Maku 2
2
Haga Typy 2
Mateu 9.1; Iruka 5.17 Piat Ewy
1Meiũran Iesui taꞌaipok i raꞌyn tawa Kawanaum kape. Putꞌok toꞌe itotiat hawyi teke wẽtup netap we. Toineꞌen porapꞌi itotiat hap hawyi miitꞌin tikuap taꞌyn aikope Iesui ieineꞌen hap. 2Miꞌi hawyi meremo tõꞌẽ tõꞌẽ i raꞌyn hewowi typyꞌi kahato raꞌyn hawyi iraniaꞌin miitꞌin sem oken upi neꞌi raꞌyn tukupteꞌen. Miꞌi hawyi Iesui tiꞌatumuꞌe Tupana ehay wo õꞌẽ tewowiat haria. 3Miꞌi turan taꞌatuerut Iesui kape yt ipoĩꞌam kuap i rakat yni pe 4 ok herut haria. 4Maꞌato yt aikopuo kuap i taꞌatuerekosap Iesui kape katupono typyꞌi kahato miitꞌin netap wiat pote hawyi taꞌatuꞌok hot netap Iesui apy tote. Miꞌi hawyi iꞌokhotꞌe hawuo taꞌatumoꞌapyk yt hewyry kuap i rakat yni pe. 5Miꞌi hawyi taꞌakasa yne hawyi Iesui tikuap taꞌyn tomohey iꞌatuepiat hap koꞌi. Miꞌi hawyi toꞌe iꞌahuu rakat pe -Uiwy e koitywy ti yt naku i eminug saꞌag epyꞌa piat atimoweityk raꞌyn e. 6Miꞌi pote apyk puaria miwan enoi haria teꞌeruwanetup hawe teꞌeroꞌe -Kat pote mio tã e Iesui iꞌatuꞌe teꞌeruwanetup hawe. 7Kat poteĩ Iesui mio tã e iꞌatuꞌe. Ihay saꞌag kahato ti iꞌatuꞌe katupono ti Tupana yn imoweityk kuap aiminug saꞌag iꞌatuꞌe. 8Maꞌato meremo Iesui tikuap topyꞌa pe iꞌatuwanetup hap. Miꞌi hawyi Iesui toꞌe iꞌatuepe -Kat poteĩ yt eweikyꞌesat i uiꞌe iꞌahuu rakat piat hap e. 9Kat areꞌe som pyno poꞌog yt niatpo i yt hewyry kuap i rakat pe sio apo koitywy ti yt nakuap i eminug atimoweityk taꞌyn areꞌe sio erepoĩꞌam no hawyi etiꞌokpoꞌi ro eꞌyni hawyi ereto ro eꞌyat kape areꞌe. 10Miꞌi hawyi toꞌe i -Taꞌi Miitꞌin Ykeꞌet ti yt nakuap i moweityk kuap hat wuatꞌi yt naku i hep kuap hat wyti Uito e. Miꞌi tupono atimoherep mesup ehepe uhesaika hap yt nakuap i moweityk hamuat e. 11Miꞌi hawyi Iesui toꞌe i yt hewyry kuap i rakat pe -Epoĩꞌam no hawyi etiꞌokpoꞌi ro eꞌyni hawyi ereto ro eꞌyat kape e. 12Miꞌi hawyi meremo raꞌyn iꞌahuu rakat ipoĩꞌam hawyi toiꞌokpoꞌi teꞌyni hawyi toto raꞌyn wuatꞌi ehamo. Miꞌi hawyi teꞌerahaꞌat kahato hawyi teꞌeruwehum kahato Tupana ete. Miꞌi hawyi teꞌeroꞌe toꞌope -Aito yt karãpe i wataꞌakasa meikotã hap ewy iꞌatuꞌe raꞌyn.
Mateu Iesui Mikay Kay
Mateu 9.9-13; Iruka 5.27-32 Piat Ewy
13Miꞌi hawyi toto raꞌyn Iesui tawa pyi yi Karireia hyemyiꞌa hy ẽpe kape. Miꞌi hawyi yi kyt upi tõꞌẽ tõꞌẽ miitꞌin typyꞌi kahato hewowi. Miꞌi hawyi tohenoi henoi iꞌatuepe. 14Miꞌi hawyi tewyry hap tote Iesui taꞌakasa uhyt Irewi mekewat Auweu saꞌyru apyk pe ipotpap netap wiat rakat. Miꞌi ipotpap muap pyhyp hap ete. Wuatꞌi muap kareꞌen koꞌi toipyhyp. Toiporeraꞌat saꞌup toꞌywania kaipyi wanikaptia porekuat pe. Miꞌi hawyi Iesui tuwẽpowat hewowi -Toꞌiro uiwywo Irewi e. Miꞌi hawyi ipoĩꞌam naꞌyn hawyi toto Iesui upi.
