Taetas 3
3
Hao fo stapgud wetem olketa pipol long wol
1Yu mas talem gud long evri Kristin fo tinghae long olketa bikman long gavman an olketa narafala bikman moa. Olketa mas obeim olketa, an mas redi nomoa fo duim enikaen gudfala waka. 2An olketa mas no tok nogud agensim eniwan, an mas no raoa. Bat olketa mas kaen an frengud long evriwan.
3Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.
4Bat nomata olsem, God hu hemi Sevia blong yumi, hemi duim diswan taem hemi somaot lav an wei blong hem fo kaen long evriwan. 5Hemi no sevem yumi bikos yumi bin duim eni gudfala samting. !Nomoa ya! Hemi bin sevem yumi bikos hem seleva nomoa hemi sore an kaen long yumi. Holi Spirit nao hemi mekem yumi klin so yumi save bon moa, an Holi Spirit hemi mekem yumi garem niu laef. 6Ya, from waka blong Jisas Kraes hu hemi Sevia blong yumi, Holi Spirit nao, God hemi givim kam fri long yumi, 7mekem yumi save kasem disfala tru laef wea hemi no save finis. Yumi save kasem disfala laef wea yumi barava biliv long hem, bikos God hemi kaen tumas long yumi an hemi mekem yumi kamap stret long ae blong hem. 8Disfala toktok hemi barava tru tumas.
Mi laekem yu fo gohed strong fo talemaot olketa tising olsem, mekem olketa pipol hu i biliv long God olketa save gohed olowe fo duim evri gud samting. Olketa samting wea hemi gud olsem, hemi save helpem evri pipol. 9Bat yu mas tanem baeksaet long enikaen krangge toktok, an long olketa stori abaotem olketa laen blong olketa olo long bifoa,#3:9 “olketa stori abaotem olketa laen blong olketa olo long bifoa” Long taem ya, samfala pipol olketa laekem tumas fo stori abaotem olketa laen blong olketa Jiu olsem olketa stap insaet long Oltestamen. Olketa save gohed fo faendemaot enikaen mining an enikaen niufala tising long olketa. an long enikaen faet o raoa abaotem mining blong Lo blong Mosis. Olketa toktok olsem hemi no garem eni gud samting long hem, an hemi nating save helpem eniwan. 10Yu mas trae fo stretem eniwan hu hemi tisim pipol abaotem samting wea hemi mekem olketa raoa an divaed olobaot. Sapos yu wonem hem tufala taem finis, bat hemi no wiling fo obeim yu, yu mas tanem baeksaet long hem. 11Yumi save, kaen man olsem hemi lusim finis tru tising. An olketa nogud samting wea hemi gohed fo duim, hem nao hemi somaot dat hemi rong tumas.
Las toktok blong Pol
12Nao#Aposol 20:4; Efesas 6:21-22; Kolosi 4:7-8; 2 Timoti 4:12. long taem wea bae mi sendem Atemas o Tikikas go kasem yu, yu mas traehad fo kam lukim mi long taon long Nikopolis. Long taon ya nao mi tingting fo go stap long hem long taem blong raf si.#3:12 “taem blong raf si” Long langguis long Grik hemi sei,“taem blong kol”. Diswan hemi long mans olsem Januare an Febuare wea olketa bikfala win save blou kam long ples ya. 13An#Aposol 18:24; 1 Korin 16:12. yu mas traehad fo helpem Apolos an disfala loea ya Sinas. Yu mas meksua tufala no sot long enisamting wea tufala nidim long gogo blong tufala. 14Olketa Kristin fren blong yumi, olketa mas lanem wei fo duim gudfala waka, mekem olketa save helpem narafala pipol hu i sot long enisamting. Nogud olketa les fo duim olketa gudfala waka.
15Evri Kristin wea mifala stap long hia, olketa talem go halo long yu. Plis talem halo go long olketa gudfala Kristin fren hu i lavem mifala.
Letem kaenfala lav blong God hemi stap wetem yufala evriwan.
