Roma 9
9
O le Alofa o le Atua ‘ua Filifilia ai ma Fa‘aolaina ai Tagata
1O le ‘upu moni ‘ou te fai atu ai i luma o Keriso, ‘ou te lē pepelo, ‘ua molimau mai ‘iā te a‘u lo‘u loto fuatia ifo i le Agaga Pa‘ia, 2le tele lo‘u fa‘anoanoa, e lē aunoa fo‘i le puapuagā o lo‘u loto; 3auā ‘ou te mafaia ‘ona fia anatema o a‘u ‘ia te‘a ma Keriso e sui a‘i o‘u uso, o lo‘u ‘āiga i la le tino;#Eso 32.32 4o sā Isaraelū i latou, o tamafai i latou ‘ua i ai fo‘i le mamalu, ma feagaiga ma sauniga o le tulafono, ma le tapua‘iga ma ‘upu na folafolaina;#Eso 4.22; Teu 7.6; 14.1-2 5o ‘iā te i latou tupuga, mai ‘iā te i latou fo‘i le Keriso i la le tino, o lē pule aoao ia, o le Atua e vi‘ia e fa‘avavau. Amene.#Roma 1.25; Mata 1.1; Luka 3.23; Ioane 1.1
6‘Ae lē peiseaī ‘ua i‘u vale le afioga a le Atua; auā o tagata mai ‘iā Isaraelu, e lē o Isaraelu i latou uma lava;#Roma 2.28; Nume 23.19 7e lē o le fānau fo‘i i latou uma auā na tupu mai ‘iā Aperaamo i latou, ‘ae fa‘apea mai, “E vala‘auina lau fānau ‘iā Isaako.”#Kene 21.12 8O lona uiga lenei, o le fānau a le tino e lē o le fānau a le Atua i latou; ‘ae peita‘i o le fānau o i le ‘upu ‘ua folafolaina, e ta‘ua i latou o le fānau.#Kala 4.23 9Auā o lenei le ‘upu na folafolaina, “E fa‘apenā i le la tausaga, ‘ou te sau ai, o maua fo‘i e Sara sana tama tane.”#Kene 18.10
10E lē na o lea, a ‘ua tō fo‘i Repeka i le tasi, o lo matou tamā o Isaako lea;#Kene 25.21 11a o le‘i fānau mai ana tama, a o le‘i fai fo‘i e i lā‘ua se mea lelei, po o se mea leaga, ‘ina ‘ia tumau le finagalo o le Atua i la le filifiliga, e lē ‘ona o galuega, a ‘ona o lē na vala‘au mai, 12na fetalai atu ‘iā te ia, “E ‘au‘auna ulumatua i le ui‘i.”#Kene 25.23 13Pei ‘ona tusia, “‘Ua ‘ou alofa ia Iakopo, a ‘ua ‘ou ‘ino‘ino ‘iā Esau.”#Mala 1.2, 3
14O lenei, se a ‘ea sa tatou ‘upu? O i le Atua ‘ea le amioletonu? ‘Aua ne‘i fa‘apea. 15Auā na ia fetalai atu ia Mose, “‘Ou te alofa atu i lē ‘ou te fia alofa atu i ai, ‘ou te alofa mutimutivale fo‘i i lē ‘ou te fia alofa mutimutivale i ai.”#Eso 33.19 16O lenei, e lē mai lē ‘ua mana‘o, o lē mai lē ‘ua tausiniō, ‘ae mai le Atua o lē alofa mai. 17Auā ‘ua fa‘apea mai le Tusi ‘iā Farao, “O lenei lava le mea ‘ua ‘ou fa‘atū ai ‘iā te oe, ‘ina ‘ia ‘ou fa‘aalia lo‘u mana ‘iā te oe, ‘ina ‘ia ta‘ua fo‘i lo‘u igoa i le lalolagi uma lava.” 18O lenei, e alofa ia i lē ‘ua ia finagalo i ai; ‘ae fa‘ama‘a‘a e ia i lē ‘ua ia finagalo i ai.#Eso 4.21; 7.3; 9.12; 14.4, 17
O le To‘asā ma le Alofa o le Atua
19‘Anei ‘e te fai mai ‘iā te a‘u, “Pe se a le mea e a‘oa‘i mai ai pea ia? Auā o ai sē ‘ua tete‘e atu i lona finagalo?” 20Sōia, o oe le tagata, o ai ‘ea oe o lē fīnau atu i le Atua? E fai atu ‘ea le mea na faia i lē na faia o ia. “Se a ‘ea ‘ua e fai ai a‘u fa‘apea?”#Isai 29.16; 45.9 21O le fai ipu ‘omea o le pule ‘ea o ia i le ‘omea, e fai ai i le paluga e tasi o le tasi ipu o le mea lelei, a o le tasi o le mea fa‘atauva‘a?
