2 Makabi 15
15
1Nikeno hemi herem dat Jiudas an olketa soldia blong hem olketa go stap nao long baondri long lan blong Samaria, an so hemi tingting strong fo hemi go faetem olketa long wanfala de blong sabat, bikos long de ya hemi de blong res, an bae olketa no save faetbaek. 2Nikeno hemi odarem olketa Jiu wea olketa stap wetem hem fo go wetem olketa soldia blong hem. Olketa ya i kam long Nikeno an askem hem strong an tok olsem, “!Yu no go an kilim olketa olsem! Hemi olsem yu wanfala animol wea hemi save kaikaim man. Yu mas tinghae long de ya wea God seleva hemi mektambu long hem, an hemi mekem disfala de hemi bikfala winim evri de. God ya hemi lukim evrisamting long hol wol an hemi save tumas.” 3Distaem nao, Nikeno pikinini blong nogud devol, hemi stanap an hemi askem olketa, “?Waswe, eni God wea hemi stap long heven nao hemi odarem yufala fo yufala res long de blong sabat ya?” 4Olketa Jiu i tokbaek long hem an olketa tok olsem, “Ya, Lod wea hemi laef olowe an hemi Lod long heven, hem nao hemi putum disfala lo fo mifala fo tinghae long de blong sabat, an mifala mas no waka.”
5Den Nikeno hemi tokbaek long olketa olsem, “Mi nao mi king long disfala wol, an mi nao mi odarem yufala fo yufala tekem olketa samting blong faet, an fo yufala go an duim wanem king hemi talem long yufala fo duim.” Nomata hemi tok olsem, hemi had fo duim disfala nogud samting wea hemi tingting strong fo hemi duim.
Jiudas hemi redi fo faet
6Long bikfala praod blong Nikeno, hemi tingim bae hemi winim Jiudas an ami blong hem, an hemi plan fo hemi putum ap wanfala ston fo makem wea hemi winim Jiudas ya mekem evri pipol save lukim. 7Nao, Jiudas hemi barava biliv dat Lod bae hemi helpem hem, 8an hemi go talem long grup blong hem fo olketa no fraet long enemi blong olketa. Hemi tok olsem, “Yufala mas tingimbaek long bifoa, taem Lod wea hemi strong tumas hemi helpem yumi, an yufala mas trastem hem bae hemi helpem yumi moa distaem, an bae yumi win.” 9Hemi ridim tu fo olketa samfala toktok long Buk Tambu fo hemi mekem olketa no fraet, an hemi talem long olketa fo tingimbaek moa long samfala faet wea olketa duim an olketa winim. 10Taem olketa soldia blong hem olketa redi finis fo go long faet, hemi talem olketa wanem fo duim, an hemi somaot klia long olketa wea olketa pipol hu i no biliv olketa no save falom eni agrimen wea olketa duim. 11Hemi talem long olketa tu an tok olsem, “Yufala mas no trastem sil an naef fo faet blong yufala fo stap laef. !Nomoa! Yufala mas trastem Lod nomoa.” Long toktok olsem nao, hemi mekem olketa fo stanap strong. Bihaen, hemi adem go moa stori blong wanfala drim wea hemi lukim taem hemi slip. Disfala drim ya, hemi truwan an olketa save putum trast blong olketa long hem.
12Disfala samting ya nao Jiudas hemi lukim long drim blong hem. Hemi lukim nao Onias, wea hemi hedprist long bifoa. Hemi barava gudfala man, an hemi no save praod tumas, an hemi waes tumas, an stat taem hemi smol yet hemi falom gudfala rod blong laef. Long drim blong Jiudas hemi lukim Onias hemi somap tufala han blong hem an hemi prea fo evri pipol blong Jiu. 13Bihaen, Jiudas hemi lukim moa wanfala bikman wea hea blong hem hemi waet, an hemi luk olsem man wea hemi garem bikfala nem an bikfala paoa. 14Den Onias hemi tok olsem: “Diswan nao Jeremaea profet blong God, hemi lavem tumas yumi pipol blong Jiu, an hemi prea olowe fo yumi, an fo biktaon long Jerusalem wea hemi holi tumas.”
