1 Korin 2
2
Nius abaotem dae blong Kraes
1Olketa Kristin fren, taem mi kam long yufala fo talemaot disfala toktok blong God wea hemi bin staphaed,#2:1 “disfala toktok blong God wea hemi bin staphaed” Samfala olfala kopi long Fas Korin olketa sei,“disfala tru toktok abaotem God”. mi no yusim enikaen kleva toktok o bikfala save. 2Bikos taem mi stap wetem yufala, mi barava wande fo no tingting long eni narasamting. Jisas Kraes an dae blong hem long kros nomoa mi laek fo tingim. 3Taem#Aposol 18:9. mi kam kasem yufala, mi barava wik tumas an mi seksek nao from mi fraet. 4An disfala tising an disfala Gudnius wea mi talemaot long yufala, mi no talemaot long wei blong wanfala man hu hemi waes tumas an hemi save toktok gudfala tumas. Bat mi talemaot Gudnius ya long wei wea hemi somaot klia disfala paoa blong Spirit blong God. 5So save blong man hemi no mekem yufala biliv long God bat paoa blong God seleva nao hemi mekem.
Waes toktok blong God
6Disfala toktok wea mi talemaot ya hemi barava waes toktok fo olketa hu i grouap strong long laef blong Kristin. An disfala waes toktok hemi barava deferen tumas long save blong olketa man long wol an save blong olketa paoa wea olketa rulim wol, wea olketa i save lus nomoa. 7Disfala waes toktok blong God wea mi talemaot ya, God hemi mekem fo staphaed fastaem. Bat nomata taem God hemi no mekem wol ya yet, hemi makem kam disfala waes toktok fo yumi finis, mekem hem nao wei wea bae yumi save kasem God long heven. 8No eniwan long olketa hu i rulim wol ya olketa save long disfala waes toktok. Sapos olketa bin save long hem, olketa no bin kilim dae Masta blong heven. 9Hemi#Aesaea 64:4. olsem Buktambu hemi talem finis,
“Wanem God hemi mekredi long hem fo olketa hu i lavem hem,
hemi samting wea no eniwan hemi lukim o herem kam yet.
Hemi samting wea no eniwan hemi tingse bae hemi hapen.”
10Bat God hemi yusim Spirit blong hem fo mekem yumi fo save long wanem hemi staphaed. Holi Spirit ya nao hemi save long evrisamting finis, nomata olketa samting wea hemi staphaed long tingting blong God seleva. 11Man seleva nomoa hemi save long evrisamting wea hemi stap insaet long tingting blong hem. Long sem wei tu, Spirit blong God seleva nomoa hemi save long God nao. 12Nao Spirit wea yumi tekem finis ya hemi no spirit blong disfala wol ya, bat hemi Holi Spirit wea God nao hemi sendem kam, mekem yumi save long olketa spesol paoa wea God hemi givim kam long yumi finis.
13So taem yumi tokabaotem olketa samting ya, yumi no toktok falom tingting blong man, bat yumi toktok falom wanem Holi Spirit hemi bin tisim yumi long hem. Yumi talemaot olketa tru samting abaotem Holi Spirit long olketa pipol hu i garem Holi Spirit finis.#2:13 “long olketa pipol hu i garem Holi Spirit finis” Nara wei fo talem moa,“wetem olketa toktok blong hem seleva”. 14Eniwan wea hemi no garem Holi Spirit, hemi no save tekem olketa spesol paoa wea Spirit blong God hemi givim kam. Man olsem hemi no save minim olketa samting ya, an hemi samting nating nomoa long hem. Holi Spirit ya, hem nomoa hemi save helpem yumi fo luksave long olketa spesol paoa blong hem. 15So eniwan wea hemi garem Holi Spirit, hemi save luksave long evrisamting nomoa, an hemi had fo eni nara man fo jajem hem long enisamting. 16Buktambu#Aesaea 40:13. hemi sei,
“No eniwan hemi save long tingting blong Masta,
an no eniwan hemi fit nomoa fo tisim hem enisamting.”
Bat yumi nao yumi garem tingting blong Kraes.
