Matewu 5
5
Inshumayelo yaJesu entsabeni
1Jesu watsi kube abone ticumbi tebantfu, wase wenyukela entsabeni, wefika wahlala phansi. Bafundzi bakhe base beta kuye, 2wacala wabafundzisa watsi:
Ngekujabula lokunguko
(Luk. 6:20-23)
3 “Babusisiwe labamphofu emoyeni,
ngobe umbuso welizulu wabo.
4 Babusisiwe labakhalako,
ngobe bayawudvudvutwa.
5 Babusisiwe labamnene,
ngobe bayawudla lifa lemhlaba.
6 Babusisiwe labalambele bomele kulunga,
ngobe bayakwesutsiswa.
7 Babusisiwe labanesihawu,
ngobe bayawuhawukelwa.
8 Babusisiwe labahlantekile enhlitiyweni,
ngobe bayawumbona Nkulunkulu.
9Babusisiwe labalamulako,
ngobe bayawutsiwa bantfwana baNkulunkulu.
10 Babusisiwe labatingelwa bahlushwe
ngenca yekulunga,
ngobe umbuso welizulu wabo.
11 “Nibusisiwe nabanetfuka, banitingele, banihluphe, bakhulume konkhe lokubi ngani, banicalele emanga ngami. 12 Jabulani nitfokote, ngobe umvuzo wenu mkhulu ezulwini; ngobe nebaphrofethi labanendvulela babatingela babahlupha kanjalo.”
Ngeluswayi nekukhanya
(Mak. 9:50; Luk. 14:34-35)
13 “Nine niluswayi lwelive, kodvwa nangabe luswayi selulahlekelwe bunandzi balo, pho, lobunandzi balo bungabuyiselwa njani? Alusenamsebenti walutfo, kuphela nje kutsi lulahlwe ngephandle, lunyatselwe ngetinyawo.
14 “Nine nikukhanya kwelive. Lidolobha lelakhiwe entsabeni lephakeme lingeke lisitseke. 15 Kute umuntfu lokhanyisa sibane bese usibeka ngephansi kwesitja; kodvwa usibeka endzaweni yaso, kuze sikhanyisele wonkhe umuntfu losendlini. 16 Kanjalo-ke akukhanye kukhanya kwenu embikwebantfu, kuze babone lokulungile lenikwentako, bese badvumisa uYihlo losezulwini.”
Ngekugcwaliseka kwemtsetfo
17“Ningacabangi kutsi ngitele kutewucitsa umtsetfo netimfundziso tebaphrofethi. Angiketeli kutewucitsa, kodvwa ngitele kutewugcwalisa.
18 “Ngicinisile, ngitsi kini: Kuyakudzimate kwendlule lizulu nemhlaba seloku kute ngisho nalelincane nje lichashatana lelitawususwa emtsetfweni, kuze kufezeke konkhe. 19Ngako-ke lowo lowephula munye kulemiyalo lemincanyana, aphindze afundzise labanye kanjalo, uyakuba ngulomncane embusweni welizulu; kepha loyigcinako ayifundzise, lowo kuyawutsiwa mkhulu embusweni welizulu. 20 Ngobe ngiyanitjela impela ngitsi: Ngaphandle kwekutsi kulunga kwenu kwendlule kwetati temtsetfo nekwebaFarisi, ningeke ningene embusweni welizulu.”
Ngekutfukutsela
(Luk. 12:57-59)
21 “Nivile kutsi kwatsiwa kubakadzeni: ‘Ungabulali, ngobe lowo lobulalako uyawulahlwa licala.’ 22Kepha mine ngitsi kini: Lowo lotfukutselela umnakabo, uyawulahlwa licala; nalowo lowetfuka umnakabo, uyakuba nelicala emtsetfweni; nalowo lotsi kumnakabo: ‘Silima,’ uyawufanelwa ngumlilo wesihogo. 23Ngako nangabe utawunikela ngesipho sakho elatini kuNkulunkulu, bese ukhumbula kutsi umnakenu unemavundvo nawe, 24 sishiye khona lapho embikwelilati sipho sakho, uhambe uyekubuyisana nemnakenu, bese uyabuya-ke utewunikela ngesipho sakho.
