Salmos 2

Tuwihawete Tupàn hemixak kwer a'e

1— Xiàmàtyry'ym Tupàn zane nehe, i'i teko uzeruzar 'ym ma'e wà. Màràzàwe tuwe uze'eg nezewe wà.

Màràzàwe tuwe ima'enukwaw e iàmàtyry'ymaw rehe wà.

2Wanuwihawete uzemuàgà'ym wà.

Waneruze'egar umume'u Tupàn Tuweharupi Wiko Ma'e iàmàtyry'ym àwàm wà.

— Xiàmàtyry'ym tuwihawete Tupàn hemixak kwer nehe, i'i uzeupeupe wà no.

3Uze'eg nezewe wà.

— Wiko zanezar romo a'e wà.

Ximumaw wakàgaw nehe. Ximumaw zanereruze'egaw nehe, i'i uzeupeupe wà.

4Wenaw ywak rehe har rehe wapyk mehe,

Zanezar upuka wanehe a'e, wanehe uze'eg urywahyahy no.

5Na'e wikwahy kury, wanupe uze'eg pà kury.

Umukyze kar wekwahy haw pupe wà.

6Nezewe i'i Tupàn. — Amuapyk kar tuwihawete heremiruze'eg ihe, henaw rehe ihe,

Xiàw pe ihe, ywytyr heremimonokatu karer rehe ihe, i'i Tupàn.

7Uze'eg a'e tuwihawete kury. — Amume'u putar Tupàn Tuweharupi Wiko Ma'e hemimume'u kwer ihe nehe.

Nezewe i'i Tupàn Tuweharupi Wiko Ma'e ihewe. — Ereiko hera'yr romo ne.

Kutàri aiko neru romo ihe.

8Aze erenoz ihewe nehe, amono putar teko ywy nànànar newe ihe wà nehe.

Ywy paw nema'e romo wiko putar nehe no.

9Erezuhazuhaw putar ywyràihàg itaper iapo pyrer pupe ne wà nehe.

Erezukazuka putar ywy'a ài ne wà nehe, i'i Tupàn ihewe, i'i tuwihawete.

10Peinu heze'eg kury, tuwihawete wà.

Pezekaiw katu ko ze'eg rehe nehe, pureruze'eg ma'e wà.

11Pemuwete katu Tupàn Tuweharupi Wiko Ma'e pekyze haw rupi nehe.

Peryryryryz henataromo pepenàràg rehe peapyk pà nehe.

12Aze napezapo kwaw a'e ma'e nehe, wikwahy putar na'arewahy nehe. A'e rupi pemàno putar nehe.

— Urepyro pe nehe, aze amo i'i Tupàn pe wà nehe, hurywete putar wà nehe.

Currently Selected:

Salmos 2: gub

Highlight

Copy

Popular Bible Verses from
Salmos 2