Ioane 15
15
O le Vine Moni ma ona La
1“O a‘u nei o le vine moni, a o lo‘u Tamā o lē galue vine ia.#Isai 5.1-7; Eseki 19.10; Mare 12.1-9; Mata 15.13; Roma 11.17 2O la uma lava o ‘iā te a‘u e lē fua, e ‘ave‘eseina e ia; a o la uma e fua, e teuteu e ia, ‘ina ‘ia fua mai ai atili. 3‘Ua uma ‘ona fa‘amamāina o ‘outou i le ‘upu na ‘ou tautala atu ai ‘iā te ‘outou, 4‘Inā tumau ia o ‘outou ‘iā te a‘u, o a‘u fo‘i ‘iā te ‘outou. Fa‘apei o le la e lē mafai ona fua pe a na o ia, pe ‘āfai e lē mau i le vine; e fa‘apea fo‘i ‘outou, pe ‘āfai tou te lē tumau ‘iā te a‘u.
5“O a‘u nei o le vine, o la ‘outou. O lē tumau ‘iā te a‘u, ma a‘u ‘iā te ia, o ia lava e fua tele mai; auā e lē mafaia e ‘outou ‘ona fai se mea e tasi pe a a‘u lē i ai.#1 Kori 12.12, 27; 2 Kori 3.5 6‘Āfai e lē tumau se tasi ‘iā te a‘u, ‘ona lafoa‘iina lea i tua pei o le la la‘au, ma fa‘amagoina ‘ona fa‘apotopotoina ai lea e tagata, ma lafo i le afi, ‘ua susunu ai. 7‘Āfai tou te tumau ‘iā te a‘u, e tumau fo‘i a‘u ‘upu ‘iā te ‘outou, o mea uma lava tou te manana‘o i ai, tou te ole atu ai, ‘ona faia lea mo ‘outou.#Ioane 14.13; 16.23; Mata 7.7; Iako 1.5 8E vi‘ia lo‘u Tamā i lenei mea, pe a ‘outou fua tele mai; ‘ona fai ai lea ‘outou mo‘u so‘o.#Mata 5.16 9Fa‘apei ‘ona alofa mai o le Tamā ‘iā te a‘u, e fa‘apea lava ‘ona ‘ou alofa atu ‘iā te ‘outou; ‘ia tumau pea ‘outou i lo‘u alofa. 10‘Āfai tou te tausia a‘u poloa‘iga, ‘ona tumau lea o ‘outou i lo‘u alofa; pei ‘ona ‘ou tausia poloa‘iga a lo‘u Tamā, ma ‘ou tumau i lona alofa.#Ioane 8.29; 14.15; 1 Ioane 2.4, 8 11‘Ua ‘ou fai atu nei mea ‘iā te ‘outou, ‘ina ‘ia tumau ai lo‘u ‘oli‘oli ‘iā te ‘outou, ‘ia ‘ato‘atoa fo‘i lo ‘outou ‘oli‘oli.
12“O la‘u poloa‘iga lenei, ‘ia ‘outou fealofani, pei ‘ona ‘ou alofa atu ‘iā te ‘outou.#Ioane 13.34; 15.7; 1 Ioane 3.23; 2 Ioane 5 13E lē sili lava le alofa o se tasi i lenei alofa, ‘ia tu‘uina atu e se tasi lona ola e sui ai ana uō.#Ioane 10.12; 1 Ioane 3.16 14O a‘u uō ‘outou, pe ‘āfai tou te faia mea, uma lava ‘ou te fai atu ai ‘iā te ‘outou.#Ioane 8.31; Mata 12.50; 28.20 15‘Ou te lē toe ta‘ua ‘outou o ‘au‘auna, auā e lē iloa e le ‘au‘auna le mea e faia e lona ali‘i; a ‘ua ‘ou ta‘ua ‘outou o uō, auā ‘ua ‘ou fa‘ailoa atu ‘iā te ‘outou mea uma na ‘ou fa‘alogo ai i lo‘u Tamā. 16Tou te le‘i filifilia a‘u, ‘ae na ‘ou filifilia ‘outou ma ‘ou tu‘uina atu ‘outou, ‘ia ‘outou ō ma ‘ia ‘outou fua mai ni fua, ma ‘ia tumau o ‘outou fua; ‘ina ‘ia foa‘iina atu ‘iā te ‘outou e le Tamā mea uma lava tou te ole atu ai ‘iā te ia i lo‘u igoa.#Ioane 6.70; 13.18 17O la‘u poloa‘iga lenei ‘iā te ‘outou, ‘ia ‘outou fealofani.
