Sirak 48
48
1Nao Elaeja#1 Kings 17:1-24; 18:38; 2 Kings 1:10-16. hemi kamap profet an toktok blong hem hemi strong tumas an hot olsem faea. 2Long paoa blong Lod, hemi mekem bikfala hanggre fo kasem olketa pipol an plande long olketa hu i gohed fo komplen nao i dae. 3Hemi tok long nem blong Lod, an hemi stopem ren fo no kamdaon. An trifala taem hemi kolem faea fo kamdaon. 4!Elaeja, olketa mirakol wea yu mekem i nambawan tumas! !No eniwan hemi save tokpraod long wanem hemi save duim olsem olketa bikfala samting wea yu save duim! 5Long nem blong Lod hu hemi hae tumas, yu mekem wanfala man hu hemi dae finis fo laefbaek moa. 6An yu mekem olketa king an bikman fo olketa sik an dae. 7Yu herem Lod hemi toktok strong long maonten Saenae, an talemaot tingting blong hem fo panisim olketa enemi blong hem. 8Yu#1 Kings 19:15-21. kapsaetem oel long wanfala man fo hemi kamap king, an hem nao hemi givim panis ya long olketa enemi. An yu kapsaetem oel long wanfala man fo hemi kamap profet fo sensim yu. 9Lod#2 Kings 2:11. hemi tekem yu goap long heven long bikfala win olsem faea, insaet long wanfala kaat wea olketa hos olsem faea nao i pulum. 10Buktambu#Malakae 4:5-6. hemi talem bae yu kambaek moa long taem wea God hemi siusim, fo yu daonem kros blong God bifoa hemi kamap bik tumas. An bae yu mekem olketa pikinini, mami an dadi fo kambaek tugeta moa, an olketa traeb long Israel fo kambaek long lan wea God hemi givim long olketa. 11Lake tumas fo olketa hu i laef yet fo lukim taem bae yu kam, an lake tumas tu fo olketa hu i dae finis long lav, bikos yumi evriwan bae yumi laefbaek.
Elaesa
12Taem#2 Kings 2:9, 13. bikfala win ya hemi haedem Elaeja, spirit blong hem hemi stap long Elaesa. Long hol taem wea Elaesa hemi laef, hemi nating fraetem eni bikman, an no eniwan save talem hem wanem fo hemi duim. 13No enisamting#2 Kings 13:20-21. hemi had fo hem. An nomata taem hemi dae finis, hemi mekem mirakol yet. 14Taem hemi laef, hemi mekem olketa mirakol, an taem hemi dae finis, hemi duim olketa gud samting.
15Bat#2 Kings 18:11-12. nomata olsem, olketa pipol nating lusim nomoa wei blong olketa fo sin, go-go kasem taem olketa enemi i tekemaot olketa long kantri blong olketa an putum olketa long evri deferen ples long wol. Diswan nao hemi mekem olketa fo no plande, an olketa hu i bon kam long laen blong King Deved nao i lidim olketa hu i stap bihaen. 16Samfala pipol i duim wanem Lod hemi hapi long hem, bat samfala i gohed fo sin olowe nomoa.
Hesekaea
17Hesekaea#2 Kings 20:20. hemi mekem strong biktaon blong hem mekem enemi no save tekova long hem, an hemi mekem watasaplae fo kam insaet. Hemi yusim olketa tul long aean fo mekem hol kamtru long strongfala ston an hemi mekem olketa tangk fo wata hemi kam insaet. 18Long#2 Kings 18:13-17. datfala taem wea Hesekaea hemi king, Senakerib hemi faet wetem olketa Israel, an hemi sendem kam bikman blong hem stat kam long Lakis. Hemi faet agensim Jerusalem an tokpraod abaotem strong blong hem seleva. 19Olketa pipol i fraet fogud an olketa wikdaon. Diswan hemi mekem olketa barava filnogud olsem woman wea hemi kolsap fo bonem pikinini. 20Bat#2 Kings 19:15-35. olketa prea go long Lod antap hu hemi holi an garem lav, an kuiktaem nomoa hemi ansarem prea blong olketa an sendem kam profet Aesaea fo sevem olketa. 21Lod hemi sendem kam enjel blong hem an kilim dae evri soldia blong olketa Asiria. 22Ya, Hesekaea hemi herem wanem Aesaea bikfala profet hemi talem, an hemi duim wanem Lod hemi hapi long hem, an barava falom strong wei blong olo grani blong hem Deved. Evrisamting wea Aesaea hemi lukim long drim blong hem an talemaot long king ya, hemi kamtru. 23Aesaea#2 Kings 20:10-11. hemi tok an san hemi muv gobaek, an hemi mekem king fo stap laef long lelebet moa. 24Hemi helpem olketa long Jerusalem hu i krae fo kamap hapi moa. An paoa long spirit blong hem, hemi mekem hem fo save lukim wanem hemi no kam yet. 25Hemi talemaot finis olketa haed samting wea i no hapen yet, an wanem bae hemi hapen bifoa wol hemi finis.
