Sirak 50
50
1Saemon san blong Onias nao hemi garem bik nem winim evri brata blong hem, an pipol blong hem i filpraod long hem. Hem nao hemi hedprist hu hemi wakem gud moa Tambuhaos. 2An hemi mekem strong botom blong tufala wolston wea hemi hae tumas, an hemi mekem Tambuhaos strong moa. 3Long taem blong hem, olketa digim wanfala bik hol fo stoarem wata. 4Hemi mekem plan fo sevem olketa pipol blong hem long olketa enemi, an hemi mekem strong wolston blong biktaon ya, mekem olketa enemi no save tekova long hem.
5!Taem Saemon hemi kamaot long disfala Ples wea hemi Holi Tumas, hemi barava lukgud tumas! 6Hemi lukgud olsem moning sta, an ful mun taem hemi saen kam insaet long olketa klaod. 7Hemi luk olsem tu taem san hemi saen kam antap long Tambuhaos blong God hu hemi hae tumas, an hemi olsem braet renbou wea hemi stap akros long olketa klaod. 8Hemi lukgud olsem flaoa wea hemi jes open long moning, an hemi lukgud tu olsem olketa lili wea hemi grou long saet riva, an olsem sida tri long Lebanon. 9Hemi olsem insens wea hemi bone an smel naes tumas, an olsem wanfala kap wea olketa wakem long gol wea olketa putum evrikaen ston wea hemi luknaes tumas long hem. 10Hemi lukgud tu olsem oliv tri wea hemi garem staka frut long hem, an olsem paen tri wea hemi tol tumas go-go kasem olketa klaod.
11Taem Saemon hemi werem naes kaleko blong hem an goap long olta, hemi mekem disfala eria aotsaet long Tambuhaos hemi barava luknaes tumas. 12Taem olketa narafala prist i givim hem pat long samting wea olketa sakrifaesim, hemi stanap saet long olta an olketa hu i helpem hem i stanap raonem hem olsem olketa flaoa, an hemi luk olsem yang sida tri long Lebanon wea olketa pamtri nao i stanap raonem. 13Olketa hu i bon kam long laen blong Eron i werem olketa naes kaleko blong olketa, an stanap frant long evri pipol blong Israel, an olketa holem olketa ofaring wea olketa givim long Lod. 14Taem Saemon hemi finisim waka blong hem long olta, an hemi mekem sakrifaes long Lod hu hemi hae tumas, an hemi garem evri paoa, 15hemi tekem wanfala kap long waen wea hemi smel naes tumas, an hemi kapsaetem go long botom blong olta fo ofarem go long Lod hu hemi hae tumas. Hem nao hemi bikfala King blong evri pipol long wol. 16Bihaen, olketa prist i singaot an bloum olketa silva trampet blong olketa. Olketa mekem bikfala noes mekem Lod hu hemi hae tumas hemi save herem. 17Nao evri pipol i baodaon kuiktaem go-go fes blong olketa hemi kasem graon, fo wosipim Lod blong olketa hu hemi garem evri paoa an hemi hae tumas. 18Bihaen, olketa grup fo singsing, i singsing fo preisim hem, an saon blong miusik hemi here naes tumas. 19Olketa pipol i gohed fo prea long Lod hu hemi hae tumas an hemi garem lav, an olketa gohed fo duim olsem go-go taem blong wosip hemi finis. 20Bihaen, Saemon#Nambas 6:24-27. hemi kamdaon long olta, an apem han blong hem antap long evri pipol blong Israel hu i kam tugeta, an hemi blesim olketa long nem blong Lod. 21Evri pipol i baodaon moa fo tekem blesing long Lod hu hemi hae tumas.
Prea fo mekhae long Lod
22Oraet, yumi mas preisim God hu hemi Lod long evrisamting an evri pipol long wol, an hemi duim olketa bikfala samting long evri ples. Hem nao hemi lukaftarem yumi stat long taem yumi bon, an hemi duim olketa samting fo yumi bikos hemi lavem yumi tumas. 23Plis, Lod, yu mekem mifala hapi an givim piis long mifala pipol long Israel olowe nao. 24An plis yu gohed fo lavem mifala an sevem mifala long taem wea mifala nidim yu.
Trifala nogud traeb
25Tufala traeb nao mi barava no laekem, an mektri hemi no fitim nomoa fo kolem long wanfala traeb. 26Olketa ya nao Idom, Filistia, an datfala krangge traeb blong Samaria.
Las toktok blong Sirak
27Mi Jisas, san blong Sirak Eliesa blong Jerusalem, mi raetemdaon evri waes tingting blong mi insaet long disfala buk, fo givim gudfala advaes an save fo olketa narafala pipol. 28Letem God hemi blesim evriwan hu hemi lisin gud long olketa tising ya. Eniwan hu hemi tinghevi long olketa bae hemi kamap waes. 29An eniwan hu hemi falom long laef blong hem bae hemi strong fo duim evri waka, bikos bae hemi gohed fo wakabaot insaet long laet blong Lod.
