Ioelu 1
1
O le To‘asā o le Atua
1O le afioga a le ALI‘I na o‘o ‘iā Ioelu, le atali‘i o Petuelu:
2‘Outou toeaina e, ‘inā fa‘alogologo mai ia i lenei mea,#Hose 5.1; Ioe 2.2
o ‘outou uma o ē nonofo i le nu‘u, ia ‘outou liliu mai o ‘outou taliga.
Pe na i ai le mea nei i ona po o ‘outou,
po o ona po o ‘outou tamā?
3‘Ia ‘outou talatala atu ai i la ‘outou fānau;
‘ia talatala fo‘i la ‘outou fānau i la latou fānau,
ma la latou fānau i se tasi tupulaga.
4O mea na tu‘ua e le sē kasama ‘ua ‘aina ia e le sē akerise;#Sala 105.34; Ioe 2.25; Amo 4.9; 7.1
o mea na tu‘ua e le sē akerise ‘ua ‘aina ia e le sē aleka;
o mea fo‘i na tu‘ua e le sē aleka ‘ua ‘aina ia e le sē kasili.
5Ala mai ia ‘outou ‘ua ‘onā ma fētāgisi;#Isai 24.11
‘ia uiō fo‘i ‘outou uma o ē inu uaina,
auā tou te lē toe feinu lava i le suāvine.
6Auā ‘ua alu a‘e le nu‘u ‘ese i lo‘u lau‘ele‘ele,#Fa‘aa 9.7-8
e malolosi i latou, e lē mafaitaulia lava;
o latou nifo o nifo o leona ia,
‘ua i ai fo‘i gao peiseaī o gao o se leona tele.
7‘Ua fano ‘iā te i latou la‘u vine,
‘ua fo‘ea e i latou la‘u mati,
‘ua matuā fo‘ea lava e i latou,
‘ua lafotūina fo‘i; ‘ua sinasina ai ‘ona la.
8‘Ia e tagiauē, e pei o se taupou ‘ua fusia i le ‘ie talatala
‘ona o lana tane sa fai a o teine muli o ia.
9‘Ua leai ni toe taulaga i mea e ‘ai ma taulaga i mea e inu i le fale o le ALI‘I;#Eseki 45.4; Ioe 2.14, 17
‘ua fa‘anoanoa le ‘au ositaulaga o ē ‘au‘auna i le ALI‘I.
10‘Ua fano le fanua,
‘ua fa‘anoanoa le lau‘ele‘ele;
auā ‘ua fano le saito;
‘ua velasia le uaina,
o le a uma le suāu‘u.
11Le ‘au galulue fanua e,
‘ia ‘outou mamā ia.
O ‘outou o ē teuteu vine,
‘ia ‘outou uiō, ‘ona o le saito ma le karite;
auā ‘ua māumau le saito o le fanua.
12‘Ua mago le vine, ‘ua mamae le mati,#Isai 24.11
o le rimoni ma le pama ma le tapua ma la‘au uma o le vao ‘ua mamago ia.
Auā ‘ua mavae atu le fiafia o tagata.
13Le ‘au ositaulaga e, ‘ia ‘outou fufusi ‘iā te ‘outou ma fa‘anoanoa.
‘Ia uiō ‘outou o ē ‘au‘auna i le fatafaitaulaga.
Ō mai ia, ‘ia aoina ‘outou o ‘o‘ofu i le ‘ie talatala,
o ‘outou o ē ‘au‘auna i lo‘u Atua;
auā ‘ua leai ni toe taulaga i mea e ‘ai
ma taulaga i mea e inu i le fale o lo ‘outou Atua.
14‘Ia ‘outou ‘atofaina ni aso e anapogi ai;#2 No 20.3; Ioe 2.15-16
‘ia ‘outou tala‘iina se fa‘apotopotoga,
‘ia ‘outou fa‘apotopotoina le ‘au toeaina,
‘atoa ma i latou uma e o nonofo i le nu‘u,
i le fale o le ALI‘I lo ‘outou Atua;
ma ‘ia ‘outou ‘alalaga i le ALI‘I.
15Auē, le aso e, auā ‘ua latalata mai le aso o le ALI‘I,#Isai 13.6; Iere 46.10; Eseki 30.2-3; Ioe 2.1, 11, 31; 3.14; Amo 5.18; Sefa 1.14
e o‘o mai e pei o se malaia ai Lē e ona le malosi uma lava.
16E lē ‘ua fano ‘ea mea e ‘ai i o tatou luma,#Teu 12.6-7
‘ua ‘ave‘eseina fo‘i le fiafia ma le ‘oli‘oli i le fale o lo tatou Atua?
17‘Ua pala fatu saito i lalo ifo o ona ‘ele‘ele,
‘ua fa‘atafunaina fale saito,
‘ua lepetia fale o‘o, auā ‘ua magumagu le saito.
18‘Ua fētāgisi na‘uā manu vaefā,#Iere 12.4; Ioe 2.22
‘ua puapuagātia lafu povi,
auā ‘ua leai ni a latou mea e ai;
‘ua fano fo‘i lafu mamoe.
19Le ALI‘I e, ‘ou te vala‘au ‘iā te oe,#Sala 50.15; Iere 9.10
auā ‘ua ‘aina e le afi mea e tata‘a ai manu i le vao,
‘ua mū i le afi la‘au uma o le vao.
20E fētāgisi fo‘i ‘iā te oe o manu vaefā o le vao;#Sala 104.21
auā ‘ua pepē vaitafe, ‘ua ‘aina fo‘i e le afi mea e tata‘a ai manu i le vao.
