Esra 3
3
Olketa stat fo wosip moa long Jerusalem
1Olketa pipol blong Israel wea i kambaek long lan blong olketa, i stapgud nao long olketa taon blong olketa. An taem mekseven mans long yia#3:1 “mekseven mans long yia” Long datfala taem, mekseven mans long yia hemi mans long Etanim long kalenda blong olketa pipol blong Israel, an hemi sem taem long yia olsem Septemba o Oktoba long kalenda blong yumi. Evri yia long disfala mans, olketa bin gohed fo selebretem Bikde fo Stap long Smolfala Lif Haos Disfala samting hemi hapen long 537 B.K. hemi kolsap kam, olketa evriwan i hipap tugeta long Jerusalem. 2Nao Haeprist Jesua, san blong Jehosadak,#3:2 “Jesua, san blong Jehosadak” Disfala Jehosadak, hemi Haeprist long taem wea King Nebukadnesa blong Babilon hemi fosim olketa pipol blong Jerusalem fo lusim lan blong olketa, an go long Babilonia. So, taem san blong hem, Jesua, hemi kambaek moa long Jerusalem, hem nao hemi Haeprist. Lukim 1 Kronikols 6:15; Hagae 1:1; Sekaraea 6:11. wetem olketa narafala prist, an Serababel, san blong Sealtiel, wetem olketa long laen blong hem, olketa wakembaek moa olta blong God blong Israel, mekem olketa save bonem olketa sakrifaes long hem, barava falom wei wea hemi stap long Lo blong Mosis, man blong God.#Eksodas 20:24-26; 27:1. 3Nomata olketa fraetem olketa narafala pipol wea i stap raonem olketa, bat olketa wakembaek moa olta ya barava long ples wea olfala olta hemi bin stap long hem bifoa. An evri de, long moning an long ivining, olketa gohed nomoa fo mekem olketa sakrifaes wea hemi barava bone fo mekem wosip long Yawe.#Nambas 28:1-8. 4Den, barava olsem wea Lo ya hemi talem, olketa selebretem Bikde fo Stap long Smolfala Lif Haos, an evri de, olketa gohed fo mekem olketa sakrifaes blong disfala bikde.#Levitikas 23:33-43; Nambas 29:12-38. 5Bihaen long bikde ya, olketa gohed fo mekem olketa sakrifaes wea hemi barava bone long evri moning an long evri ivining fo mekem wosip long Yawe. An olketa gohed fo mekem sakrifaes long olketa Fist blong Niumun, an long evri narafala bikde blong Yawe. Olketa givim tu olketa sakrifaes fo mekem wosip long Yawe falom wanem olketa laekem.
6Long wei ya nao, nomata olketa no stat yet fo wakembaek moa Tambuhaos, bat long fas de blong mekseven mans ya, olketa stat fo mekem olketa sakrifaes wea hemi barava bone fo mekem wosip long Yawe.
Olketa stat fo wakembaek moa Tambuhaos blong Yawe
7Bihaen, olketa pipol i givim seleni fo peim olketa kapenta wetem olketa man hu i savegud hao fo katem ston. An olketa sendem kaikai, an waen, an oliv oel go long tufala taon long Taea an Saedon, fo peim olketa sida tri blong Lebanon fo wakem Tambuhaos long hem, olsem King Saeras blong Pesia bin talem. Olketa save putum olketa tri ya long solwata, fo sendem kamdaon long bikfala haba ya long Jopa.
8Long mektu mans#3:8 “mektu mans” Mektu mans hemi mans long Siv long kalenda blong olketa pipol blong Israel, an hemi sem taem long yia olsem Eprel o Mei long kalenda blong yumi. Disfala samting hemi hapen long 536 B.K. blong mektu yia bihaen long taem olketa bin kambaek long ples wea olfala Tambuhaos hemi stap long hem bifoa, olketa stat fo wakembaek moa Tambuhaos ya. Serababel, san blong Sealtiel, an Jesua, san blong Jehosadak, wetem olketa prist an olketa Livaet, an evri narafala pipol hu i kambaek long Jerusalem, i joen tugeta fo duim waka ya. Olketa lida i siusim olketa Livaet hu i kasem mektuenti yia blong olketa, fo kamap bos ovarem olketa waka ya fo bildimbaek moa Tambuhaos blong Yawe. 9Long olketa Livaet ya, Jesua wetem olketa san blong hem an olketa wantok blong hem, an Kadmiel wetem olketa san blong hem wea i bon kam long laen blong Hodavaea, olketa joen tugeta fo lukaftarem olketa waka ya. Olketa Livaet hu i bon kam long laen blong Henadad i helpem olketa ya.
