Nehemaea 12
12
Olketa prist an olketa Livaet
1Taem Serababel, san blong Sealtiel, wetem Haeprist Jesua, tufala kambaek from Babilonia, plande prist and Livaet i kambaek wetem tufala.#Esra 2:2; 3:2, 8; 5:2; Hagae 1:1. Nem blong olketa prist ya hemi olsem: Seraea, an Jeremaea, an Esra, 2an Amaraea, an Maluk, an Hatus, 3an Sekanaea, an Rehum, an Meremot, 4an Ido, an Gineton, an Abaeja, 5an Mijamin, an Maadaea, an Bilga, 6an Semaea, wetem olketa wantok blong olketa Joearib, an Jedaea, 7an Salu, an Amok, an Hilkaea, an Jedaea. Olketa ya i lida blong olketa prist long taem wea Jesua hemi bin Haeprist.
8Olketa Livaet hu i kambaek wetem tufala ya, nem blong olketa ya hemi olsem: Jesua, an Binui, an Kadmiel, an Serebaea, an Jiuda, an Matanaea hu hemi lidim kuaea wea olketa singim olketa preis singsing, wetem olketa wantok blong hem. 9Bakbukaea an Uni, wetem olketa wantok blong tufala, olketa singim ansa long singsing ya.
10Haeprist Jesua, hemi dadi blong Joeakim, an Joeakim, hemi dadi blong Eliasib, an Eliasib, hemi dadi blong Joeada, 11an Joeada, hemi dadi blong Jonatan, an Jonatan, hemi dadi blong Jadua.
12Long taem wea blong Joeakim hemi Haeprist, olketa man hu i hed long olketa laen blong olketa prist, nem blong olketa i olsem:
Laen blong Seraea: Meraea.
Laen blong Jeremaea: Hananaea.
13Laen blong Esra: Mesulam.
Laen blong Amaraea: Jehohanan.
14Laen blong Maluk: Jonatan.
Laen blong Sebanaea: Josef.
15Laen blong Harim: Adna.
Laen blong Meraeot: Helkae.
16Laen blong Ido: Sekaraea.
Laen blong Gineton: Mesulam.
17Laen blong Abaeja: Sikri.
Laen blong Miniamin: wanfala prist.#12:17 Long Hibru langguis, nem blong hed long laen blong Miniamin ya hemi lus.
Laen blong Moadaea: Piltae.
18Laen blong Bilga: Samua.
Laen blong Semaea: Jehonatan.
19Laen blong Joearib: Matenae.
Laen blong Jedaea: Usi.
20Laen blong Salae: Kalae.
Laen blong Amok: Eba.
21Laen blong Hilkaea: Hasabaea.
Laen blong Jedaea: Netanel.
22Long taem blong Haeprist Eliasib, an long taem blong Haeprist Joeada, an long taem blong Haeprist Johanan, an long taem blong Haeprist Jadua, olketa bin raetemdaon long wanfala buk, olketa nem blong hed long olketa laen blong olketa Livaet an olketa prist. Olketa finisim disfala rekod long taem wea King Darias hemi rul ovarem Pesia. 23Olketa bin gohed fo raetemdaon long wanfala spesol buk, nem blong olketa hed long olketa laen hu i bon kam long laen blong Livae bifoa. Olketa gohed fo rekodem olketa nem ya go-go kasem taem blong Haeprist Johanan, san blong Eliasib.
24Long datfala taem tu, olketa hed blong olketa Livaet i olsem: Hasabaea, an Serebaea, an Jesua, san blong Kadmiel. Olketa ya i stanap long wanfala saet blong Tambuhaos fo singim olketa preis singsing, an olketa wantok blong olketa i stanap long narasaet fo singim ansa long singsing ya, barava olsem King Deved hu hemi man blong God, hemi bin tisim olketa Livaet bifoa.
25Matanaea, an Bakbukaea, an Obadaea, an Mesulam, an Talmon, an Akub, olketa ya i sekiuriti long olketa stoarum blong Tambuhaos wea i stap kolsap nomoa long olketa geit. 26Olketa ya i gohed fo waka olsem long taem blong Haeprist Joeakim, san blong Jesua, wea grani blong hem nao Josadak, an long taem wea mi Nehemaea nao mi gavna, an long taem blong Prist Esra hu hemi tisa long Lo blong God.
