Sirak 18
18
Paoa blong God
1-3Lod hu hemi laef olowe, hem nao hemi mekem evrisamting long skae an long graon. Wei blong hem seleva nomoa hemi stret. 4Hemi no givim paoa long eniwan mekem hem fitim fo talemaot klia wanem hemi duim. An no eniwan hemi fitim fo faendemaot evrisamting abaotem. 5?Hu nao save mesarem bikfala paoa blong hem? ?An hu nao save talemaot ful stori abaotem gudfala waka wea hemi duim? 6Yumi no save adem moa enisamting long olketa stori blong hem, o tekemaot enisamting long olketa stori ya. Hemi barava had tumas nao fo savegud olketa bikfala samting wea Lod hemi duim. 7Taem yumi kasem en long stori ya, hemi olsem wea yumi no stat yet. Hemi olsem wea yumi no garem enisamting fo talem nao.
Man hemi samting nating nomoa
8?Watkaen samting nao yumi man? ?An Lod hemi mekem yumi fo wanem ya? ?Olketa gud samting an nogud samting wea yumi duim, wanem nao evrisamting ya hemi minim? 9Sapos yumi laef go-go kasem wan handred yia, yumi tingim yumi laef fo longtaem tumas. 10Bat nomoa, olketa plande yia olsem, hemi barava sot tumas long taem blong God wea hemi stap olowe, hemi semsem nomoa olsem wanfala drop long wata insaet long dipsi o wanfala pis long sanbis long saetsi. 11Bikos hemi olsem, hem nao Lod hemi isi tumas wetem yumi, an hemi sore tumas long yumi. 12Hemi luk long yumi an hemi save finis dat bae yumi dae, so hemi wiling tumas fo fogivim yumi. 13Yumi save sore nomoa long man wea yumi save long hem, bat Lod hemi sore long evriwan. Ya, hemi stretem yumi, hemi mekem yumi fo garem gudfala tingting, an hemi tisim yumi. Hemi tekem yumi kambaek olsem man hu hemi tekem kambaek sipsip wea olketa lus. 14Sapos yumi wiling fo falom wei blong hem, taem hemi somaot wea yumi rong, hemi bae sore long yumi.
Fo sore an kaen
15Pikinini blong mi, taem yu helpem wanfala man, no tokdaonem hem fo meksem long hem long semtaem. Taem yu givim wanfala gif, no talem eni toktok fo spoelem man. 16Olketa gudfala toktok blong yu hemi winim wanem yu givim, an hemi olsem wanfala drop wata hemi givim laef long olketa samting taem san hemi hot. 17Ya, naes toktok hemi gud winim evri nambawan gif, an sapos yu tinghevi tumas long pipol, bae yu save duim nomoa tufala samting ya evriwan. 18Krangge pipol nao save tokdaonem pipol an tokspoelem olketa. No eniwan hemi hapi fo lukim gif wea yu no wiling fo givim.
Lukluk gud long wei blong yu seleva
19Yu mas save gud long wanem yu tok abaotem bifoa yu tok. An yu mas lukaftarem gud bodi blong yu, nogud yu sik. 20Yu mas luksave fastaem long sin blong yu bifoa Lod hemi jajem yu, mekem taem fo jaj hemi kam, bae hemi fogivim yu. 21Yu mas putum yu seleva daon taem sik hemi kasem yu. Taem yu sin, yu mas somaot wea yu sore. 22Sapos yu mekem promis long Lod, yu mas mekem hem tru kuiktaem. No weitem taem yu kolsap dae bifoa yu stretem olketa samting. 23Bifoa yu mekem promis olsem, yu mas save dat bae yu kipim promis blong yu. Yu mas no duim nomoa fo traem Lod. 24!Yu mas tingting gud! ?Waswe, yu laekem hem fo kros long yu taem yu dae? ?Taem yu stanap fo hemi jajem yu, waswe, yu laekem hem fo tanem baeksaet long yu? 25Taem yu garem evrisamting wea yu laekem, yu mas tingim hao man save filim taem hemi hanggre. An yu mas tingim tu hao man save filim taem hemi nating garem enisamting. 26Insaet long wanfala de, olketa samting save sens. An Lod save duim enisamting kuiktaem nomoa. 27Taem olketa narafala pipol i gohed fo sin, olketa waes pipol i gohed olowe fo lukluk gud long evrisamting wea olketa duim hemi mas stret. 28Evri pipol hu i garem gudfala tingting save luksave long waes, an tinghae long eniwan hu hemi somaot waes blong hem. 29Sapos yu hapi long waes taem yu herem, bae yu seleva save kamap waes. An olketa toktok blong yu bae yu givim long olketa narafala pipol.
Fo kontrolem yu seleva
30No letem nogud tingting blong yu fo kontrolem yu, yu mas kontrolem wei blong yu seleva. 31Sapos yu letem tingting blong yu seleva fo kontrolem yu, olketa enemi blong yu bae i mekfan long yu. 32No laekem tumas fo garem plande gudfala samting wea seleni blong yu hemi no fitim. Nogud bae yu pua fogud bihaen. 33Sapos yu no garem naf seleni, no go fo askem kaon long olketa narafala pipol fo yu mekem fist. Sapos olsem, bae yu kamap pua fogud bihaen.