15Den Jeremaea hemi somaot raet han blong hem, an hemi givim long Jiudas wanfala naef fo faet wea olketa mekem long gol, an hemi tok olsem, 16“Disfala tambu naef fo faet ya hemi wanfala gif blong God wea hemi givim go long yu. Yu go an kilim dae olketa enemi blong yu.”
17Olketa naesfala toktok olsem nao Jiudas hemi talem an hemi barava mekem olketa soldia blong hem olketa no fraet nao, an olketa yang boe tu i stanap barava strong olsem bikman. Olketa evriwan i no fraet, an olketa tingim strong fo olketa no weit, bat fo olketa go kuiktaem fo faet wetem olketa enemi nao. Olketa duim olsem, bikos olketa enemi kolsap spoelem nao biktaon, lo an kastom blong olketa, an Tambuhaos blong olketa. 18Olketa no wari long famili blong olketa an reletif blong olketa, olketa wari nomoa long Tambuhaos blong God. 19An evri pipol hu i stapbaek long Jerusalem olketa wari tumas bikos olketa go faet long open graon, an olketa fraet tumas sapos olketa enemi bae kilim Jiudas an olketa soldia blong hem.
Olketa winim Nikeno an hemi dae
20Evri pipol long Jerusalem olketa weit nomoa fo olketa lukim hu nao bae hemi win. Olketa ami blong Nikeno, olketa redi nao an stat fo gohed: olketa elifan i go frant long olketa soldia hu i wakabaot long graon, an olketa hu i go long hos olketa kam kolsap nao long tufala saet. 21Jiudas hemi lukim bikfala grup ya wea i garem enikaen samting fo faet, an olketa elifan blong olketa tu olketa barava luk kros tumas. Jiudas nao hemi somap long heven tufala han blong hem, an hemi prea long Lod wea hemi save mekem olketa mirakol. Jiudas hemi savegud dat Lod hemi givim bikfala win long olketa wea hemi fitim fo olketa win, an hemi no givim nomoa long olketa hu i garem bikfala ami an plande soldia. 22So Jiudas#2 Kings 19:35. hemi prea olsem, “Lod, bifoa, taem king Hesekaea hemi king long Jiudia, yu sendem kam enjel blong yu, an hemi kilim dae 185,000 long olketa soldia blong king Senakerib. 23Nao mi askem yu, Lod long heven, fo yu sendem kam moa wanfala gud enjel blong yu, wea bae hemi mekem olketa enemi blong mifala olketa barava sapraes fogud an fraet tumas an seksek nogud. 24An long bikfala paoa blong yu, yu kilim dae olketa pipol ya wea olketa tokspoelem yu, an olketa hu i kam fo putumdaon olketa pipol blong yu wea yu siusim olketa.” Hem nao prea blong Jiudas.
25Taem Nikeno#1 Makabi 7:43-50. an olketa soldia blong hem olketa ka-kam long rod, olketa bloum konsel blong olketa an singim nao krae blong faet, 26bat Jiudas wetem olketa soldia blong hem olketa singaot long God fo helpem olketa. 27Olketa barava faet long han blong olketa an olketa prea long God long haat blong olketa, an dastawe nao olketa Jiu i kilim dae winim 35,000 long olketa enemi blong olketa, an olketa barava filhapi tumas bikos God hemi helpem olketa. 28Taem faet hemi finis, olketa hapi tumas bikos olketa win. An taem olketa go-gobaek long ples blong olketa, olketa faendem long rod bodi blong Nikeno wetem olketa samting blong hem fo faet long ples wea olketa faet finis. 29Long dea nao, olketa singaot bik long langguis blong olketa an preisim nem blong Lod.
