Fa‘ata‘oto 9
9
O le Amio a le Poto
1O le poto ‘ua faia e ia lona fale; ‘ua ia talai ona pou e fitu.#Mata 16.18; Efe 2.20-22; 1 Timo 3.15; Epe 3.3-6
2‘Ua na fasia ana manu; ‘ua na suia lana uaina;
‘ua na laulau atu fo‘i mea i lana la‘o‘ai.
3‘Ua ia ‘auina atu lona galu teine;
‘ua tala‘i i mea maualuluga o le ‘a‘ai,#Fa‘ata 8.1-2; Mata 22.3
4“‘Ai se faigofie, ‘ia afe mai o ia ‘i‘inei;”
o lē ‘ua leai sona mafaufau, ‘ua ia fa‘apea atu i ai,
5“Ō mai ia, ‘inā ‘a‘ai la‘u areto ma inu i la‘u uaina ‘ua ‘ou suia.#Pese 5.1; Isai 55.1; Ioane 6.27; 7.37
6‘Ia ‘outou tu‘ulafoa‘i atu i ē vālelea, tou te ola ai,
ma ‘ia ‘outou ui atu i le ala e atamai ai.”
7O lē na te a‘oa‘i atu i lē tauemu e maua o ia le fa‘amāina;
ma lē la te finau ma le tagata amio leaga e maua e ia le ila.#Sala 141.5; Mata 7.6
8‘Aua ne‘i a‘oa‘i atu i le tauemu, ne‘i ‘inosia oe e ia;
a‘oa‘i atu i lē ‘ua poto, ‘ona alofa mai lea o ia ‘iā te oe.
9A‘oa‘o atu i lē ‘ua poto e atili poto ai o ia;
a‘oa‘o atu i lē ‘ua amiotonu e tupu ai pea lona poto.#Mata 13.12
10O le mata‘u i le ALI‘I, o le amataga o le poto lea;
‘ia iloa fo‘i lē Pa‘ia, o le atamai lava lea.#Iopu 28.28; Sala 111.10; Fa‘ata 1.7
11Auā o a‘u e fa‘ateleina ai ou aso;
e fa‘aopoopoina ai fo‘i tausaga i lou olaga.#Fa‘ata 3.2
12‘Āfai ‘e te poto mo oe lava ‘e te poto ai;
‘āfai ‘e te tauemu, na o oe lava e nofo sala ai.
O le tu a lē ‘ua Valea
13O le fafine valea, ‘ua leoleoā lava ia,
e faigofie lava o ia, na te lē iloa se mea.#Fa‘ata 7.7-27
14‘Ua nofo o ia i le faitoto‘a o lona fale,
i luga lava o le nofoa i mea maualuga i le ‘a‘ai;
15‘ina ‘ia vala‘au i ē ui ane i le ala, o ē sāvavali tonu i o latou ala.
16“O sē faigofie, ‘ia afe mai o ia ‘i‘inei;”
o lē ‘ua leai sona mafaufau, ‘ua ia fa‘apea atu i ai,#Fa‘ata 9.4
17“E suamalie le vai ‘ua gaoia, e manogi fo‘i le areto ‘ua natia.”
18A ‘ua lē iloa e ia o i lea mea agaga o ē ‘ua oti;
‘ua i mea maulalo o seoli ē ‘ua vala‘auina e ia.#Fa‘ata 2.18
Currently Selected:
Fa‘ata‘oto 9: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.