Iosua 24
24
O ‘Upu Fa‘amafanafana a Iosua i Sekema
1‘Ua fa‘apotopotoina e Iosua itū‘āiga uma o Isaraelu i Sekema, ma fe‘auina atu toeaina o Isaraelu, ma o latou ali‘i sili ma o latou fa‘amasino, ma o latou fai pule; ‘ona tutū ai lea o i latou i luma o le Atua. 2‘Ona fai atu ai lea o Iosua i le nu‘u uma, “O lo‘o fa‘apea ‘ona fetalai mai o le ALI‘I le Atua o Isaraelu: Sa nonofo anamua o ‘outou tamā i le la itū o le vaitafe, o Tara le tamā o Aperaamo, ma le tamā o Nakori; na latou ‘au‘auna fo‘i i atua ‘ese.#Kene 11.27 3‘Ona ‘ou ‘aumai ai lea o lo ‘outou tamā o Aperaamo ai le la itū o le vaitafe, ma ‘ou ta‘ita‘iina o ia i le nu‘u uma o Kanana, ma ‘ou fa‘ato‘ateleina lana fānau, ma ‘ou foa‘i atu ‘iā te ia o Isaako.#Kene 12.1-9; 21.1-3 4Na ‘ou foa‘i fo‘i ‘iā Isaako o Iakopo ma Esau; na ‘ou foa‘i ‘iā Esau; o le mauga o Seira e fai mōna, a o Iakopo ma ana fānau na latou ō ifo i Aikupito.#Kene 25.24-26; 36.8; 46.1-7; Teu 2.5 5Na ‘ou ‘a‘auina atu fo‘i Mose ma Arona, ma ‘ou taia Aikupito i mea na ‘ou faia ‘iā te i latou; e mulimuli ane na ‘ou ‘aumai ai ‘outou.#Eso 3.1—12.42 6Na ‘ou ‘aumaia o ‘outou tamā nai Aikupito; na ‘outou ō mai i le sami; na tuliloa mai fo‘i Aikupito i o ‘outou tamā i kariota, ma ‘au na ti‘eti‘e i solofanua, i le sami Ulaula.#Eso 14.1-31 7Na latou ‘alalaga atu i le ALI‘I, ‘ona tu‘u ai lea o ia le pogisā o vā a‘i i latou ma Aikupito; na ia fa‘ao‘o le sami i o latou luga, ‘ua lofia ai i latou; na iloa e o ‘outou mata o mea na ‘ou faia i Aikupito. ‘Ona ‘outou nonofo lea i le vao i aso e tele. 8Na ‘ou fa‘ao‘oina mai fo‘i ‘outou i le nu‘u o sa Amorī, sa nonofo i le la itū o Ioritana; ‘ona latou tau lea ma ‘outou; na ‘ou tu‘uina atu fo‘i i latou i o ‘outou lima, ‘ina ‘ia fai mo ‘outou lo latou lau‘ele‘ele; na fa‘aumatia lava i latou i o ‘outou luma.#Nume 21.21-35 9‘Ona tula‘i ai lea o Palako le atali‘i o Seporu, o le tupu o Moapi, ‘ua tau ai o ia ma Isaraelu; na ia ‘a‘ami atu ia Palaamo le atali‘i o Peoro, e fetu‘u ‘iā te ‘outou.#Nume 22.1—24.25 10A ‘ua ‘ou lē mafai ‘ona fa‘alogo ‘iā Palaamo; o le mea lea na ia fa‘amanuia ai lava ‘iā te ‘outou, ‘ona ‘ou lavea‘iina lea o ‘outou a‘i lona lima. 11Na ‘outou sopo‘ia mai Ioritana, ma o‘o mai i Ieriko; lona tau ai lea ma ‘outou o tagata o Ieriko, o sa Amorī, ma sa Perisē, ma sa Kananā, ma sa Hetī, ma sa Kirekasē, o sa Hivī, ma sa Iepusē; na ‘ou tu‘uina fo‘i i latou i o ‘outou lima.#Iosu 3.14-17; 6.1-21 12Na ‘ou ‘a‘auina mai lagomumu i o ‘outou luma, na tulia ai i latou i o ‘outou luma, o tupu e to‘alua o sa Amorī, ‘ae le‘i tulia i lau pelu ma lau ‘aufana.#Eso 23.28; Teu 7.20 13‘Ua ‘ou foa‘iina atu ‘iā te ‘outou le nu‘u na lē fa‘atigāina ai ‘outou, ma ‘a‘ai tou te le‘i faia, tou te nonofo ai; ‘ua ‘outou ‘a‘ai fo‘i i tōvine ma tōolive tou te le‘i totōina.#Teu 6.10-11
14“O lenei, ‘ia ‘outou matata‘u i le ALI‘I, ma ‘au‘auna ‘iā te ia ma le loto sao ma le fa‘amaoni; a ‘ia ‘outou tu‘u‘eseina o atua na ‘au‘auna i ai o ‘outou tamā i le la itū o le vaitafe, ma Aikupito, ma ‘ia ‘outou ‘au‘auna i le ALI‘I. 15Pe ‘āfai fo‘i e leaga ‘iā te ‘outou ‘ona ‘au‘auna i le ALI‘I, ‘inā filifili ia o ‘outou i le aso nei, po o ai tou te ‘au‘auna i ai; po o atua na ‘au‘auna i ai o ‘outou tamā, o ē sa i le la itū o le vaitafe, po o atua o sa Amorī, e o latou le nu‘u ‘ua ‘outou nonofo ai; a o a‘u nei ma lo‘u ‘āiga, matou te ‘au‘auna i le ALI‘I.”