15Wẽtup eꞌat pe Iesui toto Irewi yat kape topotmuꞌeria wywo teꞌerenuk hamo. Miꞌi hap tote typyꞌi kahato Irewi wyriaꞌin teꞌeruwaꞌatunug ienuk hap tote. Iꞌewyte Iesui wywo tukupteꞌen yt nakuaria i saꞌup poreraꞌat haria teꞌerenuk hamo. 16Miꞌi hawyi iraniaꞌin nagnia ehay enoi haria teꞌerahaꞌat ienuk hap kape iꞌewyte miwan enoi haria teꞌerahaꞌat. Miꞌi hawyi apo iꞌatuꞌe Iesui potmuꞌeria pe -Kat poteĩ eimuꞌe hat yt nakuaria i wywo iꞌewyte saꞌup poreraꞌat haria wywo tenuk iꞌatuꞌe. 17Miꞌi e hap Iesui tikuap hawyi toiꞌatuwesat -Uhytꞌiꞌin yt ariot i ihãite rakaria kape e -Uruto yt uruꞌahuu i e haria kape. Maꞌato Uito ariot iꞌahuu rakaria kape iꞌatumoehãite hamuat e. Yt ariot i wakuaria kape maꞌato yt naku i nug haria iꞌahuu rakaria ewy kape ariot e.
Mateu 9.14-17; Iruka 5.33-38 Piat Ewy
18Miꞌi hawyi mekewat iꞌatuwemosyꞌat hap eꞌat pe miitꞌin teꞌeroꞌe Iesui pe -Woꞌosetꞌok hat Iuwãu potmuꞌeria koitywy teꞌeruwemosyꞌat kahato raꞌyn iꞌatuꞌe. Iꞌewyte ti nagnia ehay enoi haria teꞌeruwemosyꞌat kahato raꞌyn iꞌatuꞌe. Maꞌato ewat epotmuꞌeria yt teꞌeruwemosyꞌat hin i iꞌatuꞌe. Kat poteĩ miꞌi tã epotmuꞌeria iꞌatuꞌe. 19Miꞌi hawyi Iesui tiꞌatuwesat -Katupono uipotmuꞌeria iꞌatuwepiit kahato aikotã ienuk hap woꞌokyiꞌat hap eꞌat piat seꞌaito hap eꞌat piat ienuk hap ewy uipotmuꞌeria tukupteꞌen e. Ienuk hap eꞌat pe yt uwe i tuwemosyꞌat seꞌaito toineꞌen iꞌatuwywo turan ne ienuk ete iꞌatuwepiit hap eꞌat pote e. 20Maꞌato karãpe iraniaꞌin tioto seꞌaito pya toꞌoꞌyatypepyi miꞌi hawyi teꞌeruwemosyꞌat e Iesui wemosyꞌat haria pe. 21-Iꞌewyte ti wẽtup sehay ahenoi teran ehepe e. Ahesokpe potꞌi iꞌewyte hiotꞌe pote yt naku i watomog sokpe pakup wo neꞌi e. Katupono ti ahepiat imog hap tuweꞌatuk hawyi toihiot neꞌi raꞌyn ahesokpe potꞌi e. Miꞌi hawyi ahesokpe hiotꞌe rakat topyhuꞌat poꞌog naꞌyn saꞌag e. 22Iꞌewyte ahetama pe watopag Uwa hy heiam iꞌape pakup we e. Maꞌato heiam iꞌape potꞌi pe iteneg moityꞌi pote yt naku i miꞌi tã katupono ti henãpuk hawyi heiam iꞌape teneg hawyi pokꞌe i raꞌyn e. Pokꞌe hawyi yt kat i Uwa hy iꞌewyte yt kat i heiam pokꞌe hawyi. Maꞌato iꞌape pakup wote yt pokꞌe i torokꞌe pote.
