Sapakuka 1
1
O le Tete‘e a Sapakuka i le Faimealetonu
1O le avega na va‘aia e le perofeta o Sapakuka.#Nau 1.1
2Le ALI‘I e, ‘ou te vala‘au se‘ia afea, a ‘e te lē fa‘afofoga mai; ‘ou te ‘alaga atu ‘iā te oe ‘ona o le “sauāga,” a ‘e te lē fa‘aola mai? 3Se a ‘ea le mea ‘ua e fa‘aali mai ai ‘iā te a‘u le amio leaga ma e silasila i le puapuagā? E i o‘u luma le fa‘atafunaina ma le sauā, e i ai fo‘i le fefinaua‘iga ma le fa‘atupuina o le misa.#Iere 9.2-6 4O le mea lea ‘ua fa‘alēaogāina ai le tulafono, ‘ua lē faia fo‘i le fa‘amasinoga fa‘amaoni; auā ‘ua si‘osi‘oina lē ‘ua amiotonu e lē ‘ua amio leaga, o le mea lea ‘ua fai ai le fa‘amasinoga fa‘api‘opi‘o.#Iere 12.1; Mika 7.3
O le Tali mai a le Ali‘i
5‘Ia ‘outou va‘ai atu i nu‘u ‘ese ma ‘ia ‘outou iloa ma ia matuā taufaiofo lava; auā ‘ou te faia se galuega i ona aso o ‘outou, e ui lava ‘ina talaina atu, tou te lē talitonu ai lava.#Galu 13.41 6Auā fa‘auta, ‘ou te lagaina Kaletaia, o le nu‘u sauā ma le tele vavave, o lo‘o latou ō atu i le lautele o le lalolagi, e fai mo latou o mea e nonofo ai, ‘ae lē ni o latou nu‘u.#2 Tu 24.2 7O i latou e mata‘utia ma le fefefe i ai o tagata; e tupu mai ‘iā te i latou lava lo latou fa‘amasinoga ma lo latou mamalu.
8E sili ‘ona tele vavave fo‘i a latou solofanua i nameri, e sili ‘ona fe‘ai fo‘i i luko i le afiafi; e fa‘alialia fo‘i a latou ‘au e ti‘eti‘e i solofanua, o a latou ‘au fo‘i e ti‘eti‘e i solofanua e ō mai i le mea mamao; latou te felelei pei o aeto e tele vavave e ‘a‘ai ai.#Teu 28.49; Iere 4.13; 5.6
9Latou te o uma mai ‘ina ‘ia sauā; o le fa‘asaga mai o latou mata e pei o le matagi mai sasa‘e; latou te fa‘apotopotoina tagata o tau‘a e pei o le oneone. 10Latou te tauemu i tupu, latou te tapisa fo‘i i tamaali‘i; latou te tapisa i ‘olo uma, auā latou te tanu ai le ‘ele‘ele ma latou ā‘ea.#Eseki 4.2 11‘Ona atili naunau ai lea o i latou, ‘ona latou ō atu lea ma latou nofo sala ai, o lo‘o fa‘apea ane, o lo latou malosi lea i lo latou atua.
O le Tagi a Sapakuka i le Ali‘i
12Le ALI‘I e, lo‘u Atua, le Pa‘ia e, ‘e te lē mai le fa‘avavau ‘ea? matou te le oti; le ALI‘I e, ‘ua e tu‘u ‘iā te i latou e fa‘ao‘o ai sala, le Papa e, ‘ua e tofia i latou e fai ai a‘oa‘iga.#Teu 32.4; 33.27; Sala 90.2; 93.2; Isai 10.5-7; Mala 3.6 13E sili ‘ona manino ou fofoga, ‘e te lē fia silasila i le amio leaga, e lē mafai fo‘i ‘ona e silasila i le agasala; se a ‘ea le mea ‘e te silasila ai i ē o fai amio fa‘a‘ole‘ole, ma ē le fetalai ‘ina o fasioti o le tagata agasala le tagata e sili ‘ona amiotonu ‘iā te ia?
14Ma ē faia tagata ‘ia pei o i‘a o le sami, pei o mea fetolofi, e leai so latou faipule? 15‘Ua latou ‘ava‘e ‘iā te i latou uma i le mātau, ‘ua aofia i latou i le latou ‘upega, ‘ua tāena‘i fo‘i ‘iā te i latou i lo latou tu‘i; o le mea lea ‘ua latou fiafia ai ma ‘ua mitamita lava.#Iere 16.16 16O le mea lea latou te fai ai taulaga i lo latou ‘upega, latou te fa‘amū ai fo‘i mea manogi i lo latou tu‘i; auā o ia mea e lelei ai a latou mea ‘ua maua, e lololo ai fo‘i a latou mea e ‘ai.#Sapa 1.11
17O le mea ‘ea lea latou te sasa‘a atu ai lo latou ‘upega ma le lē mapu ‘ona fasioti pea lava i atu nu‘u?
Currently Selected:
Sapakuka 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.