25 “Sheshisa ucolisane nalowo lenimangalelane naye nisaya enkantolo, funa akunikele kumehluleli, umehluleli akunikele ephoyiseni, liphoyisa likuvalele ejele. 26Ngicinisile, ngitsi: Ungeke usaphuma lapho ungakakhiphi isenti yekugcina.”
Ngekuphinga
27 “Nivile kutsi kwatsiwa: ‘Ungaphingi.’ 28Kepha mine ngitsi kini: Ngulowo nalowo lobuka lomsikati, bese uyamkhanuka, sewuphinge naye enhlitiyweni yakhe. 29 Nangabe liso lakho langesekudla likonisa, likhokhe ulilahle; ngobe kuncono kuwe kulahlekelwa sitfo sinye semtimba kunekutsi umtimba wakho wonkhe ulahlwe uphelele esihogweni. 30 Nangabe sandla sakho sangesekudla sikonisa, sijube usilahle; ngobe kuncono kuwe kulahlekelwa sitfo sinye semtimba kunekutsi umtimba wakho wonkhe ulahlwe uphelele esihogweni.”
Ngekwehlukana kwemfati nendvodza
(Mat. 19:9; Mak. 10:11-12; Luk. 16:18)
31 “Kwatsiwa: ‘Lowo lolahla umkakhe akamnike incwadzi yesehlukaniso.’ 32 Kepha mine ngitsi: Lowo lolahla umkakhe ngaphandle kwebugwadla, uyamphingisa; nalotsatsa umfati lolahliwe, uyaphinga.”
Ngekufunga
33 “Nivile futsi kutsi kubakadzeni kwatsiwa: ‘Ungawafungeli emanga, kepha feza tifungo takho eNkhosini.’ 34 Kodvwa mine ngitsi kini: Ningafungi sanhlobo: nome ngelizulu, ngobe lingumchele waNkulunkulu; 35 nome ngemhlaba, ngobe usenabelo setinyawo takhe; ngisho nangeJerusalema, ngobe kulidolobha leNkhosi yemakhosi. 36Ungafungi ngisho nangenhloko yakho, ngobe ungeke ugucule ngisho nalunye lunwele kutsi lube mhlophe, nome lube ntima. 37 Nanivuma nibotsi: ‘Yebo’ nome-ke nitsi: ‘Cha’ nangabe niyala; ngobe lokwendlula lapho kuvela kuLomubi.”
Ngekuphindzisela
(Luk. 6:29-30)
38 “Nivile futsi kutsi kwatsiwa: ‘Liso ngeliso, litinyo ngelitinyo.’ 39 Kodvwa mine ngitsi kini: Ningamelani nalokubi; umuntfu nakakumukula esihlatsini sangesekudla, mnike nalesi lesinye. 40 Nangabe umuntfu akwemuka lihembe, mnike nelijazi futsi. 41Nangabe umuntfu akucindzetela kutsi uhambe naye likhilometha libe linye umetfwalele umtfwalo wakhe, hamba naye abe mabili. 42 Muphe locela lutfo kuwe, ungamtsalaliseli lofuna kuboleka kuwe.”
Ngekutsandza titsa
(Luk. 6:27-28,32-36)
43 “Nivile kutsi kwatsiwa: ‘Ubotsandza makhelwane wakho, utondze sitsa sakho.’ 44 Kodvwa mine ngitsi kini: Tsandzani titsa tenu, nibakhulekele labanitingelela kunihlupha, 45kuze nitewuba ngemadvodzana eYihlo losezulwini. Ngobe yena uphumisa lilanga lakhe kulababi nalabahle, anise imvula yakhe kulabalungile nalabangakalungi. 46Kambe nanitsandza labanitsandzako, ninamvuzo muni? Abenti njalo yini nebatselisi? 47Futsi nanibingelela bazalwane benu bodvwa, nenta buncono buni-ke? Abenti njalo yini nebetive? 48 Ngako-ke nani banini ngulabaphelele, njengobe neYihlo losezulwini aphelele.”
Currently Selected:
Matewu 5: SWT
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1996. Used with permission. All rights reserved.
