Isaia 42
42
O le ‘Au‘auna a le Ali‘i
1‘Ua fetalai mai le ALI‘I:#Mata 3.17; 17.5; Mare 1.11; Luka 3.22; 9.35; Isai 2.4; 11.2; 41.8; Galu 3.26
Fa‘auta i la‘u ‘au‘auna, ‘ou te tāofia o ia i luga;
o lē na a‘u filifilia ‘ua fiafia i ai lo‘u loto.
‘Ua ‘ou tu‘uina atu lo‘u Agaga i ona luga;
na te avatua le fa‘amasinoga mo nu‘u ‘ese.
2Na te lē ‘alaga, na te lē leo tele,
e lē lagona fo‘i lona leo i le ala.
3O le u gapēpē na te lē gausia;#Isai 57.15
o le vavae ‘ua mū itiiti na te lē tineia;
o le fa‘amaoni na te avatu ai le fa‘amasinoga.
4E lē mū itiiti o ia, e le gapēpē fo‘i o ia,
se‘ia na fa‘atūina le fa‘amasinoga i le lalolagi;
e fa‘atalitali fo‘i nu‘u tu matāfaga i lana tulafono.
5O lo‘o fa‘apea ‘ona fetalai mai o le Atua le ALI‘I,#Galu 17.24-25; Isai 44.24; 45.12
o lē na faia le lagi ma na fa‘amafolafolaina ai;
o lē na fofola le lalolagi ma mea o tutupu mai ai.
O lē ‘ua foa‘i le mānava i nu‘u o i ai,
ma le agaga i ē o sāvavali i ai:
6O a‘u o le ALI‘I, na ‘ou vala‘auina oe i le amiotonu;#Isai 49.6; Luka 2.32; Galu 13.47; 26.23
‘ou te tāofimauina lou lima ma a‘u leoleo ‘iā te oe.
‘Ou te avatua fo‘i oe e fai ma feagaiga a le nu‘u,
o le malamalama o nu‘u ‘ese.
7E fa‘apupula i mata o ē tauaso,#Isai 35.5; 61.1; Luka 1.79; Epe 2.14-15
e ‘aumaia i fafo nai le fale puipui lē ‘ua fusifusia,
‘atoa ma ē ‘ua nonofo i le pogisā
‘ia ‘aumaia i latou nai le fale ‘ua tāofiina ai.
8O a‘u o le ALI‘I, o lo‘u igoa lea;
o lo‘u mamalu fo‘i ‘ou te lē avatua lea i se tasi
ma lo‘u vi‘iga ‘ou te lē avatua i tupua ‘ua ta.
9O mea muamua, fa‘auta, ‘ua o‘o mai ia;#Isai 43.19
o mea fou fo‘i o lo‘o ‘ou te ta‘uina atu;
‘ua ‘ou fa‘ailoa atu ‘iā te ‘outou,
a o le‘i tutupu mai.
O le Pese o le Vi‘iga
10Pepese ia i le ALI‘I i le pese fou,
o lona vi‘iga mai le tulu‘iga o le lalolagi.
‘Outou o ē ō ifo i le sami, ‘atoa ma ē o tumu ai;
‘outou nu‘u tu matāfaga, ma ē o nonofo ai.
11E leo tele mai le vao ma ona ‘a‘ai,
o faoa ‘a‘ai e nofo ai Kitara.
E ‘alalaga ē o nonofo i le papa;
latou te fa‘ataiō mai tumutumu o mauga.
12Latou te avatu le fa‘ane‘ene‘ega i le ALI‘I,
ma latou ta‘u atu lona vi‘iga i nu‘u, tu matāfaga.
13E afio atu le ALI‘I pei se toa,#Sala 78.65; Isai 59.17
e pei o le tagata tau na te fa‘atupuina lona mā‘elegā;
e ‘alaga o ia, e ū‘ū‘ū,
na te manumālō i ē ‘ua ita ‘iā te ia.
