Salāmo 109
109
O le Malaia o ē ‘ua ita i Tagata o le Atua
Ma le usu pese, o le salāmo a Tavita
1Le Atua e,#Sala 83.1; Iere 17.14
o lē ‘ou te vivi‘i atu i ai,
‘aua ne‘i e lē tali mai.
2Auā ‘ua fa‘amaga mai ‘iā te a‘u le gutu o lē amio leaga,
ma le gutu o lē taupelopelo;
‘ua latou fai ‘upu mai ‘iā te a‘u i le laulaufaiva pepelo.
3‘Ua latou si‘osi‘o ‘iā te a‘u ma ‘upu fa‘a‘ino‘ino,
ma ‘ua latou tau fua mai le tau‘a ‘iā te a‘u.
4‘Ua fai a‘u mo latou fili e taui a‘i lo‘u alofa;
a o a‘u nei, ‘ou te tatalo.
5‘Ua tu‘uina mai i latou ‘iā te a‘u o le leaga e taui a‘i le lelei,#Sala 35.12
ma le ‘ino‘ino e taui ai lo‘u alofa.
6“‘Ia e tofia sē ‘ua amio leaga e pule ‘iā te ia,
ma sē ‘ua fai o ia ma fili e tu i lona itū taumatau.
7‘Ia fa‘asalaina o ia pe a fa‘amasinoina;#Fa‘ata 28.9
‘ia fai fo‘i ma agasala lana tatalo.
8‘Ia fa‘aitiitia ona aso;#Galu 1.20; Ioane 17.12
‘ia ‘avea lona faiva mo se tasi.
9‘Ia ‘avea ana fānau e aumatuā,
o lana avā fo‘i ia fai ma fafine ‘ua oti lana tane.
10‘Ia feoa‘i solo lana fānau, ma ‘aisi,#Kene 4.12; Sala 59.15
ma ‘ia sā‘ili‘ili mea e ‘ai ‘iā latou mea ‘ua fa‘atafunaina.
11‘Ia maua ana mea uma lava e lē ‘ua ia ‘aitalafu i ai;
‘ia faoa fo‘i e tagata ‘ese o mea ‘ua na galue ai.
12‘Aua ne‘i fa‘ao‘o atu e se tasi le alofa ‘iā te ia;#Iopu 5.4
‘aua fo‘i ne‘i agalelei atu se tasi i lana fānau ‘ua aumatuā.
13‘Ia lē au lona gafa;
‘ia sōloi‘esea o latou igoa i le tupulaga amulī.
14‘Ia manatua le amio leaga a ona tamā i luma o le ALI‘I;#Eso 20.5; Nee 4.5
‘aua ne‘i sōloia le agasala a lona tinā.
15‘Ia i ai pea lava i luma o le ALI‘I,#Iopu 18.17; Sala 34.16; 90.8
‘ina ‘ia tineia e ia o latou fa‘amanatuga a‘i le lalolagi.
16Auā e le‘i manatu ia e fai mea alofa,
a ‘ua fa‘asauā i le tagata ‘ua puapuagātia ma le mativa,
‘ina ‘ia fasiotia e ia lē ‘ua loto momomo.
17Na loto o ia i le fetu‘u, ‘ia o‘o fo‘i ‘iā te ia;#Eseki 35.6
na lē fiafia fo‘i o ia i le fa‘amanuia,
o lea ‘ia vāvā mamao ai ma ia.
18Na pulupulu o ia i le fetu‘u e pei o se ‘ie pulupulu,
‘ia o‘o fo‘i lea e pei o le vai i totonu ‘iā te ia,
‘ia pei o le suāu‘u fo‘i i ona ivi.
19‘Ia ‘iā te ia e pei o le ‘ofu ‘ua ‘ofu ai o ia,
ma le fusi ‘ua fusi ai o ia e lē aunoa.”
20O le taui lava lea mai i le ALI‘I i ē fai a‘u mo latou fili,
ma ē ‘ua fai ‘upu leaga ‘ia oti ai a‘u.
21A o oe, le ATUA e, lo‘u Ali‘i,
‘ia e agalelei mai ‘iā te a‘u ‘ona o lou suafa;
auā e lelei lou alofa, ‘ia e lavea‘i mai ‘iā te a‘u.