10Taem olketa man ya i stat fo putum faondesin long Tambuhaos ya blong Yawe, olketa prist i werem olketa spesol kaleko blong olketa, an holem olketa trampet, an olketa go stanap long ples blong olketa. An olketa Livaet wea i long laen blong Asaf i holem olketa simbol, an olketa go stanap long ples blong olketa. Nao olketa mekredi fo preisim Yawe, falom wei wea King Deved bin talem long olketa pipol bifoa.#1 Kronikols 25:1. 11Nao olketa ya i singsing fo preisim Yawe an fo tengkiu long hem. Olketa gohed fo sing olsem,
“Yawe hemi gud tumas.
Hemi tinghevi long yumi long Israel olowe”#1 Kronikols 16:34; 2 Kronikols 5:13; 7:3; Sam 100:5; 106:1; 107:1; 118:1; 136:1; Jeremaea 33:11.
Olketa pipol evriwan i singaot bikfala fo preisim Yawe, bikos disfala waka fo putum faondesin blong Tambuhaos ya hemi stat nao. 12Bat samfala olo long olketa prist an olketa Livaet wetem samfala hed blong olketa narafala laen, olketa barava sore an krae, bikos olketa bin lukim fas Tambuhaos blong Yawe wea hemi bin stap long ples ya bifoa. Bat plande narafala pipol i singaot bikfala, bikos olketa hapi tumas. 13An no eniwan save heremsave hu hemi singaot fo hapi an hu hemi krae, bikos noes ya wea olketa evriwan i mekem hemi bikfala tumas, mekem pipol hu i stap farawe save herem datfala bikfala noes.
Currently Selected:
Esra 3: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Esra 3
3
Olketa stat fo wosip moa long Jerusalem
1Olketa pipol blong Israel wea i kambaek long lan blong olketa, i stapgud nao long olketa taon blong olketa. An taem mekseven mans long yia#3:1 “mekseven mans long yia” Long datfala taem, mekseven mans long yia hemi mans long Etanim long kalenda blong olketa pipol blong Israel, an hemi sem taem long yia olsem Septemba o Oktoba long kalenda blong yumi. Evri yia long disfala mans, olketa bin gohed fo selebretem Bikde fo Stap long Smolfala Lif Haos Disfala samting hemi hapen long 537 B.K. hemi kolsap kam, olketa evriwan i hipap tugeta long Jerusalem. 2Nao Haeprist Jesua, san blong Jehosadak,#3:2 “Jesua, san blong Jehosadak” Disfala Jehosadak, hemi Haeprist long taem wea King Nebukadnesa blong Babilon hemi fosim olketa pipol blong Jerusalem fo lusim lan blong olketa, an go long Babilonia. So, taem san blong hem, Jesua, hemi kambaek moa long Jerusalem, hem nao hemi Haeprist. Lukim 1 Kronikols 6:15; Hagae 1:1; Sekaraea 6:11. wetem olketa narafala prist, an Serababel, san blong Sealtiel, wetem olketa long laen blong hem, olketa wakembaek moa olta blong God blong Israel, mekem olketa save bonem olketa sakrifaes long hem, barava falom wei wea hemi stap long Lo blong Mosis, man blong God.#Eksodas 20:24-26; 27:1. 3Nomata olketa fraetem olketa narafala pipol wea i stap raonem olketa, bat olketa wakembaek moa olta ya barava long ples wea olfala olta hemi bin stap long hem bifoa. An evri de, long moning an long ivining, olketa gohed nomoa fo mekem olketa sakrifaes wea hemi barava bone fo mekem wosip long Yawe.#Nambas 28:1-8. 4Den, barava olsem wea Lo ya hemi talem, olketa selebretem Bikde fo Stap long Smolfala Lif Haos, an evri de, olketa gohed fo mekem olketa sakrifaes blong disfala bikde.#Levitikas 23:33-43; Nambas 29:12-38. 5Bihaen long bikde ya, olketa gohed fo mekem olketa sakrifaes wea hemi barava bone long evri moning an long evri ivining fo mekem wosip long Yawe. An olketa gohed fo mekem sakrifaes long olketa Fist blong Niumun, an long evri narafala bikde blong Yawe. Olketa givim tu olketa sakrifaes fo mekem wosip long Yawe falom wanem olketa laekem.