16‘Ona tali mai ai lea o le nu‘u ‘ua fa‘apea mai, “‘Ia mamao lava ‘iā te i matou ‘ona matou tu‘ua o le ALI‘I, ‘ina ‘ia ‘au‘auna i atua ‘ese; 17auā o le ALI‘I lo tatou Atua, o ia lava na ‘aveina a‘e i tatou ma o tatou tamā, a‘i le nu‘u o Aikupito, o le mea sa nofo pologa, ai o ia fo‘i na faia i o tatou luma o ia fa‘ailoga tetele, ma na leoleo mai ‘iā te i tatou i le ala uma na tatou ō mai ai, ma nu‘u uma na tatou ui mai ai. 18‘Ua tulia fo‘i e le ALI‘I i o tatou luma o nu‘u uma, o sa Amorī lava o ē na nonofo i le lau‘ele‘ele; o i matou fo‘i matou te ‘au‘auna i le ALI‘I, auā o ia lava o lo tatou Atua.”
19‘Ona fai atu ai lea o Iosua i le nu‘u, “Tou te lē mafaia ‘ona ‘au‘auna i le ALI‘I, auā o le Atua pa‘ia o ia; o le Atua fuā o ia; na te lē fa‘amāgaloina o ‘outou solitulafono ma a ‘outou agasala.#Eso 20.5; 23.21; Levi 19.2; Teu 4.24; 6.15; 1 Samu 6.20; Sala 99.5, 9; Isai 5.16; 6.3 20‘Āfai e tu‘ua e ‘outou o le ALI‘I, ma ‘au‘auna i atua ‘ese, ‘ona liliu mai ai lea o ia, ma fa‘atigā ‘iā te ‘outou, ma fa‘aumatia ‘outou, a o ia na mua‘i agalelei mai ‘iā te ‘outou.”
21‘Ona fai mai ai lea o le nu‘u ‘iā Iosua, “E leai; matou te ‘au‘auna lava i le ALI‘I.”
22‘Ona fai atu ai lea o Iosua i le nu‘u, “O molimau ‘outou ‘iā te ‘outou, na filifilia e ‘outou le ALI‘I e ‘au‘auna ‘iā te ia.”
‘Ona latou fai mai ai lea, “O molimau lava i matou.”
23‘Ona fai atu ai lea o ia, “O lenei, ‘inā tu‘u ‘ese ia o atua ‘ese ‘ua ‘iā te ‘outou, ma ua‘i o ‘outou loto i le ALI‘I le Atua o Isaraelu.”#Iosu 24.14; Fa‘ama 10.16; 1 Samu 7.3
24‘Ona fai mai ai lea o le nu‘u ‘iā Iosua, “Matou te ‘au‘auna i le ALI‘I lo tatou Atua; matou te fa‘alogo fo‘i i lona si‘ufofoga.”
