Iutita 1
1
O le Fia Pule o Nepukanesa i Nu‘u uma o le Itū i Sisifo
1O lenei, o Afasata, le tupu o tagata Metai, sa na fa‘atū lana pule i nu‘u e tele, ma ‘ua na atiina a‘e le ‘a‘ai matuā malosi ‘ua na fa‘aigoa ‘iā Epatana; 2‘ua na atiina a‘e i ni ma‘a talai fa‘atafafā: ‘ua na faia le vali o le ‘a‘ai e fitu sefulu tulilima lona maualuga; ‘ae tolu sefulu tulilima lona lautele; a o ‘olo ‘ua atiina a‘e ai, e ta‘i selau tulilima le maualuga. 3O ‘olo fa‘atafafā e tusa ma le lua sefulu futu le lautele o itū ta‘itasi; ma ‘ua fau ai o faitoto‘a, fa‘atatau ma le maualuga o ‘olo. 4Ma ‘ua mitamita o ia fa‘atagata malosi i le malosi o ana ‘au ma le tele anoanoa‘i o ana kariota.
5O lenei, o lona sefulu ma le lua o tausaga o lana nofoa‘iga na tau ai ma Afasata o Nepukanesa, le tupu o Nineva, le ‘a‘ai tele ma ‘ua na fa‘ato‘ilaloina o ia, 6i le fanua laulelei ma le lautele sa igoa ‘iā Rakau, i le ‘auvai o le Eufirate ma le Tikera ma le Hutase, i le fanua fo‘i o Arioka; le tupu o tagata Elumai.
7‘Ona fa‘amamaluina lea le pule a Nepukanesa ma ‘ua fa‘amaualugaina lona loto ma ‘ua ia ‘auina atu ana savali ‘iā te i latou uma sa nonofo i Kilikia ma Tamaseko ma Lepanona, 8‘atoa fo‘i ma nu‘u ‘ua i Karamelu ma Kitara ma ē mau i Kalilaia, i le fanua tele o Eserelona. 9O i latou uma fo‘i ‘ua i Samaria, i tala atu fo‘i o le Ioritana e o‘o atu i Ierusalema, ma le fanua ‘atoa uma o Iese e o‘o atu i tuā‘oi o Aitiope. 10O i latou uma ia na ‘auina atu i ai ana savali e Nepukanesa le tupu o tagata Asuria. 11‘Ae na tete‘e atu i ai ma le lotogatasi e i latou uma ia ma ‘ua latou aufuaina ana savali ma tuli ‘iā te i latou ma le lē migao. 12‘Ona ita ai lea o le tupu o Nepukanesa i le lau‘ele‘ele ‘atoa lenā, ‘ua tautō i lona nofoāli‘i ma lona mālō, na te taui atu ma sui i nu‘u uma ia.
Currently Selected:
Iutita 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.