaxca tiꞌ: “Yotaj Naj Kaawil, tol jaꞌ tzet chi snaꞌ ebꞌ jelan, tutun cꞌam niꞌoj yeloc apnoj,” ẍi yul An Juun tuꞌ.#Salmos 94:11. 21Yuxan, ma skeꞌ je yaon oc je naꞌbꞌal yin junoj ánima yu tzet chi yakꞌ ey jex, catuꞌ che yiꞌon a can je bꞌa yu. Yutol, jaꞌ Dios chi yakꞌ masanil tzetyetal ey jex. 22Yuxan, je yakꞌomaloj servil wei, jain Pablo jin tiꞌ, yetoj Apolo, cꞌal Pedro, yuxan, jaxca tol je yet jon. Ilaꞌ pax yul yibꞌankꞌinal tiꞌ, cꞌal cu kꞌinal, cꞌal camich, cꞌal tzettaj yetal ey tinaniꞌ, cꞌal tzettaj yetal tol to oj juloj, jix yakꞌ Dios masanil ey jex. 23Jal jex jaex tiꞌ, yet jex xa Cristo ketoj, jaꞌ Naj Cristo, yet Dios.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.