TINHLAYO 12
12
Ta mahlevo ya Meriyamu na Aroni.
1Meriyamu na Aroni va hleva Muxe hikwalaho ka wansati wa Mukuxi loyi a n'wi tekeke, hikuva a a tekile wansati wa Mukuxi. 2Va ku: “Xana Yehovha u vulavurile ha Muxe ntsena? Xana a nga vuli nchumu ha hina xana?” Kutani Yehovha a swi yingisa. 3Kambe wanuna loyi, Muxe, a a ri ni tintswalo swinene ku tlula munhu un'wana ni un'wana la nga emisaveni. 4Kutani hi nomu lowu, Yehovha a ku eka Muxe ni ka Aroni ni ka Meriyamu: “Humani n'wina vanharhu, mi ya etabernakeleni ya nhlengeletano.” Kutani va huma ha vanharhu. 5Yehovha a xika a ri epapeni, kutani a vitana Aroni na Meriyamu, kutani va huma havambirhi. 6Kavaloko a ku: “Yingisani swinene marito ya mina! Loko muprofeta u kona exikarhi ka n'wina, mina Yehovha ndzi tikombisa ka yena hi mahlori, ndzi vulavula na yena enorhweni. 7A hi swona na Muxe, nandza wa mina; u tshembekile endlwini ya mina hinkwayo; 8ndzi vulavula na yena hi nomu, ndzi tikombisa eka yena kunene, ku nga ri hi xifaniso, kutani a vona xivumbeko lexinene xa Yehovha. A mi chavanga ha yini ku hleva nandza wa mina, Muxe xana?” 9Kavaloko vukari bya Yehovha byi va pfurhela, kutani a suka, na rona papa ri sukela ehenhla ka tabernakela. 10Kutani, maswivo, Meriyamu a hundzuka a basile hi nhlokonho leyi fanaka ni gamboko; yena Aroni, kakuloko a n'wi hundzukela, a n'wi vona a ri wa nhlokonho.
11Kavaloko Aroni a ku eka Muxe: “Hosi yanga, ndza ku khongela, u nga hi vekeli nandzu wa xidyoho lexi hi nga xi endla hi vuphukuphuku lebyi hi tilaveleke nandzu ha byona. 12Yo! A nga tshuki a kotisa n'wana wa rixixwa loyi i ngi nyama ya yena yi borile loko a hume ekhwirini ra mana wa yena!” 13Kavaloko Muxe a huwelela eka Yehovha, a ku: “Yo! Xikwembu, ndza ku khongela, wanga n'wi hanyisa!” 14Yehovha a ku eka Muxe: “Kungakuloko tata wa yena a n'wi tshwutele hi marhi emahlweni, xana a nga faneli ku va ni tingana hi masiku ya ntlhanu na mambirhi xana? U ta pfaleriwa masiku ya ntlhanu na mambirhi ehandle ka mixaxa, kutani a ta tlhela a amukeriwa kona.” 15Kutani Meriyamu a pfaleriwa hi masiku ya ntlhanu na mambirhi ehandle ka mixaxa; kambe tiko a ri sukanga Meriyamu a ko a amukeriwa. 16Endzhaku ka swona tiko ri suka eHaseroti, ri ya dzima mitsonga emananga ya Parani.
Currently Selected:
TINHLAYO 12: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
TINHLAYO 12
12
Ta mahlevo ya Meriyamu na Aroni.
1Meriyamu na Aroni va hleva Muxe hikwalaho ka wansati wa Mukuxi loyi a n'wi tekeke, hikuva a a tekile wansati wa Mukuxi. 2Va ku: “Xana Yehovha u vulavurile ha Muxe ntsena? Xana a nga vuli nchumu ha hina xana?” Kutani Yehovha a swi yingisa. 3Kambe wanuna loyi, Muxe, a a ri ni tintswalo swinene ku tlula munhu un'wana ni un'wana la nga emisaveni. 4Kutani hi nomu lowu, Yehovha a ku eka Muxe ni ka Aroni ni ka Meriyamu: “Humani n'wina vanharhu, mi ya etabernakeleni ya nhlengeletano.” Kutani va huma ha vanharhu. 5Yehovha a xika a ri epapeni, kutani a vitana Aroni na Meriyamu, kutani va huma havambirhi. 6Kavaloko a ku: “Yingisani swinene marito ya mina! Loko muprofeta u kona exikarhi ka n'wina, mina Yehovha ndzi tikombisa ka yena hi mahlori, ndzi vulavula na yena enorhweni. 7A hi swona na Muxe, nandza wa mina; u tshembekile endlwini ya mina hinkwayo; 8ndzi vulavula na yena hi nomu, ndzi tikombisa eka yena kunene, ku nga ri hi xifaniso, kutani a vona xivumbeko lexinene xa Yehovha. A mi chavanga ha yini ku hleva nandza wa mina, Muxe xana?” 9Kavaloko vukari bya Yehovha byi va pfurhela, kutani a suka, na rona papa ri sukela ehenhla ka tabernakela. 10Kutani, maswivo, Meriyamu a hundzuka a basile hi nhlokonho leyi fanaka ni gamboko; yena Aroni, kakuloko a n'wi hundzukela, a n'wi vona a ri wa nhlokonho.
11Kavaloko Aroni a ku eka Muxe: “Hosi yanga, ndza ku khongela, u nga hi vekeli nandzu wa xidyoho lexi hi nga xi endla hi vuphukuphuku lebyi hi tilaveleke nandzu ha byona. 12Yo! A nga tshuki a kotisa n'wana wa rixixwa loyi i ngi nyama ya yena yi borile loko a hume ekhwirini ra mana wa yena!” 13Kavaloko Muxe a huwelela eka Yehovha, a ku: “Yo! Xikwembu, ndza ku khongela, wanga n'wi hanyisa!” 14Yehovha a ku eka Muxe: “Kungakuloko tata wa yena a n'wi tshwutele hi marhi emahlweni, xana a nga faneli ku va ni tingana hi masiku ya ntlhanu na mambirhi xana? U ta pfaleriwa masiku ya ntlhanu na mambirhi ehandle ka mixaxa, kutani a ta tlhela a amukeriwa kona.” 15Kutani Meriyamu a pfaleriwa hi masiku ya ntlhanu na mambirhi ehandle ka mixaxa; kambe tiko a ri sukanga Meriyamu a ko a amukeriwa. 16Endzhaku ka swona tiko ri suka eHaseroti, ri ya dzima mitsonga emananga ya Parani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.