Fa‘ata‘oto 1
1
O le Aogā o Fa‘ata‘oto. ‘Ia ‘Alo ‘ese i ē fai Mea Leaga
1O Fa‘ata‘oto a Solomona le atali‘i o Tavita, le tupu o Isaraelu.#1 Tu 4.32; Fa‘ata 10.1; 25.1; Fai 12.9
2‘Ina ‘ia iloa ai le poto ma ‘ia a‘oa‘oina;
‘ia lagona ai ‘upu e atamai ai;
3‘ia maua ai le a‘oa‘oina i le poto ma le amiotonu,
ma le fa‘amasinoga ma le amio sa‘o;#Fa‘ata 2.9
4‘ia avatu ai le fa‘autauta i ē faigofie;
o le poto ma le mafaufau i le taule‘ale‘a.
5E fa‘alogo mai le tagata poto, e tupu ai pea lona poto;
o lē ‘ua mafaufau fo‘i e maua e ia le poto e pule ai;
6e lagona ai le fa‘ata‘oto ma lona fa‘amatalaga;
o ‘upu a ē popoto ma a latou ‘upu lilo.
O Fautuaga i le ‘Autalavou
7O le mata‘u i le ALI‘I, o le amataga lea o le poto;#1.7 o le mata‘u i le Ali‘i…poto: po o O le mea e aupito sili ‘ona tāua i le tagata poto o le iloa lea ma fa‘aaloalo i le Ali‘i.
‘ae ‘ino‘ino tagata vālelea i le poto ma le a‘oa‘oina.#Iopu 28.28; Sala 111.10; Fa‘ata 9.10
8Lo‘u atali‘i e,
fa‘alogo mai ia i le a‘oa‘o atu a lou tamā;
‘aua fo‘i ‘e te tu‘ulafoa‘iina le ‘upu a lou tinā;
9auā e fai ia mea ma pale matagofie i lou ulu,
ma mea e asoa i lou ua.#Kene 41.42; Tani 5.29
10Lo‘u atali‘i e,
‘āfai e fa‘a‘ole‘ole ‘iā te oe tagata agasala,
‘aua ne‘i e usiusita‘i i ai;
11‘āfai latou te fai mai, “Tatou ō; tatou te lamalama i le toto,
‘ia tatou talialaina lē ‘ua fai fua lana amio lelei;
12tatou te foloolaina i latou, e pei o le tu‘ugamau;
‘ia ‘ato‘atoa lava e pei o ē ō ifo i le lua.#Nume 16.32-33
13Tatou te maua ai ‘oloa tāua uma lava;
tatou te fa‘atūtūmu o tatou fale i le vete;
14tatou te fai fa‘atasi la tatou vili;
‘ia tasi se taga tupe ‘iā te i tatou uma.”
15Lo‘u atali‘i e,
‘aua tou te ō i le ala fa‘atasi ma i latou;
tāofi ia ou vae ne‘i ui i lo latou ala;
16Auā ‘ua taufetuli o latou vae i le leaga
ma fa‘ata‘alise e sasa‘a ai le toto.#Isai 59.7; Roma 3.15
17Auā e vae fua le ‘upega a ‘ua iloa e le manulele.
18A o i latou ‘ua lamalama i latou i o latou lava toto;
‘ua latou talialaina i latou ‘iā i latou lava ‘ia oti.
19E fa‘apenā ala o i latou uma o ē matape‘ape‘a i le ‘oloa;
e ‘ave‘eseina ai le ola o ē ‘ua i ai.
O le ‘Alaga a le Poto
20O lo‘o ‘alaga le poto i fafo; ‘ua leo tele i malae.#Fa‘ata 8.1-3
21‘Ua vala‘au o ia i le mea e sili ‘ona ta‘alili ai o tagata,
o faitoto‘a o le ‘a‘ai; ‘ua fai atu ana ‘upu i le ‘a‘ai.
22“O ‘outou e faigofie, tou te loto i le amio faigofie se‘ia afea?
ma ē tauemu, latou te fiafia i le tauemuga se‘ia afea?
ma ē vālelea, latou te ‘ino‘ino i le poto se‘ia afea?
23Liliu mai ia i la‘u a‘oa‘iga; fa‘auta, ‘ou te liligi atu lo‘u Agaga ‘iā te ‘outou;
‘ou te fa‘ailoa atu a‘u ‘upu ‘iā te ‘outou.#Ioe 2.28
24Na ‘ou vala‘au, ‘ae le‘i mafafai ‘outou;
na ‘ou fa‘aloaloa lo‘u lima ‘ae leai sē na fa‘alogo mai;
25na ‘outou te‘ena la‘u pule uma lava ma ‘outou lē mafafai i la‘u a‘oa‘iga;#Sala 81.11; Luka 7.30
26o le mea lea, ‘ou te ‘ata ai a‘u i lo ‘outou malaia;
‘ou te tauemu pe a o‘o mai lo ‘outou fefe;
27pe a o‘o mai lo ‘outou fefe pei se afā,
pe a o‘o mai fo‘i lo ‘outou malaia pei se asiosio;
pe a o‘o mai ‘iā te ‘outou le puapuagā ma le atuatuvale.
28‘Ona latou vala‘au mai ai lea ‘iā te a‘u,
a o a‘u, ‘ou te lē tali atu ai; latou te sā‘ili‘ili mai ‘iā te a‘u,
‘ae latou te lē maua a‘u.#1 Samu 8.18; Mika 3.4
29Na latou ‘ino‘ino i le poto;
‘ua latou le mana‘o fo‘i i le mata‘u i le ALI‘I;
30na latou lē mafafai i la‘u pule;
‘ua latou ‘ino‘ino i la‘u a‘oa‘iga uma lava;#Sala 107.11
31o le mea lava lea latou te ‘a‘ai ai i le fua o a latou amio;
e mā‘o‘ona fo‘i i latou ‘iā latou togafiti.
32Auā o le liliu ‘ese o ē faigofie e fasiotia ai i latou;
o le nofo fa‘atalanoa o ē vālelea e fano ai i latou.#Iere 2.19
33A o lē fa‘alogo mai ‘iā te a‘u, e nofo o ia ma le fīfīlemū;
e filemū o ia, e lē fefe i se mea leaga.”#Sala 25.13; 112.7
Currently Selected:
Fa‘ata‘oto 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.