Sirako 4
4
O le Alofa i ē Matitiva
1Lo‘u atali‘i e, ‘aua ‘e te fa‘afiti ‘ona avatu le mea alofa i lē ‘ua mativa,
‘aua ne‘i ‘alo ‘ese ou mata i lē ‘ua tigāina.
2‘Aua ‘e te fa‘atigā i le loto o lē ‘ua fia ‘ai,
‘aua fo‘i ‘e te fa‘a‘ono‘ono i le tagata mativa i lona puapuagā.
3‘Aua ‘e te fa‘ataugā i le loto o lē ‘ua puapuagātia,
‘aua ‘e te fa‘atuai ‘ona foa‘i atu i lē ‘ua tigāina. #Fa‘ata 3.27-28
4‘Aua ‘e te te‘ena le tagi a lē ‘ua puapuagātia,
‘aua fo‘i le ‘alo ‘ese ou mata i le tagata mativa.
5‘Aua ne‘i ‘alo ‘ese ou mata i lē ‘ua puapuagāina, ‘ina ne‘i ita ai o ia;
‘āfai na ole mai ‘iā te oe, ‘aua ‘e te tu‘u atu i ai se ala e fetu‘u ai ‘iā te oe i ou tua.
6Auā ‘āfai ‘ua na fetu‘u ‘iā te oe i le tigā o lona loto, e talia lava lana tagi,
e fa‘afofogaina o ia e lē ‘ua na faia o ia. #Eso 22.23; Teu 15.9
7‘Ia e mata fiafia i le fa‘apotopotoga o ē matitiva;
‘ia e faulalo lou loto i luma o le toeaina ma ‘ia punou lou ulu i luma o lē mamalu.
8‘Ia ua‘i atu ou taliga ma le loto lelei i le tagata mativa,
‘ia e avatu ‘iā te ia le mea e tatau ai ma ‘ia e tali atu ‘iā te ia ma le agamalū i ni ‘upu fa‘afiafia.
9‘Ia e lavea‘i i lē ‘ua puapuagātia mai le lima o le tagata fa‘amaualuga,
‘aua fo‘i le ‘o‘ona lou loto pe ā fai au fa‘amasinoga. #Iopu 29.15-17
10‘Ia e agaalofa, e pei o se tamā, i ē matua oti,
‘ia pei o se to‘alua oe mo lo latou tinā,
11e ‘avea ai oe e pei o se atali‘i usita‘igofie o le Silisili‘ese,
e sili ai lona alofa ‘iā te oe i lo lou tinā. #Sala 41.1-3; Luka 6.35; Ioane 14.21, 23
O le Poto e fa‘apei o se Faia‘oga
12O le poto, e manava atu o ia i lana fānau le mānavaga ola,
e talia fo‘i e ia o i latou e sā‘ili ‘iā te ia,
e muamua ‘iā te i latou i le ala o le amiotonu.
13O lē naunau ‘iā te ia, e naunau o ia i le ola;
o ē alausu ‘iā te ia, e ‘oli‘oli i latou i lona agamālie. #Fa‘ata 3.16-18; Poto 8.17-18
14O ē fufusi ‘iā te ia, latou te mau tofi i le ola,
e fa‘amanuia e le Atua mea uma e ulufale ai o i latou.
15O ē ‘au‘auna atu ‘iā te ia, e ‘au‘auna i latou i lē ‘ua pa‘ia;
o ē alolofa ‘iā te ia, e alofagia i latou e le Atua. #Ioane 14.21
16O lē fa‘alogo ‘iā te ia, e fa‘amasino o ia i nu‘u ‘ese;
o lē tepa ‘iā te ia, e mautū ai o ia ma le saogalemū.
17O lē fa‘alagolago i le poto e mau tofi lava i ai o ia,
e fa‘amausalīina ai fo‘i o lana fānau,
18auā e savali fa‘atasi ma ia i le tofotofoga ma ‘ua mua‘i filifili ‘iā te ia. #Mata 7.14
19Na te fa‘atupu i lona loto le fefe ma le mata‘u ma le fa‘aosoosoga,
na te fa‘atigā ‘iā te ia i le ala faigatā o lana a‘oa‘oga,
se‘ia o‘o ‘ina su‘esu‘eina e ia ona manatu ma ‘ua fa‘atuatua i ai o lona agaga.
20‘Ona fa‘amausalī ai lea ‘iā te ia ma fa‘afetaia‘i ‘iā te ia i le ala tonu ma fa‘afiafia ai ‘iā te ia.
21Na te fa‘aali tino ‘iā te ia o ana ‘upu lilo ma fa‘aputu i lona loto ‘oloa o le poto ma le malamalama o le amiotonu. #Iopu 11.6; Tani 2.21-22; Ioane 15.15
22Peita‘i, ‘āfai ‘ua savali sesē le tagata, e tu‘ulafoa‘iina o ia e le poto,
‘ae tu‘uina o ia i lima o lona fili.
O le Lotomau
23‘Ia e fa‘aaogāina o itū aso uma ma ‘ia e ‘alo ‘ese i le leaga.