22Auā o a‘u ‘ua puapuagātia ma le mativa,
‘ua manu‘a lo‘u loto i totonu ‘iā te a‘u.
23‘Ua ‘ou mavae atu pei o le ata ‘ua lafoia;
‘ua lūlū‘eseina a‘u e pei o le sē akerise.
24‘Ua vaivai o‘u tulivae i le anapogi, ma ‘ua tino vale lava a‘u.#Iopu 16.8; Sala 35.13
25O a‘u nei fo‘i ‘ua fa‘alumaina a‘u e i latou;#Mata 27.39; Mare 15.29
e va‘ai mai i latou ‘iā te a‘u ma lialia‘i o latou ulu.
26Le ALI‘I e, lo‘u Atua, ‘ia e fesoasoani mai ‘iā te a‘u;
‘ia e fa‘aola mai ‘iā te a‘u e tusa ma lou alofa;
27‘ina ‘ia iloa ai e i latou, o lou ‘a‘ao lava lenei;
o oe, le ALI‘I e, na e faia lava.
28O i latou, ‘ia fetu‘u mai pea i latou,#2 Samu 16.12; Isai 65.14
a o oe, ‘ia e fa‘amanuia mai;
‘ua latou tutū mai, a ‘ia mamā i latou,
a ‘ia fiafia lava lau ‘au‘auna.
29‘Ia ‘o‘ofu i le māsiasi ē ‘ua fai a‘u mo latou fili,#Iopu 8.22; Sala 35.26; 71.13
‘ia ufitia i latou i lo latou lava mā pei o le ‘ofu tele.
30‘Ou te matuā vivi‘i atu i le ALI‘I i lo‘u gutu,
‘ou te fa‘ane‘ene‘e atu ‘iā te ia i totonu o le to‘atele.
31Auā e tula‘i o ia i le lima taumatau o lē ‘ua puapuagātia,
‘ina ‘ia fa‘aola ‘iā te ia i ē fa‘asala ‘iā te ia ‘ia oti.
Currently Selected:
Salāmo 109: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Salāmo 109
109
O le Malaia o ē ‘ua ita i Tagata o le Atua
Ma le usu pese, o le salāmo a Tavita
1Le Atua e,#Sala 83.1; Iere 17.14
o lē ‘ou te vivi‘i atu i ai,
‘aua ne‘i e lē tali mai.
2Auā ‘ua fa‘amaga mai ‘iā te a‘u le gutu o lē amio leaga,
ma le gutu o lē taupelopelo;
‘ua latou fai ‘upu mai ‘iā te a‘u i le laulaufaiva pepelo.
3‘Ua latou si‘osi‘o ‘iā te a‘u ma ‘upu fa‘a‘ino‘ino,
ma ‘ua latou tau fua mai le tau‘a ‘iā te a‘u.
4‘Ua fai a‘u mo latou fili e taui a‘i lo‘u alofa;
a o a‘u nei, ‘ou te tatalo.
5‘Ua tu‘uina mai i latou ‘iā te a‘u o le leaga e taui a‘i le lelei,#Sala 35.12
ma le ‘ino‘ino e taui ai lo‘u alofa.
6“‘Ia e tofia sē ‘ua amio leaga e pule ‘iā te ia,
ma sē ‘ua fai o ia ma fili e tu i lona itū taumatau.
7‘Ia fa‘asalaina o ia pe a fa‘amasinoina;#Fa‘ata 28.9
‘ia fai fo‘i ma agasala lana tatalo.
8‘Ia fa‘aitiitia ona aso;#Galu 1.20; Ioane 17.12
‘ia ‘avea lona faiva mo se tasi.
9‘Ia ‘avea ana fānau e aumatuā,
o lana avā fo‘i ia fai ma fafine ‘ua oti lana tane.
10‘Ia feoa‘i solo lana fānau, ma ‘aisi,#Kene 4.12; Sala 59.15
ma ‘ia sā‘ili‘ili mea e ‘ai ‘iā latou mea ‘ua fa‘atafunaina.
