Waestok 2
2
Ravis tingting blong pipol
1Olketa nogud pipol i rong tumas taem olketa tok olsem long olketa seleva, “Laef blong yumi hemi sot tumas an fulap long sore, an taem blong yumi fo dae hemi kam, no eniwan bae hemi ranawe. Ya, no eniwan hemi kambaek yet long wol blong olketa man dae. 2Lake nomoa yumi bon, an bihaen taem yumi dae finis, bae hemi olsem wea yumi nating bon nomoa. Disfala spirit blong laef wea yumi laef long hem, hemi olsem nomoa smok blong faea, an hemi save lus kuiktaem nomoa. Tingting blong yumi hemi smolfala samting nomoa olsem taem haat blong yumi hemi pam. 3Taem smolfala samting ya hemi dae, bodi blong yumi bae tane go long asis an spirit blong yumi bae hemi lus nating. 4No longtaem nomoa, no eniwan bae hemi tingim wanem yumi duim finis, an nomata nem blong yumi, bae olketa fogetem nao. Laef blong yumi bae hemi lus nomoa olsem klaod an smok long eli moning hemi lus taem san hemi kamap. 5Taem blong yumi long disfala wol hemi gopas kuiktaem nomoa olsem sado. Yumi no save ranawe long de blong yumi fo dae. Disfala de hemi stap finis nao an no eniwan save sensim.”
6Olketa#Aesaea 22:13; 1 Korin 15:32. nogud pipol i tok olsem, “Yumi mas gohed fo hapi long olketa gud samting long disfala wol, an stap long disfala wol olsem taem wea yumi yang yet. 7Yumi gohed fo dringim waen wea hemi dia tumas, an yusim nambawan oel wea hemi smel naes fogud. Yumi mas no misim eni flaoa wea hemi luknaes fo hemi dae nating. 8Hemi gud fo yumi tekem olketa flaoa an putum long hea blong yumi, bifoa olketa dae an foldaon. 9Yumi mas kam tugeta fo yumi hapi an dans an kaikai. An letem olketa narafala pipol lukim wea yumi hapi. Hem nao wanem hemi fitim fo laef hemi givim long yumi.
10“Bae yumi spoelem olketa pua pipol, nomata laef blong olketa hemi stret. An bae yumi no tinghae long olketa wido, o olketa olo. 11Sapos yumi strong an tekem wanem yumi laekem, bae yumi talemaot dat yumi nao i stret. No eniwan save tekem enisamting taem hemi no strong. 12Olketa gud pipol i mektrabol tumas fo yumi, so yumi mas faendem wei fo kilim olketa dae. Olketa agensim wanem yumi duim, olketa talem dat yumi brekem Lo blong Mosis, an yumi no falom olketa gudfala wei blong olketa olo grani blong yumi. 13Olketa talem dat olketa save long God, an olketa kolem olketa seleva pikinini blong God. 14Olketa kaen pipol olsem i no fitim nao laef blong yumi an wei blong olketa hemi barava deferen long evri tingting blong yumi. 15Olketa no olsem evri narafala pipol, wei blong olketa hemi barava deferen tumas. 16Olketa tingim wei blong yumi hemi barava nogud tumas, an olketa barava les long yumi. Olketa tokpraod an talem dat God hemi dadi blong olketa, an olketa biliv dat long las de olketa gud pipol nomoa bae i garem hapi laef. 17!Bae yumi lukim sapos hemi tru! Letem yumi lukim wanem bae hemi hapen long taem olketa dae. 18Sapos olketa i tru pikinini blong God, bae God hemi sevem olketa long evri enemi blong olketa. 19So bae yumi testem olketa, an meksave long olketa an mekem olketa safa. Den bae yumi save sapos olketa save stap kuaet an sapos tingting blong olketa hemi save stret nomoa. 20An bae yumi meksem long olketa long ae blong olketa pipol, an kilim olketa dae, bikos olketa talem dat God nao bae hemi gadem olketa.”
21Hem nao tingting blong olketa nogud pipol, bat olketa i rong ya. Ravis wei blong olketa nao hemi mekem olketa fo no save lukim stretfala samting. 22Olketa nating save long olketa haed samting blong God, an olketa no bilivim wea God bae givim olketa gudfala samting fo olketa wea laef blong olketa hemi holi an stret. 23Taem#Jenesis 1:26-27. God hemi mekem yumi, hemi no wandem yumi fo dae. Hemi mekem yumi fo yumi stap laef olsem hem seleva. 24Bat Devol nao, hemi tekem kam dae long disfala wol long joles wei blong hem, an olketa hu i stap long saet blong hem nao bae olketa dae.