Iesui Toineꞌen Saputu Eꞌat Porekuatno
Mateu 12.1-8; Iruka 6.1-5 Piat Ewy
23Miꞌi hawyi yt iꞌatupotpap i hap eꞌat pe Iesui tokosap taꞌyn go sakpo awati ypia wywuat sakpo. Miꞌi hawyi iwyriaꞌin hoꞌopik taꞌyn awati tokokaꞌatno. 24Miꞌi hawyi maꞌato iraniaꞌin nagnia ehay enoi haria teꞌerehaꞌat kahato iꞌatupotpap hap kape. Miꞌi hawyi putꞌok iꞌatuꞌe Iesui ete waĩ taꞌatuꞌe Iesui piat hamo -Yt naku i ti taꞌatuhoꞌopik awati yt aipotpap i hap eꞌat pe iꞌatuꞌe. 25Maꞌato Iesui tiꞌatuwesat -U paĩ yt eweikuap i apo miwan me aikotã saꞌawyꞌi Tupana mikyꞌe morekuat Tawi teke Tupana motypot hawe tesyꞌat wywuat hawyi toimoꞌẽ mekewat Tupana motypot haria eman tesuraraꞌin me hap e. 26Miꞌi hawyi tutuꞌu tesuraraꞌin wywo paꞌi wato miꞌu wuat neꞌi. Miꞌi aikotã aiporekuat saꞌawyꞌi wuat Tawi tunug mekewat paꞌi Apiata ieineꞌen hap eꞌat pe turan e. Pyno morekuat Tawi tunug yt einapin hap ewy katupono tutuꞌu mekewat man paꞌi wuat yn waku. Iꞌewyte tutum naꞌyn temiitꞌin me. 27-Uhytꞌiꞌin saꞌawyꞌi Tupana tunug tomotypot hap eꞌat hawyi tutum miitꞌin me iꞌatumowepiit hamo tomohey hamuat e. Miꞌi pote mio heꞌat toineꞌen miitꞌin po pe aimowepiit hamo e. Maꞌato yt naku i Tupana motypot eꞌat neꞌi topyhuꞌat aiꞌakag wo waĩꞌe hatno e. Kat pote Tupana tum ahepe teꞌat aimowepiit hamo e. 28Miꞌi pote Uito Miitꞌin Ykeꞌet Tupana motypot hap eꞌat kaꞌiwatno areineꞌen e Iesui nagnia waĩꞌe hap enoi haria pe.
Currently Selected:
Maku 2: mav
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Maku 2
2
Haga Typy 2
Mateu 9.1; Iruka 5.17 Piat Ewy
1Meiũran Iesui taꞌaipok i raꞌyn tawa Kawanaum kape. Putꞌok toꞌe itotiat hawyi teke wẽtup netap we. Toineꞌen porapꞌi itotiat hap hawyi miitꞌin tikuap taꞌyn aikope Iesui ieineꞌen hap. 2Miꞌi hawyi meremo tõꞌẽ tõꞌẽ i raꞌyn hewowi typyꞌi kahato raꞌyn hawyi iraniaꞌin miitꞌin sem oken upi neꞌi raꞌyn tukupteꞌen. Miꞌi hawyi Iesui tiꞌatumuꞌe Tupana ehay wo õꞌẽ tewowiat haria. 3Miꞌi turan taꞌatuerut Iesui kape yt ipoĩꞌam kuap i rakat yni pe 4 ok herut haria. 4Maꞌato yt aikopuo kuap i taꞌatuerekosap Iesui kape katupono typyꞌi kahato miitꞌin netap wiat pote hawyi taꞌatuꞌok hot netap Iesui apy tote. Miꞌi hawyi iꞌokhotꞌe hawuo taꞌatumoꞌapyk yt hewyry kuap i rakat yni pe. 5Miꞌi hawyi taꞌakasa yne hawyi Iesui tikuap taꞌyn tomohey iꞌatuepiat hap koꞌi. Miꞌi hawyi toꞌe iꞌahuu rakat pe -Uiwy e koitywy ti yt naku i eminug saꞌag epyꞌa piat atimoweityk raꞌyn e. 6Miꞌi pote apyk puaria miwan enoi haria teꞌeruwanetup hawe teꞌeroꞌe -Kat pote mio tã e Iesui iꞌatuꞌe teꞌeruwanetup hawe. 7Kat poteĩ Iesui mio tã e iꞌatuꞌe. Ihay saꞌag kahato ti iꞌatuꞌe katupono ti Tupana yn imoweityk kuap aiminug saꞌag iꞌatuꞌe. 