Currently Selected:
1 Korin 2: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
1 Korin 2
2
Nius abaotem dae blong Kraes
1Olketa Kristin fren, taem mi kam long yufala fo talemaot disfala toktok blong God wea hemi bin staphaed,#2:1 “disfala toktok blong God wea hemi bin staphaed” Samfala olfala kopi long Fas Korin olketa sei,“disfala tru toktok abaotem God”. mi no yusim enikaen kleva toktok o bikfala save. 2Bikos taem mi stap wetem yufala, mi barava wande fo no tingting long eni narasamting. Jisas Kraes an dae blong hem long kros nomoa mi laek fo tingim. 3Taem#Aposol 18:9. mi kam kasem yufala, mi barava wik tumas an mi seksek nao from mi fraet. 4An disfala tising an disfala Gudnius wea mi talemaot long yufala, mi no talemaot long wei blong wanfala man hu hemi waes tumas an hemi save toktok gudfala tumas. Bat mi talemaot Gudnius ya long wei wea hemi somaot klia disfala paoa blong Spirit blong God. 5So save blong man hemi no mekem yufala biliv long God bat paoa blong God seleva nao hemi mekem.
Waes toktok blong God
6Disfala toktok wea mi talemaot ya hemi barava waes toktok fo olketa hu i grouap strong long laef blong Kristin. An disfala waes toktok hemi barava deferen tumas long save blong olketa man long wol an save blong olketa paoa wea olketa rulim wol, wea olketa i save lus nomoa. 7Disfala waes toktok blong God wea mi talemaot ya, God hemi mekem fo staphaed fastaem. Bat nomata taem God hemi no mekem wol ya yet, hemi makem kam disfala waes toktok fo yumi finis, mekem hem nao wei wea bae yumi save kasem God long heven. 8No eniwan long olketa hu i rulim wol ya olketa save long disfala waes toktok. Sapos olketa bin save long hem, olketa no bin kilim dae Masta blong heven. 9Hemi#Aesaea 64:4. olsem Buktambu hemi talem finis,
“Wanem God hemi mekredi long hem fo olketa hu i lavem hem,
hemi samting wea no eniwan hemi lukim o herem kam yet.
Hemi samting wea no eniwan hemi tingse bae hemi hapen.”
10Bat God hemi yusim Spirit blong hem fo mekem yumi fo save long wanem hemi staphaed. Holi Spirit ya nao hemi save long evrisamting finis, nomata olketa samting wea hemi staphaed long tingting blong God seleva. 11Man seleva nomoa hemi save long evrisamting wea hemi stap insaet long tingting blong hem. Long sem wei tu, Spirit blong God seleva nomoa hemi save long God nao. 12Nao Spirit wea yumi tekem finis ya hemi no spirit blong disfala wol ya, bat hemi Holi Spirit wea God nao hemi sendem kam, mekem yumi save long olketa spesol paoa wea God hemi givim kam long yumi finis.
13So taem yumi tokabaotem olketa samting ya, yumi no toktok falom tingting blong man, bat yumi toktok falom wanem Holi Spirit hemi bin tisim yumi long hem. Yumi talemaot olketa tru samting abaotem Holi Spirit long olketa pipol hu i garem Holi Spirit finis.#2:13 “long olketa pipol hu i garem Holi Spirit finis” Nara wei fo talem moa,“wetem olketa toktok blong hem seleva”. 14Eniwan wea hemi no garem Holi Spirit, hemi no save tekem olketa spesol paoa wea Spirit blong God hemi givim kam. Man olsem hemi no save minim olketa samting ya, an hemi samting nating nomoa long hem. Holi Spirit ya, hem nomoa hemi save helpem yumi fo luksave long olketa spesol paoa blong hem. 15So eniwan wea hemi garem Holi Spirit, hemi save luksave long evrisamting nomoa, an hemi had fo eni nara man fo jajem hem long enisamting. 16Buktambu#Aesaea 40:13. hemi sei,
“No eniwan hemi save long tingting blong Masta,
an no eniwan hemi fit nomoa fo tisim hem enisamting.”
Bat yumi nao yumi garem tingting blong Kraes.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.