Nehemaea hemi mektambu long bikfala wolston long taon
27Taem mifala redi fo mektambu long bikfala wolston blong Jerusalem, olketa go lukaotem olketa Livaet long olketa ples blong olketa, fo tekem olketa kam long Jerusalem fo selebretem bikde ya. Olketa kam fo singim olketa preis singsing an fo pleim miusik long olketa simbol an olketa deferen kaen gita. 28Olketa Livaet long kuaea blong Tambuhaos wea i stap long olketa vilij kolsap long Jerusalem, olketa kam tu fo selebretem disfala bikde. Olketa kam from olketa vilij kolsap long Netofa, 29an long Bet-Gilgal, an Geba, an Asmavet. Olketa ya long kuaea bin wakem olketa vilij ya raonem Jerusalem, mekem olketa save stap kolsap long Tambuhaos ya. 30Den olketa prist an olketa Livaet i mekem olketa seleva klin long ae blong God, an bihaen olketa mekem olketa pipol blong taon, an bikfala wolston ya, wetem olketa geit blong hem, fo klin tu long ae blong God.
31Mi talem olketa lida blong distrik long Jiuda fo goap tugeta antap long wolston ya. An mi siusim tufala grup long kuaea fo singim olketa preis singsing. Wanfala grup hemi goap antap long wolston an go long raet saet falom wei fo go long Geit fo Torowem Ravis. 32Hosaea hemi wakabaot bihaen long fas grup ya long kuaea, wetem wanfala haf long olketa lida blong Jiuda. 33-34Asaraea, an Esra, an Mesulam, an Jiuda, an Benjamin, an Semaea, an Jeremaea, olketa tu wakabaot long disfala grup. 35Bihaen long olketa ya, samfala prist wea i gohed fo bloum olketa trampet, i wakabaot bihaen. An bihaen long olketa ya, Sekaraea, san blong Jonatan, hemi wakabaot. Laen blong hem nao hemi olsem: Jonatan, Semaea, Matanaea, Mikaea, Sakua, Asaf. 36Olketa wantok blong hem wea nem blong olketa, Semaea, an Asarel, an Milalae, an Gilalae, an Maae, an Netanel, an Jiuda, an Hanani, olketa bihaenem hem. Olketa ya i gohed fo pleim nao olketa samting fo mekem miusik, olsem King Deved, man blong God bifoa, hemi bin tisim olketa Livaet fo yusim. Prist Esra, hu hemi tisa long Lo blong God, hemi wakabaot long frant long disfala grup. 37Taem olketa kasem Springwata Geit, olketa klaeap long lada wea hemi goap long olo haf long taon wea olketa kolem Taon blong Deved, nao olketa gopas long bikfala haos blong King Deved ya bifoa, den olketa gobaek antap long wolston ya long ist saet long taon wea Wata Geit hemi stap long hem.
38Mektu grup long kuaea ya, hemi goap antap long wolston an go long lef saet. Mi wetem narafala haf long olketa pipol ya, mifala wakabaot bihaen long olketa. Mifala go winim Gadhaos blong olketa Aven, fo go kasem Waed Wolston. 39Nao mifala go winim long Efrem Geit, an Jesana Geit, an Fis Geit, an Gadhaos blong Hananel, an Gadhaos blong Handred, go kasem Sipsip Geit. Den mifala wakabaot go an stop long Sekiuriti Geit.
40Nao tufala grup ya wea i gohed fo singim preis singsing, tufala kam tugeta long ples blong olketa long frant blong Tambuhaos blong God. Mi wetem haf blong olketa lida, mifala tu go long ples blong mifala long Tambuhaos. 41Den olketa prist fo bloum olketa trampet, olketa kam long ples blong olketa. Nem blong olketa nao, Eliakim, an Maasea, an Miniamin, an Mikaea, an Elioenae, an Sekaraea, an Hananaea. 42Olketa narafala prist i kam bihaen long olketa ya, an nem blong olketa nao, Maasea, an Semaea, an Eleasa, an Usi, an Jehohanan, an Malkaeja, an Elam, an Esa. Jesrahaea nao hemi lidim olketa kuaea ya long singsing blong olketa.
43Long datfala de, mifala mekem plande sakrifaes, an mifala evriwan i hapi tumas, bikos God hemi mekem mifala hapi. Olketa woman an olketa pikinini tu i hapi, an hapi noes wea mifala evriwan gohed fo mekem, olketa hu i stap farawe save herem nomoa.
