Mataio 28
28
O le Toetū mai o Iesu
(Mare 16.1-10; Luka 24.1-12; Ioane 20.1-10)
1‘Ua mavae le sapati, ‘ua tafa ata o le ulua‘i aso o le vaisapati, ‘ona ō atu ai lea o Maria le Makatala ma le isi Maria e asiasi i le tu‘ugamau. 2Fa‘auta fo‘i, ‘ua tō le mafui‘e tele; auā na alu ifo le agelu a le Ali‘i mai le lagi, ‘ua alu atu ma fuli ‘ese le ma‘a i le gutu o le tu‘ugamau, ma ti‘eti‘e i ona luga. 3E pei o le uila lona tino mai ma ona ‘ofu ‘ua sinasina pei o le kiona;#Mata 17.2; Galu 1.10 4‘ua tetemū fo‘i i le matata‘u ‘iā te ia o ē na leoleo, ‘ua liua i latou e pei o tagata oti.
5‘Ona fai atu ai lea o le agelu i fafine, ‘ua fa‘apea atu, “‘Aua lua te matata‘u; auā ‘ua ‘ou iloa ‘ua ‘oulua sā‘ilia mai Iesu na fa‘asatauroina. 6E lē o ‘i‘inei o ia; auā ‘ua toetū mai o ia, pei ‘ona fetalai atu ai o ia. Ō mai, ‘inā matamata i le mea na tu‘u ai o ia.#Mata 12.40; 16.21; 17.23; 20.19; Galu 2.36 7‘Inā ō atu ia, ‘ia vave, lua te ta‘u atu i ona so‘o, ‘‘Ua toetū mai o ia mai ē ‘ua oti; fa‘auta fo‘i, e muamua atu o ia ‘iā te ‘outou i Kalilaia; tou te iloa ai o ia i lea mea;’ fa‘auta, ‘ua ‘ou fai atu ‘iā te ‘oulua.”#Mata 26.32
8‘Ona la vave ō ai lea nai le tu‘ugamau ma le fefe ma le fiafia tele; ‘ua la taufetuli e ta‘u atu ai i ona so‘o.
9Fa‘auta fo‘i, ‘ua fetaia‘i Iesu ma i lā‘ua ‘ua fa‘apea atu, “Si ‘ou alofa.” ‘Ona la ō mai ai lea ‘ua fetāgofi i ona vae ma ifo mai ‘iā te ia. 10‘Ona fetalai atu ai lea o Iesu ‘iā te i lā‘ua, “‘Aua lua te matata‘u; ‘inā ō atu ia ‘oulua ma ta‘u atu i o‘u uso, ‘ina ‘ia latou ō atu i Kalilaia, latou te iloa mai ai a‘u.”#Epe 2.11; Kene 45.4; 50.19
O Fa‘amatalaga a Tagata Leoleo
11‘Ua la ō; fa‘auta, ‘ua ō atu i le ‘a‘ai nisi o ē na leoleo, ‘ua ta‘u atu i le ‘au ositaulaga sili mea uma ‘ua faia. 12‘Ona latou fa‘apotopoto ai lea fa‘atasi ma toeaina ‘ua latou filifili, ‘ona avatu ai lea o tupe e tele i le ‘au, 13‘ua fa‘apea atu, “‘Ia ‘outou ta‘uta‘u atu, ‘Na ō mai ona so‘o i le po ‘ua gaoi ‘iā te ia, a o matou momoe.’#Mata 27.64 14‘Āfai e fa‘alogo i ai le ali‘i pule, matou te fa‘aoleole atu ‘iā te ia ma fa‘asao ‘iā te ‘outou.”
15‘Ona latou talia lea o tupe ma latou faia e pei ‘ona a‘oa‘oina ai o i latou; ‘ua salalau fo‘i lea tala i tagata Iutaia ‘ua o‘o mai lava i nei ona po.
‘Ua Fa‘aali Iesu i ona So‘o
(Mare 16.14-18; Luka 24.36-49; Ioane 20.19-23; Galu 1.6-8)
16‘Ona ō atu ai lea o le ‘au so‘o e to‘asefulu ma le to‘atasi i Kalilaia, i le mauga na poloa‘i atu ai Iesu ‘iā te i latou.#Mata 28.7 17‘Ua latou iloa o ia, ‘ona latou ifo mai ai lea ‘iā te ia; a ‘ua māsalosalo nisi. 18‘Ona maliu ane ai lea o Iesu, ‘ua fetalai atu ‘iā te i latou, ‘ua fa‘apea atu, “‘Ua tu‘uina mai ‘iā te a‘u le pule uma lava i le lagi ma le lalolagi.#Mata 11.27; Efe 1.20-22; Tani 7.14 19O lenei, ‘ia ‘outou ō atu e fai nu‘u uma lava ma so‘o ma papatiso atu ‘iā te i latou i le suafa o le Tamā, ma le Atali‘i, ma le Agaga Pa‘ia;#Galu 1.8 20‘ia ‘outou a‘oa‘o atu ‘iā te i latou ‘ia tausi i mea uma ‘ua ‘ou fai atu ai ‘iā te ‘outou; fa‘auta fo‘i, ‘ou te ‘iā te ‘outou i aso uma lava, e o‘o lava i le gata‘aga o le lalolagi.”#Mata 18.20; Ioane 14.23
Currently Selected:
Mataio 28: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Mataio 28
28
O le Toetū mai o Iesu
(Mare 16.1-10; Luka 24.1-12; Ioane 20.1-10)
1‘Ua mavae le sapati, ‘ua tafa ata o le ulua‘i aso o le vaisapati, ‘ona ō atu ai lea o Maria le Makatala ma le isi Maria e asiasi i le tu‘ugamau. 2Fa‘auta fo‘i, ‘ua tō le mafui‘e tele; auā na alu ifo le agelu a le Ali‘i mai le lagi, ‘ua alu atu ma fuli ‘ese le ma‘a i le gutu o le tu‘ugamau, ma ti‘eti‘e i ona luga. 3E pei o le uila lona tino mai ma ona ‘ofu ‘ua sinasina pei o le kiona;#Mata 17.2; Galu 1.10 4‘ua tetemū fo‘i i le matata‘u ‘iā te ia o ē na leoleo, ‘ua liua i latou e pei o tagata oti.