24‘Aua ‘e te mā i tautala i le ‘upu moni, ‘ina ‘ia lelei ai lou agaga.
25Auā e i ai le māsiasi e tupu a‘i le agasala;
e i ai ma le māsiasi e tupu a‘i le mamalu ma le ta‘uleleia. #Sira 20.24
26‘Aua ‘e te fa‘ailogaina se tagata, ne‘i tupu ai se faigatā mo lou agaga,
‘aua fo‘i ‘e te tala pepelo ne‘i leaga ai lou atamai.
27‘Aua ‘e te poipoi i lou uso pe ‘āfai ‘ua agasala o ia.
28‘Aua fo‘i ‘e te manumanu i sau ‘upu i le itū aso e aogā ai ‘iā te ia.
‘Aua ‘e te nanā lou poto i lona matagofie.
29Auā e ‘iloga le poto i le tautala; ‘ua aliali le mau manatu ma le atamai ma le a‘oa‘oga i le ‘upu a le tagata mafaufau,
e aliali le loto malosi i galuega o le amiotonu.
30‘Aua lava ‘e te ‘upu ‘ese i le mea moni,
a ‘ia e māsiasi i le ‘upu pepelo ‘ua e faia i lou valea.
31‘Aua ‘e te mā i ta‘uta‘u au agasala, ‘aua fo‘i ‘e te agasala ‘ona o le fia usita‘i i se tasi. #Levi 5.5; Nume 5.7; 1 Tu 21.27-29
32‘Aua ‘e te fa‘afiti ‘ona fa‘aaloalo i le tagata mamalu,
‘aua ‘e te fia malō i le vai ‘ua tafe malosi.
33‘Ia e puipui i le amiotonu, ‘ina ‘ia sao ai lou agaga;
‘ia e tau le tau‘a mo le amio tonu se‘ia o‘o i le oti;
‘ona tau ai lea le Atua mo oe ma fa‘ato‘ilalo ou fili.
34‘Aua ‘e te ta‘alise i lau tautala, ‘ae paiē ma le fa‘atalalē i au amioga. #1 Ioane 3.18
35‘Aua le ‘avea oe e pei o se leona i totonu o lou ‘āiga,
o fa‘asapisapi i lou ‘au‘āiga ma fa‘asauā ‘iā i latou e i lalo o lau pule.
36‘Aua le lima fālō i le fia maua mai, ‘ae limavale i le foa‘i atu. #Galu 20.35
Currently Selected:
Sirako 4: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Sirako 4
4
O le Alofa i ē Matitiva
1Lo‘u atali‘i e, ‘aua ‘e te fa‘afiti ‘ona avatu le mea alofa i lē ‘ua mativa,
‘aua ne‘i ‘alo ‘ese ou mata i lē ‘ua tigāina.
2‘Aua ‘e te fa‘atigā i le loto o lē ‘ua fia ‘ai,
‘aua fo‘i ‘e te fa‘a‘ono‘ono i le tagata mativa i lona puapuagā.
3‘Aua ‘e te fa‘ataugā i le loto o lē ‘ua puapuagātia,
‘aua ‘e te fa‘atuai ‘ona foa‘i atu i lē ‘ua tigāina. #Fa‘ata 3.27-28
4‘Aua ‘e te te‘ena le tagi a lē ‘ua puapuagātia,
‘aua fo‘i le ‘alo ‘ese ou mata i le tagata mativa.
5‘Aua ne‘i ‘alo ‘ese ou mata i lē ‘ua puapuagāina, ‘ina ne‘i ita ai o ia;
‘āfai na ole mai ‘iā te oe, ‘aua ‘e te tu‘u atu i ai se ala e fetu‘u ai ‘iā te oe i ou tua.
6Auā ‘āfai ‘ua na fetu‘u ‘iā te oe i le tigā o lona loto, e talia lava lana tagi,
e fa‘afofogaina o ia e lē ‘ua na faia o ia. #Eso 22.23; Teu 15.9
7‘Ia e mata fiafia i le fa‘apotopotoga o ē matitiva;
‘ia e faulalo lou loto i luma o le toeaina ma ‘ia punou lou ulu i luma o lē mamalu.
8‘Ia ua‘i atu ou taliga ma le loto lelei i le tagata mativa,
‘ia e avatu ‘iā te ia le mea e tatau ai ma ‘ia e tali atu ‘iā te ia ma le agamalū i ni ‘upu fa‘afiafia.
9‘Ia e lavea‘i i lē ‘ua puapuagātia mai le lima o le tagata fa‘amaualuga,
‘aua fo‘i le ‘o‘ona lou loto pe ā fai au fa‘amasinoga. #Iopu 29.15-17
10‘Ia e agaalofa, e pei o se tamā, i ē matua oti,
‘ia pei o se to‘alua oe mo lo latou tinā,
11e ‘avea ai oe e pei o se atali‘i usita‘igofie o le Silisili‘ese,
e sili ai lona alofa ‘iā te oe i lo lou tinā. #Sala 41.1-3; Luka 6.35; Ioane 14.21, 23
O le Poto e fa‘apei o se Faia‘oga
12O le poto, e manava atu o ia i lana fānau le mānavaga ola,
e talia fo‘i e ia o i latou e sā‘ili ‘iā te ia,
e muamua ‘iā te i latou i le ala o le amiotonu.