8Maꞌato meremo Iesui tikuap topyꞌa pe iꞌatuwanetup hap. Miꞌi hawyi Iesui toꞌe iꞌatuepe -Kat poteĩ yt eweikyꞌesat i uiꞌe iꞌahuu rakat piat hap e. 9Kat areꞌe som pyno poꞌog yt niatpo i yt hewyry kuap i rakat pe sio apo koitywy ti yt nakuap i eminug atimoweityk taꞌyn areꞌe sio erepoĩꞌam no hawyi etiꞌokpoꞌi ro eꞌyni hawyi ereto ro eꞌyat kape areꞌe. 10Miꞌi hawyi toꞌe i -Taꞌi Miitꞌin Ykeꞌet ti yt nakuap i moweityk kuap hat wuatꞌi yt naku i hep kuap hat wyti Uito e. Miꞌi tupono atimoherep mesup ehepe uhesaika hap yt nakuap i moweityk hamuat e. 11Miꞌi hawyi Iesui toꞌe i yt hewyry kuap i rakat pe -Epoĩꞌam no hawyi etiꞌokpoꞌi ro eꞌyni hawyi ereto ro eꞌyat kape e. 12Miꞌi hawyi meremo raꞌyn iꞌahuu rakat ipoĩꞌam hawyi toiꞌokpoꞌi teꞌyni hawyi toto raꞌyn wuatꞌi ehamo. Miꞌi hawyi teꞌerahaꞌat kahato hawyi teꞌeruwehum kahato Tupana ete. Miꞌi hawyi teꞌeroꞌe toꞌope -Aito yt karãpe i wataꞌakasa meikotã hap ewy iꞌatuꞌe raꞌyn.
Mateu Iesui Mikay Kay
Mateu 9.9-13; Iruka 5.27-32 Piat Ewy
13Miꞌi hawyi toto raꞌyn Iesui tawa pyi yi Karireia hyemyiꞌa hy ẽpe kape. Miꞌi hawyi yi kyt upi tõꞌẽ tõꞌẽ miitꞌin typyꞌi kahato hewowi. Miꞌi hawyi tohenoi henoi iꞌatuepe. 14Miꞌi hawyi tewyry hap tote Iesui taꞌakasa uhyt Irewi mekewat Auweu saꞌyru apyk pe ipotpap netap wiat rakat. Miꞌi ipotpap muap pyhyp hap ete. Wuatꞌi muap kareꞌen koꞌi toipyhyp. Toiporeraꞌat saꞌup toꞌywania kaipyi wanikaptia porekuat pe. Miꞌi hawyi Iesui tuwẽpowat hewowi -Toꞌiro uiwywo Irewi e. Miꞌi hawyi ipoĩꞌam naꞌyn hawyi toto Iesui upi.
15Wẽtup eꞌat pe Iesui toto Irewi yat kape topotmuꞌeria wywo teꞌerenuk hamo. Miꞌi hap tote typyꞌi kahato Irewi wyriaꞌin teꞌeruwaꞌatunug ienuk hap tote. Iꞌewyte Iesui wywo tukupteꞌen yt nakuaria i saꞌup poreraꞌat haria teꞌerenuk hamo. 16Miꞌi hawyi iraniaꞌin nagnia ehay enoi haria teꞌerahaꞌat ienuk hap kape iꞌewyte miwan enoi haria teꞌerahaꞌat. Miꞌi hawyi apo iꞌatuꞌe Iesui potmuꞌeria pe -Kat poteĩ eimuꞌe hat yt nakuaria i wywo iꞌewyte saꞌup poreraꞌat haria wywo tenuk iꞌatuꞌe. 17Miꞌi e hap Iesui tikuap hawyi toiꞌatuwesat -Uhytꞌiꞌin yt ariot i ihãite rakaria kape e -Uruto yt uruꞌahuu i e haria kape. Maꞌato Uito ariot iꞌahuu rakaria kape iꞌatumoehãite hamuat e. Yt ariot i wakuaria kape maꞌato yt naku i nug haria iꞌahuu rakaria ewy kape ariot e.
