Topita 2
2
O le Faigā‘ai Fa‘ale‘āiga
1‘Ua mavae atu mea ia, ‘ua o‘o i le tausamiga o vaisapati, ‘ua saunia le faigā‘ai lelei i le fale o Topita, 2‘ona ia fai atu lea i lona atali‘i: ‘Inā alu ia ma ‘aumai ia ni isi o lo tatou itū‘āiga, o ē matata‘u i le Ali‘i, se‘i ‘a‘ai fa‘atasi ma i tatou.
O le Oti i Nineva
3‘Ua alu, ‘ae toe fo‘i mai e ta‘u mai ‘iā te ia o lo‘o ta‘atia i le malae le tasi o le fānau a Isaraelu ‘ua fasiotia. ‘Ona ia oso ‘ese loa lea i lona ta‘otoga, ‘ua tu‘u le ‘aiga ma o‘o atu, o matelaina, i le tino oti.
4‘Ona ia tago lea i ai ma ‘ua tau‘ave fa‘ananā i lona fale, ‘ina ‘ia tanu ‘iā te ia ma le fa‘aeteete pe a goto le la. 5‘Ua na fa‘ananā le tino, ‘ona ‘ai lea ana mea e ‘ai ma le tagi ma le tetemū, 6o manatu i le ‘upu na fetalai ai le Ali‘i i le perofeta o Amosa: #Amo 8.10
‘Ou te liu i fa‘anoanoaga
a ‘outou tausamiga,
‘ou te liliu fo‘i o ‘outou
pese uma i auega.
7A ‘ua o‘o ‘ina goto le lā, ‘ona alu lea e tanu ‘iā te ia. 8Sa a‘oa‘i ‘iā te ia o ē uma ‘ua latou tuā‘oi, o fa‘apea atu: O lenei ‘ua uma ‘ona poloa‘iina ‘ia fasiotia oe ‘ona o lea mea, toetoe a e lē ‘alo ‘ese i le pule a le oti, a ‘e te toe tanu fo‘i i ē ‘ua oti.
9A o Topita, ‘ua tele lona mata‘u i le Atua ‘ae itiiti i le tupu, sa na faoa o tino o ē na fasiotia, sa nanā i lona fale, ‘ae tanu i latou i le tautuluaga o le po.
‘Ua Tauaso o Topita
10‘Ua o‘o atu i le tasi aso, na toe fo‘i atu i lona fale, ‘ua vaivai lona tino i tanuga, na ia ta‘oto i tala ane o le pavali, ‘ona moe ai lea. 11A o le ōfaga o pe‘ape‘a na pa‘u‘ū mai ai ni otaota vevela i ona mata, a o moe o ia, ‘ona tauaso ai lea. 12Na finagalo le Atua ‘ia o‘o atu ‘iā te ia lenei tofotofoga ‘ina ‘ia tu‘uina i ē amulī le fa‘aa‘oa‘o o lona ‘onosa‘i, e pei o Iopu le tagata pa‘ia.
13Auā na mata‘u pea lava o ia i le Atua e āfua i lona tamaitiiti ma tausi i ana poloa‘iga, o lea ‘ua lē tigā lona loto i le Atua ‘ona ‘ua o‘o ‘iā te ia le ma‘i o le tauaso.
14A ‘ua mautū i le mata‘u i le Atua ma le lē fa‘agae‘etia, o fa‘afetai atu i le Atua i aso uma o lona ola. 15Auā e pei ‘ona tauemu o tupu i le tagata pa‘ia o Iopu, sa fa‘apea fo‘i ‘ona tauemu i lona olaga o ona ‘āiga ma ē sa latou masani, o fa‘apea mai: 16O ifea ‘ea lou fa‘amoemoe sa e faia ai o mea alofa ma e tanu ai o tagata oti? 17A o Topita sa a‘oa‘i ‘iā te i latou o fa‘apea atu: ‘Aua le fa‘apenā a ‘outou ‘upu; 18auā o le fānau i tatou a le ‘au pa‘ia, i le ‘ua tatou fa‘atalitali i le ola lenā o le a foa‘iina e le Atua ‘iā te i latou ‘ua lē aumavae lava lo latou fa‘alagolago ‘iā te ia.
O le Fe‘ese‘esega o le ‘Āiga
19A o Ana lana avā, sa alu i aso uma i le galuega o le lalaga ma ‘ua ‘aumai o mea e ‘ai sa mafai ‘ona ia maua i le galuega a ona lima. 20O le mea lea na ala ai ‘ona talia e ia le tama‘i ‘oti ma ‘ua ta‘ita‘i mai i lo latou ‘āiga. 21Na fa‘alogo lana tane i le leo o le tama‘i ‘oti o lo‘o tagi, ‘ona fa‘apea atu lea: ‘Inā va‘ava‘ai ia ‘oulua, po o se mea na gaoia ‘ea lenā; ‘ia toe momoli atua i ē pule i ai, auā e lē taga ‘iā i tatou i le ‘ai po o le tāofi se mea na gaoia.
22‘Ona tali mai lea i ai o lona to‘alua ma le ita: ‘Ua mautinoa nei ‘ua fai fua lou fa‘amoemoe, ‘ua aliali mai nei lava o fua o au mea alofa! #Iopu 2.9 23Ma ‘ua fa‘amasiasi ‘iā te ia i ‘upu lava ia ma ni isi ‘upu fa‘apenā.