Currently Selected:
Sirak 18: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 18
18
Paoa blong God
1-3Lod hu hemi laef olowe, hem nao hemi mekem evrisamting long skae an long graon. Wei blong hem seleva nomoa hemi stret. 4Hemi no givim paoa long eniwan mekem hem fitim fo talemaot klia wanem hemi duim. An no eniwan hemi fitim fo faendemaot evrisamting abaotem. 5?Hu nao save mesarem bikfala paoa blong hem? ?An hu nao save talemaot ful stori abaotem gudfala waka wea hemi duim? 6Yumi no save adem moa enisamting long olketa stori blong hem, o tekemaot enisamting long olketa stori ya. Hemi barava had tumas nao fo savegud olketa bikfala samting wea Lod hemi duim. 7Taem yumi kasem en long stori ya, hemi olsem wea yumi no stat yet. Hemi olsem wea yumi no garem enisamting fo talem nao.
Man hemi samting nating nomoa
8?Watkaen samting nao yumi man? ?An Lod hemi mekem yumi fo wanem ya? ?Olketa gud samting an nogud samting wea yumi duim, wanem nao evrisamting ya hemi minim? 9Sapos yumi laef go-go kasem wan handred yia, yumi tingim yumi laef fo longtaem tumas. 10Bat nomoa, olketa plande yia olsem, hemi barava sot tumas long taem blong God wea hemi stap olowe, hemi semsem nomoa olsem wanfala drop long wata insaet long dipsi o wanfala pis long sanbis long saetsi. 11Bikos hemi olsem, hem nao Lod hemi isi tumas wetem yumi, an hemi sore tumas long yumi. 12Hemi luk long yumi an hemi save finis dat bae yumi dae, so hemi wiling tumas fo fogivim yumi. 13Yumi save sore nomoa long man wea yumi save long hem, bat Lod hemi sore long evriwan. Ya, hemi stretem yumi, hemi mekem yumi fo garem gudfala tingting, an hemi tisim yumi. Hemi tekem yumi kambaek olsem man hu hemi tekem kambaek sipsip wea olketa lus. 14Sapos yumi wiling fo falom wei blong hem, taem hemi somaot wea yumi rong, hemi bae sore long yumi.
Fo sore an kaen
15Pikinini blong mi, taem yu helpem wanfala man, no tokdaonem hem fo meksem long hem long semtaem. Taem yu givim wanfala gif, no talem eni toktok fo spoelem man. 16Olketa gudfala toktok blong yu hemi winim wanem yu givim, an hemi olsem wanfala drop wata hemi givim laef long olketa samting taem san hemi hot. 17Ya, naes toktok hemi gud winim evri nambawan gif, an sapos yu tinghevi tumas long pipol, bae yu save duim nomoa tufala samting ya evriwan. 18Krangge pipol nao save tokdaonem pipol an tokspoelem olketa. No eniwan hemi hapi fo lukim gif wea yu no wiling fo givim.
Lukluk gud long wei blong yu seleva
19Yu mas save gud long wanem yu tok abaotem bifoa yu tok. An yu mas lukaftarem gud bodi blong yu, nogud yu sik. 20Yu mas luksave fastaem long sin blong yu bifoa Lod hemi jajem yu, mekem taem fo jaj hemi kam, bae hemi fogivim yu. 21Yu mas putum yu seleva daon taem sik hemi kasem yu. Taem yu sin, yu mas somaot wea yu sore. 22Sapos yu mekem promis long Lod, yu mas mekem hem tru kuiktaem. No weitem taem yu kolsap dae bifoa yu stretem olketa samting. 23Bifoa yu mekem promis olsem, yu mas save dat bae yu kipim promis blong yu. Yu mas no duim nomoa fo traem Lod. 24!Yu mas tingting gud! ?Waswe, yu laekem hem fo kros long yu taem yu dae? ?Taem yu stanap fo hemi jajem yu, waswe, yu laekem hem fo tanem baeksaet long yu? 25Taem yu garem evrisamting wea yu laekem, yu mas tingim hao man save filim taem hemi hanggre. An yu mas tingim tu hao man save filim taem hemi nating garem enisamting. 26Insaet long wanfala de, olketa samting save sens. An Lod save duim enisamting kuiktaem nomoa. 27Taem olketa narafala pipol i gohed fo sin, olketa waes pipol i gohed olowe fo lukluk gud long evrisamting wea olketa duim hemi mas stret. 28Evri pipol hu i garem gudfala tingting save luksave long waes, an tinghae long eniwan hu hemi somaot waes blong hem. 29Sapos yu hapi long waes taem yu herem, bae yu seleva save kamap waes. An olketa toktok blong yu bae yu givim long olketa narafala pipol.
Fo kontrolem yu seleva
30No letem nogud tingting blong yu fo kontrolem yu, yu mas kontrolem wei blong yu seleva. 31Sapos yu letem tingting blong yu seleva fo kontrolem yu, olketa enemi blong yu bae i mekfan long yu. 32No laekem tumas fo garem plande gudfala samting wea seleni blong yu hemi no fitim. Nogud bae yu pua fogud bihaen. 33Sapos yu no garem naf seleni, no go fo askem kaon long olketa narafala pipol fo yu mekem fist. Sapos olsem, bae yu kamap pua fogud bihaen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.