11‘Ia maua ana mea uma lava e lē ‘ua ia ‘aitalafu i ai;
‘ia faoa fo‘i e tagata ‘ese o mea ‘ua na galue ai.
12‘Aua ne‘i fa‘ao‘o atu e se tasi le alofa ‘iā te ia;#Iopu 5.4
‘aua fo‘i ne‘i agalelei atu se tasi i lana fānau ‘ua aumatuā.
13‘Ia lē au lona gafa;
‘ia sōloi‘esea o latou igoa i le tupulaga amulī.
14‘Ia manatua le amio leaga a ona tamā i luma o le ALI‘I;#Eso 20.5; Nee 4.5
‘aua ne‘i sōloia le agasala a lona tinā.
15‘Ia i ai pea lava i luma o le ALI‘I,#Iopu 18.17; Sala 34.16; 90.8
‘ina ‘ia tineia e ia o latou fa‘amanatuga a‘i le lalolagi.
16Auā e le‘i manatu ia e fai mea alofa,
a ‘ua fa‘asauā i le tagata ‘ua puapuagātia ma le mativa,
‘ina ‘ia fasiotia e ia lē ‘ua loto momomo.
17Na loto o ia i le fetu‘u, ‘ia o‘o fo‘i ‘iā te ia;#Eseki 35.6
na lē fiafia fo‘i o ia i le fa‘amanuia,
o lea ‘ia vāvā mamao ai ma ia.
18Na pulupulu o ia i le fetu‘u e pei o se ‘ie pulupulu,
‘ia o‘o fo‘i lea e pei o le vai i totonu ‘iā te ia,
‘ia pei o le suāu‘u fo‘i i ona ivi.
19‘Ia ‘iā te ia e pei o le ‘ofu ‘ua ‘ofu ai o ia,
ma le fusi ‘ua fusi ai o ia e lē aunoa.”
20O le taui lava lea mai i le ALI‘I i ē fai a‘u mo latou fili,
ma ē ‘ua fai ‘upu leaga ‘ia oti ai a‘u.
21A o oe, le ATUA e, lo‘u Ali‘i,
‘ia e agalelei mai ‘iā te a‘u ‘ona o lou suafa;
auā e lelei lou alofa, ‘ia e lavea‘i mai ‘iā te a‘u.
22Auā o a‘u ‘ua puapuagātia ma le mativa,
‘ua manu‘a lo‘u loto i totonu ‘iā te a‘u.
23‘Ua ‘ou mavae atu pei o le ata ‘ua lafoia;
‘ua lūlū‘eseina a‘u e pei o le sē akerise.
24‘Ua vaivai o‘u tulivae i le anapogi, ma ‘ua tino vale lava a‘u.#Iopu 16.8; Sala 35.13
25O a‘u nei fo‘i ‘ua fa‘alumaina a‘u e i latou;#Mata 27.39; Mare 15.29
e va‘ai mai i latou ‘iā te a‘u ma lialia‘i o latou ulu.
26Le ALI‘I e, lo‘u Atua, ‘ia e fesoasoani mai ‘iā te a‘u;
‘ia e fa‘aola mai ‘iā te a‘u e tusa ma lou alofa;
27‘ina ‘ia iloa ai e i latou, o lou ‘a‘ao lava lenei;
o oe, le ALI‘I e, na e faia lava.
28O i latou, ‘ia fetu‘u mai pea i latou,#2 Samu 16.12; Isai 65.14
a o oe, ‘ia e fa‘amanuia mai;
‘ua latou tutū mai, a ‘ia mamā i latou,
a ‘ia fiafia lava lau ‘au‘auna.
29‘Ia ‘o‘ofu i le māsiasi ē ‘ua fai a‘u mo latou fili,#Iopu 8.22; Sala 35.26; 71.13
‘ia ufitia i latou i lo latou lava mā pei o le ‘ofu tele.
30‘Ou te matuā vivi‘i atu i le ALI‘I i lo‘u gutu,
‘ou te fa‘ane‘ene‘e atu ‘iā te ia i totonu o le to‘atele.
31Auā e tula‘i o ia i le lima taumatau o lē ‘ua puapuagātia,
‘ina ‘ia fa‘aola ‘iā te ia i ē fa‘asala ‘iā te ia ‘ia oti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.