6Long wei ya nao, nomata olketa no stat yet fo wakembaek moa Tambuhaos, bat long fas de blong mekseven mans ya, olketa stat fo mekem olketa sakrifaes wea hemi barava bone fo mekem wosip long Yawe.
Olketa stat fo wakembaek moa Tambuhaos blong Yawe
7Bihaen, olketa pipol i givim seleni fo peim olketa kapenta wetem olketa man hu i savegud hao fo katem ston. An olketa sendem kaikai, an waen, an oliv oel go long tufala taon long Taea an Saedon, fo peim olketa sida tri blong Lebanon fo wakem Tambuhaos long hem, olsem King Saeras blong Pesia bin talem. Olketa save putum olketa tri ya long solwata, fo sendem kamdaon long bikfala haba ya long Jopa.
8Long mektu mans#3:8 “mektu mans” Mektu mans hemi mans long Siv long kalenda blong olketa pipol blong Israel, an hemi sem taem long yia olsem Eprel o Mei long kalenda blong yumi. Disfala samting hemi hapen long 536 B.K. blong mektu yia bihaen long taem olketa bin kambaek long ples wea olfala Tambuhaos hemi stap long hem bifoa, olketa stat fo wakembaek moa Tambuhaos ya. Serababel, san blong Sealtiel, an Jesua, san blong Jehosadak, wetem olketa prist an olketa Livaet, an evri narafala pipol hu i kambaek long Jerusalem, i joen tugeta fo duim waka ya. Olketa lida i siusim olketa Livaet hu i kasem mektuenti yia blong olketa, fo kamap bos ovarem olketa waka ya fo bildimbaek moa Tambuhaos blong Yawe. 9Long olketa Livaet ya, Jesua wetem olketa san blong hem an olketa wantok blong hem, an Kadmiel wetem olketa san blong hem wea i bon kam long laen blong Hodavaea, olketa joen tugeta fo lukaftarem olketa waka ya. Olketa Livaet hu i bon kam long laen blong Henadad i helpem olketa ya.
10Taem olketa man ya i stat fo putum faondesin long Tambuhaos ya blong Yawe, olketa prist i werem olketa spesol kaleko blong olketa, an holem olketa trampet, an olketa go stanap long ples blong olketa. An olketa Livaet wea i long laen blong Asaf i holem olketa simbol, an olketa go stanap long ples blong olketa. Nao olketa mekredi fo preisim Yawe, falom wei wea King Deved bin talem long olketa pipol bifoa.#1 Kronikols 25:1. 11Nao olketa ya i singsing fo preisim Yawe an fo tengkiu long hem. Olketa gohed fo sing olsem,
“Yawe hemi gud tumas.
Hemi tinghevi long yumi long Israel olowe”#1 Kronikols 16:34; 2 Kronikols 5:13; 7:3; Sam 100:5; 106:1; 107:1; 118:1; 136:1; Jeremaea 33:11.
Olketa pipol evriwan i singaot bikfala fo preisim Yawe, bikos disfala waka fo putum faondesin blong Tambuhaos ya hemi stat nao. 12Bat samfala olo long olketa prist an olketa Livaet wetem samfala hed blong olketa narafala laen, olketa barava sore an krae, bikos olketa bin lukim fas Tambuhaos blong Yawe wea hemi bin stap long ples ya bifoa. Bat plande narafala pipol i singaot bikfala, bikos olketa hapi tumas. 13An no eniwan save heremsave hu hemi singaot fo hapi an hu hemi krae, bikos noes ya wea olketa evriwan i mekem hemi bikfala tumas, mekem pipol hu i stap farawe save herem datfala bikfala noes.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.