Olketa Livaet fo kolektem olketa ofaring blong Tambuhaos
44Long datfala taem, olketa siusim wanfala grup long olketa Livaet fo lukaftarem olketa stoarum long Tambuhaos wea olketa putum olketa ofaring, an olketa fas kaikai wea olketa tekemaot from gaden, an olketa ten. Olketa samting ya i fo olketa prist an olketa Livaet, mekem olketa save garem kaikai an olketa narafala samting, olsem Lo blong God hemi talem. Olketa Livaet ya i goaot long olketa fam raonem olketa taon fo kolektem olketa samting ya, an tekem kam long olketa stoarum long Tambuhaos. Olketa pipol long Jiuda i hapi tumas fo duim diswan, bikos olketa prist an olketa Livaet ya i gohed fo duim waka blong olketa gudfala. 45Olketa ya i gohed fo duim waka blong olketa fo mekem olketa pipol an olketa samting fo klin long ae blong God, an olketa mekem olketa narafala seremoni wea God hemi talem olketa fo duim. An olketa Livaet long kuaea long Tambuhaos wetem olketa Livaet hu i sekiuriti long olketa geit blong Tambuhaos, olketa ya tu i gohed fo duim waka blong olketa gudfala, barava falom nao olketa rul wea King Deved an King Solomon bifoa, tufala mekem.#1 Kronikols 25:1-8; 26:12. 46Hemi olsem bikos stat long taem blong King Deved wetem Asaf, hemi garem olketa lida long kuaea, wea olketa gohed fo singsing fo preisim God an fo talem tengkiu long hem. 47An long taem blong Serababel, an long taem wea mi Nehemaea nao mi gavna, evri de, olketa pipol blong Israel i gohed fo givim olketa ofaring, mekem olketa Livaet long kuaea long Tambuhaos wetem olketa Livaet hu i sekiuriti long olketa geit blong Tambuhaos, fo garem kaikai an narafala samting wea olketa nidim long evri de. An olketa givim tu olketa spesol ofaring fo olketa narafala Livaet, an olketa Livaet tu i givim haf long wanem olketa tekem fo go long olketa prist wea i bon kam long laen blong Eron, olsem wea Lo blong God hemi talem.
Currently Selected:
Nehemaea 12: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Nehemaea 12
12
Olketa prist an olketa Livaet
1Taem Serababel, san blong Sealtiel, wetem Haeprist Jesua, tufala kambaek from Babilonia, plande prist and Livaet i kambaek wetem tufala.#Esra 2:2; 3:2, 8; 5:2; Hagae 1:1. Nem blong olketa prist ya hemi olsem: Seraea, an Jeremaea, an Esra, 2an Amaraea, an Maluk, an Hatus, 3an Sekanaea, an Rehum, an Meremot, 4an Ido, an Gineton, an Abaeja, 5an Mijamin, an Maadaea, an Bilga, 6an Semaea, wetem olketa wantok blong olketa Joearib, an Jedaea, 7an Salu, an Amok, an Hilkaea, an Jedaea. Olketa ya i lida blong olketa prist long taem wea Jesua hemi bin Haeprist.
8Olketa Livaet hu i kambaek wetem tufala ya, nem blong olketa ya hemi olsem: Jesua, an Binui, an Kadmiel, an Serebaea, an Jiuda, an Matanaea hu hemi lidim kuaea wea olketa singim olketa preis singsing, wetem olketa wantok blong hem. 9Bakbukaea an Uni, wetem olketa wantok blong tufala, olketa singim ansa long singsing ya.
10Haeprist Jesua, hemi dadi blong Joeakim, an Joeakim, hemi dadi blong Eliasib, an Eliasib, hemi dadi blong Joeada, 11an Joeada, hemi dadi blong Jonatan, an Jonatan, hemi dadi blong Jadua.
12Long taem wea blong Joeakim hemi Haeprist, olketa man hu i hed long olketa laen blong olketa prist, nem blong olketa i olsem:
Laen blong Seraea: Meraea.
Laen blong Jeremaea: Hananaea.
13Laen blong Esra: Mesulam.
Laen blong Amaraea: Jehohanan.
14Laen blong Maluk: Jonatan.
Laen blong Sebanaea: Josef.
15Laen blong Harim: Adna.
Laen blong Meraeot: Helkae.
16Laen blong Ido: Sekaraea.
Laen blong Gineton: Mesulam.
17Laen blong Abaeja: Sikri.