Currently Selected:
Ioelu 1: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Ioelu 1
1
O le To‘asā o le Atua
1O le afioga a le ALI‘I na o‘o ‘iā Ioelu, le atali‘i o Petuelu:
2‘Outou toeaina e, ‘inā fa‘alogologo mai ia i lenei mea,#Hose 5.1; Ioe 2.2
o ‘outou uma o ē nonofo i le nu‘u, ia ‘outou liliu mai o ‘outou taliga.
Pe na i ai le mea nei i ona po o ‘outou,
po o ona po o ‘outou tamā?
3‘Ia ‘outou talatala atu ai i la ‘outou fānau;
‘ia talatala fo‘i la ‘outou fānau i la latou fānau,
ma la latou fānau i se tasi tupulaga.
4O mea na tu‘ua e le sē kasama ‘ua ‘aina ia e le sē akerise;#Sala 105.34; Ioe 2.25; Amo 4.9; 7.1
o mea na tu‘ua e le sē akerise ‘ua ‘aina ia e le sē aleka;
o mea fo‘i na tu‘ua e le sē aleka ‘ua ‘aina ia e le sē kasili.
5Ala mai ia ‘outou ‘ua ‘onā ma fētāgisi;#Isai 24.11
‘ia uiō fo‘i ‘outou uma o ē inu uaina,
auā tou te lē toe feinu lava i le suāvine.
6Auā ‘ua alu a‘e le nu‘u ‘ese i lo‘u lau‘ele‘ele,#Fa‘aa 9.7-8
e malolosi i latou, e lē mafaitaulia lava;
o latou nifo o nifo o leona ia,
‘ua i ai fo‘i gao peiseaī o gao o se leona tele.
7‘Ua fano ‘iā te i latou la‘u vine,
‘ua fo‘ea e i latou la‘u mati,
‘ua matuā fo‘ea lava e i latou,
‘ua lafotūina fo‘i; ‘ua sinasina ai ‘ona la.
8‘Ia e tagiauē, e pei o se taupou ‘ua fusia i le ‘ie talatala
‘ona o lana tane sa fai a o teine muli o ia.
9‘Ua leai ni toe taulaga i mea e ‘ai ma taulaga i mea e inu i le fale o le ALI‘I;#Eseki 45.4; Ioe 2.14, 17
‘ua fa‘anoanoa le ‘au ositaulaga o ē ‘au‘auna i le ALI‘I.
10‘Ua fano le fanua,
‘ua fa‘anoanoa le lau‘ele‘ele;
auā ‘ua fano le saito;
‘ua velasia le uaina,
o le a uma le suāu‘u.
11Le ‘au galulue fanua e,
‘ia ‘outou mamā ia.
O ‘outou o ē teuteu vine,
‘ia ‘outou uiō, ‘ona o le saito ma le karite;
auā ‘ua māumau le saito o le fanua.
12‘Ua mago le vine, ‘ua mamae le mati,#Isai 24.11
o le rimoni ma le pama ma le tapua ma la‘au uma o le vao ‘ua mamago ia.
Auā ‘ua mavae atu le fiafia o tagata.
13Le ‘au ositaulaga e, ‘ia ‘outou fufusi ‘iā te ‘outou ma fa‘anoanoa.
‘Ia uiō ‘outou o ē ‘au‘auna i le fatafaitaulaga.
Ō mai ia, ‘ia aoina ‘outou o ‘o‘ofu i le ‘ie talatala,
o ‘outou o ē ‘au‘auna i lo‘u Atua;
auā ‘ua leai ni toe taulaga i mea e ‘ai
ma taulaga i mea e inu i le fale o lo ‘outou Atua.
14‘Ia ‘outou ‘atofaina ni aso e anapogi ai;#2 No 20.3; Ioe 2.15-16
‘ia ‘outou tala‘iina se fa‘apotopotoga,
‘ia ‘outou fa‘apotopotoina le ‘au toeaina,
‘atoa ma i latou uma e o nonofo i le nu‘u,
i le fale o le ALI‘I lo ‘outou Atua;
ma ‘ia ‘outou ‘alalaga i le ALI‘I.
15Auē, le aso e, auā ‘ua latalata mai le aso o le ALI‘I,#Isai 13.6; Iere 46.10; Eseki 30.2-3; Ioe 2.1, 11, 31; 3.14; Amo 5.18; Sefa 1.14
e o‘o mai e pei o se malaia ai Lē e ona le malosi uma lava.
16E lē ‘ua fano ‘ea mea e ‘ai i o tatou luma,#Teu 12.6-7
‘ua ‘ave‘eseina fo‘i le fiafia ma le ‘oli‘oli i le fale o lo tatou Atua?
17‘Ua pala fatu saito i lalo ifo o ona ‘ele‘ele,
‘ua fa‘atafunaina fale saito,
‘ua lepetia fale o‘o, auā ‘ua magumagu le saito.
18‘Ua fētāgisi na‘uā manu vaefā,#Iere 12.4; Ioe 2.22
‘ua puapuagātia lafu povi,
auā ‘ua leai ni a latou mea e ai;
‘ua fano fo‘i lafu mamoe.
19Le ALI‘I e, ‘ou te vala‘au ‘iā te oe,#Sala 50.15; Iere 9.10
auā ‘ua ‘aina e le afi mea e tata‘a ai manu i le vao,
‘ua mū i le afi la‘au uma o le vao.
20E fētāgisi fo‘i ‘iā te oe o manu vaefā o le vao;#Sala 104.21
auā ‘ua pepē vaitafe, ‘ua ‘aina fo‘i e le afi mea e tata‘a ai manu i le vao.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.