25‘Ona osia lea e Iosua i lea aso le feagaiga ma le nu‘u;#24.25 feagaiga ma le nu‘u: po o feagaiga mo le nu‘u. ‘ua faia fo‘i mo i latou le tulafono ma le fa‘amasinoga i Sekema.#2 Tu 11.17; 2 No 23.16 26‘Ona tusia lea e Iosua o ia ‘upu i le tusi o le tulafono a le Atua; ‘ua ‘ave fo‘i e ia le ma‘a tele, ma fa‘atūina i lea mea i lalo o le aluna sa felāta‘i ma le malumalu o le ALI‘I. 27‘Ua fai atu fo‘i Iosua i le nu‘u uma, “Fa‘auta mai, o le ma‘a lenei e faia ma molimau ‘iā te i tatou; auā ‘ua fa‘alogo ia i afioga uma a le ALI‘I ‘ina ‘ia fetalai mai ai ‘iā te i tatou; e fai o ia ma molimau ‘iā te ‘outou, ‘ina ne‘i ‘outou pepelo i lo ‘outou Atua.”#Kene 31.48, 52; Iosu 22.27, 28, 34 28‘Ona tu‘uina atu lea e Iosua o le nu‘u, ‘ia ta‘itasi ma alu i lona tofi.
‘Ua oti Iosua ma Eleasaro
29‘Ua mavae ia mea, ‘ona oti ai lea o Iosua le atali‘i o Nuno, le ‘au‘auna a le ALI‘I; o ona tausaga e tasi le selau ma le sefulu.#Fa‘ama 2.7-9 30‘Ua latou tanumia o ia i le fanua o lona tofi i Timenata-sera i le mauga o Efaraima, i le itū i matū o le mauga o Kaasa.#Iosu 19.49-50
31‘Ua ‘au‘auna Isaraelu i le ALI‘I i aso uma o Iosua, ma aso uma o toeaina e na ola mai a ‘ua mavae Iosua, o ē na iloa galuega uma a le ALI‘I na ia faia ‘iā Isaraelu.
32O ivi fo‘i o Iosefa na ‘ava‘e e le fānauga a Isaraelu mai Aikupito, ‘ua latou tanua i Sekema i le fasi fanua na fa‘atauina e Iakopo i atali‘i o Hamoro le tamā o Sekema, i tupe e selau; ‘ua fai fo‘i ma tofi o le fānauga a Iosefa.#Kene 33.19; 50.24-25; Eso 13.19; Ioane 4.5; Galu 7.16
33‘Ua oti fo‘i Eleasaro le atali‘i o Arona, na tanumia o ia e i latou i le mauga o Fineaso lona atali‘i, na foa‘iina atu ‘iā te ia i le mauga o Efaraima.#Iosu 22.13
Currently Selected:
Iosua 24: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Iosua 24
24
O ‘Upu Fa‘amafanafana a Iosua i Sekema
1‘Ua fa‘apotopotoina e Iosua itū‘āiga uma o Isaraelu i Sekema, ma fe‘auina atu toeaina o Isaraelu, ma o latou ali‘i sili ma o latou fa‘amasino, ma o latou fai pule; ‘ona tutū ai lea o i latou i luma o le Atua. 2‘Ona fai atu ai lea o Iosua i le nu‘u uma, “O lo‘o fa‘apea ‘ona fetalai mai o le ALI‘I le Atua o Isaraelu: Sa nonofo anamua o ‘outou tamā i le la itū o le vaitafe, o Tara le tamā o Aperaamo, ma le tamā o Nakori; na latou ‘au‘auna fo‘i i atua ‘ese.#Kene 11.27 3‘Ona ‘ou ‘aumai ai lea o lo ‘outou tamā o Aperaamo ai le la itū o le vaitafe, ma ‘ou ta‘ita‘iina o ia i le nu‘u uma o Kanana, ma ‘ou fa‘ato‘ateleina lana fānau, ma ‘ou foa‘i atu ‘iā te ia o Isaako.#Kene 12.1-9; 21.1-3 4Na ‘ou foa‘i fo‘i ‘iā Isaako o Iakopo ma Esau; na ‘ou foa‘i ‘iā Esau; o le mauga o Seira e fai mōna, a o Iakopo ma ana fānau na latou ō ifo i Aikupito.#Kene 25.24-26; 36.8; 46.1-7; Teu 2.5 5Na ‘ou ‘a‘auina atu fo‘i Mose ma Arona, ma ‘ou taia Aikupito i mea na ‘ou faia ‘iā te i latou; e mulimuli ane na ‘ou ‘aumai ai ‘outou.