1 Peter 4
4
1ꞋInka Christ, duyustꞌe ꞌi be neba dzoh nusuzut. ꞋEt huwa nohni cha noheni ulhtus oolhꞌeꞌ ookꞌunꞌa nuni noohzut. Mbene dichꞌoh duyustꞌe be dzoh nudehne, tsꞌiyawh lubeshi ꞌonidulh-un ꞌetsul ꞌuhuja ꞌet huwa. 2ꞋAndit whutsꞌun ndi yun kꞌut dutaltsꞌilh, ꞌaw ꞌuyoonne bukꞌunꞌa lubeshi tsꞌúlhtsꞌunoostꞌi. ꞋEt kꞌus Yakꞌusda netsꞌo hukwaꞌ ninzun hukwꞌunꞌa za tsꞌukhoonaꞌ hubaꞌ hoontꞌoh. 3Niz de haóodanzut whutsꞌun, soo ꞌuwhuldzoh ꞌudun yun kꞌut whutꞌenne bukꞌunꞌa tuneꞌhustꞌen. ꞋUtꞌen dutsun-i ꞌutsꞌalhꞌen, neyustꞌe whutsꞌu nintꞌi, ꞌinkꞌez nzoodilꞌi be lhtoh ꞌutsꞌitꞌen, ꞌinkꞌez ꞌahoolhyiz tsꞌekoo tooꞌ buznidulh whe taznutnai inleꞌ, ꞌinkꞌez ꞌukꞌeltsi neba ꞌalhaꞌ ꞌuntꞌoh-un ꞌet huwa wheni cha neba whuchꞌa oonijoot-un, tsꞌiyawh lhtoh edutsꞌítꞌen. 4Ndunne ꞌudun yun kꞌut whutꞌenne tꞌehonuszun ndet huwa ꞌetsul ꞌahja. ꞋAw ꞌon ꞌun zooduꞌi bubulh lhéꞌtuzilhꞌel. ꞋInkꞌez ꞌaw ꞌon ꞌun lahootꞌoh te bubulh nulheꞌzahtꞌen. ꞋEt huwa hoontsiꞌ kꞌunꞌa nohghu yahalhduk. 5ꞋEt nahiyilh-un ꞌawet lhaduja. Mbene la yaidlane ꞌinkꞌez khunane cha, hibut netidulh buba nahutiyeh ha. Dahitꞌen-un, ꞌet tsꞌiyawh hidutánelh. 6ꞋEt huwa ndunne dahútitsah whutso ꞌenne khuni unzoo-i be bubulh yainduk. ꞋEt whe ntsꞌenꞌa la khunane buba nahutiyeh, ꞌet whuz unꞌa za ꞌenne cha buba nahutiyeh. Yakꞌusda khuna-un, whuz unꞌa buyughi hutinalh.
Ne-eꞌutꞌen be Yakꞌusda uzdólhtiꞌ
7ꞋAwet ndi yun oolatoh nilhdukw suliꞌ. ꞋInka nohnichꞌoh duba whahtnih ꞌinkꞌez ꞌahoolhyiz khahdli. ꞋEt whe la soo tsꞌihꞌun unꞌa tenadoohdli. 8Soo ꞌukꞌenus hooncha-un ꞌuhoontꞌoh. Tube cha lhkꞌeoohsiꞌ. Ntsꞌenꞌa dune tankꞌus nunóhulhꞌen whe nohundulhda de, ꞌet hoontsꞌi whutus bukꞌeoohsiꞌ hubaꞌ hoontꞌoh. 9Nohdzi hoontꞌiꞌ whe dune nohyoh bez tsꞌe tsꞌu daóohzooꞌ. 10ꞋIlhone ꞌahli ndi ndai la Ndoni nohgha íninꞌai-i, ꞌi be lhla oohtꞌen. Ndi Yakꞌusda ye unzoo-i lhat-un lhelhtsꞌun unꞌa nohghantꞌai. ꞋEt whe ꞌuyoonne whe bula whuz unꞌa oohtꞌen. 11Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.
