1 Juan 1
1
Ñee tecove opa mbae vae umee vae
1Nduicuatía noĩ peve jocua Ñee tecove opa mbae vae umee vae regua. Jae jecuaeño ico ndei ɨvɨ uyeyapo mbove. Jare ore nduyandu jocua Ñee. Nduecha cavi. Numae jese. Nduyavɨquɨ vi orepo pe etei. 2Jocua Ñee tecove opa mbae vae etei co. Numɨmbeu peve quirãi ore etei nduecha. Nduicuaaca peve jae co tecove opa mbae vae. Jae imeño mai ico yandeRu Tumpa ndive ndei ɨvɨ uyeyapo mbove, ẽrei ou uyecuaa oreve. 3Numɨmbeu peve nduecha jare nduyandu vae, pe reta vi piñemɨĩru vaerã ore ndive. Añetete ñañemɨĩru ma yandeRu Tumpa jare Taɨ Jesucristo ndive. 4Jare cua mbaembae regua nduicuatía peve piyerovia ete vaerã.
Tumpa ico tembipe oĩ vae pe
5Numɨmbeu peve ñee Jesucristo umɨmbeu oreve vae. Jae co cua: Tumpa ico tembipe oĩ vae pe. Ico'ã etei pɨ̃tumimbi oĩ vae pe. 6Aramoi yae ñañemɨĩru ma co jae ndive. Ẽrei yaico yave pɨ̃tumimbi oĩ vae pe yugüɨreco vae rami, yandeapu co. Yaico'ã co añete vae rupi. 7Ẽrei yaico yave tembipe oĩ vae pe yugüɨreco vae rami - echa'ã Tumpa vi ico tembipe oĩ vae pe - ñañemɨĩru uyupii, jare Jesucristo jugüɨ yandeyoe opaete yanembaeyoa reta güi. Jesucristo co jae Tumpa Taɨ.
8Yae yave yandeyoa'ã co, yayembɨtavɨ co. Yae'ã etei co añete vae. 9Yamɨmbeu yave Tumpa pe yanembaeyoa reta, yandepuere yarovia catu Tumpa umbɨasa vaerã yandeve yanembaeyoa reta, jae jupi ramo. Jae yandeyoeta co opaete jupi mbae vae yayapo vae güi. 10Yae yave yayapo'ã co mbaeyoa, Tumpa iñee ico'ã yandepɨa pe. Echa'ã Tumpa jei yayapo co mbaeyoa. Jáeramo yayapo'ã yave mbaeyoa, Tumpa iyaputa tẽi co.
Currently Selected:
1 Juan 1: gwn
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.