Sekaraea 6
6
Mekeit spesol drim: Fofala kaat wea olketa hos i pulum
1Mi lukim narafala spesol drim moa, an long spesol drim ya mi lukim fofala kaat fo faet nao i kamaot long midol long tufala maonten wea i saen olsem bras. 2Mi lukim olsem wea fas kaat, olketa red hos nao i pulum, an mektu kaat, olketa blak hos nao i pulum. 3Mektri kaat, olketa waet hos nao i pulum, an las kaat, olketa hos wea kala blong tufala i olsem asis nao olketa pulum. Olketa hos evriwan i strong tumas.#Revelesin 6:2-8. 4Nao mi askem enjel wea hemi bin gohed fo tok wetem mi olsem, ??Bikman, wanem nao mining blong olketa samting ya??
5An hemi tok olsem, ?Mining blong hem, hem nao olketa fofala win blong heven wea i goaot from Yawe hu hemi Masta blong disfala wol.#Revelesin 7:1. 6Kaat fo faet wea olketa blak hos i pulum, bae hemi go long lan long not, an kaat wea olketa waet hos i pulum, bae hemi go long saet long west. An kaat wea olketa hos blong hem, wea kala blong olketa i olsem asis faea, bae hemi go long lan long saot.?
7Taem olketa strongfala hos ya i pulum kam kaat ya, mi lukim olsem wea olketa nating laek fo weit. Olketa laekem nomoa fo hariap fo go olobaot long olketa ples long disfala wol. An enjel ya hemi tok olsem long olketa, ?!Yufala go long evri ples long wol!? Nao olketa go.
8Den enjel ya hemi kolem mi kam an hemi tok olsem, ?!Lukim! Bikos olketa blak hos ya i go long lan long not, kros blong Yawe hemi godaon nao.?
Kraon fo Haeprist Josua
9Den Yawe hemi talemaot Mesij blong hem long mi moa. Hemi tok olsem, 10?Yu tekem olketa presen wea Heldae, an Tobaeja, an Jedaea i givim long yu, an yu go kuiktaem long haos blong Josaea, san blong Sefenaea. Trifala ya i jes kambaek from Babilonia, ples wea olketa enemi bin fosim trifala fo stap long hem. 11Yu tekem olketa silva an gol wea trifala givim long yu, an yu wakem wanfala spesol kraon long hem. Den yu go putum long hed blong Haeprist Josua, san blong Jehosadak. 12An yu talem hem dat Yawe hu hemi garem evri paoa hemi tok olsem, ?!Lisin kam! Man wea nem blong hem Brans,#Jeremaea 23:5; 33:15; Sekaraea 3:8. bae hemi kamap bikfala an strong. Disfala man nao bae hemi bildimbaek moa Tambuhaos blong mi, 13an olketa pipol bae i tinghae long hem olsem wea hemi nao king. An taem hemi gohed fo rul ovarem pipol blong hem, wanfala prist nao bae hemi stanap long saet blong hem olowe. Oltaem bae tufala waka tugeta long wanmaen nomoa, an long piis.? 14An disfala kraon bae hemi stap olowe long Tambuhaos blong Yawe olsem wanfala memori fo tinghae long Heldae, an Tobaeja, an Jedaea, an Josaea, san blong Sefenaea.?#6:14 ?Josaea, san blong Sefenaea? Long Hibru langguis, ves ya hemi talem nem ya ?Hen, san blong Sefenaea,? wea hemi narafala nem blong Josaea ya.
15 (Profet) Olketa pipol wea i stap farawe, bae i kam fo help fo bildimbaek moa Tambuhaos blong Yawe. Hem nao bae yufala save dat Yawe hu hemi garem evri paoa, hemi sendem mi kam long yufala. Hemi God blong yumi, an sapos yufala wakahad fo obeim hem, bae evrisamting ya hemi mas hapen olsem nao.