22‘Āfai ‘ua ‘onosa‘i le Atua, ma ‘ua matuā fa‘apalepale i ipu o le to‘asā ‘ua fa‘atatauina i le malaia, ‘ina ‘ua finagalo o ia e fa‘aali mai ai lona to‘asā, ma fa‘ailoa mai ai lona mana; 23e fa‘ailoa mai ai fo‘i le faula‘i o lona vi‘iga i ipu o le alofa, na ia mua‘i saunia e o‘o i le manuia. 24O i tatou fo‘i na vala‘auina e ia, e lē gata i Iutaia, ‘ae ‘atoa fo‘i ma nu‘u ‘ese. 25Pei ‘ona fetalai mai o ia i le Hosea,#Hose 2.23
“‘Ou te ta‘ua lea nu‘u ‘o lo‘u nu‘u,’
sa lē so‘u nu‘u
‘ou te ta‘ua fo‘i o ia ‘ua ‘alofaina,
sa lē alofaina.’”
26“O i le mea sa fa‘apea atu ai ‘iā te i latou,#Hose 1.10
‘E lē so‘u nu‘u ‘outou,’
e i‘u fo‘i ‘ina ta‘ua i latou, o atali‘i o le Atua soifua.”
27‘Ua ‘alaga fo‘i Isaia ‘iā Isaraelu, “E ui lava ‘ina fa‘apei o le oneone i le sami le to‘atele o le fānauga a Isaraelu, e fa‘aolaina ē ‘ua totoe;#Isai 10.22-23; Roma 11.5 28auā e fa‘auma e ia le mea ma fa‘asa‘asa‘aina i le amiotonu, e fa‘asa‘asa‘a e le Ali‘i ‘ona faia o le mea i le nu‘u.” 29Pei ‘ona fai mai fo‘i anamua e Isaia,
“‘Ana lē fa‘atotoeina e le Ali‘i o Sapaota ni fānau mo i tatou,
po ‘ua ‘avea i tatou e pei o Sotoma,
ma fa‘atatauina i tatou ‘iā Komoro.”#Isai 1.9
O le Tatalo a Paulo mo Isaraelu
30O lenei, se a ‘ea sa tatou ‘upu? ‘Ua maua le amiotonu e nu‘u ‘ese na latou lē sā‘ili i le amiotonu, o le amiotonu lava lea e maua i le fa‘atuatua. 31A o Isaraelu na sā‘ili i le tulafono o le amiotonu, e le‘i o‘o i latou i le tulafono o le amiotonu. 32‘Ona o le a ‘ea? ‘Ona ‘ua lē sā‘ilia i le fa‘atuatua, ‘ae peiseaī o galuega o le tulafono; auā na latou tausuai i le ma‘a e tausuai ai.#Isai 8.14 33Pei ‘ona tusia,#Isai 28.16; Mata 21.42; 1 Pete 2.6
“Fa‘auta, ‘ou te tu‘u i Siona le ma‘a
e tausuai ai,
ma le papa e tautevateva ai;
e lē mā fo‘i se tasi e fa‘atuatua ‘iā te ia.”