#Eso 3.1—12.42 6Na ‘ou ‘aumaia o ‘outou tamā nai Aikupito; na ‘outou ō mai i le sami; na tuliloa mai fo‘i Aikupito i o ‘outou tamā i kariota, ma ‘au na ti‘eti‘e i solofanua, i le sami Ulaula.#Eso 14.1-31 7Na latou ‘alalaga atu i le ALI‘I, ‘ona tu‘u ai lea o ia le pogisā o vā a‘i i latou ma Aikupito; na ia fa‘ao‘o le sami i o latou luga, ‘ua lofia ai i latou; na iloa e o ‘outou mata o mea na ‘ou faia i Aikupito. ‘Ona ‘outou nonofo lea i le vao i aso e tele. 8Na ‘ou fa‘ao‘oina mai fo‘i ‘outou i le nu‘u o sa Amorī, sa nonofo i le la itū o Ioritana; ‘ona latou tau lea ma ‘outou; na ‘ou tu‘uina atu fo‘i i latou i o ‘outou lima, ‘ina ‘ia fai mo ‘outou lo latou lau‘ele‘ele; na fa‘aumatia lava i latou i o ‘outou luma.#Nume 21.21-35 9‘Ona tula‘i ai lea o Palako le atali‘i o Seporu, o le tupu o Moapi, ‘ua tau ai o ia ma Isaraelu; na ia ‘a‘ami atu ia Palaamo le atali‘i o Peoro, e fetu‘u ‘iā te ‘outou.#Nume 22.1—24.25 10A ‘ua ‘ou lē mafai ‘ona fa‘alogo ‘iā Palaamo; o le mea lea na ia fa‘amanuia ai lava ‘iā te ‘outou, ‘ona ‘ou lavea‘iina lea o ‘outou a‘i lona lima. 11Na ‘outou sopo‘ia mai Ioritana, ma o‘o mai i Ieriko; lona tau ai lea ma ‘outou o tagata o Ieriko, o sa Amorī, ma sa Perisē, ma sa Kananā, ma sa Hetī, ma sa Kirekasē, o sa Hivī, ma sa Iepusē; na ‘ou tu‘uina fo‘i i latou i o ‘outou lima.#Iosu 3.14-17; 6.1-21 12Na ‘ou ‘a‘auina mai lagomumu i o ‘outou luma, na tulia ai i latou i o ‘outou luma, o tupu e to‘alua o sa Amorī, ‘ae le‘i tulia i lau pelu ma lau ‘aufana.#Eso 23.28; Teu 7.20 13‘Ua ‘ou foa‘iina atu ‘iā te ‘outou le nu‘u na lē fa‘atigāina ai ‘outou, ma ‘a‘ai tou te le‘i faia, tou te nonofo ai; ‘ua ‘outou ‘a‘ai fo‘i i tōvine ma tōolive tou te le‘i totōina.#Teu 6.10-11
14“O lenei, ‘ia ‘outou matata‘u i le ALI‘I, ma ‘au‘auna ‘iā te ia ma le loto sao ma le fa‘amaoni; a ‘ia ‘outou tu‘u‘eseina o atua na ‘au‘auna i ai o ‘outou tamā i le la itū o le vaitafe, ma Aikupito, ma ‘ia ‘outou ‘au‘auna i le ALI‘I. 15Pe ‘āfai fo‘i e leaga ‘iā te ‘outou ‘ona ‘au‘auna i le ALI‘I, ‘inā filifili ia o ‘outou i le aso nei, po o ai tou te ‘au‘auna i ai; po o atua na ‘au‘auna i ai o ‘outou tamā, o ē sa i le la itū o le vaitafe, po o atua o sa Amorī, e o latou le nu‘u ‘ua ‘outou nonofo ai; a o a‘u nei ma lo‘u ‘āiga, matou te ‘au‘auna i le ALI‘I.”
16‘Ona tali mai ai lea o le nu‘u ‘ua fa‘apea mai, “‘Ia mamao lava ‘iā te i matou ‘ona matou tu‘ua o le ALI‘I, ‘ina ‘ia ‘au‘auna i atua ‘ese; 17auā o le ALI‘I lo tatou Atua, o ia lava na ‘aveina a‘e i tatou ma o tatou tamā, a‘i le nu‘u o Aikupito, o le mea sa nofo pologa, ai o ia fo‘i na faia i o tatou luma o ia fa‘ailoga tetele, ma na leoleo mai ‘iā te i tatou i le ala uma na tatou ō mai ai, ma nu‘u uma na tatou ui mai ai. 18‘Ua tulia fo‘i e le ALI‘I i o tatou luma o nu‘u uma, o sa Amorī lava o ē na nonofo i le lau‘ele‘ele; o i matou fo‘i matou te ‘au‘auna i le ALI‘I, auā o ia lava o lo tatou Atua.”