30Jiudas Makabi, stat taem hemi yang yet, hemi tinghevi long ples an traeb blong hem, an hol maen blong hem hemi saet wetem olketa Jiu, nao hemi odarem olketa soldia blong hem fo olketa go an katemaot hed an raet han blong Nikeno an tekem go long Jerusalem. 31Taem olketa go kasem finis long biktaon ya, Jiudas hemi kolem kam tugeta olketa evri pipol, an hemi putum olketa prist frant long olta, an sendem go oda long strong haos fo olketa hu i stap insaet fo kamaot tu. 32Den hemi som long olketa hed blong Nikeno, datfala ravis man ya, an datfala raet han wea Nikeno, long praod tingting blong hem, hemi somap an som go long Tambuhaos blong God wea hemi strong tumas. 33Long dea nao Jiudas hemi katemaot tang blong praod man ya wea hemi save tokspoelem God, an hemi tok olsem, “Bae mi katem smol an givim long olketa pisin fo kaikaim, an bihaen bae mi hangemap hed an raet han blong Nikeno fesim Tambuhaos ya, fo som olsem panis blong hem an toktok krangge blong hem.” 34An evriwan hu i stap long dea olketa lukluk goap long heven, an olketa preisim Lod, wea hemi somaot paoa blong hem. Hemi lukaftarem gud Tambuhaos blong hem, wea olketa enemi i no save mekem hem no klin moa. 35Bihaen, Jiudas hemi go hangemap hed blong Nikeno long wol blong strong haos blong olketa soldia, mekem evri pipol save lukim, an diswan hemi piksa long bikfala lav blong God fo olketa. 36Nao, distaem#1 Makabi 7:49. evriwan long olketa agri bae olketa no save fogetem fo selebretem disfala de long mektetin de insaet long mektuel mans. Disfala de ya, hemi las de bifoa Bikde blong Modekae, an mans ya, olketa kolem Ada long langguis long Arameik.
Las Toktok long disfala Buk
37Hem nao wanem hemi hapen long Nikeno. An stat long datfala taem kasem tude, biktaon long Jerusalem hemi stap nao long han blong olketa Jiu. Long dea nao stori blong mi hemi finis.
38Sapos olketa samting wea mi raetem hemi gud an hemi klia, mi barava hapi tumas. Bat sapos hemi nogud, an yu no laekem fo ridim wanem mi raetem finis, mi barava trae had tumas fo raetem gud. 39Yumi evriwan save hemi nogud fo dringim waen nating an wata nating. Bat sapos yumi miksim waen wetem wata, bae hemi suit tumas. Hemi olsem wanfala stori wea wanfala waesman hemi raetem, hemi mekem olketa pipol laekem fo ridim olowe. Long hia nao toktok blong mi hemi finis.
Currently Selected:
2 Makabi 15: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
2 Makabi 15
15
1Nikeno hemi herem dat Jiudas an olketa soldia blong hem olketa go stap nao long baondri long lan blong Samaria, an so hemi tingting strong fo hemi go faetem olketa long wanfala de blong sabat, bikos long de ya hemi de blong res, an bae olketa no save faetbaek. 2Nikeno hemi odarem olketa Jiu wea olketa stap wetem hem fo go wetem olketa soldia blong hem. Olketa ya i kam long Nikeno an askem hem strong an tok olsem, “!Yu no go an kilim olketa olsem! Hemi olsem yu wanfala animol wea hemi save kaikaim man. Yu mas tinghae long de ya wea God seleva hemi mektambu long hem, an hemi mekem disfala de hemi bikfala winim evri de. God ya hemi lukim evrisamting long hol wol an hemi save tumas.” 3Distaem nao, Nikeno pikinini blong nogud devol, hemi stanap an hemi askem olketa, “?Waswe, eni God wea hemi stap long heven nao hemi odarem yufala fo yufala res long de blong sabat ya?” 4Olketa Jiu i tokbaek long hem an olketa tok olsem, “Ya, Lod wea hemi laef olowe an hemi Lod long heven, hem nao hemi putum disfala lo fo mifala fo tinghae long de blong sabat, an mifala mas no waka.”
5Den Nikeno hemi tokbaek long olketa olsem, “Mi nao mi king long disfala wol, an mi nao mi odarem yufala fo yufala tekem olketa samting blong faet, an fo yufala go an duim wanem king hemi talem long yufala fo duim.” Nomata hemi tok olsem, hemi had fo duim disfala nogud samting wea hemi tingting strong fo hemi duim.