Josaea
Currently Selected:
Sirak 48: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 48
48
1Nao Elaeja#1 Kings 17:1-24; 18:38; 2 Kings 1:10-16. hemi kamap profet an toktok blong hem hemi strong tumas an hot olsem faea. 2Long paoa blong Lod, hemi mekem bikfala hanggre fo kasem olketa pipol an plande long olketa hu i gohed fo komplen nao i dae. 3Hemi tok long nem blong Lod, an hemi stopem ren fo no kamdaon. An trifala taem hemi kolem faea fo kamdaon. 4!Elaeja, olketa mirakol wea yu mekem i nambawan tumas! !No eniwan hemi save tokpraod long wanem hemi save duim olsem olketa bikfala samting wea yu save duim! 5Long nem blong Lod hu hemi hae tumas, yu mekem wanfala man hu hemi dae finis fo laefbaek moa. 6An yu mekem olketa king an bikman fo olketa sik an dae. 7Yu herem Lod hemi toktok strong long maonten Saenae, an talemaot tingting blong hem fo panisim olketa enemi blong hem. 8Yu#1 Kings 19:15-21. kapsaetem oel long wanfala man fo hemi kamap king, an hem nao hemi givim panis ya long olketa enemi. An yu kapsaetem oel long wanfala man fo hemi kamap profet fo sensim yu. 9Lod#2 Kings 2:11. hemi tekem yu goap long heven long bikfala win olsem faea, insaet long wanfala kaat wea olketa hos olsem faea nao i pulum. 10Buktambu#Malakae 4:5-6. hemi talem bae yu kambaek moa long taem wea God hemi siusim, fo yu daonem kros blong God bifoa hemi kamap bik tumas. An bae yu mekem olketa pikinini, mami an dadi fo kambaek tugeta moa, an olketa traeb long Israel fo kambaek long lan wea God hemi givim long olketa. 11Lake tumas fo olketa hu i laef yet fo lukim taem bae yu kam, an lake tumas tu fo olketa hu i dae finis long lav, bikos yumi evriwan bae yumi laefbaek.
Elaesa
12Taem#2 Kings 2:9, 13. bikfala win ya hemi haedem Elaeja, spirit blong hem hemi stap long Elaesa. Long hol taem wea Elaesa hemi laef, hemi nating fraetem eni bikman, an no eniwan save talem hem wanem fo hemi duim. 13No enisamting#2 Kings 13:20-21. hemi had fo hem. An nomata taem hemi dae finis, hemi mekem mirakol yet. 14Taem hemi laef, hemi mekem olketa mirakol, an taem hemi dae finis, hemi duim olketa gud samting.
15Bat#2 Kings 18:11-12. nomata olsem, olketa pipol nating lusim nomoa wei blong olketa fo sin, go-go kasem taem olketa enemi i tekemaot olketa long kantri blong olketa an putum olketa long evri deferen ples long wol. Diswan nao hemi mekem olketa fo no plande, an olketa hu i bon kam long laen blong King Deved nao i lidim olketa hu i stap bihaen. 16Samfala pipol i duim wanem Lod hemi hapi long hem, bat samfala i gohed fo sin olowe nomoa.
Hesekaea
17Hesekaea#2 Kings 20:20. hemi mekem strong biktaon blong hem mekem enemi no save tekova long hem, an hemi mekem watasaplae fo kam insaet. Hemi yusim olketa tul long aean fo mekem hol kamtru long strongfala ston an hemi mekem olketa tangk fo wata hemi kam insaet. 18Long#2 Kings 18:13-17. datfala taem wea Hesekaea hemi king, Senakerib hemi faet wetem olketa Israel, an hemi sendem kam bikman blong hem stat kam long Lakis. Hemi faet agensim Jerusalem an tokpraod abaotem strong blong hem seleva. 19Olketa pipol i fraet fogud an olketa wikdaon. Diswan hemi mekem olketa barava filnogud olsem woman wea hemi kolsap fo bonem pikinini. 20Bat#2 Kings 19:15-35. olketa prea go long Lod antap hu hemi holi an garem lav, an kuiktaem nomoa hemi ansarem prea blong olketa an sendem kam profet Aesaea fo sevem olketa. 21Lod hemi sendem kam enjel blong hem an kilim dae evri soldia blong olketa Asiria. 22Ya, Hesekaea hemi herem wanem Aesaea bikfala profet hemi talem, an hemi duim wanem Lod hemi hapi long hem, an barava falom strong wei blong olo grani blong hem Deved. Evrisamting wea Aesaea hemi lukim long drim blong hem an talemaot long king ya, hemi kamtru. 23Aesaea#2 Kings 20:10-11. hemi tok an san hemi muv gobaek, an hemi mekem king fo stap laef long lelebet moa. 24Hemi helpem olketa long Jerusalem hu i krae fo kamap hapi moa. An paoa long spirit blong hem, hemi mekem hem fo save lukim wanem hemi no kam yet. 25Hemi talemaot finis olketa haed samting wea i no hapen yet, an wanem bae hemi hapen bifoa wol hemi finis.
Josaea
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.