Laen blong Miniamin: wanfala prist.#12:17 Long Hibru langguis, nem blong hed long laen blong Miniamin ya hemi lus.
Laen blong Moadaea: Piltae.
18Laen blong Bilga: Samua.
Laen blong Semaea: Jehonatan.
19Laen blong Joearib: Matenae.
Laen blong Jedaea: Usi.
20Laen blong Salae: Kalae.
Laen blong Amok: Eba.
21Laen blong Hilkaea: Hasabaea.
Laen blong Jedaea: Netanel.
22Long taem blong Haeprist Eliasib, an long taem blong Haeprist Joeada, an long taem blong Haeprist Johanan, an long taem blong Haeprist Jadua, olketa bin raetemdaon long wanfala buk, olketa nem blong hed long olketa laen blong olketa Livaet an olketa prist. Olketa finisim disfala rekod long taem wea King Darias hemi rul ovarem Pesia. 23Olketa bin gohed fo raetemdaon long wanfala spesol buk, nem blong olketa hed long olketa laen hu i bon kam long laen blong Livae bifoa. Olketa gohed fo rekodem olketa nem ya go-go kasem taem blong Haeprist Johanan, san blong Eliasib.
24Long datfala taem tu, olketa hed blong olketa Livaet i olsem: Hasabaea, an Serebaea, an Jesua, san blong Kadmiel. Olketa ya i stanap long wanfala saet blong Tambuhaos fo singim olketa preis singsing, an olketa wantok blong olketa i stanap long narasaet fo singim ansa long singsing ya, barava olsem King Deved hu hemi man blong God, hemi bin tisim olketa Livaet bifoa.
25Matanaea, an Bakbukaea, an Obadaea, an Mesulam, an Talmon, an Akub, olketa ya i sekiuriti long olketa stoarum blong Tambuhaos wea i stap kolsap nomoa long olketa geit. 26Olketa ya i gohed fo waka olsem long taem blong Haeprist Joeakim, san blong Jesua, wea grani blong hem nao Josadak, an long taem wea mi Nehemaea nao mi gavna, an long taem blong Prist Esra hu hemi tisa long Lo blong God.
Nehemaea hemi mektambu long bikfala wolston long taon
27Taem mifala redi fo mektambu long bikfala wolston blong Jerusalem, olketa go lukaotem olketa Livaet long olketa ples blong olketa, fo tekem olketa kam long Jerusalem fo selebretem bikde ya. Olketa kam fo singim olketa preis singsing an fo pleim miusik long olketa simbol an olketa deferen kaen gita. 28Olketa Livaet long kuaea blong Tambuhaos wea i stap long olketa vilij kolsap long Jerusalem, olketa kam tu fo selebretem disfala bikde. Olketa kam from olketa vilij kolsap long Netofa, 29an long Bet-Gilgal, an Geba, an Asmavet. Olketa ya long kuaea bin wakem olketa vilij ya raonem Jerusalem, mekem olketa save stap kolsap long Tambuhaos ya. 30Den olketa prist an olketa Livaet i mekem olketa seleva klin long ae blong God, an bihaen olketa mekem olketa pipol blong taon, an bikfala wolston ya, wetem olketa geit blong hem, fo klin tu long ae blong God.
31Mi talem olketa lida blong distrik long Jiuda fo goap tugeta antap long wolston ya. An mi siusim tufala grup long kuaea fo singim olketa preis singsing. Wanfala grup hemi goap antap long wolston an go long raet saet falom wei fo go long Geit fo Torowem Ravis. 32Hosaea hemi wakabaot bihaen long fas grup ya long kuaea, wetem wanfala haf long olketa lida blong Jiuda. 33-34Asaraea, an Esra, an Mesulam, an Jiuda, an Benjamin, an Semaea, an Jeremaea, olketa tu wakabaot long disfala grup. 35Bihaen long olketa ya, samfala prist wea i gohed fo bloum olketa trampet, i wakabaot bihaen. An bihaen long olketa ya, Sekaraea, san blong Jonatan, hemi wakabaot. Laen blong hem nao hemi olsem: Jonatan, Semaea, Matanaea, Mikaea, Sakua, Asaf. 36Olketa wantok blong hem wea nem blong olketa, Semaea, an Asarel, an Milalae, an Gilalae, an Maae, an Netanel, an Jiuda, an Hanani, olketa bihaenem hem. Olketa ya i gohed fo pleim nao olketa samting fo mekem miusik, olsem King Deved, man blong God bifoa, hemi bin tisim olketa Livaet fo yusim. Prist Esra, hu hemi tisa long Lo blong God, hemi wakabaot long frant long disfala grup. 37Taem olketa kasem Springwata Geit, olketa klaeap long lada wea hemi goap long olo haf long taon wea olketa kolem Taon blong Deved, nao olketa gopas long bikfala haos blong King Deved ya bifoa, den olketa gobaek antap long wolston ya long ist saet long taon wea Wata Geit hemi stap long hem.