Jiudas hemi redi fo faet
6Long bikfala praod blong Nikeno, hemi tingim bae hemi winim Jiudas an ami blong hem, an hemi plan fo hemi putum ap wanfala ston fo makem wea hemi winim Jiudas ya mekem evri pipol save lukim. 7Nao, Jiudas hemi barava biliv dat Lod bae hemi helpem hem, 8an hemi go talem long grup blong hem fo olketa no fraet long enemi blong olketa. Hemi tok olsem, “Yufala mas tingimbaek long bifoa, taem Lod wea hemi strong tumas hemi helpem yumi, an yufala mas trastem hem bae hemi helpem yumi moa distaem, an bae yumi win.” 9Hemi ridim tu fo olketa samfala toktok long Buk Tambu fo hemi mekem olketa no fraet, an hemi talem long olketa fo tingimbaek moa long samfala faet wea olketa duim an olketa winim. 10Taem olketa soldia blong hem olketa redi finis fo go long faet, hemi talem olketa wanem fo duim, an hemi somaot klia long olketa wea olketa pipol hu i no biliv olketa no save falom eni agrimen wea olketa duim. 11Hemi talem long olketa tu an tok olsem, “Yufala mas no trastem sil an naef fo faet blong yufala fo stap laef. !Nomoa! Yufala mas trastem Lod nomoa.” Long toktok olsem nao, hemi mekem olketa fo stanap strong. Bihaen, hemi adem go moa stori blong wanfala drim wea hemi lukim taem hemi slip. Disfala drim ya, hemi truwan an olketa save putum trast blong olketa long hem.
12Disfala samting ya nao Jiudas hemi lukim long drim blong hem. Hemi lukim nao Onias, wea hemi hedprist long bifoa. Hemi barava gudfala man, an hemi no save praod tumas, an hemi waes tumas, an stat taem hemi smol yet hemi falom gudfala rod blong laef. Long drim blong Jiudas hemi lukim Onias hemi somap tufala han blong hem an hemi prea fo evri pipol blong Jiu. 13Bihaen, Jiudas hemi lukim moa wanfala bikman wea hea blong hem hemi waet, an hemi luk olsem man wea hemi garem bikfala nem an bikfala paoa. 14Den Onias hemi tok olsem: “Diswan nao Jeremaea profet blong God, hemi lavem tumas yumi pipol blong Jiu, an hemi prea olowe fo yumi, an fo biktaon long Jerusalem wea hemi holi tumas.”
15Den Jeremaea hemi somaot raet han blong hem, an hemi givim long Jiudas wanfala naef fo faet wea olketa mekem long gol, an hemi tok olsem, 16“Disfala tambu naef fo faet ya hemi wanfala gif blong God wea hemi givim go long yu. Yu go an kilim dae olketa enemi blong yu.”
17Olketa naesfala toktok olsem nao Jiudas hemi talem an hemi barava mekem olketa soldia blong hem olketa no fraet nao, an olketa yang boe tu i stanap barava strong olsem bikman. Olketa evriwan i no fraet, an olketa tingim strong fo olketa no weit, bat fo olketa go kuiktaem fo faet wetem olketa enemi nao. Olketa duim olsem, bikos olketa enemi kolsap spoelem nao biktaon, lo an kastom blong olketa, an Tambuhaos blong olketa. 18Olketa no wari long famili blong olketa an reletif blong olketa, olketa wari nomoa long Tambuhaos blong God. 19An evri pipol hu i stapbaek long Jerusalem olketa wari tumas bikos olketa go faet long open graon, an olketa fraet tumas sapos olketa enemi bae kilim Jiudas an olketa soldia blong hem.
Olketa winim Nikeno an hemi dae
20Evri pipol long Jerusalem olketa weit nomoa fo olketa lukim hu nao bae hemi win. Olketa ami blong Nikeno, olketa redi nao an stat fo gohed: olketa elifan i go frant long olketa soldia hu i wakabaot long graon, an olketa hu i go long hos olketa kam kolsap nao long tufala saet. 21Jiudas hemi lukim bikfala grup ya wea i garem enikaen samting fo faet, an olketa elifan blong olketa tu olketa barava luk kros tumas. Jiudas nao hemi somap long heven tufala han blong hem, an hemi prea long Lod wea hemi save mekem olketa mirakol. Jiudas hemi savegud dat Lod hemi givim bikfala win long olketa wea hemi fitim fo olketa win, an hemi no givim nomoa long olketa hu i garem bikfala ami an plande soldia. 22So Jiudas#2 Kings 19:35. hemi prea olsem, “Lod, bifoa, taem king Hesekaea hemi king long Jiudia, yu sendem kam enjel blong yu, an hemi kilim dae 185,000 long olketa soldia blong king Senakerib. 23Nao mi askem yu, Lod long heven, fo yu sendem kam moa wanfala gud enjel blong yu, wea bae hemi mekem olketa enemi blong mifala olketa barava sapraes fogud an fraet tumas an seksek nogud. 24An long bikfala paoa blong yu, yu kilim dae olketa pipol ya wea olketa tokspoelem yu, an olketa hu i kam fo putumdaon olketa pipol blong yu wea yu siusim olketa.” Hem nao prea blong Jiudas.