Currently Selected:
Roma 9: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Roma 9
9
O le Alofa o le Atua ‘ua Filifilia ai ma Fa‘aolaina ai Tagata
1O le ‘upu moni ‘ou te fai atu ai i luma o Keriso, ‘ou te lē pepelo, ‘ua molimau mai ‘iā te a‘u lo‘u loto fuatia ifo i le Agaga Pa‘ia, 2le tele lo‘u fa‘anoanoa, e lē aunoa fo‘i le puapuagā o lo‘u loto; 3auā ‘ou te mafaia ‘ona fia anatema o a‘u ‘ia te‘a ma Keriso e sui a‘i o‘u uso, o lo‘u ‘āiga i la le tino;#Eso 32.32 4o sā Isaraelū i latou, o tamafai i latou ‘ua i ai fo‘i le mamalu, ma feagaiga ma sauniga o le tulafono, ma le tapua‘iga ma ‘upu na folafolaina;#Eso 4.22; Teu 7.6; 14.1-2 5o ‘iā te i latou tupuga, mai ‘iā te i latou fo‘i le Keriso i la le tino, o lē pule aoao ia, o le Atua e vi‘ia e fa‘avavau. Amene.#Roma 1.25; Mata 1.1; Luka 3.23; Ioane 1.1
6‘Ae lē peiseaī ‘ua i‘u vale le afioga a le Atua; auā o tagata mai ‘iā Isaraelu, e lē o Isaraelu i latou uma lava;#Roma 2.28; Nume 23.19 7e lē o le fānau fo‘i i latou uma auā na tupu mai ‘iā Aperaamo i latou, ‘ae fa‘apea mai, “E vala‘auina lau fānau ‘iā Isaako.”#Kene 21.12 8O lona uiga lenei, o le fānau a le tino e lē o le fānau a le Atua i latou; ‘ae peita‘i o le fānau o i le ‘upu ‘ua folafolaina, e ta‘ua i latou o le fānau.#Kala 4.23 9Auā o lenei le ‘upu na folafolaina, “E fa‘apenā i le la tausaga, ‘ou te sau ai, o maua fo‘i e Sara sana tama tane.”#Kene 18.10
10E lē na o lea, a ‘ua tō fo‘i Repeka i le tasi, o lo matou tamā o Isaako lea;#Kene 25.21 11a o le‘i fānau mai ana tama, a o le‘i fai fo‘i e i lā‘ua se mea lelei, po o se mea leaga, ‘ina ‘ia tumau le finagalo o le Atua i la le filifiliga, e lē ‘ona o galuega, a ‘ona o lē na vala‘au mai, 12na fetalai atu ‘iā te ia, “E ‘au‘auna ulumatua i le ui‘i.”#Kene 25.23 13Pei ‘ona tusia, “‘Ua ‘ou alofa ia Iakopo, a ‘ua ‘ou ‘ino‘ino ‘iā Esau.”#Mala 1.2, 3
14O lenei, se a ‘ea sa tatou ‘upu? O i le Atua ‘ea le amioletonu? ‘Aua ne‘i fa‘apea. 15Auā na ia fetalai atu ia Mose, “‘Ou te alofa atu i lē ‘ou te fia alofa atu i ai, ‘ou te alofa mutimutivale fo‘i i lē ‘ou te fia alofa mutimutivale i ai.”#Eso 33.19 16O lenei, e lē mai lē ‘ua mana‘o, o lē mai lē ‘ua tausiniō, ‘ae mai le Atua o lē alofa mai. 17Auā ‘ua fa‘apea mai le Tusi ‘iā Farao, “O lenei lava le mea ‘ua ‘ou fa‘atū ai ‘iā te oe, ‘ina ‘ia ‘ou fa‘aalia lo‘u mana ‘iā te oe, ‘ina ‘ia ta‘ua fo‘i lo‘u igoa i le lalolagi uma lava.” 18O lenei, e alofa ia i lē ‘ua ia finagalo i ai; ‘ae fa‘ama‘a‘a e ia i lē ‘ua ia finagalo i ai.#Eso 4.21; 7.3; 9.12; 14.4, 17
O le To‘asā ma le Alofa o le Atua
19‘Anei ‘e te fai mai ‘iā te a‘u, “Pe se a le mea e a‘oa‘i mai ai pea ia? Auā o ai sē ‘ua tete‘e atu i lona finagalo?” 20Sōia, o oe le tagata, o ai ‘ea oe o lē fīnau atu i le Atua? E fai atu ‘ea le mea na faia i lē na faia o ia. “Se a ‘ea ‘ua e fai ai a‘u fa‘apea?”#Isai 29.16; 45.9 21O le fai ipu ‘omea o le pule ‘ea o ia i le ‘omea, e fai ai i le paluga e tasi o le tasi ipu o le mea lelei, a o le tasi o le mea fa‘atauva‘a?