‘Ua Folafola le Atua e Fesoasoani i ona Tagata
14‘Ua fetalai mai le ALI‘I:
‘Ua leva lo‘u fa‘alologo;
‘ua ‘ou le gagana, ‘ua ‘ou ‘onosa‘i.
‘Ou te uiō e pei o le fafine ‘ua fa‘atigā;
‘ou te ga‘ega‘e ma ‘ou mapusela fa‘atasi.
15E moana ‘iā te a‘u atu mauga ma mauga;#Isai 50.2
e mamago ‘iā te a‘u o latou la‘au ‘aina uma lava.
‘Ou te liua vaitafe ma nu‘u tuloto;
‘ou te fa‘apa‘umatūina vailepa.
16‘Ou te ta‘ita‘iina ē ‘ua tauaso i le ala sa latou lē iloa;
‘ou te ‘aumaia i latou i magāala sa latou lē iloa.
‘Ou te liua le pouliuli i le malamalama i o latou luma,
ma ala pi‘opi‘o e fai ma ala sa‘o.
O mea lava ia ‘ou te faia ‘iā te i latou,
‘ou te lē lafoa‘iina fo‘i i latou.
17‘Ua liutuaina i latou,#Sala 97.7; Isai 1.29; 45.16
‘ua matuā mamā ē ‘ua fa‘atuatua i tupua ‘ua ta,
o ē ‘ua fai ane i tupua u‘amea,
“O matou atua lava ‘outou.”
O le lē Usiusita‘i o Isaraelu
18‘Ua fetalai mai le ALI‘I:
‘Outou o ē tutuli, ‘inā fa‘alogo mai ia;
ma ‘outou ē ‘ua tauaso, ‘inā va‘ava‘ai ia ‘ina ‘ia iloa.
19O ai ‘ea ‘ua tauaso,
‘ua na o la‘u ‘au‘auna pe tutuli e pei o le sāvali na tu‘uina e a‘u?
o ai ‘ea na tauaso e pei o lē ‘ua ‘ato‘atoa ‘ona lelei?
pe tauaso e pei o le ‘au‘auna a le ALI‘I?
20‘Ua e va‘aia mea e tele,#Iere 6.10
a ‘ua e lē ‘ana‘ana i ai
o lo‘o pūpū taliga, ‘ae lē fa‘alogo.
21‘Ua finagalo malie le ALI‘I ‘ona o lana amiotonu;
na te ta‘uleleia le tulafono ma fa‘amamaluina ai.
22A o i latou nei o le nu‘u ‘ua vetea ma ‘ua faoa a latou mea;#Isai 14.17
‘ua maileia i latou uma i lua,
‘ua lilo fo‘i i latou i fale puipui.
‘Ua fai ma vete i latou, ‘ae leai se lavea‘i;
‘ua fai fo‘i ma ē ‘ua faoa a latou mea,
‘ae leai sē fai ane, “‘Inā toe tu‘u mai ia.”
23O ai ‘ea so ‘outou e ua‘i mai ona taliga i lenei mea?
ma fa‘asaga mai, ma fa‘alogo mai i mea amulī?
24O ai ‘ea na tu‘uina atu Iakopo ‘ia faoa ana mea,
o Isaraelu fo‘i i ē vete mea?
E lē o le ALI‘I ‘ea? o ia na tatou agasala i ai;
‘ae lē mafafai i latou ‘ona sāvavali i ona ala;
‘ua latou lē fa‘alogo fo‘i i lana tulafono.
25‘Ona ia sasa‘a mai lea ‘iā te ia o le tele o lona to‘asā,#Hose 7.9
ma le mamafa o le tau‘a; ‘ua fa‘amū
fa‘ata‘ali‘oli‘oina ai o ia, ‘ae lē iloa e ia;
‘ua mū ai o ia, ‘ae lē mafaufau i ai.