25Taem Nikeno#1 Makabi 7:43-50. an olketa soldia blong hem olketa ka-kam long rod, olketa bloum konsel blong olketa an singim nao krae blong faet, 26bat Jiudas wetem olketa soldia blong hem olketa singaot long God fo helpem olketa. 27Olketa barava faet long han blong olketa an olketa prea long God long haat blong olketa, an dastawe nao olketa Jiu i kilim dae winim 35,000 long olketa enemi blong olketa, an olketa barava filhapi tumas bikos God hemi helpem olketa. 28Taem faet hemi finis, olketa hapi tumas bikos olketa win. An taem olketa go-gobaek long ples blong olketa, olketa faendem long rod bodi blong Nikeno wetem olketa samting blong hem fo faet long ples wea olketa faet finis. 29Long dea nao, olketa singaot bik long langguis blong olketa an preisim nem blong Lod.
30Jiudas Makabi, stat taem hemi yang yet, hemi tinghevi long ples an traeb blong hem, an hol maen blong hem hemi saet wetem olketa Jiu, nao hemi odarem olketa soldia blong hem fo olketa go an katemaot hed an raet han blong Nikeno an tekem go long Jerusalem. 31Taem olketa go kasem finis long biktaon ya, Jiudas hemi kolem kam tugeta olketa evri pipol, an hemi putum olketa prist frant long olta, an sendem go oda long strong haos fo olketa hu i stap insaet fo kamaot tu. 32Den hemi som long olketa hed blong Nikeno, datfala ravis man ya, an datfala raet han wea Nikeno, long praod tingting blong hem, hemi somap an som go long Tambuhaos blong God wea hemi strong tumas. 33Long dea nao Jiudas hemi katemaot tang blong praod man ya wea hemi save tokspoelem God, an hemi tok olsem, “Bae mi katem smol an givim long olketa pisin fo kaikaim, an bihaen bae mi hangemap hed an raet han blong Nikeno fesim Tambuhaos ya, fo som olsem panis blong hem an toktok krangge blong hem.” 34An evriwan hu i stap long dea olketa lukluk goap long heven, an olketa preisim Lod, wea hemi somaot paoa blong hem. Hemi lukaftarem gud Tambuhaos blong hem, wea olketa enemi i no save mekem hem no klin moa. 35Bihaen, Jiudas hemi go hangemap hed blong Nikeno long wol blong strong haos blong olketa soldia, mekem evri pipol save lukim, an diswan hemi piksa long bikfala lav blong God fo olketa. 36Nao, distaem#1 Makabi 7:49. evriwan long olketa agri bae olketa no save fogetem fo selebretem disfala de long mektetin de insaet long mektuel mans. Disfala de ya, hemi las de bifoa Bikde blong Modekae, an mans ya, olketa kolem Ada long langguis long Arameik.
Las Toktok long disfala Buk
37Hem nao wanem hemi hapen long Nikeno. An stat long datfala taem kasem tude, biktaon long Jerusalem hemi stap nao long han blong olketa Jiu. Long dea nao stori blong mi hemi finis.
38Sapos olketa samting wea mi raetem hemi gud an hemi klia, mi barava hapi tumas. Bat sapos hemi nogud, an yu no laekem fo ridim wanem mi raetem finis, mi barava trae had tumas fo raetem gud. 39Yumi evriwan save hemi nogud fo dringim waen nating an wata nating. Bat sapos yumi miksim waen wetem wata, bae hemi suit tumas. Hemi olsem wanfala stori wea wanfala waesman hemi raetem, hemi mekem olketa pipol laekem fo ridim olowe. Long hia nao toktok blong mi hemi finis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.