Mateu 9.14-17; Iruka 5.33-38 Piat Ewy
18Miꞌi hawyi mekewat iꞌatuwemosyꞌat hap eꞌat pe miitꞌin teꞌeroꞌe Iesui pe -Woꞌosetꞌok hat Iuwãu potmuꞌeria koitywy teꞌeruwemosyꞌat kahato raꞌyn iꞌatuꞌe. Iꞌewyte ti nagnia ehay enoi haria teꞌeruwemosyꞌat kahato raꞌyn iꞌatuꞌe. Maꞌato ewat epotmuꞌeria yt teꞌeruwemosyꞌat hin i iꞌatuꞌe. Kat poteĩ miꞌi tã epotmuꞌeria iꞌatuꞌe. 19Miꞌi hawyi Iesui tiꞌatuwesat -Katupono uipotmuꞌeria iꞌatuwepiit kahato aikotã ienuk hap woꞌokyiꞌat hap eꞌat piat seꞌaito hap eꞌat piat ienuk hap ewy uipotmuꞌeria tukupteꞌen e. Ienuk hap eꞌat pe yt uwe i tuwemosyꞌat seꞌaito toineꞌen iꞌatuwywo turan ne ienuk ete iꞌatuwepiit hap eꞌat pote e. 20Maꞌato karãpe iraniaꞌin tioto seꞌaito pya toꞌoꞌyatypepyi miꞌi hawyi teꞌeruwemosyꞌat e Iesui wemosyꞌat haria pe. 21-Iꞌewyte ti wẽtup sehay ahenoi teran ehepe e. Ahesokpe potꞌi iꞌewyte hiotꞌe pote yt naku i watomog sokpe pakup wo neꞌi e. Katupono ti ahepiat imog hap tuweꞌatuk hawyi toihiot neꞌi raꞌyn ahesokpe potꞌi e. Miꞌi hawyi ahesokpe hiotꞌe rakat topyhuꞌat poꞌog naꞌyn saꞌag e. 22Iꞌewyte ahetama pe watopag Uwa hy heiam iꞌape pakup we e. Maꞌato heiam iꞌape potꞌi pe iteneg moityꞌi pote yt naku i miꞌi tã katupono ti henãpuk hawyi heiam iꞌape teneg hawyi pokꞌe i raꞌyn e. Pokꞌe hawyi yt kat i Uwa hy iꞌewyte yt kat i heiam pokꞌe hawyi. Maꞌato iꞌape pakup wote yt pokꞌe i torokꞌe pote.
Iesui Toineꞌen Saputu Eꞌat Porekuatno
Mateu 12.1-8; Iruka 6.1-5 Piat Ewy
23Miꞌi hawyi yt iꞌatupotpap i hap eꞌat pe Iesui tokosap taꞌyn go sakpo awati ypia wywuat sakpo. Miꞌi hawyi iwyriaꞌin hoꞌopik taꞌyn awati tokokaꞌatno. 24Miꞌi hawyi maꞌato iraniaꞌin nagnia ehay enoi haria teꞌerehaꞌat kahato iꞌatupotpap hap kape. Miꞌi hawyi putꞌok iꞌatuꞌe Iesui ete waĩ taꞌatuꞌe Iesui piat hamo -Yt naku i ti taꞌatuhoꞌopik awati yt aipotpap i hap eꞌat pe iꞌatuꞌe. 25Maꞌato Iesui tiꞌatuwesat -U paĩ yt eweikuap i apo miwan me aikotã saꞌawyꞌi Tupana mikyꞌe morekuat Tawi teke Tupana motypot hawe tesyꞌat wywuat hawyi toimoꞌẽ mekewat Tupana motypot haria eman tesuraraꞌin me hap e. 26Miꞌi hawyi tutuꞌu tesuraraꞌin wywo paꞌi wato miꞌu wuat neꞌi. Miꞌi aikotã aiporekuat saꞌawyꞌi wuat Tawi tunug mekewat paꞌi Apiata ieineꞌen hap eꞌat pe turan e. Pyno morekuat Tawi tunug yt einapin hap ewy katupono tutuꞌu mekewat man paꞌi wuat yn waku. Iꞌewyte tutum naꞌyn temiitꞌin me. 27-Uhytꞌiꞌin saꞌawyꞌi Tupana tunug tomotypot hap eꞌat hawyi tutum miitꞌin me iꞌatumowepiit hamo tomohey hamuat e. Miꞌi pote mio heꞌat toineꞌen miitꞌin po pe aimowepiit hamo e. Maꞌato yt naku i Tupana motypot eꞌat neꞌi topyhuꞌat aiꞌakag wo waĩꞌe hatno e. Kat pote Tupana tum ahepe teꞌat aimowepiit hamo e. 28Miꞌi pote Uito Miitꞌin Ykeꞌet Tupana motypot hap eꞌat kaꞌiwatno areineꞌen e Iesui nagnia waĩꞌe hap enoi haria pe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.