O le ‘Ino‘ino mai o le Lalolagi
18“‘Āfai e ‘ino‘ino mai le lalolagi ‘iā te ‘outou, ‘ua ‘outou iloa ‘ua muamua ‘ona ‘ino‘ino mai ‘iā te a‘u.#Ioane 7.7; 1 Ioane 3.13 19‘Āfai a ni tagata o le lalolagi ‘outou, po ‘ua alofa mai le lalolagi i ona tagata; ‘ae lē ni o le lalolagi ‘outou, a ‘ua ‘ou filifilia ‘outou nai le lalolagi, o le mea, lea e ‘ino‘ino ai le lalolagi ‘iā te ‘outou.#1 Ioane 4.5; Ioane 17.14; Luka 6.22 20‘Ia ‘outou manatua le ‘upu na ‘ou fai atu ai ‘iā te ‘outou, ‘E lē sili le ‘au‘auna i lona ali‘i.’ ‘Āfai ‘ua latou fa‘asauā mai ‘iā te a‘u, e fa‘asauā fo‘i ‘iā te ‘outou; ‘āfai ‘ua latou tausia la‘u ‘upu, latou te tausia fo‘i la ‘outou.#Mata 10.24; Luka 6.40; Ioane 13.16 21‘Ae faia e i latou ia mea uma ‘iā te ‘outou ‘ona o lo‘u igoa, auā e le‘i iloa e i latou o lē ‘ua ‘auina mai a‘u.#Ioane 10.22; 16.3; Mata 5.11; Mare 13.13 22‘Āfai ‘ana a‘u lē sau ma tautala atu ‘iā te i latou, po ‘ua leai sa latou agasala; a o lenei, e leai se mea e ufiufi ai la latou agasala. 23O lē ‘ino‘ino mai ‘iā te a‘u, ‘ua ‘ino‘ino fo‘i o ia i lo‘u Tamā. 24‘Ana a‘u le‘i faia ‘iā te i latou o galuega e le‘i faia lava e se tasi, po ‘ua leai sa latou agasala; a o lenei, ‘ua latou va‘ai mai, ma latou ‘ino‘ino mai ‘iā te a‘u ‘atoa ma lo‘u Tamā. 25‘Ae peita‘i ‘ia taunu‘u ai le ‘upu ‘ua tusia i la latou tulafono, ‘‘Ua latou ‘ino‘ino mai fua lava ‘iā te a‘u.’#Sala 35.19; 69.4
26“A maliu mai le Fesoasoani, o lē ‘ou te ‘auina mai ‘iā te ‘outou mai le Tamā, o le Agaga lea e tupu mai ai le ‘upu moni, o lē maliu mai mai le Tamā, o ia lava e molimau ‘iā te a‘u.#Ioane 14.26; Luka 24.49 27Tou te molimau fo‘i, auā ‘ua ‘outou fa‘atasi ma a‘u talu le amataga.#Luka 1.2; Galu 1.8; 5.32
Currently Selected:
Ioane 15: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Ioane 15
15
O le Vine Moni ma ona La
1“O a‘u nei o le vine moni, a o lo‘u Tamā o lē galue vine ia.#Isai 5.1-7; Eseki 19.10; Mare 12.1-9; Mata 15.13; Roma 11.17 2O la uma lava o ‘iā te a‘u e lē fua, e ‘ave‘eseina e ia; a o la uma e fua, e teuteu e ia, ‘ina ‘ia fua mai ai atili. 3‘Ua uma ‘ona fa‘amamāina o ‘outou i le ‘upu na ‘ou tautala atu ai ‘iā te ‘outou, 4‘Inā tumau ia o ‘outou ‘iā te a‘u, o a‘u fo‘i ‘iā te ‘outou. Fa‘apei o le la e lē mafai ona fua pe a na o ia, pe ‘āfai e lē mau i le vine; e fa‘apea fo‘i ‘outou, pe ‘āfai tou te lē tumau ‘iā te a‘u.
5“O a‘u nei o le vine, o la ‘outou. O lē tumau ‘iā te a‘u, ma a‘u ‘iā te ia, o ia lava e fua tele mai; auā e lē mafaia e ‘outou ‘ona fai se mea e tasi pe a a‘u lē i ai.#1 Kori 12.12, 27; 2 Kori 3.5 6‘Āfai e lē tumau se tasi ‘iā te a‘u, ‘ona lafoa‘iina lea i tua pei o le la la‘au, ma fa‘amagoina ‘ona fa‘apotopotoina ai lea e tagata, ma lafo i le afi, ‘ua susunu ai. 7‘Āfai tou te tumau ‘iā te a‘u, e tumau fo‘i a‘u ‘upu ‘iā te ‘outou, o mea uma lava tou te manana‘o i ai, tou te ole atu ai, ‘ona faia lea mo ‘outou.#Ioane 14.13; 16.23; Mata 7.7; Iako 1.5 8E vi‘ia lo‘u Tamā i lenei mea, pe a ‘outou fua tele mai; ‘ona fai ai lea ‘outou mo‘u so‘o.#Mata 5.16 9Fa‘apei ‘ona alofa mai o le Tamā ‘iā te a‘u, e fa‘apea lava ‘ona ‘ou alofa atu ‘iā te ‘outou; ‘ia tumau pea ‘outou i lo‘u alofa. 10‘Āfai tou te tausia a‘u poloa‘iga, ‘ona tumau lea o ‘outou i lo‘u alofa; pei ‘ona ‘ou tausia poloa‘iga a lo‘u Tamā, ma ‘ou tumau i lona alofa.#Ioane 8.29; 14.15; 1 Ioane 2.4, 8 11‘Ua ‘ou fai atu nei mea ‘iā te ‘outou, ‘ina ‘ia tumau ai lo‘u ‘oli‘oli ‘iā te ‘outou, ‘ia ‘ato‘atoa fo‘i lo ‘outou ‘oli‘oli.