22‘Āfai ‘ua ‘onosa‘i le Atua, ma ‘ua matuā fa‘apalepale i ipu o le to‘asā ‘ua fa‘atatauina i le malaia, ‘ina ‘ua finagalo o ia e fa‘aali mai ai lona to‘asā, ma fa‘ailoa mai ai lona mana; 23e fa‘ailoa mai ai fo‘i le faula‘i o lona vi‘iga i ipu o le alofa, na ia mua‘i saunia e o‘o i le manuia. 24O i tatou fo‘i na vala‘auina e ia, e lē gata i Iutaia, ‘ae ‘atoa fo‘i ma nu‘u ‘ese. 25Pei ‘ona fetalai mai o ia i le Hosea,#Hose 2.23
“‘Ou te ta‘ua lea nu‘u ‘o lo‘u nu‘u,’
sa lē so‘u nu‘u
‘ou te ta‘ua fo‘i o ia ‘ua ‘alofaina,
sa lē alofaina.’”
26“O i le mea sa fa‘apea atu ai ‘iā te i latou,#Hose 1.10
‘E lē so‘u nu‘u ‘outou,’
e i‘u fo‘i ‘ina ta‘ua i latou, o atali‘i o le Atua soifua.”
27‘Ua ‘alaga fo‘i Isaia ‘iā Isaraelu, “E ui lava ‘ina fa‘apei o le oneone i le sami le to‘atele o le fānauga a Isaraelu, e fa‘aolaina ē ‘ua totoe;#Isai 10.22-23; Roma 11.5 28auā e fa‘auma e ia le mea ma fa‘asa‘asa‘aina i le amiotonu, e fa‘asa‘asa‘a e le Ali‘i ‘ona faia o le mea i le nu‘u.” 29Pei ‘ona fai mai fo‘i anamua e Isaia,
“‘Ana lē fa‘atotoeina e le Ali‘i o Sapaota ni fānau mo i tatou,
po ‘ua ‘avea i tatou e pei o Sotoma,
ma fa‘atatauina i tatou ‘iā Komoro.”#Isai 1.9
O le Tatalo a Paulo mo Isaraelu
30O lenei, se a ‘ea sa tatou ‘upu? ‘Ua maua le amiotonu e nu‘u ‘ese na latou lē sā‘ili i le amiotonu, o le amiotonu lava lea e maua i le fa‘atuatua. 31A o Isaraelu na sā‘ili i le tulafono o le amiotonu, e le‘i o‘o i latou i le tulafono o le amiotonu. 32‘Ona o le a ‘ea? ‘Ona ‘ua lē sā‘ilia i le fa‘atuatua, ‘ae peiseaī o galuega o le tulafono; auā na latou tausuai i le ma‘a e tausuai ai.#Isai 8.14 33Pei ‘ona tusia,#Isai 28.16; Mata 21.42; 1 Pete 2.6
“Fa‘auta, ‘ou te tu‘u i Siona le ma‘a
e tausuai ai,
ma le papa e tautevateva ai;
e lē mā fo‘i se tasi e fa‘atuatua ‘iā te ia.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.