Currently Selected:
Topita 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Topita 2
2
O le Faigā‘ai Fa‘ale‘āiga
1‘Ua mavae atu mea ia, ‘ua o‘o i le tausamiga o vaisapati, ‘ua saunia le faigā‘ai lelei i le fale o Topita, 2‘ona ia fai atu lea i lona atali‘i: ‘Inā alu ia ma ‘aumai ia ni isi o lo tatou itū‘āiga, o ē matata‘u i le Ali‘i, se‘i ‘a‘ai fa‘atasi ma i tatou.
O le Oti i Nineva
3‘Ua alu, ‘ae toe fo‘i mai e ta‘u mai ‘iā te ia o lo‘o ta‘atia i le malae le tasi o le fānau a Isaraelu ‘ua fasiotia. ‘Ona ia oso ‘ese loa lea i lona ta‘otoga, ‘ua tu‘u le ‘aiga ma o‘o atu, o matelaina, i le tino oti.
4‘Ona ia tago lea i ai ma ‘ua tau‘ave fa‘ananā i lona fale, ‘ina ‘ia tanu ‘iā te ia ma le fa‘aeteete pe a goto le la. 5‘Ua na fa‘ananā le tino, ‘ona ‘ai lea ana mea e ‘ai ma le tagi ma le tetemū, 6o manatu i le ‘upu na fetalai ai le Ali‘i i le perofeta o Amosa: #Amo 8.10
‘Ou te liu i fa‘anoanoaga
a ‘outou tausamiga,
‘ou te liliu fo‘i o ‘outou
pese uma i auega.
7A ‘ua o‘o ‘ina goto le lā, ‘ona alu lea e tanu ‘iā te ia. 8Sa a‘oa‘i ‘iā te ia o ē uma ‘ua latou tuā‘oi, o fa‘apea atu: O lenei ‘ua uma ‘ona poloa‘iina ‘ia fasiotia oe ‘ona o lea mea, toetoe a e lē ‘alo ‘ese i le pule a le oti, a ‘e te toe tanu fo‘i i ē ‘ua oti.
9A o Topita, ‘ua tele lona mata‘u i le Atua ‘ae itiiti i le tupu, sa na faoa o tino o ē na fasiotia, sa nanā i lona fale, ‘ae tanu i latou i le tautuluaga o le po.
‘Ua Tauaso o Topita
10‘Ua o‘o atu i le tasi aso, na toe fo‘i atu i lona fale, ‘ua vaivai lona tino i tanuga, na ia ta‘oto i tala ane o le pavali, ‘ona moe ai lea. 11A o le ōfaga o pe‘ape‘a na pa‘u‘ū mai ai ni otaota vevela i ona mata, a o moe o ia, ‘ona tauaso ai lea. 12Na finagalo le Atua ‘ia o‘o atu ‘iā te ia lenei tofotofoga ‘ina ‘ia tu‘uina i ē amulī le fa‘aa‘oa‘o o lona ‘onosa‘i, e pei o Iopu le tagata pa‘ia.
13Auā na mata‘u pea lava o ia i le Atua e āfua i lona tamaitiiti ma tausi i ana poloa‘iga, o lea ‘ua lē tigā lona loto i le Atua ‘ona ‘ua o‘o ‘iā te ia le ma‘i o le tauaso.
14A ‘ua mautū i le mata‘u i le Atua ma le lē fa‘agae‘etia, o fa‘afetai atu i le Atua i aso uma o lona ola. 15Auā e pei ‘ona tauemu o tupu i le tagata pa‘ia o Iopu, sa fa‘apea fo‘i ‘ona tauemu i lona olaga o ona ‘āiga ma ē sa latou masani, o fa‘apea mai: 16O ifea ‘ea lou fa‘amoemoe sa e faia ai o mea alofa ma e tanu ai o tagata oti? 17A o Topita sa a‘oa‘i ‘iā te i latou o fa‘apea atu: ‘Aua le fa‘apenā a ‘outou ‘upu; 18auā o le fānau i tatou a le ‘au pa‘ia, i le ‘ua tatou fa‘atalitali i le ola lenā o le a foa‘iina e le Atua ‘iā te i latou ‘ua lē aumavae lava lo latou fa‘alagolago ‘iā te ia.
O le Fe‘ese‘esega o le ‘Āiga
19A o Ana lana avā, sa alu i aso uma i le galuega o le lalaga ma ‘ua ‘aumai o mea e ‘ai sa mafai ‘ona ia maua i le galuega a ona lima. 20O le mea lea na ala ai ‘ona talia e ia le tama‘i ‘oti ma ‘ua ta‘ita‘i mai i lo latou ‘āiga. 21Na fa‘alogo lana tane i le leo o le tama‘i ‘oti o lo‘o tagi, ‘ona fa‘apea atu lea: ‘Inā va‘ava‘ai ia ‘oulua, po o se mea na gaoia ‘ea lenā; ‘ia toe momoli atua i ē pule i ai, auā e lē taga ‘iā i tatou i le ‘ai po o le tāofi se mea na gaoia.
22‘Ona tali mai lea i ai o lona to‘alua ma le ita: ‘Ua mautinoa nei ‘ua fai fua lou fa‘amoemoe, ‘ua aliali mai nei lava o fua o au mea alofa! #Iopu 2.9 23Ma ‘ua fa‘amasiasi ‘iā te ia i ‘upu lava ia ma ni isi ‘upu fa‘apenā.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.