12“O la‘u poloa‘iga lenei, ‘ia ‘outou fealofani, pei ‘ona ‘ou alofa atu ‘iā te ‘outou.#Ioane 13.34; 15.7; 1 Ioane 3.23; 2 Ioane 5 13E lē sili lava le alofa o se tasi i lenei alofa, ‘ia tu‘uina atu e se tasi lona ola e sui ai ana uō.#Ioane 10.12; 1 Ioane 3.16 14O a‘u uō ‘outou, pe ‘āfai tou te faia mea, uma lava ‘ou te fai atu ai ‘iā te ‘outou.#Ioane 8.31; Mata 12.50; 28.20 15‘Ou te lē toe ta‘ua ‘outou o ‘au‘auna, auā e lē iloa e le ‘au‘auna le mea e faia e lona ali‘i; a ‘ua ‘ou ta‘ua ‘outou o uō, auā ‘ua ‘ou fa‘ailoa atu ‘iā te ‘outou mea uma na ‘ou fa‘alogo ai i lo‘u Tamā. 16Tou te le‘i filifilia a‘u, ‘ae na ‘ou filifilia ‘outou ma ‘ou tu‘uina atu ‘outou, ‘ia ‘outou ō ma ‘ia ‘outou fua mai ni fua, ma ‘ia tumau o ‘outou fua; ‘ina ‘ia foa‘iina atu ‘iā te ‘outou e le Tamā mea uma lava tou te ole atu ai ‘iā te ia i lo‘u igoa.#Ioane 6.70; 13.18 17O la‘u poloa‘iga lenei ‘iā te ‘outou, ‘ia ‘outou fealofani.
O le ‘Ino‘ino mai o le Lalolagi
18“‘Āfai e ‘ino‘ino mai le lalolagi ‘iā te ‘outou, ‘ua ‘outou iloa ‘ua muamua ‘ona ‘ino‘ino mai ‘iā te a‘u.#Ioane 7.7; 1 Ioane 3.13 19‘Āfai a ni tagata o le lalolagi ‘outou, po ‘ua alofa mai le lalolagi i ona tagata; ‘ae lē ni o le lalolagi ‘outou, a ‘ua ‘ou filifilia ‘outou nai le lalolagi, o le mea, lea e ‘ino‘ino ai le lalolagi ‘iā te ‘outou.#1 Ioane 4.5; Ioane 17.14; Luka 6.22 20‘Ia ‘outou manatua le ‘upu na ‘ou fai atu ai ‘iā te ‘outou, ‘E lē sili le ‘au‘auna i lona ali‘i.’ ‘Āfai ‘ua latou fa‘asauā mai ‘iā te a‘u, e fa‘asauā fo‘i ‘iā te ‘outou; ‘āfai ‘ua latou tausia la‘u ‘upu, latou te tausia fo‘i la ‘outou.#Mata 10.24; Luka 6.40; Ioane 13.16 21‘Ae faia e i latou ia mea uma ‘iā te ‘outou ‘ona o lo‘u igoa, auā e le‘i iloa e i latou o lē ‘ua ‘auina mai a‘u.#Ioane 10.22; 16.3; Mata 5.11; Mare 13.13 22‘Āfai ‘ana a‘u lē sau ma tautala atu ‘iā te i latou, po ‘ua leai sa latou agasala; a o lenei, e leai se mea e ufiufi ai la latou agasala. 23O lē ‘ino‘ino mai ‘iā te a‘u, ‘ua ‘ino‘ino fo‘i o ia i lo‘u Tamā. 24‘Ana a‘u le‘i faia ‘iā te i latou o galuega e le‘i faia lava e se tasi, po ‘ua leai sa latou agasala; a o lenei, ‘ua latou va‘ai mai, ma latou ‘ino‘ino mai ‘iā te a‘u ‘atoa ma lo‘u Tamā. 25‘Ae peita‘i ‘ia taunu‘u ai le ‘upu ‘ua tusia i la latou tulafono, ‘‘Ua latou ‘ino‘ino mai fua lava ‘iā te a‘u.’#Sala 35.19; 69.4
26“A maliu mai le Fesoasoani, o lē ‘ou te ‘auina mai ‘iā te ‘outou mai le Tamā, o le Agaga lea e tupu mai ai le ‘upu moni, o lē maliu mai mai le Tamā, o ia lava e molimau ‘iā te a‘u.#Ioane 14.26; Luka 24.49 27Tou te molimau fo‘i, auā ‘ua ‘outou fa‘atasi ma a‘u talu le amataga.#Luka 1.2; Galu 1.8; 5.32
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.