Dzoh nutsꞌuzut-i, ꞌi be Yakꞌusda dótiꞌ
12Ookꞌesiꞌne ꞌuyoonne bugha dzoh nahzut-i, ꞌet whe óolhdzi, ꞌantsꞌi kwun kꞌunꞌa be dáhtni. Nohbulh ꞌet dúhooja de, khun te nohbulh ꞌet ndulhótasnel noohzin junih. 13Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni. 14ꞋEt Christ unidulhne ꞌahli huwa nohodilhtsiꞌ de, ꞌet de soo ꞌukꞌenus hoonzoo-un ꞌudaꞌ nohbulh ꞌúhooja. Yakꞌusda ooyughi ye diztiꞌ-i, ꞌi ꞌilhiz wheni nohbulh ꞌuntꞌoh ꞌet huwa. Ndunne, hichꞌaz yalhduk, ꞌet hoontsꞌi nohni dúlhtiꞌ whuz unꞌa ooghu yalhduk. 15Dudulh dune ughánne, kꞌus ꞌundunutꞌihne, kꞌus tankꞌus ꞌitꞌelhne, kꞌus ꞌuyoonne ꞌahoolhyiz dahóotꞌen buhútni, ꞌenne tsꞌiyawh ꞌet nduntꞌohne, khun te ꞌenne bukꞌunꞌa neꞌóohtꞌen junih. Doo ka si bukꞌunꞌa dzoh nohzut. 16ꞋEt hoontsꞌi ndun Christ ooduneꞌ unline ꞌinkꞌez ꞌet huwa dzoh nuhúzut de, khun hukwaya hooleꞌ junih! ꞋEt kꞌus njan huwa Yakꞌusda hidólhtiꞌ. 17ꞋAwet neba whusahóoltsꞌut, wheni Yakꞌusda ooyoh tsinline, ꞌalhgoh neba nahutiyeh. ꞋEt whenichꞌoh neba nahutiyeh de, ꞌet de ndunne Yakꞌusda ooghuni unzoo-i daja ni hukwa lheꞌnízunne, ꞌenne dahóoneh suba? 18ꞋInkꞌez njan ndutni,
“Tsꞌihꞌun unꞌa ꞌuntꞌohne buba howa whulnaꞌ whe hudutijih de,
Ndunne Yakꞌusda lhodílhtiꞌne
ꞌinkꞌez lubeshi ꞌulhꞌenne,
ꞌenne dahútinelh nahzun?”
19ꞋEt de mbene la Yakꞌusda hikꞌúneꞌ ꞌutꞌenne hukwa dzoh nuhudeh de, ꞌutꞌen unzoo-i ꞌuhoolhꞌen. ꞋEt whuz unꞌa Yakꞌusda hiye khuna-i buba gholeꞌ. ꞋEn ꞌuja tsꞌiyaitsuk ꞌinla ꞌinkꞌez ꞌaw nela dootnih ꞌaitꞌoh.
Currently Selected:
1 Peter 4: crx
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
1 Peter 4
4
1ꞋInka Christ, duyustꞌe ꞌi be neba dzoh nusuzut. ꞋEt huwa nohni cha noheni ulhtus oolhꞌeꞌ ookꞌunꞌa nuni noohzut. Mbene dichꞌoh duyustꞌe be dzoh nudehne, tsꞌiyawh lubeshi ꞌonidulh-un ꞌetsul ꞌuhuja ꞌet huwa. 2ꞋAndit whutsꞌun ndi yun kꞌut dutaltsꞌilh, ꞌaw ꞌuyoonne bukꞌunꞌa lubeshi tsꞌúlhtsꞌunoostꞌi. ꞋEt kꞌus Yakꞌusda netsꞌo hukwaꞌ ninzun hukwꞌunꞌa za tsꞌukhoonaꞌ hubaꞌ hoontꞌoh. 3Niz de haóodanzut whutsꞌun, soo ꞌuwhuldzoh ꞌudun yun kꞌut whutꞌenne bukꞌunꞌa tuneꞌhustꞌen. ꞋUtꞌen dutsun-i ꞌutsꞌalhꞌen, neyustꞌe whutsꞌu nintꞌi, ꞌinkꞌez nzoodilꞌi be lhtoh ꞌutsꞌitꞌen, ꞌinkꞌez ꞌahoolhyiz tsꞌekoo tooꞌ buznidulh whe taznutnai inleꞌ, ꞌinkꞌez ꞌukꞌeltsi neba ꞌalhaꞌ ꞌuntꞌoh-un ꞌet huwa wheni cha neba whuchꞌa oonijoot-un, tsꞌiyawh lhtoh edutsꞌítꞌen. 4Ndunne ꞌudun yun kꞌut whutꞌenne tꞌehonuszun ndet huwa ꞌetsul ꞌahja. ꞋAw ꞌon ꞌun zooduꞌi bubulh lhéꞌtuzilhꞌel. ꞋInkꞌez ꞌaw ꞌon ꞌun lahootꞌoh te bubulh nulheꞌzahtꞌen. ꞋEt huwa hoontsiꞌ kꞌunꞌa nohghu yahalhduk. 5ꞋEt nahiyilh-un ꞌawet lhaduja. Mbene la yaidlane ꞌinkꞌez khunane cha, hibut netidulh buba nahutiyeh ha. Dahitꞌen-un, ꞌet tsꞌiyawh hidutánelh. 6ꞋEt huwa ndunne dahútitsah whutso ꞌenne khuni unzoo-i be bubulh yainduk. ꞋEt whe ntsꞌenꞌa la khunane buba nahutiyeh, ꞌet whuz unꞌa za ꞌenne cha buba nahutiyeh. Yakꞌusda khuna-un, whuz unꞌa buyughi hutinalh.
