TIPISALEMA 16

Ku averiwa lokunene.

Risimu ra Davhida.

1Ndzi hlayise, Xikwembu, hikuva ndzi chavele ka wena.

2Ndzi te eka Yehovha: “Hi wena hosi yanga,

A ndzi na rifuwo leri ku tlurisaka!”

3Vahlawuriwa lava nga emisaveni,

Vanhu va vukhongeri, hi valavo ndzi va rhandzaka ngopfu.

4Ku andzisiwa swikwembu swo hemba, ku tsutsumeriwa eka swikwembu swimbe;

Ndzi nga ka ndzi nga swi humeseri ku chela ka ngati;

Kambe mavito ya swona ma nga ka ma nga humi emilon'wini ya mina.

5Yehovha i ku averiwa ka mina ni ndzheko wa mina;

Hi wena la ndzi tiyiselaka ndzhaka ya mina;

6Ndzi pandzeriwe ndzilakana endhawini leyinene,

Ni ndzhaka ya mina ematikweni lama tsakisaka.

7Ndzi vonga Yehovha, hikuva hi yena muleteri wa mina;

Swi tsandza nivusiku, mbilu ya mina yi ndzi dyondzisa.

8Ndzi vekile Yehovha emahlweni ka mina hi masiku;

Ndzi nga ka ndzi nga tsekatseki, hikuva u le tsheveni ra mina ra xinene.

9Hikwalaho mbilu yanga yi tsakile;

Moya wa mina wu tsakile ngopfu;

Na yona nyama ya mina yi ta wisa hi ku tshemba.

10Hikuva u nga ka u nga tshiki moya wanga exivandleni xa vafi;

U nga ka u nga pfumeri leswaku muhlawuriwa wa wena a vona ku bola.

11U ta ndzi tivisa ndlela ya vutomi;

Ku xurha ka ku tsaka ku kona emahlweni ka wena;

Ni ku tsaka loku nga heriki evokweni ra wena ra xinene.

Currently Selected:

TIPISALEMA 16: TSO29

Highlight

Compare

Copy

Want to have your highlights saved across all your devices? Sign up or sign in

Learn More About Xitsonga (Bibele)