19‘Ona fai atu ai lea o Iosua i le nu‘u, “Tou te lē mafaia ‘ona ‘au‘auna i le ALI‘I, auā o le Atua pa‘ia o ia; o le Atua fuā o ia; na te lē fa‘amāgaloina o ‘outou solitulafono ma a ‘outou agasala.#Eso 20.5; 23.21; Levi 19.2; Teu 4.24; 6.15; 1 Samu 6.20; Sala 99.5, 9; Isai 5.16; 6.3 20‘Āfai e tu‘ua e ‘outou o le ALI‘I, ma ‘au‘auna i atua ‘ese, ‘ona liliu mai ai lea o ia, ma fa‘atigā ‘iā te ‘outou, ma fa‘aumatia ‘outou, a o ia na mua‘i agalelei mai ‘iā te ‘outou.”
21‘Ona fai mai ai lea o le nu‘u ‘iā Iosua, “E leai; matou te ‘au‘auna lava i le ALI‘I.”
22‘Ona fai atu ai lea o Iosua i le nu‘u, “O molimau ‘outou ‘iā te ‘outou, na filifilia e ‘outou le ALI‘I e ‘au‘auna ‘iā te ia.”
‘Ona latou fai mai ai lea, “O molimau lava i matou.”
23‘Ona fai atu ai lea o ia, “O lenei, ‘inā tu‘u ‘ese ia o atua ‘ese ‘ua ‘iā te ‘outou, ma ua‘i o ‘outou loto i le ALI‘I le Atua o Isaraelu.”#Iosu 24.14; Fa‘ama 10.16; 1 Samu 7.3
24‘Ona fai mai ai lea o le nu‘u ‘iā Iosua, “Matou te ‘au‘auna i le ALI‘I lo tatou Atua; matou te fa‘alogo fo‘i i lona si‘ufofoga.”
25‘Ona osia lea e Iosua i lea aso le feagaiga ma le nu‘u;#24.25 feagaiga ma le nu‘u: po o feagaiga mo le nu‘u. ‘ua faia fo‘i mo i latou le tulafono ma le fa‘amasinoga i Sekema.#2 Tu 11.17; 2 No 23.16 26‘Ona tusia lea e Iosua o ia ‘upu i le tusi o le tulafono a le Atua; ‘ua ‘ave fo‘i e ia le ma‘a tele, ma fa‘atūina i lea mea i lalo o le aluna sa felāta‘i ma le malumalu o le ALI‘I. 27‘Ua fai atu fo‘i Iosua i le nu‘u uma, “Fa‘auta mai, o le ma‘a lenei e faia ma molimau ‘iā te i tatou; auā ‘ua fa‘alogo ia i afioga uma a le ALI‘I ‘ina ‘ia fetalai mai ai ‘iā te i tatou; e fai o ia ma molimau ‘iā te ‘outou, ‘ina ne‘i ‘outou pepelo i lo ‘outou Atua.”#Kene 31.48, 52; Iosu 22.27, 28, 34 28‘Ona tu‘uina atu lea e Iosua o le nu‘u, ‘ia ta‘itasi ma alu i lona tofi.
‘Ua oti Iosua ma Eleasaro
29‘Ua mavae ia mea, ‘ona oti ai lea o Iosua le atali‘i o Nuno, le ‘au‘auna a le ALI‘I; o ona tausaga e tasi le selau ma le sefulu.#Fa‘ama 2.7-9 30‘Ua latou tanumia o ia i le fanua o lona tofi i Timenata-sera i le mauga o Efaraima, i le itū i matū o le mauga o Kaasa.#Iosu 19.49-50
31‘Ua ‘au‘auna Isaraelu i le ALI‘I i aso uma o Iosua, ma aso uma o toeaina e na ola mai a ‘ua mavae Iosua, o ē na iloa galuega uma a le ALI‘I na ia faia ‘iā Isaraelu.
32O ivi fo‘i o Iosefa na ‘ava‘e e le fānauga a Isaraelu mai Aikupito, ‘ua latou tanua i Sekema i le fasi fanua na fa‘atauina e Iakopo i atali‘i o Hamoro le tamā o Sekema, i tupe e selau; ‘ua fai fo‘i ma tofi o le fānauga a Iosefa.#Kene 33.19; 50.24-25; Eso 13.19; Ioane 4.5; Galu 7.16
33‘Ua oti fo‘i Eleasaro le atali‘i o Arona, na tanumia o ia e i latou i le mauga o Fineaso lona atali‘i, na foa‘iina atu ‘iā te ia i le mauga o Efaraima.#Iosu 22.13
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.