Matewu 5
5
Inshumayelo yaJesu entsabeni
1Jesu watsi kube abone ticumbi tebantfu, wase wenyukela entsabeni, wefika wahlala phansi. Bafundzi bakhe base beta kuye, 2wacala wabafundzisa watsi:
Ngekujabula lokunguko
(Luk. 6:20-23)
3 “Babusisiwe labamphofu emoyeni,
ngobe umbuso welizulu wabo.
4 Babusisiwe labakhalako,
ngobe bayawudvudvutwa.
5 Babusisiwe labamnene,
ngobe bayawudla lifa lemhlaba.
6 Babusisiwe labalambele bomele kulunga,
ngobe bayakwesutsiswa.
7 Babusisiwe labanesihawu,
ngobe bayawuhawukelwa.
8 Babusisiwe labahlantekile enhlitiyweni,
ngobe bayawumbona Nkulunkulu.
9Babusisiwe labalamulako,
ngobe bayawutsiwa bantfwana baNkulunkulu.
10 Babusisiwe labatingelwa bahlushwe
ngenca yekulunga,
ngobe umbuso welizulu wabo.
11 “Nibusisiwe nabanetfuka, banitingele, banihluphe, bakhulume konkhe lokubi ngani, banicalele emanga ngami. 12 Jabulani nitfokote, ngobe umvuzo wenu mkhulu ezulwini; ngobe nebaphrofethi labanendvulela babatingela babahlupha kanjalo.”
Ngeluswayi nekukhanya
(Mak. 9:50; Luk. 14:34-35)
13 “Nine niluswayi lwelive, kodvwa nangabe luswayi selulahlekelwe bunandzi balo, pho, lobunandzi balo bungabuyiselwa njani? Alusenamsebenti walutfo, kuphela nje kutsi lulahlwe ngephandle, lunyatselwe ngetinyawo.
14 “Nine nikukhanya kwelive. Lidolobha lelakhiwe entsabeni lephakeme lingeke lisitseke. 15 Kute umuntfu lokhanyisa sibane bese usibeka ngephansi kwesitja; kodvwa usibeka endzaweni yaso, kuze sikhanyisele wonkhe umuntfu losendlini. 16 Kanjalo-ke akukhanye kukhanya kwenu embikwebantfu, kuze babone lokulungile lenikwentako, bese badvumisa uYihlo losezulwini.”
Ngekugcwaliseka kwemtsetfo
17“Ningacabangi kutsi ngitele kutewucitsa umtsetfo netimfundziso tebaphrofethi. Angiketeli kutewucitsa, kodvwa ngitele kutewugcwalisa.
18 “Ngicinisile, ngitsi kini: Kuyakudzimate kwendlule lizulu nemhlaba seloku kute ngisho nalelincane nje lichashatana lelitawususwa emtsetfweni, kuze kufezeke konkhe. 19Ngako-ke lowo lowephula munye kulemiyalo lemincanyana, aphindze afundzise labanye kanjalo, uyakuba ngulomncane embusweni welizulu; kepha loyigcinako ayifundzise, lowo kuyawutsiwa mkhulu embusweni welizulu. 20 Ngobe ngiyanitjela impela ngitsi: Ngaphandle kwekutsi kulunga kwenu kwendlule kwetati temtsetfo nekwebaFarisi, ningeke ningene embusweni welizulu.”
Ngekutfukutsela
(Luk. 12:57-59)
21 “Nivile kutsi kwatsiwa kubakadzeni: ‘Ungabulali, ngobe lowo lobulalako uyawulahlwa licala.’ 22Kepha mine ngitsi kini: Lowo lotfukutselela umnakabo, uyawulahlwa licala; nalowo lowetfuka umnakabo, uyakuba nelicala emtsetfweni; nalowo lotsi kumnakabo: ‘Silima,’ uyawufanelwa ngumlilo wesihogo. 23Ngako nangabe utawunikela ngesipho sakho elatini kuNkulunkulu, bese ukhumbula kutsi umnakenu unemavundvo nawe, 24 sishiye khona lapho embikwelilati sipho sakho, uhambe uyekubuyisana nemnakenu, bese uyabuya-ke utewunikela ngesipho sakho.