38Mektu grup long kuaea ya, hemi goap antap long wolston an go long lef saet. Mi wetem narafala haf long olketa pipol ya, mifala wakabaot bihaen long olketa. Mifala go winim Gadhaos blong olketa Aven, fo go kasem Waed Wolston. 39Nao mifala go winim long Efrem Geit, an Jesana Geit, an Fis Geit, an Gadhaos blong Hananel, an Gadhaos blong Handred, go kasem Sipsip Geit. Den mifala wakabaot go an stop long Sekiuriti Geit.
40Nao tufala grup ya wea i gohed fo singim preis singsing, tufala kam tugeta long ples blong olketa long frant blong Tambuhaos blong God. Mi wetem haf blong olketa lida, mifala tu go long ples blong mifala long Tambuhaos. 41Den olketa prist fo bloum olketa trampet, olketa kam long ples blong olketa. Nem blong olketa nao, Eliakim, an Maasea, an Miniamin, an Mikaea, an Elioenae, an Sekaraea, an Hananaea. 42Olketa narafala prist i kam bihaen long olketa ya, an nem blong olketa nao, Maasea, an Semaea, an Eleasa, an Usi, an Jehohanan, an Malkaeja, an Elam, an Esa. Jesrahaea nao hemi lidim olketa kuaea ya long singsing blong olketa.
43Long datfala de, mifala mekem plande sakrifaes, an mifala evriwan i hapi tumas, bikos God hemi mekem mifala hapi. Olketa woman an olketa pikinini tu i hapi, an hapi noes wea mifala evriwan gohed fo mekem, olketa hu i stap farawe save herem nomoa.
Olketa Livaet fo kolektem olketa ofaring blong Tambuhaos
44Long datfala taem, olketa siusim wanfala grup long olketa Livaet fo lukaftarem olketa stoarum long Tambuhaos wea olketa putum olketa ofaring, an olketa fas kaikai wea olketa tekemaot from gaden, an olketa ten. Olketa samting ya i fo olketa prist an olketa Livaet, mekem olketa save garem kaikai an olketa narafala samting, olsem Lo blong God hemi talem. Olketa Livaet ya i goaot long olketa fam raonem olketa taon fo kolektem olketa samting ya, an tekem kam long olketa stoarum long Tambuhaos. Olketa pipol long Jiuda i hapi tumas fo duim diswan, bikos olketa prist an olketa Livaet ya i gohed fo duim waka blong olketa gudfala. 45Olketa ya i gohed fo duim waka blong olketa fo mekem olketa pipol an olketa samting fo klin long ae blong God, an olketa mekem olketa narafala seremoni wea God hemi talem olketa fo duim. An olketa Livaet long kuaea long Tambuhaos wetem olketa Livaet hu i sekiuriti long olketa geit blong Tambuhaos, olketa ya tu i gohed fo duim waka blong olketa gudfala, barava falom nao olketa rul wea King Deved an King Solomon bifoa, tufala mekem.#1 Kronikols 25:1-8; 26:12. 46Hemi olsem bikos stat long taem blong King Deved wetem Asaf, hemi garem olketa lida long kuaea, wea olketa gohed fo singsing fo preisim God an fo talem tengkiu long hem. 47An long taem blong Serababel, an long taem wea mi Nehemaea nao mi gavna, evri de, olketa pipol blong Israel i gohed fo givim olketa ofaring, mekem olketa Livaet long kuaea long Tambuhaos wetem olketa Livaet hu i sekiuriti long olketa geit blong Tambuhaos, fo garem kaikai an narafala samting wea olketa nidim long evri de. An olketa givim tu olketa spesol ofaring fo olketa narafala Livaet, an olketa Livaet tu i givim haf long wanem olketa tekem fo go long olketa prist wea i bon kam long laen blong Eron, olsem wea Lo blong God hemi talem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.