1 Reis 21
21
Heta uwà tyw Nawot pe
1Amo 'ar mehe a'e ma'e izeapo re uzeapo amo ae ma'e kury. — Heta amo tà puzuhu Akaw Xamari wanuwihawete pe Zereew tawhu pe. Heta amo ma'ywa uwà her ma'e tyw a'e tà puzuhu huwake. Awa Nawot her ma'e wiko a'e uwà tyw izar romo a'e. 2Amo 'ar mehe Akaw uze'eg Nawot pe. — Emur neko uwà tyw ihewe nehe ty. Herà puzuhu huwake tuz. Hepurapo wer ma'etymaw rehe a'e pe ihe. Amono putar amo ae uwà tyw nema'e wi ikatu wera'u ma'e newe hekuzaromo nehe. Aze ereputar, amono putar temetarer tetea'u newe hekuzaromo nehe, i'i izupe.
3— Heipy wiko 'aw uwà tyw izarer romo wà . Umur ihewe wà . Aze mo amono newe, na'ikatu iwer mo heremiapo ihewe, i'i Nawot tuwihawete pe.
4Wikwahy tuwihawete Akaw Nawot ize'eg awer rehe. Uzewyr weko haw pe. Uzemumikahy. U'aw uker haw rehe. Uwak ywyok kutyr. Na'imai'u wer kwaw. 5Na'e hemireko Zezamew uze'eg oho izupe. — Mà rà zà we tuwe erezemumikahy nezewe. Mà rà zà we tuwe nanemai'u wer kwaw, i'i izupe.
6Uwazar tuwihawete wemireko ize'eg. — Nawot ze'eg awer rehe azemumikahy ihe. — Eme'eg neko uwà tyw ihewe nehe, a'e izupe. Aze ereputar nehe, amono putar amo ae uwà tyw newe hekuzaromo nehe, a'e izupe. — Name'eg kwaw heko uwà tyw amo pe nehe, i'i Nawot ihewe.
7Na'e uze'eg Zezamew umen Akaw pe kury. — Mà rà zà we tuwe aipo 'y. Aipo nereiko kwaw tuwihawete romo ne. Epu'à m 'y. Nerurywete kury 'y. Emai'u kury 'y. Zereew pe har wanuwihaw ne. Ihe amono putar Nawot iko uwà tyw newe ihe nehe, i'i izupe.
8Na'e Zezamew uzapo amo pape a'e kury. Umuapyk tuwihawete Akaw her a'e pape rehe pità ità igatu. Umuagaw a'e pape tuwihawete ikwà ku'aw har pupe iwà pytym pà . Na'e omono kar a'e pape Zereew pe har wanuwihaw wanupe kury. 9Nezewe i'i a'e pape rehe. — Ximumaw putar pità i 'ar zanezekwaku pà zanemai'u 'ym pà zane nehe, peze teko wanupe nehe. Pezapo zemono'ogaw pe nehe. A'e re pemuapyk Nawot tuwihaw renaw rehe nehe. 10Pemuapyk kar mokoz awa ikatu 'ym ma'e Nawot henataromo wà nehe. Pemuze'eg kar a'e awa nezewe pe wà nehe. — Nawot uze'eg zemueteahy Tupà n rehe a'e, tuwihawete rehe a'e no, i'i putar a'e teko hehe wà nehe. A'e re peraha Nawot katu pe tawhu wi nehe. Pezuka a'e pe nehe, i'i wanupe.
11Zereew tawhu pe har a'e wà , waneruze'egar a'e wà no, weruzar Zezamew ze'eg a'e wà . 12Omono kar tuwihaw ze'eg teko wanupe wà . — Ximumaw putar pità i 'ar zanezekwaku pà zanemai'u 'ym pà nehe, i'i wanupe wà . Omono'og teko wà . Umuapyk kar Nawot tuwihaw renaw rehe wà . 13Na'e teko wanenataromo a'e mokoz awa ikatu 'ym ma'e uze'eg wà kury. — Nawot uze'eg zemueteahy Tupà n rehe a'e, tuwihawete rehe a'e no, i'i amogwer wanupe wà . A'e rupi weraha Nawot katu pe tawhu wi wà kury. Omomomomor ita tetea'u iapiapi pà wà , izuka pà wà . 14Na'e omono kar uze'eg Zezamew pe wà . — Teko uzuka Nawot ita tetea'u pupe iapiapi pà wà , i'i izupe wà .
15A'e ze'eg henu mehe na'arewahy uze'eg Zezamew Akaw pe kury. — Umà no Nawot kwez kury. Eho iko kwer uwà tyw ipyhyk pà nezeupe kury. Na'ipurume'eg wer kwaw hehe newe. Erepuner ipyhyk e haw nezeupe kury, i'i izupe.