Currently Selected:
Taetas 3: SIDC
Highlight
Copy
Compare
Share
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Taetas 3
3
Hao fo stapgud wetem olketa pipol long wol
1Yu mas talem gud long evri Kristin fo tinghae long olketa bikman long gavman an olketa narafala bikman moa. Olketa mas obeim olketa, an mas redi nomoa fo duim enikaen gudfala waka. 2An olketa mas no tok nogud agensim eniwan, an mas no raoa. Bat olketa mas kaen an frengud long evriwan.
3Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.
4Bat nomata olsem, God hu hemi Sevia blong yumi, hemi duim diswan taem hemi somaot lav an wei blong hem fo kaen long evriwan. 5Hemi no sevem yumi bikos yumi bin duim eni gudfala samting. !Nomoa ya! Hemi bin sevem yumi bikos hem seleva nomoa hemi sore an kaen long yumi. Holi Spirit nao hemi mekem yumi klin so yumi save bon moa, an Holi Spirit hemi mekem yumi garem niu laef. 6Ya, from waka blong Jisas Kraes hu hemi Sevia blong yumi, Holi Spirit nao, God hemi givim kam fri long yumi, 7mekem yumi save kasem disfala tru laef wea hemi no save finis. Yumi save kasem disfala laef wea yumi barava biliv long hem, bikos God hemi kaen tumas long yumi an hemi mekem yumi kamap stret long ae blong hem. 8Disfala toktok hemi barava tru tumas.
Mi laekem yu fo gohed strong fo talemaot olketa tising olsem, mekem olketa pipol hu i biliv long God olketa save gohed olowe fo duim evri gud samting. Olketa samting wea hemi gud olsem, hemi save helpem evri pipol. 9Bat yu mas tanem baeksaet long enikaen krangge toktok, an long olketa stori abaotem olketa laen blong olketa olo long bifoa,#3:9 “olketa stori abaotem olketa laen blong olketa olo long bifoa” Long taem ya, samfala pipol olketa laekem tumas fo stori abaotem olketa laen blong olketa Jiu olsem olketa stap insaet long Oltestamen. Olketa save gohed fo faendemaot enikaen mining an enikaen niufala tising long olketa. an long enikaen faet o raoa abaotem mining blong Lo blong Mosis. Olketa toktok olsem hemi no garem eni gud samting long hem, an hemi nating save helpem eniwan. 10Yu mas trae fo stretem eniwan hu hemi tisim pipol abaotem samting wea hemi mekem olketa raoa an divaed olobaot. Sapos yu wonem hem tufala taem finis, bat hemi no wiling fo obeim yu, yu mas tanem baeksaet long hem. 11Yumi save, kaen man olsem hemi lusim finis tru tising. An olketa nogud samting wea hemi gohed fo duim, hem nao hemi somaot dat hemi rong tumas.
Las toktok blong Pol
12Nao#Aposol 20:4; Efesas 6:21-22; Kolosi 4:7-8; 2 Timoti 4:12. long taem wea bae mi sendem Atemas o Tikikas go kasem yu, yu mas traehad fo kam lukim mi long taon long Nikopolis. Long taon ya nao mi tingting fo go stap long hem long taem blong raf si.#3:12 “taem blong raf si” Long langguis long Grik hemi sei,“taem blong kol”. Diswan hemi long mans olsem Januare an Febuare wea olketa bikfala win save blou kam long ples ya. 13An#Aposol 18:24; 1 Korin 16:12. yu mas traehad fo helpem Apolos an disfala loea ya Sinas. Yu mas meksua tufala no sot long enisamting wea tufala nidim long gogo blong tufala. 14Olketa Kristin fren blong yumi, olketa mas lanem wei fo duim gudfala waka, mekem olketa save helpem narafala pipol hu i sot long enisamting. Nogud olketa les fo duim olketa gudfala waka.
15Evri Kristin wea mifala stap long hia, olketa talem go halo long yu. Plis talem halo go long olketa gudfala Kristin fren hu i lavem mifala.
Letem kaenfala lav blong God hemi stap wetem yufala evriwan.
Pijin Catholic Bible © Bible Society of the South Pacific, 2008.