Currently Selected:
Isaia 42: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Isaia 42
42
O le ‘Au‘auna a le Ali‘i
1‘Ua fetalai mai le ALI‘I:#Mata 3.17; 17.5; Mare 1.11; Luka 3.22; 9.35; Isai 2.4; 11.2; 41.8; Galu 3.26
Fa‘auta i la‘u ‘au‘auna, ‘ou te tāofia o ia i luga;
o lē na a‘u filifilia ‘ua fiafia i ai lo‘u loto.
‘Ua ‘ou tu‘uina atu lo‘u Agaga i ona luga;
na te avatua le fa‘amasinoga mo nu‘u ‘ese.
2Na te lē ‘alaga, na te lē leo tele,
e lē lagona fo‘i lona leo i le ala.
3O le u gapēpē na te lē gausia;#Isai 57.15
o le vavae ‘ua mū itiiti na te lē tineia;
o le fa‘amaoni na te avatu ai le fa‘amasinoga.
4E lē mū itiiti o ia, e le gapēpē fo‘i o ia,
se‘ia na fa‘atūina le fa‘amasinoga i le lalolagi;
e fa‘atalitali fo‘i nu‘u tu matāfaga i lana tulafono.
5O lo‘o fa‘apea ‘ona fetalai mai o le Atua le ALI‘I,#Galu 17.24-25; Isai 44.24; 45.12
o lē na faia le lagi ma na fa‘amafolafolaina ai;
o lē na fofola le lalolagi ma mea o tutupu mai ai.
O lē ‘ua foa‘i le mānava i nu‘u o i ai,
ma le agaga i ē o sāvavali i ai:
6O a‘u o le ALI‘I, na ‘ou vala‘auina oe i le amiotonu;#Isai 49.6; Luka 2.32; Galu 13.47; 26.23
‘ou te tāofimauina lou lima ma a‘u leoleo ‘iā te oe.
‘Ou te avatua fo‘i oe e fai ma feagaiga a le nu‘u,
o le malamalama o nu‘u ‘ese.
7E fa‘apupula i mata o ē tauaso,#Isai 35.5; 61.1; Luka 1.79; Epe 2.14-15
e ‘aumaia i fafo nai le fale puipui lē ‘ua fusifusia,
‘atoa ma ē ‘ua nonofo i le pogisā
‘ia ‘aumaia i latou nai le fale ‘ua tāofiina ai.
8O a‘u o le ALI‘I, o lo‘u igoa lea;
o lo‘u mamalu fo‘i ‘ou te lē avatua lea i se tasi
ma lo‘u vi‘iga ‘ou te lē avatua i tupua ‘ua ta.
9O mea muamua, fa‘auta, ‘ua o‘o mai ia;#Isai 43.19
o mea fou fo‘i o lo‘o ‘ou te ta‘uina atu;
‘ua ‘ou fa‘ailoa atu ‘iā te ‘outou,
a o le‘i tutupu mai.
O le Pese o le Vi‘iga
10Pepese ia i le ALI‘I i le pese fou,
o lona vi‘iga mai le tulu‘iga o le lalolagi.
‘Outou o ē ō ifo i le sami, ‘atoa ma ē o tumu ai;
‘outou nu‘u tu matāfaga, ma ē o nonofo ai.
11E leo tele mai le vao ma ona ‘a‘ai,
o faoa ‘a‘ai e nofo ai Kitara.
E ‘alalaga ē o nonofo i le papa;
latou te fa‘ataiō mai tumutumu o mauga.
12Latou te avatu le fa‘ane‘ene‘ega i le ALI‘I,
ma latou ta‘u atu lona vi‘iga i nu‘u, tu matāfaga.
13E afio atu le ALI‘I pei se toa,#Sala 78.65; Isai 59.17
e pei o le tagata tau na te fa‘atupuina lona mā‘elegā;
e ‘alaga o ia, e ū‘ū‘ū,
na te manumālō i ē ‘ua ita ‘iā te ia.
