Jonas 2
2
Zon uze'eg Tupàn pe pirahu hie pupe wiko mehe a'e
1Pirahu hie pupe wiko mehe, Zon uze'eg Tupàn Tuweharupi Wiko Ma'e pe kury.
2— O Tupàn Tuweharupi Wiko Ma'e ne,
hemàno etea'i mehe azepytywà kar newe ihe.
Erewazar heze'eg ihewe.
Umàno ma'e kwer waneta haw wype hereko mehe, ahapukaz newe hezepytywà kar pà ihe.
Herenu pe heze'eg mehe ne.
3Hereityk pe yryhu pupe,
yryhu iwy pe hemomor pà ne.
'Y umàmàn tuwe heiwyr a'e. Ykotokaw ikàg wera'u ma'e ur he'aromo.
4— Aze ru'u Tupàn hereityk uzenatar wi a'e.
Aze ru'u naexak wi pixik kwaw hàpuzuhu ikatu ma'e nehe, a'e hezeupe.
5'Y ur hepyk pà. Napuner kwaw hepytuhemaw rehe.
Yryhu hepyk upaw rupi.
Ka'a yryhu pe har uwàuwàn heàkàg wà no.
6Awezyw ywytyruhu hapo pe ihe.
Awezyw ywy ukenaw tuweharupi uzewàpytym ma'e pe.
Ne hepyro pe hemàno haw wi ne,
Tupàn Tuweharupi Wiko Ma'e hezar.
7— Àmàno etea'i ihe kury, a'e hezeupe.
A'e mehe hema'enukwaw nerehe Tupàn Tuweharupi Wiko Ma'e.
Heze'egaw uhem newe neràpuzuhu ikatu ma'e pe.
8Tupàn a'ua'u nuzawy kwaw heityk pyrer wà.
Nezewe rehe we wamuwete katu har upytu'u nerehe uzeruzar ire wà.
9Azegar putar nekatu haw rehe nekàgaw rehe ihe nehe.
Azuka putar ma'ea'yr nerenataromo nehe.
Azapo putar ma'e heremimume'u kwer nehe.
Purupyro haw ur Tupàn Tuweharupi Wiko Ma'e wi.
10Na'e Tupàn Tuweharupi Wiko Ma'e uze'eg ipirahu pe kury. A'e rupi ipirahu uhuhuk Zon ywyxig rehe imomor pà kury.
Currently Selected:
Jonas 2: gub
Highlight
Share
Compare
Copy
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