13O lē naunau ‘iā te ia, e naunau o ia i le ola;
o ē alausu ‘iā te ia, e ‘oli‘oli i latou i lona agamālie. #Fa‘ata 3.16-18; Poto 8.17-18
14O ē fufusi ‘iā te ia, latou te mau tofi i le ola,
e fa‘amanuia e le Atua mea uma e ulufale ai o i latou.
15O ē ‘au‘auna atu ‘iā te ia, e ‘au‘auna i latou i lē ‘ua pa‘ia;
o ē alolofa ‘iā te ia, e alofagia i latou e le Atua. #Ioane 14.21
16O lē fa‘alogo ‘iā te ia, e fa‘amasino o ia i nu‘u ‘ese;
o lē tepa ‘iā te ia, e mautū ai o ia ma le saogalemū.
17O lē fa‘alagolago i le poto e mau tofi lava i ai o ia,
e fa‘amausalīina ai fo‘i o lana fānau,
18auā e savali fa‘atasi ma ia i le tofotofoga ma ‘ua mua‘i filifili ‘iā te ia. #Mata 7.14
19Na te fa‘atupu i lona loto le fefe ma le mata‘u ma le fa‘aosoosoga,
na te fa‘atigā ‘iā te ia i le ala faigatā o lana a‘oa‘oga,
se‘ia o‘o ‘ina su‘esu‘eina e ia ona manatu ma ‘ua fa‘atuatua i ai o lona agaga.
20‘Ona fa‘amausalī ai lea ‘iā te ia ma fa‘afetaia‘i ‘iā te ia i le ala tonu ma fa‘afiafia ai ‘iā te ia.
21Na te fa‘aali tino ‘iā te ia o ana ‘upu lilo ma fa‘aputu i lona loto ‘oloa o le poto ma le malamalama o le amiotonu. #Iopu 11.6; Tani 2.21-22; Ioane 15.15
22Peita‘i, ‘āfai ‘ua savali sesē le tagata, e tu‘ulafoa‘iina o ia e le poto,
‘ae tu‘uina o ia i lima o lona fili.
O le Lotomau
23‘Ia e fa‘aaogāina o itū aso uma ma ‘ia e ‘alo ‘ese i le leaga.
24‘Aua ‘e te mā i tautala i le ‘upu moni, ‘ina ‘ia lelei ai lou agaga.
25Auā e i ai le māsiasi e tupu a‘i le agasala;
e i ai ma le māsiasi e tupu a‘i le mamalu ma le ta‘uleleia. #Sira 20.24
26‘Aua ‘e te fa‘ailogaina se tagata, ne‘i tupu ai se faigatā mo lou agaga,
‘aua fo‘i ‘e te tala pepelo ne‘i leaga ai lou atamai.
27‘Aua ‘e te poipoi i lou uso pe ‘āfai ‘ua agasala o ia.
28‘Aua fo‘i ‘e te manumanu i sau ‘upu i le itū aso e aogā ai ‘iā te ia.
‘Aua ‘e te nanā lou poto i lona matagofie.
29Auā e ‘iloga le poto i le tautala; ‘ua aliali le mau manatu ma le atamai ma le a‘oa‘oga i le ‘upu a le tagata mafaufau,
e aliali le loto malosi i galuega o le amiotonu.
30‘Aua lava ‘e te ‘upu ‘ese i le mea moni,
a ‘ia e māsiasi i le ‘upu pepelo ‘ua e faia i lou valea.
31‘Aua ‘e te mā i ta‘uta‘u au agasala, ‘aua fo‘i ‘e te agasala ‘ona o le fia usita‘i i se tasi. #Levi 5.5; Nume 5.7; 1 Tu 21.27-29
32‘Aua ‘e te fa‘afiti ‘ona fa‘aaloalo i le tagata mamalu,
‘aua ‘e te fia malō i le vai ‘ua tafe malosi.
33‘Ia e puipui i le amiotonu, ‘ina ‘ia sao ai lou agaga;
‘ia e tau le tau‘a mo le amio tonu se‘ia o‘o i le oti;
‘ona tau ai lea le Atua mo oe ma fa‘ato‘ilalo ou fili.
34‘Aua ‘e te ta‘alise i lau tautala, ‘ae paiē ma le fa‘atalalē i au amioga. #1 Ioane 3.18
35‘Aua le ‘avea oe e pei o se leona i totonu o lou ‘āiga,
o fa‘asapisapi i lou ‘au‘āiga ma fa‘asauā ‘iā i latou e i lalo o lau pule.
36‘Aua le lima fālō i le fia maua mai, ‘ae limavale i le foa‘i atu. #Galu 20.35
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.