Olketa gud pipol bae i stap wetem God
Currently Selected:
Waestok 2: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Waestok 2
2
Ravis tingting blong pipol
1Olketa nogud pipol i rong tumas taem olketa tok olsem long olketa seleva, “Laef blong yumi hemi sot tumas an fulap long sore, an taem blong yumi fo dae hemi kam, no eniwan bae hemi ranawe. Ya, no eniwan hemi kambaek yet long wol blong olketa man dae. 2Lake nomoa yumi bon, an bihaen taem yumi dae finis, bae hemi olsem wea yumi nating bon nomoa. Disfala spirit blong laef wea yumi laef long hem, hemi olsem nomoa smok blong faea, an hemi save lus kuiktaem nomoa. Tingting blong yumi hemi smolfala samting nomoa olsem taem haat blong yumi hemi pam. 3Taem smolfala samting ya hemi dae, bodi blong yumi bae tane go long asis an spirit blong yumi bae hemi lus nating. 4No longtaem nomoa, no eniwan bae hemi tingim wanem yumi duim finis, an nomata nem blong yumi, bae olketa fogetem nao. Laef blong yumi bae hemi lus nomoa olsem klaod an smok long eli moning hemi lus taem san hemi kamap. 5Taem blong yumi long disfala wol hemi gopas kuiktaem nomoa olsem sado. Yumi no save ranawe long de blong yumi fo dae. Disfala de hemi stap finis nao an no eniwan save sensim.”
6Olketa#Aesaea 22:13; 1 Korin 15:32. nogud pipol i tok olsem, “Yumi mas gohed fo hapi long olketa gud samting long disfala wol, an stap long disfala wol olsem taem wea yumi yang yet. 7Yumi gohed fo dringim waen wea hemi dia tumas, an yusim nambawan oel wea hemi smel naes fogud. Yumi mas no misim eni flaoa wea hemi luknaes fo hemi dae nating. 8Hemi gud fo yumi tekem olketa flaoa an putum long hea blong yumi, bifoa olketa dae an foldaon. 9Yumi mas kam tugeta fo yumi hapi an dans an kaikai. An letem olketa narafala pipol lukim wea yumi hapi. Hem nao wanem hemi fitim fo laef hemi givim long yumi.
10“Bae yumi spoelem olketa pua pipol, nomata laef blong olketa hemi stret. An bae yumi no tinghae long olketa wido, o olketa olo. 11Sapos yumi strong an tekem wanem yumi laekem, bae yumi talemaot dat yumi nao i stret. No eniwan save tekem enisamting taem hemi no strong. 12Olketa gud pipol i mektrabol tumas fo yumi, so yumi mas faendem wei fo kilim olketa dae. Olketa agensim wanem yumi duim, olketa talem dat yumi brekem Lo blong Mosis, an yumi no falom olketa gudfala wei blong olketa olo grani blong yumi. 13Olketa talem dat olketa save long God, an olketa kolem olketa seleva pikinini blong God. 14Olketa kaen pipol olsem i no fitim nao laef blong yumi an wei blong olketa hemi barava deferen long evri tingting blong yumi. 15Olketa no olsem evri narafala pipol, wei blong olketa hemi barava deferen tumas. 16Olketa tingim wei blong yumi hemi barava nogud tumas, an olketa barava les long yumi. Olketa tokpraod an talem dat God hemi dadi blong olketa, an olketa biliv dat long las de olketa gud pipol nomoa bae i garem hapi laef. 17!Bae yumi lukim sapos hemi tru! Letem yumi lukim wanem bae hemi hapen long taem olketa dae. 18Sapos olketa i tru pikinini blong God, bae God hemi sevem olketa long evri enemi blong olketa. 19So bae yumi testem olketa, an meksave long olketa an mekem olketa safa. Den bae yumi save sapos olketa save stap kuaet an sapos tingting blong olketa hemi save stret nomoa. 20An bae yumi meksem long olketa long ae blong olketa pipol, an kilim olketa dae, bikos olketa talem dat God nao bae hemi gadem olketa.”
21Hem nao tingting blong olketa nogud pipol, bat olketa i rong ya. Ravis wei blong olketa nao hemi mekem olketa fo no save lukim stretfala samting. 22Olketa nating save long olketa haed samting blong God, an olketa no bilivim wea God bae givim olketa gudfala samting fo olketa wea laef blong olketa hemi holi an stret. 23Taem#Jenesis 1:26-27. God hemi mekem yumi, hemi no wandem yumi fo dae. Hemi mekem yumi fo yumi stap laef olsem hem seleva. 24Bat Devol nao, hemi tekem kam dae long disfala wol long joles wei blong hem, an olketa hu i stap long saet blong hem nao bae olketa dae.
Olketa gud pipol bae i stap wetem God
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.