16Imà no awer ikwaw mehe na'arewahy oho Akaw uwà tyw pe kury, ipyhyk pà uzeupe kury.
17Na'e uze'eg Tupà n Tuweharupi Wiko Ma'e uze'eg imume'u har Eri Xizime pe har pe kury.
18— Eze'eg eho Akaw Izaew wanuwihawete pe nehe kury. Xamari tawhu pe hekon. Erexak putar Zereew tawhu pe nehe, Nawot iko kwer uwà tyw pe nehe. Oho a'e pe ko hexak pà izar romo wiko pà a'e. 19Ihe Tupà n Tuweharupi Wiko Ma'e heze'eg wer Akaw pe ihe. Emume'u heze'eg eho izupe nehe. — Erezuka awa ne. A'e re erepyhyk iko izuwi ne. A'e rupi amume'u putar ko newe uzeapo ma'e rà m newe kury. — Nawot umà no katu pe a'e. Zawar u'u huwykwer a'e pe wà . U'u putar neruwykwer a'e pe nezewegatete a'e wà nehe no, a'e iteko newe kury, ere izupe nehe, i'i Tupà n Eri pe.
20Na'e oho Eri Akaw heko haw pe. Eri hexak mehe upuranu Akaw hehe. — Herexak pe ne kury, heà mà tyry'ymar, i'i izupe. Uwazar Eri ize'eg. — Uruexak azeharomoete. Ta'e erezapo iaiw ma'e Tupà n Tuweharupi Wiko Ma'e henataromo ne kury xe. 21A'e rupi uze'eg Tupà n iko nezewe newe kury. — Amu'ar kar putar iaiw haw nerehe ihe nehe. Urumumaw putar ihe nehe. Amumaw putar awa neà nà m paw ihe wà nehe no, awa ipyahu ma'e ihe wà nehe, awa tua'uhez ma'e ihe wà nehe no. 22Amumaw Zeromoà w Nemat ta'yr ià nà m ihe wà . Amumaw Maaza Ai ta'yr ià nà m ihe wà no. Amumaw putar neà nà m nezewegatete ihe wà nehe no. Ta'e erezapo kar ikatu 'ym ma'e Izaew wanupe ne xe. Heputupyk wanemiapo kwer. A'e rupi aikwahy ihe, i'i Tupà n iko newe, i'i Eri Akaw pe.
23Uze'eg wi izupe. — Tupà n Tuweharupi Wiko Ma'e umume'u Zezamew pe uzeapo ma'e rà m newe a'e no. — Zawar u'u putar Zezamew hetekwer Zereew tawhu pupe a'e wà nehe. 24Zawar u'u putar ià nà m tawhu pe umà no ma'e rà m wanetekwer wà nehe no. Apitaw u'u putar ià nà m kaiwer pe umà no ma'e rà m wanetekwer wà nehe no, i'i iko newe, i'i Eri Akaw pe.
25Akaw uzemono ikatu 'ym ma'e iapo haw pe azeharomoete a'e. Naheta kwaw amo izuwi iaiw wera'u ma'e Tupà n Tuweharupi Wiko Ma'e henataromo Akaw wi a'e wà . Uzapo a'e iaiw ma'e paw ta'e hemireko Zezamew uzapo kar izupe a'e xe. 26Akaw uzapo ikatu 'ym ma'e purumumaranugar kar wera'u haw a'e. Umuwete katu tupà n a'ua'u wà , Amohe ywy rehe har wazà we wà . A'e 'ym mehe Tupà n Tuweharupi Wiko Ma'e umuhem kar, Amohe waneraha wanereko a'e ywy wi Izaew wanenatar wi a'e wà .
27Eri ize'eg ire ipytu'u mehe umu'i Akaw ukamir kury. Omomor muite uzewi heityk pà . Umunehew pà n ià nà m ma'e ma'e ryru romo iapo pyr kury. Nu'u kwaw ma'e kury. Uker ma'eryru rehe. Uzemumikahy kury.
28Na'e uze'eg Tupà n Tuweharupi Wiko Ma'e uze'eg imume'u har Eri pe kury.
29— Aipo erexak Akaw herenataromo uzemumew pawer ne. Uzemumikahy tuwe wemiapo kwer rehe. A'e rupi namono kar kwaw a'e iaiw haw hehe hekuwe mehe ihe nehe. Xo ta'yr hekuwe mehe zo amu'ar kar iaiw paw Akaw ià nà m wanehe ihe nehe, i'i izupe.
Currently Selected:
1 Reis 21: gub
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.