5‘Ona fai atu ai lea o le agelu i fafine, ‘ua fa‘apea atu, “‘Aua lua te matata‘u; auā ‘ua ‘ou iloa ‘ua ‘oulua sā‘ilia mai Iesu na fa‘asatauroina. 6E lē o ‘i‘inei o ia; auā ‘ua toetū mai o ia, pei ‘ona fetalai atu ai o ia. Ō mai, ‘inā matamata i le mea na tu‘u ai o ia.#Mata 12.40; 16.21; 17.23; 20.19; Galu 2.36 7‘Inā ō atu ia, ‘ia vave, lua te ta‘u atu i ona so‘o, ‘‘Ua toetū mai o ia mai ē ‘ua oti; fa‘auta fo‘i, e muamua atu o ia ‘iā te ‘outou i Kalilaia; tou te iloa ai o ia i lea mea;’ fa‘auta, ‘ua ‘ou fai atu ‘iā te ‘oulua.”#Mata 26.32
8‘Ona la vave ō ai lea nai le tu‘ugamau ma le fefe ma le fiafia tele; ‘ua la taufetuli e ta‘u atu ai i ona so‘o.
9Fa‘auta fo‘i, ‘ua fetaia‘i Iesu ma i lā‘ua ‘ua fa‘apea atu, “Si ‘ou alofa.” ‘Ona la ō mai ai lea ‘ua fetāgofi i ona vae ma ifo mai ‘iā te ia. 10‘Ona fetalai atu ai lea o Iesu ‘iā te i lā‘ua, “‘Aua lua te matata‘u; ‘inā ō atu ia ‘oulua ma ta‘u atu i o‘u uso, ‘ina ‘ia latou ō atu i Kalilaia, latou te iloa mai ai a‘u.”#Epe 2.11; Kene 45.4; 50.19
O Fa‘amatalaga a Tagata Leoleo
11‘Ua la ō; fa‘auta, ‘ua ō atu i le ‘a‘ai nisi o ē na leoleo, ‘ua ta‘u atu i le ‘au ositaulaga sili mea uma ‘ua faia. 12‘Ona latou fa‘apotopoto ai lea fa‘atasi ma toeaina ‘ua latou filifili, ‘ona avatu ai lea o tupe e tele i le ‘au, 13‘ua fa‘apea atu, “‘Ia ‘outou ta‘uta‘u atu, ‘Na ō mai ona so‘o i le po ‘ua gaoi ‘iā te ia, a o matou momoe.’#Mata 27.64 14‘Āfai e fa‘alogo i ai le ali‘i pule, matou te fa‘aoleole atu ‘iā te ia ma fa‘asao ‘iā te ‘outou.”
15‘Ona latou talia lea o tupe ma latou faia e pei ‘ona a‘oa‘oina ai o i latou; ‘ua salalau fo‘i lea tala i tagata Iutaia ‘ua o‘o mai lava i nei ona po.
‘Ua Fa‘aali Iesu i ona So‘o
(Mare 16.14-18; Luka 24.36-49; Ioane 20.19-23; Galu 1.6-8)
16‘Ona ō atu ai lea o le ‘au so‘o e to‘asefulu ma le to‘atasi i Kalilaia, i le mauga na poloa‘i atu ai Iesu ‘iā te i latou.#Mata 28.7 17‘Ua latou iloa o ia, ‘ona latou ifo mai ai lea ‘iā te ia; a ‘ua māsalosalo nisi. 18‘Ona maliu ane ai lea o Iesu, ‘ua fetalai atu ‘iā te i latou, ‘ua fa‘apea atu, “‘Ua tu‘uina mai ‘iā te a‘u le pule uma lava i le lagi ma le lalolagi.#Mata 11.27; Efe 1.20-22; Tani 7.14 19O lenei, ‘ia ‘outou ō atu e fai nu‘u uma lava ma so‘o ma papatiso atu ‘iā te i latou i le suafa o le Tamā, ma le Atali‘i, ma le Agaga Pa‘ia;#Galu 1.8 20‘ia ‘outou a‘oa‘o atu ‘iā te i latou ‘ia tausi i mea uma ‘ua ‘ou fai atu ai ‘iā te ‘outou; fa‘auta fo‘i, ‘ou te ‘iā te ‘outou i aso uma lava, e o‘o lava i le gata‘aga o le lalolagi.”#Mata 18.20; Ioane 14.23
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.