25 “Sheshisa ucolisane nalowo lenimangalelane naye nisaya enkantolo, funa akunikele kumehluleli, umehluleli akunikele ephoyiseni, liphoyisa likuvalele ejele. 26Ngicinisile, ngitsi: Ungeke usaphuma lapho ungakakhiphi isenti yekugcina.”
Ngekuphinga
27 “Nivile kutsi kwatsiwa: ‘Ungaphingi.’ 28Kepha mine ngitsi kini: Ngulowo nalowo lobuka lomsikati, bese uyamkhanuka, sewuphinge naye enhlitiyweni yakhe. 29 Nangabe liso lakho langesekudla likonisa, likhokhe ulilahle; ngobe kuncono kuwe kulahlekelwa sitfo sinye semtimba kunekutsi umtimba wakho wonkhe ulahlwe uphelele esihogweni. 30 Nangabe sandla sakho sangesekudla sikonisa, sijube usilahle; ngobe kuncono kuwe kulahlekelwa sitfo sinye semtimba kunekutsi umtimba wakho wonkhe ulahlwe uphelele esihogweni.”
Ngekwehlukana kwemfati nendvodza
(Mat. 19:9; Mak. 10:11-12; Luk. 16:18)
31 “Kwatsiwa: ‘Lowo lolahla umkakhe akamnike incwadzi yesehlukaniso.’ 32 Kepha mine ngitsi: Lowo lolahla umkakhe ngaphandle kwebugwadla, uyamphingisa; nalotsatsa umfati lolahliwe, uyaphinga.”
Ngekufunga
33 “Nivile futsi kutsi kubakadzeni kwatsiwa: ‘Ungawafungeli emanga, kepha feza tifungo takho eNkhosini.’ 34 Kodvwa mine ngitsi kini: Ningafungi sanhlobo: nome ngelizulu, ngobe lingumchele waNkulunkulu; 35 nome ngemhlaba, ngobe usenabelo setinyawo takhe; ngisho nangeJerusalema, ngobe kulidolobha leNkhosi yemakhosi. 36Ungafungi ngisho nangenhloko yakho, ngobe ungeke ugucule ngisho nalunye lunwele kutsi lube mhlophe, nome lube ntima. 37 Nanivuma nibotsi: ‘Yebo’ nome-ke nitsi: ‘Cha’ nangabe niyala; ngobe lokwendlula lapho kuvela kuLomubi.”
Ngekuphindzisela
(Luk. 6:29-30)
38 “Nivile futsi kutsi kwatsiwa: ‘Liso ngeliso, litinyo ngelitinyo.’ 39 Kodvwa mine ngitsi kini: Ningamelani nalokubi; umuntfu nakakumukula esihlatsini sangesekudla, mnike nalesi lesinye. 40 Nangabe umuntfu akwemuka lihembe, mnike nelijazi futsi. 41Nangabe umuntfu akucindzetela kutsi uhambe naye likhilometha libe linye umetfwalele umtfwalo wakhe, hamba naye abe mabili. 42 Muphe locela lutfo kuwe, ungamtsalaliseli lofuna kuboleka kuwe.”
Ngekutsandza titsa
(Luk. 6:27-28,32-36)
43 “Nivile kutsi kwatsiwa: ‘Ubotsandza makhelwane wakho, utondze sitsa sakho.’ 44 Kodvwa mine ngitsi kini: Tsandzani titsa tenu, nibakhulekele labanitingelela kunihlupha, 45kuze nitewuba ngemadvodzana eYihlo losezulwini. Ngobe yena uphumisa lilanga lakhe kulababi nalabahle, anise imvula yakhe kulabalungile nalabangakalungi. 46Kambe nanitsandza labanitsandzako, ninamvuzo muni? Abenti njalo yini nebatselisi? 47Futsi nanibingelela bazalwane benu bodvwa, nenta buncono buni-ke? Abenti njalo yini nebetive? 48 Ngako-ke nani banini ngulabaphelele, njengobe neYihlo losezulwini aphelele.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1996. Used with permission. All rights reserved.