Ne-eꞌutꞌen be Yakꞌusda uzdólhtiꞌ
7ꞋAwet ndi yun oolatoh nilhdukw suliꞌ. ꞋInka nohnichꞌoh duba whahtnih ꞌinkꞌez ꞌahoolhyiz khahdli. ꞋEt whe la soo tsꞌihꞌun unꞌa tenadoohdli. 8Soo ꞌukꞌenus hooncha-un ꞌuhoontꞌoh. Tube cha lhkꞌeoohsiꞌ. Ntsꞌenꞌa dune tankꞌus nunóhulhꞌen whe nohundulhda de, ꞌet hoontsꞌi whutus bukꞌeoohsiꞌ hubaꞌ hoontꞌoh. 9Nohdzi hoontꞌiꞌ whe dune nohyoh bez tsꞌe tsꞌu daóohzooꞌ. 10ꞋIlhone ꞌahli ndi ndai la Ndoni nohgha íninꞌai-i, ꞌi be lhla oohtꞌen. Ndi Yakꞌusda ye unzoo-i lhat-un lhelhtsꞌun unꞌa nohghantꞌai. ꞋEt whe ꞌuyoonne whe bula whuz unꞌa oohtꞌen. 11Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.
Dzoh nutsꞌuzut-i, ꞌi be Yakꞌusda dótiꞌ
12Ookꞌesiꞌne ꞌuyoonne bugha dzoh nahzut-i, ꞌet whe óolhdzi, ꞌantsꞌi kwun kꞌunꞌa be dáhtni. Nohbulh ꞌet dúhooja de, khun te nohbulh ꞌet ndulhótasnel noohzin junih. 13Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni. 14ꞋEt Christ unidulhne ꞌahli huwa nohodilhtsiꞌ de, ꞌet de soo ꞌukꞌenus hoonzoo-un ꞌudaꞌ nohbulh ꞌúhooja. Yakꞌusda ooyughi ye diztiꞌ-i, ꞌi ꞌilhiz wheni nohbulh ꞌuntꞌoh ꞌet huwa. Ndunne, hichꞌaz yalhduk, ꞌet hoontsꞌi nohni dúlhtiꞌ whuz unꞌa ooghu yalhduk. 15Dudulh dune ughánne, kꞌus ꞌundunutꞌihne, kꞌus tankꞌus ꞌitꞌelhne, kꞌus ꞌuyoonne ꞌahoolhyiz dahóotꞌen buhútni, ꞌenne tsꞌiyawh ꞌet nduntꞌohne, khun te ꞌenne bukꞌunꞌa neꞌóohtꞌen junih. Doo ka si bukꞌunꞌa dzoh nohzut. 16ꞋEt hoontsꞌi ndun Christ ooduneꞌ unline ꞌinkꞌez ꞌet huwa dzoh nuhúzut de, khun hukwaya hooleꞌ junih! ꞋEt kꞌus njan huwa Yakꞌusda hidólhtiꞌ. 17ꞋAwet neba whusahóoltsꞌut, wheni Yakꞌusda ooyoh tsinline, ꞌalhgoh neba nahutiyeh. ꞋEt whenichꞌoh neba nahutiyeh de, ꞌet de ndunne Yakꞌusda ooghuni unzoo-i daja ni hukwa lheꞌnízunne, ꞌenne dahóoneh suba? 18ꞋInkꞌez njan ndutni,
“Tsꞌihꞌun unꞌa ꞌuntꞌohne buba howa whulnaꞌ whe hudutijih de,
Ndunne Yakꞌusda lhodílhtiꞌne
ꞌinkꞌez lubeshi ꞌulhꞌenne,
ꞌenne dahútinelh nahzun?”
19ꞋEt de mbene la Yakꞌusda hikꞌúneꞌ ꞌutꞌenne hukwa dzoh nuhudeh de, ꞌutꞌen unzoo-i ꞌuhoolhꞌen. ꞋEt whuz unꞌa Yakꞌusda hiye khuna-i buba gholeꞌ. ꞋEn ꞌuja tsꞌiyaitsuk ꞌinla ꞌinkꞌez ꞌaw nela dootnih ꞌaitꞌoh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.