Esikiel 10
10
Saen long bikfala paoa blong Yawe hemi lusim Tambuhaos
1Insaet long spesol drim ya, mi luk goap an mi lukim wanfala samting olsem bikfala sea blong king wea olketa wakem long disfala barava spesol ston olketa kolem sapia, an sea ya hemi stap antap long disfala ruf wea hemi stap ovam hed blong olketa enjel ya.#Esikiel 1:26; Revelesin 4:2. 2Yawe hemi tok olsem long man ya hu hemi werem barava nambawan kaleko, “Yu go long midol long olketa wil ya wea hemi stap andanit long olketa enjel ya, an tekem samfala hot sakol long faea an torowem go olobaot antap long taon ya.”#Revelesin 8:5. An taem mi gohed fo lukluk, hemi wakabaot go long midol long olketa wil ya.
3Taem hemi go long midol long olketa wil, olketa enjel ya i gohed fo stanap nomoa long smolfala open eria long saot saet long Tambuhaos ya. Nao wanfala klaod hemi kamdaon an kavaremap eria ya nao. 4Den saen long bikfala paoa blong Yawe, hemi muv goap from olketa enjel ya, an hemi muv go nao long doa blong Tambuhaos ya. Klaod ya hemi fulumap Tambuhaos nao, an bikfala paoa blong Yawe hemi saen bikfala fogud insaet long eria ya. 5Noes long wing blong olketa enjel ya hemi bikfala tumas, mekem man save herem nomata hemi stanap farawe kam narasaet long bikfala open eria blong Tambuhaos. Noes ya hemi bikfala olsem voes blong Yawe hu hemi garem evri paoa taem hemi gohed fo tok.
6Taem Yawe hemi talem long man ya hu hemi werem barava nambawan kaleko fo go tekem faea wea hemi stap long midol long olketa wil ya andanit long olketa enjel, hemi go an stanap nomoa saet long wanfala long olketa wil ya. 7-8Andanit long olketa wing, olketa enjel ya i garem samting wea hemi luk olsem han blong man. Nao wanfala long olketa enjel hemi stretem go han ya blong hem long faea wea hemi stap long midol long olketa. Hemi tekem samfala hot sakol long faea ya an putum insaet long han blong man ya hu hemi werem barava nambawan kaleko. Den hemi tekem faea ya an goaot nao.
9Nao mi lukim fofala wil nao hemi stap, wanfala long saet long fofala enjel ya evriwan. Olketa wil ya i saen fogud olsem barava spesol ston olketa kolem tasis.#Esikiel 1:15-21. 10Evriwan long fofala wil ya i luk semsem nomoa, an evriwan garem narafala wil insaet long hem. 11Taem olketa wil ya i muv, olketa save muv go long eni saet wea fofala enjel ya i muv long hem, an no eniwan long olketa hemi tane taem olketa go long wanfala saet o long narafala saet. An olketa enjel i muv long eni saet wea hed ya hemi luk go long hem. 12Raonem ful bodi blong olketa, olsem long baeksaet, an long han, an long wing, an evri narafala pat moa, an long olketa wil tu, olketa ae nomoa hemi stap long hem.#Revelesin 4:8. 13An mi herem dat nem blong olketa wil ya nao, “Tan-tane.” 14Olketa enjel ya evriwan i garem fofala fes. Wanfala hemi olsem fes blong enjel, an mektu hemi olsem fes blong man, an mektri hemi olsem fes blong laeon, an mekfoa hemi olsem fes blong igol.#10:14 Long Hibru langguis, fofala fes blong olketa enjel long disfala ves hemi deferen from fofala fes blong laef samting wea Esikiel hemi tokabaotem long sapta 1 ves 10. Bat long 10:22, Esikiel hemi talem dat olketa enjel an olketa laef samting long sapta 1 i luk olsem semsem nomoa. Yumi no save waswe nao profet hemi talem dat olketa fes i deferen. Maet God hemi som samting deferen insaet long spesol drim.
15Olketa enjel ya i sem nomoa olsem olketa laef samting wea mi bin lukim olketa saet long Keba Riva. Olketa muv goap, 16an taem olketa goap, evri wil ya i goap wetem olketa tu. An taem olketa stretem wing blong olketa fo flae, olketa wil ya i gohed fo stap saet long olketa. 17Taem olketa enjel i stap kuaet, olketa wil i stap kuaet tu, an taem olketa flae goap, olketa wil i goap wetem olketa tu, bikos paoa blong olketa laef samting ya hemi stap long olketa wil ya.#Esikiel 1:20.
18Nao saen long bikfala paoa blong Yawe, hemi lusim doa blong Tambuhaos ya, an hemi muv go antap long olketa enjel ya. 19An taem mi gohed fo lukluk yet, olketa enjel ya i stretem olketa wing blong olketa an flae go antap nao wetem olketa wil ya. Olketa stop frant long geit long ist saet long Tambuhaos, an saen long bikfala paoa blong God blong Israel hemi saen antap long olketa.
20Mi luksave dat olketa enjel ya i sem nomoa olsem olketa laef samting wea mi bin lukim olketa saet long Keba Riva. Olketa nao bin stap andanit long God blong Israel. 21Olketa evriwan i garem fofala fes, an fofala wing, an andanit long olketa wing ya olketa garem samting wea hemi luk olsem han blong man. 22Fes blong olketa hemi luk semsem olsem mi bin lukim bifoa long Keba Riva. An olketa evriwan i gohed fo muv stret long saet wea hemi fesim go.