‘Ua Folafola le Atua e Fesoasoani i ona Tagata
14‘Ua fetalai mai le ALI‘I:
‘Ua leva lo‘u fa‘alologo;
‘ua ‘ou le gagana, ‘ua ‘ou ‘onosa‘i.
‘Ou te uiō e pei o le fafine ‘ua fa‘atigā;
‘ou te ga‘ega‘e ma ‘ou mapusela fa‘atasi.
15E moana ‘iā te a‘u atu mauga ma mauga;#Isai 50.2
e mamago ‘iā te a‘u o latou la‘au ‘aina uma lava.
‘Ou te liua vaitafe ma nu‘u tuloto;
‘ou te fa‘apa‘umatūina vailepa.
16‘Ou te ta‘ita‘iina ē ‘ua tauaso i le ala sa latou lē iloa;
‘ou te ‘aumaia i latou i magāala sa latou lē iloa.
‘Ou te liua le pouliuli i le malamalama i o latou luma,
ma ala pi‘opi‘o e fai ma ala sa‘o.
O mea lava ia ‘ou te faia ‘iā te i latou,
‘ou te lē lafoa‘iina fo‘i i latou.
17‘Ua liutuaina i latou,#Sala 97.7; Isai 1.29; 45.16
‘ua matuā mamā ē ‘ua fa‘atuatua i tupua ‘ua ta,
o ē ‘ua fai ane i tupua u‘amea,
“O matou atua lava ‘outou.”
O le lē Usiusita‘i o Isaraelu
18‘Ua fetalai mai le ALI‘I:
‘Outou o ē tutuli, ‘inā fa‘alogo mai ia;
ma ‘outou ē ‘ua tauaso, ‘inā va‘ava‘ai ia ‘ina ‘ia iloa.
19O ai ‘ea ‘ua tauaso,
‘ua na o la‘u ‘au‘auna pe tutuli e pei o le sāvali na tu‘uina e a‘u?
o ai ‘ea na tauaso e pei o lē ‘ua ‘ato‘atoa ‘ona lelei?
pe tauaso e pei o le ‘au‘auna a le ALI‘I?
20‘Ua e va‘aia mea e tele,#Iere 6.10
a ‘ua e lē ‘ana‘ana i ai
o lo‘o pūpū taliga, ‘ae lē fa‘alogo.
21‘Ua finagalo malie le ALI‘I ‘ona o lana amiotonu;
na te ta‘uleleia le tulafono ma fa‘amamaluina ai.
22A o i latou nei o le nu‘u ‘ua vetea ma ‘ua faoa a latou mea;#Isai 14.17
‘ua maileia i latou uma i lua,
‘ua lilo fo‘i i latou i fale puipui.
‘Ua fai ma vete i latou, ‘ae leai se lavea‘i;
‘ua fai fo‘i ma ē ‘ua faoa a latou mea,
‘ae leai sē fai ane, “‘Inā toe tu‘u mai ia.”
23O ai ‘ea so ‘outou e ua‘i mai ona taliga i lenei mea?
ma fa‘asaga mai, ma fa‘alogo mai i mea amulī?
24O ai ‘ea na tu‘uina atu Iakopo ‘ia faoa ana mea,
o Isaraelu fo‘i i ē vete mea?
E lē o le ALI‘I ‘ea? o ia na tatou agasala i ai;
‘ae lē mafafai i latou ‘ona sāvavali i ona ala;
‘ua latou lē fa‘alogo fo‘i i lana tulafono.
25‘Ona ia sasa‘a mai lea ‘iā te ia o le tele o lona to‘asā,#Hose 7.9
ma le mamafa o le tau‘a; ‘ua fa‘amū
fa‘ata‘ali‘oli‘oina ai o ia, ‘ae lē iloa e ia;
‘ua mū ai o ia, ‘ae lē mafaufau i ai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.