Currently Selected:
Sirak 50: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 50
50
1Saemon san blong Onias nao hemi garem bik nem winim evri brata blong hem, an pipol blong hem i filpraod long hem. Hem nao hemi hedprist hu hemi wakem gud moa Tambuhaos. 2An hemi mekem strong botom blong tufala wolston wea hemi hae tumas, an hemi mekem Tambuhaos strong moa. 3Long taem blong hem, olketa digim wanfala bik hol fo stoarem wata. 4Hemi mekem plan fo sevem olketa pipol blong hem long olketa enemi, an hemi mekem strong wolston blong biktaon ya, mekem olketa enemi no save tekova long hem.
5!Taem Saemon hemi kamaot long disfala Ples wea hemi Holi Tumas, hemi barava lukgud tumas! 6Hemi lukgud olsem moning sta, an ful mun taem hemi saen kam insaet long olketa klaod. 7Hemi luk olsem tu taem san hemi saen kam antap long Tambuhaos blong God hu hemi hae tumas, an hemi olsem braet renbou wea hemi stap akros long olketa klaod. 8Hemi lukgud olsem flaoa wea hemi jes open long moning, an hemi lukgud tu olsem olketa lili wea hemi grou long saet riva, an olsem sida tri long Lebanon. 9Hemi olsem insens wea hemi bone an smel naes tumas, an olsem wanfala kap wea olketa wakem long gol wea olketa putum evrikaen ston wea hemi luknaes tumas long hem. 10Hemi lukgud tu olsem oliv tri wea hemi garem staka frut long hem, an olsem paen tri wea hemi tol tumas go-go kasem olketa klaod.
11Taem Saemon hemi werem naes kaleko blong hem an goap long olta, hemi mekem disfala eria aotsaet long Tambuhaos hemi barava luknaes tumas. 12Taem olketa narafala prist i givim hem pat long samting wea olketa sakrifaesim, hemi stanap saet long olta an olketa hu i helpem hem i stanap raonem hem olsem olketa flaoa, an hemi luk olsem yang sida tri long Lebanon wea olketa pamtri nao i stanap raonem. 13Olketa hu i bon kam long laen blong Eron i werem olketa naes kaleko blong olketa, an stanap frant long evri pipol blong Israel, an olketa holem olketa ofaring wea olketa givim long Lod. 14Taem Saemon hemi finisim waka blong hem long olta, an hemi mekem sakrifaes long Lod hu hemi hae tumas, an hemi garem evri paoa, 15hemi tekem wanfala kap long waen wea hemi smel naes tumas, an hemi kapsaetem go long botom blong olta fo ofarem go long Lod hu hemi hae tumas. Hem nao hemi bikfala King blong evri pipol long wol. 16Bihaen, olketa prist i singaot an bloum olketa silva trampet blong olketa. Olketa mekem bikfala noes mekem Lod hu hemi hae tumas hemi save herem. 17Nao evri pipol i baodaon kuiktaem go-go fes blong olketa hemi kasem graon, fo wosipim Lod blong olketa hu hemi garem evri paoa an hemi hae tumas. 18Bihaen, olketa grup fo singsing, i singsing fo preisim hem, an saon blong miusik hemi here naes tumas. 19Olketa pipol i gohed fo prea long Lod hu hemi hae tumas an hemi garem lav, an olketa gohed fo duim olsem go-go taem blong wosip hemi finis. 20Bihaen, Saemon#Nambas 6:24-27. hemi kamdaon long olta, an apem han blong hem antap long evri pipol blong Israel hu i kam tugeta, an hemi blesim olketa long nem blong Lod. 21Evri pipol i baodaon moa fo tekem blesing long Lod hu hemi hae tumas.
Prea fo mekhae long Lod
22Oraet, yumi mas preisim God hu hemi Lod long evrisamting an evri pipol long wol, an hemi duim olketa bikfala samting long evri ples. Hem nao hemi lukaftarem yumi stat long taem yumi bon, an hemi duim olketa samting fo yumi bikos hemi lavem yumi tumas. 23Plis, Lod, yu mekem mifala hapi an givim piis long mifala pipol long Israel olowe nao. 24An plis yu gohed fo lavem mifala an sevem mifala long taem wea mifala nidim yu.
Trifala nogud traeb
25Tufala traeb nao mi barava no laekem, an mektri hemi no fitim nomoa fo kolem long wanfala traeb. 26Olketa ya nao Idom, Filistia, an datfala krangge traeb blong Samaria.
Las toktok blong Sirak
27Mi Jisas, san blong Sirak Eliesa blong Jerusalem, mi raetemdaon evri waes tingting blong mi insaet long disfala buk, fo givim gudfala advaes an save fo olketa narafala pipol. 28Letem God hemi blesim evriwan hu hemi lisin gud long olketa tising ya. Eniwan hu hemi tinghevi long olketa bae hemi kamap waes. 29An eniwan hu hemi falom long laef blong hem bae hemi strong fo duim evri waka, bikos bae hemi gohed fo wakabaot insaet long laet blong Lod.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.