Currently Selected:
Sekaraea 6: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sekaraea 6
6
Mekeit spesol drim: Fofala kaat wea olketa hos i pulum
1Mi lukim narafala spesol drim moa, an long spesol drim ya mi lukim fofala kaat fo faet nao i kamaot long midol long tufala maonten wea i saen olsem bras. 2Mi lukim olsem wea fas kaat, olketa red hos nao i pulum, an mektu kaat, olketa blak hos nao i pulum. 3Mektri kaat, olketa waet hos nao i pulum, an las kaat, olketa hos wea kala blong tufala i olsem asis nao olketa pulum. Olketa hos evriwan i strong tumas.#Revelesin 6:2-8. 4Nao mi askem enjel wea hemi bin gohed fo tok wetem mi olsem, ??Bikman, wanem nao mining blong olketa samting ya??
5An hemi tok olsem, ?Mining blong hem, hem nao olketa fofala win blong heven wea i goaot from Yawe hu hemi Masta blong disfala wol.#Revelesin 7:1. 6Kaat fo faet wea olketa blak hos i pulum, bae hemi go long lan long not, an kaat wea olketa waet hos i pulum, bae hemi go long saet long west. An kaat wea olketa hos blong hem, wea kala blong olketa i olsem asis faea, bae hemi go long lan long saot.?
7Taem olketa strongfala hos ya i pulum kam kaat ya, mi lukim olsem wea olketa nating laek fo weit. Olketa laekem nomoa fo hariap fo go olobaot long olketa ples long disfala wol. An enjel ya hemi tok olsem long olketa, ?!Yufala go long evri ples long wol!? Nao olketa go.
8Den enjel ya hemi kolem mi kam an hemi tok olsem, ?!Lukim! Bikos olketa blak hos ya i go long lan long not, kros blong Yawe hemi godaon nao.?
Kraon fo Haeprist Josua
9Den Yawe hemi talemaot Mesij blong hem long mi moa. Hemi tok olsem, 10?Yu tekem olketa presen wea Heldae, an Tobaeja, an Jedaea i givim long yu, an yu go kuiktaem long haos blong Josaea, san blong Sefenaea. Trifala ya i jes kambaek from Babilonia, ples wea olketa enemi bin fosim trifala fo stap long hem. 11Yu tekem olketa silva an gol wea trifala givim long yu, an yu wakem wanfala spesol kraon long hem. Den yu go putum long hed blong Haeprist Josua, san blong Jehosadak. 12An yu talem hem dat Yawe hu hemi garem evri paoa hemi tok olsem, ?!Lisin kam! Man wea nem blong hem Brans,#Jeremaea 23:5; 33:15; Sekaraea 3:8. bae hemi kamap bikfala an strong. Disfala man nao bae hemi bildimbaek moa Tambuhaos blong mi, 13an olketa pipol bae i tinghae long hem olsem wea hemi nao king. An taem hemi gohed fo rul ovarem pipol blong hem, wanfala prist nao bae hemi stanap long saet blong hem olowe. Oltaem bae tufala waka tugeta long wanmaen nomoa, an long piis.? 14An disfala kraon bae hemi stap olowe long Tambuhaos blong Yawe olsem wanfala memori fo tinghae long Heldae, an Tobaeja, an Jedaea, an Josaea, san blong Sefenaea.?#6:14 ?Josaea, san blong Sefenaea? Long Hibru langguis, ves ya hemi talem nem ya ?Hen, san blong Sefenaea,? wea hemi narafala nem blong Josaea ya.
15 (Profet) Olketa pipol wea i stap farawe, bae i kam fo help fo bildimbaek moa Tambuhaos blong Yawe. Hem nao bae yufala save dat Yawe hu hemi garem evri paoa, hemi sendem mi kam long yufala. Hemi God blong yumi, an sapos yufala wakahad fo obeim hem, bae evrisamting ya hemi mas hapen olsem nao.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.