Currently Selected:
Esikiel 10: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Esikiel 10
10
Saen long bikfala paoa blong Yawe hemi lusim Tambuhaos
1Insaet long spesol drim ya, mi luk goap an mi lukim wanfala samting olsem bikfala sea blong king wea olketa wakem long disfala barava spesol ston olketa kolem sapia, an sea ya hemi stap antap long disfala ruf wea hemi stap ovam hed blong olketa enjel ya.#Esikiel 1:26; Revelesin 4:2. 2Yawe hemi tok olsem long man ya hu hemi werem barava nambawan kaleko, “Yu go long midol long olketa wil ya wea hemi stap andanit long olketa enjel ya, an tekem samfala hot sakol long faea an torowem go olobaot antap long taon ya.”#Revelesin 8:5. An taem mi gohed fo lukluk, hemi wakabaot go long midol long olketa wil ya.
3Taem hemi go long midol long olketa wil, olketa enjel ya i gohed fo stanap nomoa long smolfala open eria long saot saet long Tambuhaos ya. Nao wanfala klaod hemi kamdaon an kavaremap eria ya nao. 4Den saen long bikfala paoa blong Yawe, hemi muv goap from olketa enjel ya, an hemi muv go nao long doa blong Tambuhaos ya. Klaod ya hemi fulumap Tambuhaos nao, an bikfala paoa blong Yawe hemi saen bikfala fogud insaet long eria ya. 5Noes long wing blong olketa enjel ya hemi bikfala tumas, mekem man save herem nomata hemi stanap farawe kam narasaet long bikfala open eria blong Tambuhaos. Noes ya hemi bikfala olsem voes blong Yawe hu hemi garem evri paoa taem hemi gohed fo tok.
6Taem Yawe hemi talem long man ya hu hemi werem barava nambawan kaleko fo go tekem faea wea hemi stap long midol long olketa wil ya andanit long olketa enjel, hemi go an stanap nomoa saet long wanfala long olketa wil ya. 7-8Andanit long olketa wing, olketa enjel ya i garem samting wea hemi luk olsem han blong man. Nao wanfala long olketa enjel hemi stretem go han ya blong hem long faea wea hemi stap long midol long olketa. Hemi tekem samfala hot sakol long faea ya an putum insaet long han blong man ya hu hemi werem barava nambawan kaleko. Den hemi tekem faea ya an goaot nao.
9Nao mi lukim fofala wil nao hemi stap, wanfala long saet long fofala enjel ya evriwan. Olketa wil ya i saen fogud olsem barava spesol ston olketa kolem tasis.#Esikiel 1:15-21. 10Evriwan long fofala wil ya i luk semsem nomoa, an evriwan garem narafala wil insaet long hem. 11Taem olketa wil ya i muv, olketa save muv go long eni saet wea fofala enjel ya i muv long hem, an no eniwan long olketa hemi tane taem olketa go long wanfala saet o long narafala saet. An olketa enjel i muv long eni saet wea hed ya hemi luk go long hem. 12Raonem ful bodi blong olketa, olsem long baeksaet, an long han, an long wing, an evri narafala pat moa, an long olketa wil tu, olketa ae nomoa hemi stap long hem.#Revelesin 4:8. 13An mi herem dat nem blong olketa wil ya nao, “Tan-tane.” 14Olketa enjel ya evriwan i garem fofala fes. Wanfala hemi olsem fes blong enjel, an mektu hemi olsem fes blong man, an mektri hemi olsem fes blong laeon, an mekfoa hemi olsem fes blong igol.#10:14 Long Hibru langguis, fofala fes blong olketa enjel long disfala ves hemi deferen from fofala fes blong laef samting wea Esikiel hemi tokabaotem long sapta 1 ves 10. Bat long 10:22, Esikiel hemi talem dat olketa enjel an olketa laef samting long sapta 1 i luk olsem semsem nomoa. Yumi no save waswe nao profet hemi talem dat olketa fes i deferen. Maet God hemi som samting deferen insaet long spesol drim.
15Olketa enjel ya i sem nomoa olsem olketa laef samting wea mi bin lukim olketa saet long Keba Riva. Olketa muv goap, 16an taem olketa goap, evri wil ya i goap wetem olketa tu. An taem olketa stretem wing blong olketa fo flae, olketa wil ya i gohed fo stap saet long olketa. 17Taem olketa enjel i stap kuaet, olketa wil i stap kuaet tu, an taem olketa flae goap, olketa wil i goap wetem olketa tu, bikos paoa blong olketa laef samting ya hemi stap long olketa wil ya.#Esikiel 1:20.
18Nao saen long bikfala paoa blong Yawe, hemi lusim doa blong Tambuhaos ya, an hemi muv go antap long olketa enjel ya. 19An taem mi gohed fo lukluk yet, olketa enjel ya i stretem olketa wing blong olketa an flae go antap nao wetem olketa wil ya. Olketa stop frant long geit long ist saet long Tambuhaos, an saen long bikfala paoa blong God blong Israel hemi saen antap long olketa.
20Mi luksave dat olketa enjel ya i sem nomoa olsem olketa laef samting wea mi bin lukim olketa saet long Keba Riva. Olketa nao bin stap andanit long God blong Israel. 21Olketa evriwan i garem fofala fes, an fofala wing, an andanit long olketa wing ya olketa garem samting wea hemi luk olsem han blong man. 22Fes blong olketa hemi luk semsem olsem mi bin lukim bifoa long Keba Riva. An olketa evriwan i gohed fo muv stret long saet wea hemi fesim go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.