Sirak 12
12
1Taem#Matiu 7:6. yu duim gudfala samting, yu mas save gud hu nao bae yu helpem. Nogud wanem yu duim bae hemi lus nating nomoa. 2Sapos yu duim gudfala samting long eni gud man, bae gudfala samting tu hemi duim fo yu. Bat sapos hemi no duim gudfala samting fo yu, God hu hemi hae tumas nao bae hemi duim fo yu. 3No eni gud samting save kam long olketa pipol hu i sin, o long olketa hu i les fo helpem olketa pua pipol. 4Yu save givim samting long olketa pipol wea wei blong olketa hemi stret, bat no helpem olketa hu i sin. 5Yu save duim gud samting fo olketa hu i putum olketa seleva daon, bat no givim enisamting long olketa hu i sin. No givim kaikai long olketa pipol olsem, nogud olketa yusim gud wei blong yu fo spoelem yu. Evri gudfala samting wea yu duim fo olketa pipol olsem, bae yu tekem kam trabol fo yu seleva, tufala nogud samting fo evri gudfala samting wea yu duim. 6God hu hemi hae tumas, hemi les long olketa pipol hu i sin, an bae hemi panisim olketa. 7Yu save givim samting long gud pipol, bat no helpem olketa hu i sin.
8Taem olketa samting hemi gohed gudfala fo yu, hemi had fo save hu nao olketa tru fren blong yu. Bat long hadtaem, yu save luksave hu nao olketa enemi blong yu. 9Taem yu garem evri gud samting, olketa enemi blong yu bae i olsem olketa fren blong yu. Bat taem trabol hemi kasem yu, nomata olketa fren blong yu bae i lusim yu. 10No trastem enemi blong yu, bikos nogud wei blong hem bae hemi spoelem yu olsem rasta hemi spoelem aean. 11Yu mas lukaot long hem, nomata wei blong hem luk olsem wea hemi putum hem seleva daon. Hemi olsem wanfala pis long aean wea hemi saen fogud olsem glas, hemi save rasta taem yu no klinim olowe. 12No letem enemi blong yu fo stap kolsap long yu, bae hemi trae fo tekem ples blong yu. Sapos yu putum hem kolsap long yu, bae hemi tekova long yu. Bihaen, bae yu jes tingim toktok blong mi, an bae yu sore tumas taem yu tingim. 13?Hu nao bae sore long man hu hemi fidim snek o wael animol, taem snek o animol ya hemi baetem hem? 14An no eniwan save sore long yu, sapos yu kaban wetem olketa hu i sin an yu helpem olketa fo duim olketa nogud samting.
15Enemi save stap wetem yu fo lelebet taem nomoa, bat taem trabol hemi kasem yu, bae hemi lusim yu. 16Bae hemi tok suit tumas taem hemi plan fo trapem yu. An bae somaot olsem hemi sore wetem yu, bat sapos hemi faendem gud taem, bae hemi kilim yu dae. 17Sapos trabol hemi kam kasem yu, bae hemi stap wetem yu olsem bae hemi helpem yu, bat hemi redi nomoa fo mekem yu foldaon. 18Long datfala taem nao bae yu lukim wea wei blong hem hemi deferen, an bae hemi gohed fo stori nogud abaotem yu.
Currently Selected:
Sirak 12: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 12
12
1Taem#Matiu 7:6. yu duim gudfala samting, yu mas save gud hu nao bae yu helpem. Nogud wanem yu duim bae hemi lus nating nomoa. 2Sapos yu duim gudfala samting long eni gud man, bae gudfala samting tu hemi duim fo yu. Bat sapos hemi no duim gudfala samting fo yu, God hu hemi hae tumas nao bae hemi duim fo yu. 3No eni gud samting save kam long olketa pipol hu i sin, o long olketa hu i les fo helpem olketa pua pipol. 4Yu save givim samting long olketa pipol wea wei blong olketa hemi stret, bat no helpem olketa hu i sin. 5Yu save duim gud samting fo olketa hu i putum olketa seleva daon, bat no givim enisamting long olketa hu i sin. No givim kaikai long olketa pipol olsem, nogud olketa yusim gud wei blong yu fo spoelem yu. Evri gudfala samting wea yu duim fo olketa pipol olsem, bae yu tekem kam trabol fo yu seleva, tufala nogud samting fo evri gudfala samting wea yu duim. 6God hu hemi hae tumas, hemi les long olketa pipol hu i sin, an bae hemi panisim olketa. 7Yu save givim samting long gud pipol, bat no helpem olketa hu i sin.
8Taem olketa samting hemi gohed gudfala fo yu, hemi had fo save hu nao olketa tru fren blong yu. Bat long hadtaem, yu save luksave hu nao olketa enemi blong yu. 9Taem yu garem evri gud samting, olketa enemi blong yu bae i olsem olketa fren blong yu. Bat taem trabol hemi kasem yu, nomata olketa fren blong yu bae i lusim yu. 10No trastem enemi blong yu, bikos nogud wei blong hem bae hemi spoelem yu olsem rasta hemi spoelem aean. 11Yu mas lukaot long hem, nomata wei blong hem luk olsem wea hemi putum hem seleva daon. Hemi olsem wanfala pis long aean wea hemi saen fogud olsem glas, hemi save rasta taem yu no klinim olowe. 12No letem enemi blong yu fo stap kolsap long yu, bae hemi trae fo tekem ples blong yu. Sapos yu putum hem kolsap long yu, bae hemi tekova long yu. Bihaen, bae yu jes tingim toktok blong mi, an bae yu sore tumas taem yu tingim. 13?Hu nao bae sore long man hu hemi fidim snek o wael animol, taem snek o animol ya hemi baetem hem? 14An no eniwan save sore long yu, sapos yu kaban wetem olketa hu i sin an yu helpem olketa fo duim olketa nogud samting.
15Enemi save stap wetem yu fo lelebet taem nomoa, bat taem trabol hemi kasem yu, bae hemi lusim yu. 16Bae hemi tok suit tumas taem hemi plan fo trapem yu. An bae somaot olsem hemi sore wetem yu, bat sapos hemi faendem gud taem, bae hemi kilim yu dae. 17Sapos trabol hemi kam kasem yu, bae hemi stap wetem yu olsem bae hemi helpem yu, bat hemi redi nomoa fo mekem yu foldaon. 18Long datfala taem nao bae yu lukim wea wei blong hem hemi deferen, an bae hemi gohed fo stori nogud abaotem yu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.